Politike

Shqiptarët e kanë pasur zakon që të mos gjykojnë në lidhje me cilësinë njerëzore apo drejtuese të një individi thjeshtë dhe vetëm atë. Ata të shohin në kompleks, me kë rri, kë mbron, kush të mbron në përbërje të aleancave.

Pikërisht niveli i përfaqësimit të mbrojtësit që “lë kokën” për individin e caktuar përbën dhe “etalonin” përcaktues për një figurë.

Në këtë këndvështrim mund të përcaktojmë dhe nivelin ku ka rënë presidenti i Republikës Ilir Meta.

I cili pasi u vu në “syrin e ciklonit” që përgatiti vetë për Llallën, shtuar dhe raportin e Freedom House, përfundoi duke u mbrojtur nga Spitën Prulli.

I cili e ka marrë nën mbrojtje Ilir Metën nga “sulmet e panumërta” që po i bëhen nga “armiqtë e brendshëm dhe të jashtëm”.

Pra kreu i shtetit, njeriu që ka hedhur miliona euro lart e poshtë për mbrojtje mediatike, ka rënë në dorë të Spiten Prullit.

Për kuriozitetin e të gjithë lexuesve të shumtë të “Pamfletit” Spiteni është një fshat në rrethinat e Lezhës.

Ndërsa Prulli është mali sipër fshatit ku katunarët e Spitenit kullosnin bagëtinë.

Ka dhe ndonjë shtëpi të veçuar në Prull, të mbetur që nga stanet, pa mundësi lëvizjeje poshtë.

Pikërisht një aleancë e tillë katunarësh ka marrë nën mbrojtje presidentin Ilir Meta.

Duke treguar qartë se në çfarë derenxheje ka rënë kreu i shtetit.Pamfleti.com

Për të qënë korrekt, dhe për të plotësuar dhe dëshirën e mëtejshme të lexuesit tonë, po botojmë të plotë mbrojtjen “bio” që Spiten Prulli i ka bërë Ilir Metës. Shijojeni në maksimum:

“Kishin disa muaj pa u bërë të gjallë hienat dhe çakenjtë e oligarkisë, të cilët për të shtuar milionat e tyre me koncensione, leje ndërtimi, privatizime, vjedhje, etj turren te kryeministri, duke bërtitur: “Kë të godasim këtë radhë?!”. Dhe në këmbim, sipas oreksit të kryeministrit, sajojnë historira, paguajnë sondazhe, fusin rrjeshta me dollarë nëpër “Freedom House”, nxjerrin nga arshivat shkresa të mykura nga koha, por iu hedhin parfum nga marketet e tyre të pisllëkut, duke ia shitur publikut si lajm i ri, si skup i madh, ndërkohë që këto janë kurthe e sajesa të vjetra, por që paguhen sa herë ia do interesi kryeministrit.

Edhe në sulmin e fundit ndaj Presidentit Meta u turrën dallkautxhinjë, interesaxhinjë lejesh të tjera ndërtimi, duke filluar nga kullat e deri të toka në bregdet; mediatikxhinjë të kthyer në biznesmenë ndërtimi dhe pastrues parash nëpër ishujt offshore, po që po hetohen nga FBI. Njërin e kanë thirrur hetuesit e FBI-së që ndodhen në Tiranë për pak sqarime! Bile ky është më “punëtori” që po punon për llogari të kryeministrit që të mundet të shpëtojë ndonjë gjë nga sekuestrimet e mundshme në ishujt offshore.

U turrën e gjithë kjo urdi uzurpatore e pasurisë shtetrore, e cila në të vertëtë është për në burg për vjedhje e korrupsion shtetror; sajuan, intriguan bashkërisht, edhe me ndonjë ndërkombëtar që merr tenderime nga BE për ca fonde që vijnë nga Brukseli për Shqipërinë dhe në fund dolën zbuluar, ndonëse bënë dy ditë zhurmë e turbullira.

Publiku kuptoi se përse u turrën ndaj Presidentit të Republikës, ndërkohë që ai po vazhdon punën kushtetuese si Kryetar Shteti dhe historinë me drejtësinë e ka mbyllur 5-0 në Gjykatën e Lartë, ndërkohë që politikanë dhe zyrtarë të lartë të tjerë i kanë ikur drejtësisë, duke u fshehur edhe sot si qeveritarë.

