Majlinda Bregu një nga zërat më kritik ndaj Bashës, në një intervistë tregon se vendim i Komisionit Evropian, ishte marrë që para dy ditësh.
Bregu në emisionin 7 pa 5, tregon se askush nuk priti telefonta e nga Kreu i Forumit Rinor të CDU, që të takohej me Bashën, duke thënë se kreu i PD është takur me njerëz të parëndësishëm në Bundestag.
A ka lobuar vërtet Basha për hapjen e negociatave gjatë vizitës së fundit në Gjermani, apo e ka nxirë si ka bërë dhe këtu?
Ju keni të gjithë mundësinë ta pyesni kryetarin e opozitës, se çfarë kishte bërë. Raporti kishte të paktën nga dy ditë, dje kolegji komisionerëve nuk priste të merrte telefonatë nga Kryetari Rinor i CDU, i cili ishte në takim me Bashën. Belindin e kam shumë xhan, nga Belindi i CDU domethënë, që të kishte në dorë fatin e Shqipërisë.
Ambasadori i Shteteve të Bashkuara të Amerikës, Donald Lu komenton vendimin e Komisionit Europian për të hapur negociatat e anëtarësimit të Shqipërisë me Bashkimin Europian.
Interesimit të Top Channel, ambasadori Lu iu përgjigj: “Përgëzime popullit shqiptar për këtë hap të rëndësishëm në procesin e anëtarësimit. Është koha për të festuar, por edhe koha për të punuar edhe më shumë”.
Donald Lu thotë se nuk është ambasador i një vendi të Bashkimit Europian, por përpara vendimit të qershorit Tirana duhet të japë rezultate konkrete.
“Unë nuk jam ambasador i një vendi të BE-së, por shpresoj se Shqipëria do t’ua vërë veshin shteteve anëtare që kanë kërkuar rezultate konkrete kundër korrupsionit, kundër krimit të organizuar dhe në reformën në drejtësi përpara vendimit për të hapur negociatat për anëtarësim. Përpara vendimit të qershorit, Shqipëria ka ende një mundësi për të bërë përparim në këto çështje me rëndësi kritike”, thotë ambasadori për Top Channel.
Monika Kryemadhi shprehet se opozita e vendit ka më shumë merita për çeljen e negociatave duke nënvizuar se ka sakrifikuar tepër.
Kryetarja e LSI-së, pas takimit me përfaqësuesen e lartë të Bashkimit Europian Frederica Mogherini, thotë se ka akoma punë për tu bërë deri në qershor.
“ Duke pasur parasysh falënderimet për KE duke i dhënë Shqipërisë një dritë jeshile për herë të dytë, kjo dritë i jepet dhe klasës politike për të reflektuar.
I kërkuam Mogherini-t ndërhyrjen e saj në mënyrë njerëzore t’i kërkojë Ramës të lirojë 11 kuksianët që mbeten të arrestuar në mënyrë të padrejtë.
Ajo që dua të themi është se sot shqiptarët kanë nevojë për më shumë besim dhe ta shohin BE sa më pranë. Mogherini na falënderoi dhe opozitën si bashkëvepruese në këtë proces.
Opozita është ajo që ka sakrifikuar më shumë nga vetja e saj, për t’i dhënë më shumë shqiptarëve dhe jo mazhorancës,” tha Kryemadhi.
Ka dale me nje lutje per kreun e PD, Lulzim Basha, kryeministri shqiptar Rama sot ne krah te Federica Mogherinit.
Ai i ka bërë thirrje Bashës të mos lobojë kundër Shqipërisë dhe të mos ndihmojë ata që individë që duan t’i vënë Shqipërisë shkopinj ndër rrota, sic tha ai në rrugën drejt BE-së.
“Sot s’ka më asnjë minutë për të festuar se duhet nisur menjëherë nga të 4 anët puna e gjatë dhe e stërmundimshme për të ecur sa më shpejt drejt marrjes së diplomës së anëtarësimit.
