Politike

Paketa me ndryshimet në statutin e Partisë Demokratike, përpos përfshirjes së Jozefina Topallit në Këshillin Kombëtar dhe ndryshimin e rregullave për zgjedhjen e kandidatëve për deputetë dhe kryetar bashkie, ka prodhuar edhe një surprizë të tjetër.

Ndryshimet në statut, miratuar ditën e premte nga Këshilli Kombëtar, përjashtojnë Jamarbër Malltezin, dhëndrin e ish-kryeministrit, Sali Berisha, nga Kryesia e Partisë Demokratike. Krahas Malltezit nga Kryesia e PD largohen automatikisht edhe krerët kryetarët dhe nënkryetarët e Komisioneve të Përhershme Parlamentare që i përkasin PD.

Në total, nga Kryesia e PD përjashtohen automatikisht 25 figura të kësaj partie. Të gjithë të përjashtuarit, për t’u bërë sërish anëtarë të Kryesisë, duhet të kandidojnë dhe të zgjidhjen me votim të fshehtë nga Këshilli Kombëtar. Por, me votim nga Këshilli Kombëtar, mund të zgjidhjen vetëm 15 anëtarë, një numër mjaft i reduktuar në krahasim me numrin e të larguarve.

Mekanizimi

Po si u përjashtua Malltezi nga Kryesia e PD, gati një vit pasi Lulzim Basha nuk e futi në listën e kandidatëve për deputetë? Statuti i ri i partisë më të madhe në opozitë ka ndryshuar përbërjen e Kryesisë, duke u hequr të drejtën krerëve të departamenteve për të qenë anëtarë të Kryesisë së Partisë Demokratike. Neni 39 i statutit aktual të PD parashikon që, Kryesia e Partisë Demokratike, përbëhet nga kryetari i partisë, nënkryetarët e partisë, sekretari i Përgjithshëm, drejtuesit e departamenteve etj.

Jamarbër Malltezi është kreu i departamentit të Ambientit, Pyjeve dhe Turizmit në Partinë Demokratike, ku si tillë ishte automatikisht anëtar Kryesie. Por, sipas statutit të ri, i konfirmuar nga Këshilli Kombëtar, krerët e departamenteve nuk mund të jenë më anëtarë të Kryesisë. Neni 52 i statutit të ri parashikon që Kryesia e PD përbëhet nga kryetari i partisë, nënkryetarët e partisë, sekretari i përgjithshëm, sekretarët funksionalë etj., por jo nga krerët e departamenteve.

Ky ndryshim ka përjashtuar automatikisht Jamarbër Malltezin dhe të gjithë drejtuesit e tjerë të departamenteve nga Kryesia e PD. Ashtu si Malltezi, nga Kryesia largohen edhe krerët e tjerë të departamenteve si Suzana Guxholli, Florion Mima, Sherefedin Shehu, Jemin Gjana, Bardh Spahia, Ardian Turku, Tritan Shehu etj.

Të larguarit e tjerë

Me ndryshimet e reja në statut, nga Kryesia e PD largohet edhe Genc Pollo, i cili mban postin e kryetarit të Komisionit të Integrimit Evropian. Të drejtën për të qenë anëtare e Kryesisë së PD e humbet edhe zonja Jorida Tabaku, e cila është zëvendëskryetare e Komisionit të Ekonomisë. Nga Kryesia e PD ikën edhe Flamur Noka, i cili mban postin e zëvendëskryetarit të Komisionit të Sigurisë Kombëtare. Albana Vokshi, si kryetare e Komisionit për Edukimin dhe Mjetet e Informimit Publik nuk do të jetë më anëtare e Kryesisë së PD./Shqiptarja.com

Statuti i aktual i PD

Neni 39

Kryesia e Partisë

Kryesia e Partisë përbëhet nga:

Kryetari i Partisë;

Nënkryetarët e Partisë,

Sekretari i Përgjithshëm, Drejtuesit e Departamenteve dhe Sekretarët Funksionalë të zgjedhur nga Këshilli Kombëtar.

Kryesia e Grupit Parlamentar, ku përfshihen Kryetari, Nënkryetari, Sekretari dhe Zëdhënësi.