Loja politikë për të goditur Kryetarin e Shtetit pati kosto. Kosto për shtetin dhe publikun. Urdia e sulmit të kordinuar në shërbim të kryeministrit mori dhe një kullë me shumë në qendër të Tiranës si shpërblim ndaj sulmit kundrejt Ilir Metës. Morën edhe një kullë të premtuar pas presidencës, e cila do ti bëjë hije presidencës dhe publikut tiranas. Morën dhe një koncension për vjeljen e taksave, si dhe po u firmoset edhe një leje ndërtimi për fshat turistik dhe një zonë shfrytëzimi naftëmbajtëse në Fier.

Ky grupim mediatiko-biznes-mafie e morën shpërblimin e sulmit të radhës. Publiku humbi edhe disa milionë dollarë nga buxheti i shtetit si dhe kryeqyetasit morën si kusur humbjen e disa metrave katrorë lulishte nga fitimi i dy lejeve të reja ndërtimit me urdhër të kryeministrit.

Kur të duan prapë para dhe prona do të sulmojnë edhe njëherë. Dhe kështu sa herë iu hapet oreksi”./Spiten Prulli

Kryeministri Edi Rama ka komentuar sot letrën që ish-kryeprokurori Adriatik Llalla ka dërguar në Kongresin e SHBA ku shprehte rezerva për ambasadorin Donald Lu dhe përmendte kreun e shtetit Ilir Meta.

Kryeministri Edi Rama ka deklaruar se Ilir Metën do ta votonte sërish për President, nëse do ti jepej mundësia.

Kreu i qeverisë shtoi se nuk i beson letrës së Adriatik Llallës drejtuar Kongresit Amerikan se Donald Lu i kërkoi arrestimin e Ilir Metës në vitin 2015. “Mes këtyre që shqiptarëve që përmendët dhe amerikanit, unë besoj amerikanin” u shpreh Rama në intervistën “TV Klan”.

I pyetur për deklaratën e Berishës se Romana Vllahutin i kërkoi Adriatik Llallës, arrestimin e tij, Rama u shpreh: “Mes gjithë këtyre shqiptarëve që përmendët dhe kroatëve, unë besoj kroatin”.

Me sa duket kryeministri Rama mbetet i qartë se me Ilir Metën ka disa borxhe, pasi i ka rënë qafë kot së koti, ndërkohë që ai vazhdon detyrën kushtetuese në mënyrë korrekte.

https://streamable.com/4rrp5

Nasip Naço dhe Edmond Haxhinasto, janë dy figura shumë të rëndësishme te LSI.

Jo vetëm kolegë, por ata janë edhe krushq, pasi dihet se vajza e Haxhinastos ka për burrë djalin e Nasipit.

Dy krushqit, që kanë qënë edhe ministra të rëndësishëm në qeveri, janë në një luftë me çiftin presidencial Meta-Kryemadhi.

Prej disa kohësh, dy krushqit nuk i kanë aspak mirë punët me kryetaren e tyre Monike. Si rrjedhjë edhe me presidentin Ilir.

Ata janë deputetë të LSI dhe sa herë është e nevojshme ata dalinë në protestë, por kur vjen puna për të votuar, ata shkojnë direkt pas Ramës. Rasti konkret është kur Haxhinasto ishte pro taksës së Rrugës së Kombit duke e braktisur Monikën publikisht.

Edhe Nasipi të njëjtën gjë bën. Në Berat, LSI ka një përplasje të madhe me atë qëndroren.

Frika e dy krushqe është burgu. Rama ka në dorë dosje të rëndësishme që do ti fundoste ata. Rama ka në tavolinë dosjen e transporteve ku Haxhinasto ka bërë kërdinë me vjedhjet e rrugëve, ndërkohë ka edhe dosjen e Hipotekave që Nasipi ka bërë namin me pronat.

Pra krushqit e dredhin sa herë tu thotë Rama.

Ndaj sot ata kanë shkuar në dasëm dhe janë tallur në distancë me nusen e LSI, Monikën e cila po hedh vallen nga halli. Nga halli i burgut të burrit. Epo kot nuk thojnë, i joti të bën dëmin.