Sa i përket aspektit politi,. jo të gjithë e shohin me entuziazëm këtë arritje dhe dëftea me shumë peshë s’u mjafton të gjithëve për të na hapur rrugën pa na penguar duke nxjerrë bishta aty këtu në shtetet anëtarëe të BE.
S’është sekret, dihet botërisht që në disa vende anëtarë ka individë, forca që as nuk e duan zgjerimin as e dëshirojnë përparimin e rajonit në rrugën drejt anëtarësimit.
Jemi përgatitur për të dëgjuar edhe cudira në muajt që vijnë se loja politike s’është ndonjë shkencë për tu kuptuar, ashtu sikurse Shqipëria do trajtohet si top për lojëra të brendshme politike, por këto janë problematika krejt të natyrshme që do i trajtojmë me qetësi dhe vendosmërinë e argumentave rast pas rasti dhe dëftesa që kemi në dorë nga dje na e bën pak më të lehtë këtë punë.
Sot dua t’i lutem jo si kryeministër, aq më pak si kryetar i forcës qeverisëse të vendit, por si shqiptar, si qytetar edhe si koleg, përfaqësuesve të opozitës të mos bashkëpunojnë me asnjë faktor të huaj politik që për interesa të veta do që ta pengojë Shqipërinë në këtë proces, të mos ushqejë zyra deputetësh me gënjeshtra, me gjysmë të vërteta që janë edhe më të dëmshme se gënjeshtra, e të mos ekportojnë baltën e luftës tone të brendshme poltike, ta lënë inatin mënjanë kur flasin në gjuhë të huaj.
E ftoj Lulzim Bashën dhe opozitën të bëhemi bashke një skuadër kombëtare me fanellën kuqezi kur flasim për Shqiperinë jashtë Shqipërisë e të kërkojmë respekt e vlerësim. Shqipëria i ka boll në Evropë ata qe duan të nxjerrin bishta për cdo arritje dhe se kanë problem të vënë shkopinj ndër rrota”.
Frederica Mogherini ka mbërritur mbrëmjen e së martës në Tiranë, menjëherë pas dhënies ë rekomandimit për hapjen e negociatave të Shqipërisë me BE-në. Një moment i shtrëngimit të duarve është shkëputur nga Edi Rama për të uruar mëngjesin e ditës së sotme. Kryeministri e vlerëson Mogherinin si një mike të madhe të shqiptarëve.
“MIRËMËNGJES 😃
dhe me këtë moment duarshtrëngimi me një mike të madhe të Shqipërisë e shqiptarëve, e cila zbriti mbrëmë në vendin tonë menjëherë pas dhënies së rekomandimit për çeljen e negociatave për anëtarësim me Bashkimin Europian, ju uroj një ditë të mbarë 🇦🇱🇪🇺”, shkruan kryeministri.
Sot Mogherini do të takohet me Presidentin Ilir Meta në orën 09:30, më pas me Kryeministrin Edi Rama në orën 10:15, si dhe me përfaqësuesit e opozitës në orën 12:00, në Delegacionin e BE-së. Përfaqësuesja e Lartë e BE, Zëvendës Presidentja Mogherini do të mbajë një konferencë të përbashkët për shtyp me Kryeministrin Rama nga ora 11:15 deri 11:45 në Kryeministri.
Kryeministri Edi Rama përshëndeti dje rekomandimin pozitiv të dhënë nga Komisioni i Evropës për çeljen e negociatave me Bashkimin Evropian. Në një deklaratë mediatike, kreu i qeverisë theksoi se Shqipëria kaloi sprovën historike, ndërsa shtoi se tashmë nis plotësimi i objektivit të radhës: anëtarësimi në BE. “Shqipëria sapo ka hapur një kapitull të ri, të historisë së saj si shtet. Nuk jemi më thjesht një vend që aspiron të bëhet një ditë si gjithë Evropa, siç ishim për 28 vjet me radhë, qysh prej dhjetorit ‘90; as vetëm një vend me statusin e kandidatit për në BE, siç ishim prej vitit 2014 e deri sot.