Kryetari apo Nënkryetari i Kuvendit që i përket Grupit Parlamentar të PD

Kryetarët apo Nënkryetarët e Komisioneve të Përhershme Parlamentare që i përkasin Grupit Parlamentar të PD-së;

Kryetarët e organizatave partnere.

Statuti i ndryshuar i PD

Neni 52

Kryesia e PDSH

Kryesia e PDSH përbëhet nga:

a) Kryetari i Partisë;
b) Nënkryetarët e Partisë;
c) Sekretari i Përgjithshëm, dhe Sekretarët Funksionalë të zgjedhur nga Këshilli Kombëtar;
Kryetarët e organizatave partnere;
15 (pesëmbëdhjetë) anëtarë të zgjedhur me votim të fshehtë nga Këshilli Kombëtar, nëpërmjet një numri kandidaturash të paktën sa dyfishi i numrit të vendeve vakante.
Zëdhënësi i Partisë, si dhe Sekretari për Marrëdhëniet Ndërkombëtare që emërohen nga Kryetari i PDSH.

Krerët e departamenteve që largohen nga Kryesia e PD

Jamarbër Malltezi, ambienti, pyjet dhe turizmi
Florion Mima, ekonomia dhe tregu
Sherefedin Shehu, financat publike, tregu bankar financiar dhe jo bankar
Jemin Gjana, kontributet historike
Tritan Shehu, shëndetësia
Enkelejd Alibeaj, siguria, rendi publik, lufta kundër krimit
Suzana Guxholli, energjia dhe burimet natyrore
Ervin Minarolli, infrastruktura dhe transporti
Enkelejda Sallaku, bujqësia, zhvillimi rural, peshkimi dhe agroindustria

10.Endri Hasa, shoqëria e informacionit

11.Avenir Peka, siguria kombëtare

12.Kastriot Sulka, punësimi dhe çështjet sociale

13.Bardh Spahia, emigracioni dhe diaspora

14.Lealba Pelinku, antikorrupsioni, aksesi publik në shërbime dhe transparenca në qeverisje

15.Enri Çeno, të drejtat e njeriut dhe liritë themelore

16.Ardian Turku, pushteti vendor dhe administrimi i territorit

17.Luciano Boçi, Arsimi, shkenca dhe inovacioni

18.Arben Skenderi, kultura, rinia dhe sporti

19.Laura Vorpsi, integrimi Europian

20.Kreshnik Çollaku, politika e jashtme

Gent Malko, pronat

Krerët dhe nënkryetarët e komisioneve që largohen nga Kryesia

Flamur Noka, zëvendëskryetar i Komisionit të Sigurisë Kombëtare
Genc Pollo, kryetar i Komisionit të Integrimit Evropian.
Jorida Tabaku, zëvendëskryetare e Komisionit të Ekonomisë
Albana Vokshi, kryetare e Komisionit për Edukimin dhe Mjetet e Informimit Publik

Jemi mësuar të shohim zyrtarët e lartë publikë apo deputet të disponojnë automjetet më të fundit dhe më të shtrenjtat në treg.

E konsideruar si një garë për më të shtrenjtën, hidhni një sy të enjteve e seancave plenare, për të parë me çfarë makinash superluksoze vijnë aty të zgjedhurit e popullit.

Por krejt ndryshe na shfaqet deputeti socialist Ulsi Manja me një golf të thjeshtë.

Kujt do ia merrte mendja që Lulzim Basha, politikani i qeshur që fshihet gjithnjë pas të tjerëve, do të merrte guximin dhe të përballej me Sali Berishën.

Askush nuk e çonte ndër mend që Basha do të ishte aq i zoti sa të nxirrte përjashta Sali Berishën, familjen e tij dhe të gjithë të besuarit e tyre.

Lulzimi e ka kuptuar se PD është partia që ai drejton, është shtëpia e tij dhe ka të drejtë ta arredojë si të ketë qejfin ai dhe jo si do Berisha.

Basha edhe pse është kryetar, ai nuk ka fuqi. Në parti vendos Saliu.

Duket se kryedemokrati e ka kuptuar se ai që ia dhuroi partinë, ai edhe po e vret politikisht duke e bërë kurban për dinastinë Berisha.

Duke parë që vetë Basha po behet sakrificë për Shkelzenin dhe Argitën, ai ka marrë guximin dhe ka goditur me grusht të fort Saliun.