Me pasurinë e kokave të korrupsionit do të operohet si me pasuritë e baronëve të drogës dhe grupeve mafioze, plani mban vulën e amerikanëve
Pas Byrosë së Hetimit, ligji i ndryshuar anti-mafia është tmerri i dytë më e madh për kokat e krimit dhe korrupsionit. Ligji i ndryshuar anti-mafia do të jetë baza e veprimit të Byrosë Kombëtare të Hetimit dhe Prokurorisë së Posaçme, për konfiskimin e pasurive të korrupsionit dhe krimit të politikanëve shqiptarë

Në ligjin anti-mafia, SHBA dhe BE kanë futur një pikë shumë të rëndësishme, e cila fundos kastën politike në Shqipëri.

Amerikanët kanë parashikuar në nenin tre të ligjit konfiskimin e pasurive të pushtetarëve shqiptarë që nga rënia e regjimit komunist. Çdo pasuri e paligjshme e kësaj klase politike, e vënë që nga rënia e regjimit komunist e deri në ditët e sotme, do të konfiskohet. Për miratimin e këtij neni është bërë një betejë e nëndheshme mes politikës së Tiranë dhe amerikanëve.

Politikanët kërkonin që ligji të mos vepronte mbi pasuritë e tyre të krijuara para miratimeve të ndryshimeve në ligj, ndërsa amerikanët kërkuan me forcë që ligji që vepronte gjatë 27 viteve të pluralizmit.

Nën kamxhikun e SHBA, parlamentarët pranuan që ligjit të veprojë që nga ’91 si dhe me pasurinë e paligjshme të politikanëve të operohet si me pasurinë e baronëve të drogës dhe grupeve mafioze.

Dyshja më e rrezikuar nga zbatimi i anti-mafia janë Monika Kryemadhi dhe Ilir Meta, të cilat kanë deklaruar vila nga Gjiri i Lalzit e deri në Bllok, me vlerë nga 1 milion deri 1.5 milionë euro secila, ku si të ardhura Meta dhe Kryemadhi kanë vetëm paga e tyre.

Pasuria e familjes Berisha do të jetë gjithashtu në shënjestër, ku Argita dhe Shkëlzeni kanë deklaruar fitime të mëdha çdo vit, vetëm duke dhënë mend.

I rrezikuar është edhe Edi Rama, i cili ka fshehur burimin dhe faturën e banesës së çmendur në Surrel.

Edhe Lulzim Basha ka një pasuri të dyshimtë, e cila nis që nga Holanda deri në Tiranë. Këtu flitet vetëm për pasurinë e deklaruar.

Pasuria e padeklaruar, e cila dyshohet se është dhjetëra herë më e madha se pasuria e deklaruar, do të jetë objekt hetimi nga njerëzit e Byrosë së Hetimit, prokurorë të SHBA dhe Bashkimit Evropian.

Ligji anti-mafia do të veprojë për të gjitha veprat e mundshme të korrupsionit dhe krimit të politikanëve shqiptarë. Objekt i ligjit janë korrupsioni aktiv i personave që ushtrojnë funksione publike, korrupsioni aktiv i funksionarëve të lartë shtetërorë ose të zgjedhurve vendorë, shpërdorimi i detyrës, shpërdorimi i kontributeve të dhëna nga shtetin etj.

Ligji anti-mafia do të veprojë pikërisht në rastin e nenit neni 257/a i Kodit Penal, për refuzimin për deklarimin, mosdeklarimin, fshehjen ose deklarimin e rremë të pasurive.

Ligji anti-mafia nuk mund të zbatohet aktualisht, pasi prokuroria dhe gjykata janë ende në duart e Edi Ramës, Sali Berishës, Ilir Metës, Monika Kryemadhit dhe Lulzim Bashës. Ngritja e Byrosë së Hetimit, nën kontrollin e amerikanëve, do të shënojë edhe çlirimin e drejtësisë nga kasta politike e krimit dhe korrupsionit

Ngritja e Byrosë së Hetimit do të nisë gjatë kësaj vere, ndërkohë që në fund të vitit pritet të nisin hetimet e para, të cilat do të hedhin në erë këtë klasë kriminale politike, e cila ka 27 vjet që vjedh shqiptarët për t’u vjedhur votat dhe vjedh votat për të vijuar të vjedhë shqiptarët dhe plaçkitur Shqipërinë.Pamfleti.com