Sot kemi kaluar sprovën historike të ngjitjes në një shkallë të re, si vend dhe si popull. Jemi rekomanduar, pa asnjë rezervë, nga Komisioni Evropian, si një shtet që mund dhe duhet të ulet në tryezën e negociatave, për të hyrë në familjen e shteteve anëtare të Evropës së Bashkuar. Stacioni i radhës në fund të kësaj rruge të re është anëtarësimi në Bashkimin Evropian”, tha Edi Rama. Kryeministri nënvizoi se ky lajm pozitiv nuk ishte dhuratë nga BE, por ishte falë meritës dhe falë reformave të kryera përgjatë kësaj kohe.
Ai u shpreh i bindur se zbatimi i këtyre reformave do të vazhdojë. Duke e vijuar më tej fjalën për reformat, Rama rezervoi edhe një paralajmërim për politikanët e larguar nga kjo fushë. “Gjykatësit e prokurorët që përjashtohen nga sistemi sepse nuk kalojnë dot vetingun, politikanët që i kanë ikur me sukses për kaq shumë vite me radhë, një drejtësie të korruptuar e të kapur prej tyre për fyti, keqbërësit e mëdhenj të botës së krimit të organizuar, që duart e përgjakura i kanë larë me sapunin e drejtësisë, apo çdo “i fortë” qytetesh e lagjesh, që është mësuar të hyjë nga dera e komisariatit e të dalë nga penxherja e gjykatës, duhet të paguajnë njësoj siç kanë paguar e paguajnë fajtorët e të gjitha niveleve, në çdo vend anëtar të Bashkimit Europian”, deklaroi Edi Rama.
Bllokimi i negociatave
Kryeministri Edi Rama hodhi edhe disa akuza ndaj opozitës, duke theksuar se kanë tentuar të bllokojnë negociatat me çdo kusht. Kreu i qeverisë shtoi se pavarësisht të gjithave, vendi ynë fitoi. “Kjo nuk është fitorja e partisë që luftoi me gjithsej për këtë ditë, ndaj partive që luftuan me gjithsej për ta shtyrë këtë ditë në pafundësi. Kjo nuk është as fitorja e qeverisë që u angazhua me mish e me shpirt dhe u baltos deri në kockë, në përpjekjen drejt këtij objektivi strategjik për Shqipërinë, mbi opozitën që la kockat në angazhimin e saj për ta bërë të pamundur këtë objektiv.
Sot ka fituar atdheu ynë i paragjykuar dhe i nënçmuar prej shumë e shumë vitesh dhe i përgojuar lartë e poshtë nëpër Evropë, me gjysmë të vërteta që shpeshherë, janë më të hidhura se sa vetë gënjeshtrat”, tha Rama. Ai i shtriu edhe një herë dorën e bashkëpunimit kreut të PD, Lulzim Bashës, duke e ftuar që të bashkëpunojnë në realizimin e reformave.
“Dora jonë është sot e shtrirë përsëri ndaj opozitës dhe unë e ftoj sot, përpara të gjithë shqiptarëve, socialistë e demokratë, po mbi të gjitha në emër të të gjithë fëmijëve të Shqipërisë pa asnjë dallim, opozitën e kryetarin e saj, që të mos ngatërrojmë përplasjet shqip për gjithçka na ndan së brendshmi, me këtë sfidë të përbashkët kombëtare, e cila, sot më shumë se kurrë, kërkon që kur flasim në gjuhë të huaj, të mos tregojmë me gisht njëri-tjetrin, po t’i dalim shqiptarisht zot Shqipërisë dhe të ardhmes së saj evropiane”, u shpreh Edi Rama./Sot
Gjatë dy muajve në vijim priten goditje në nivele të larta. Dje Komisioni Europian rekomandoi hapjen e negociatave për Shqipërinë, ndërkohë që sfida më e madhe do të jetë fundi i muajit qershor, pasi duhet të binden vende skeptike si Gjermani, Franca dhe Hollanda. Por kjo do të thotë se gjatë majit dhe qershorit pritet që të ketë reprezalje në drejtësi dhe politikë. Bashkimi Europian ka kërkuar gjithmonë arrestime në nivel të lartë zyrtarësh, ndërsa maji dhe qershori shihen si dy muaj vendimtarë, kohë në të cilën do të ndryshojë fati i Shqipërisë.
Sinjalet janë dhënë ditën e djeshme edhe nga qeveria, e cila i ka dorëzuar kryeprokurores Arta Marku rekomandimet për vitin 2018. Ekzekutivi ka kërkuar nga prokuroria që fokus i punës së këtij institucioni gjatë vitit 2018 të jetë lufta ndaj korrupsionit në nivele të larta. Sipas ligjit çdo vit qeveria i dorëzon Prokurorisë së Përgjithshme një paketë me rekomandime, ku e udhëzon mbi fushat që duhet të jenë prioritare. Në rekomandimet e saj, ekzekutivi kërkon nga institucioni i akuzës që të rrisë luftën kundër korrupsionit në nivele të larta.
Madje, qeveria i rekomandon prokurorisë që të ketë si prioritet hetimin e zyrtarëve dhe politikanëve që fshehin pasurinë. “Lufta me tolerancë zero ndaj korrupsionit, sidomos korrupsionit në nivelet e larta dhe sekuestrimi e konfiskimi i të ardhurave me origjinë kriminale, aseteve kriminale apo pasurisë së pajustifikuar të vënë nga korrupsioni zyrtar, është një nga prioritetet kryesore të qeverisë shqiptare, njëkohësisht edhe një nga kriteret që kushtëzon integrimin evropian të vendit”, thuhet në dokument. Gjithashtu, qeveria i rekomandon prokurorisë që në kuadër të luftës ndaj korrupsionit të rrisë hetimin me metoda speciale, me qëllim zbulimin e kësaj vepre penale në një kohë të shkurtër.
Sipas qeverisë, hetimi pasuror dhe sekuestrimi i pasurisë duhet të shihet me prioritet nga prokuroria. “Rritje të hetimeve proaktive dhe teknikave speciale të hetimit; Kryerja e hetimeve sistematike pasurore dhe rritje e numrit të aseteve të sekuestruara që prej fazës fillestare të hetimit dhe konfiskimin e tyre në përfundim; Hetime të shpejta dhe bashkëpunim me agjencitë ligjzbatuese; Bashkëpunimi me agjencitë ligjzbatuese ndërkombëtare sidomos për kryerjen e hetimeve pasurore financiare që lidhen me veprat penale të korrupsionit”, thuhet në dokument.
Hetimi i pasurisë
Por përveç kërkesës për arrestimin e zyrtarëve të lartë me akuzën e korrupsionit, qeveria ka kërkuar nga prokuroria që të rrisë hetimin pasuror për politikanët. Dhe për këtë qeveria ka ngritur si shqetësim raportin e ILDKPI, ku shumë zyrtarë të lartë kanë fshehur pasurinë, dhe sipas saj, nuk janë referuar në prokurori. Qeveria kërkon nga prokuroria që të rritet numri i të dënuarve për pastrim parash.
“Relatohet se për veprën penale të “refuzimit për deklarimin, mosdeklarimin, fshehja ose deklarimi i rremë i pasurive, interesave privatë të personave të zgjedhur dhe i nëpunësve publik ose i çdo personi tjetër që ka detyrimin ligjor për deklarim”, e cila është vepër penale që referohet nga ILDKPI, numri i kallëzimeve penale të regjistruara për vitin 2017 është 20, po aq edhe numri i procedimeve penale të regjistruara.
Ndërsa numri i procedimeve të dërguara për gjykim është 13. Pra rezulton se jo të gjitha materialet referuese të dërguara nga ILDKPKI-ja dërgohen për gjykim, nuk relatohet numri i të pandehurve dërguar për gjykim dhe i atyre të organi i prokurorisë ka kërkuar dënimin, ndërkohë që për vitin 2017 është rekomanduar rritje e numrit të çështjeve të dërguara për gjykim dhe rritje e numrit të të pandehurve të dënuar me vendim të formës së prerë”, thuhet në dokument. Më tej është deklaruar se gjatë vitit 2018 pritet të ketë më shumë hetime për politikanët që fshehin pasuritë./Sot