Numri një i opozitës dha disa herë sinjale që po sulmon hapur babin e tij politik. Kujtojmë se para pak kohësh, Basha doli në media dhe kritikoi Berishën për dy tendera. Kjo nuk ishte pak.

U pa se mes tyre ka luftë. Kjo e nisur nga Berisha. Ish-kryeministri, kërkon që mbi supet e Lulzimit të shpëtojë të bijën Argitën, të birin Shkëlzenin dhe Ilir Metën me Monika Kryemadhin.

Dilema është e qartë, ose këto të katërt ose Lulzim Basha. Duke u konsultuar me ndërkombëtarët Basha, ka marrë guximin që të shpëtojë veten e tij dhe të mos bjerë dëshmor për fëmijet dhe aleatët e Berishës.

Ndryshimet statutore që bëri Lulzim Basha ditët e fundit në PD, kanë goditur rëndë Sali Berishën.

Ndryshimet në statut, miratuar ditën e premte nga Këshilli Kombëtar, përjashtojnë Jamarbër Malltezin, dhëndrin e ish-kryeministrit nga Kryesia e Partisë Demokratike. Krahas Malltezit nga Kryesia e PD largohen automatikisht edhe krerët kryetarët dhe nënkryetarët e Komisioneve të Përhershme Parlamentare që i përkasin PD si Flamur Noka, Jemin Gjana, Tritan Shehu etj. Pra të gjithë shërbëtorët e Saliut.

Flamur Noka, është një nga njerëzit e besuar të Berishës që hidhet në sulm kur i thotë padroni. Noka shquhet për sulmet dhe dhunën në Kuvend, jo për intelektin dhe dijen e tij.

Genc Pollo, edhe pse u afrua me Bashën kohët e fundit, kryedemokrati e ka kuptuar se Pollo është nga fryn era. Pollo ka djegur disa herë Berishën dhe nuk e ka problem që të djegë edhe Bashën.

Albana Vokshi, gjithashtu është në shërbim të Berishës.

Jamarbër Malltezi, dhëndri i Saliut dhe burri i Argitës, s’ka lidhje me politikën, por është futur që të forcojë pozitat dhe zërat pro familjes Berisha.

Sherefedin Shehu dihet se është një nga shërbëtorët e Berishës dhe është pozicionuar tek grupi anti-Basha.

Suzana Guxholli, ish-këshilltare e Berishës, kuptohet se ajo është në krah të Saliut.

Kështu kemi të bejmë me një spastrim të madh të PD nga të inflirtuarit e Berishës. Kjo do të thote dobësim dhe vdekje për ish-kryeministrin. Duke mos patur fuqi në parti, Berisha do të bjerë nga pushteti. Kjo ishte një lëvizje e guximshme por e vonë nga Basha.

Megjithatë më mirë vonë se kurrë!/Pamfleti.net

Nëse kërkon të dish në Shqipëri se cili politikan është i fajshëm, atëherë evidento një akuzë dhe shih cili bën “zarin” për ta mbrojtur.

Në Shqipëri tashmë dihet se pjesa më e madhe e mediave janë të blera. Diku blihet pronari, diku blihet emisioni, diku blihet edhe ndonjë gazetar.

Ne i kemi kolegë dhe nuk është se na vjen mirë kur i atakojmë ndonjë herë, por akoma më keq na vjen kur na e kanë degjeneruar profesionin në këtë farë feje.

Aq sa kemi nisur të bëjmë prokurorin, gazetarin, gjyqtarin, politikanin, zarin dhe njeriun që lëkundet sa andej këndej.

Bledi Mane e degjeneroi gazetaren, teksa i foli si Rovena Gashi dhe me një bisedë vetëm 7 minutëshe nxori tërë llumin e gazetarisë në sipërfaqe.

Njerëzit u gajasen me këtë bisedë të sajuar të Bledi Manes me gazetaren Anduena Llabani, sikur po i fliste Rovena Gashit.

Por gazetarët u ndjenë të turpëruar se si një gazetare e vjetër, të përdoret në këtë farë feje.

Madje ajo e kishte arritur ‘majën’ teksa deklaroi në një emision televiziv nga më të ndjekurit në vend, se në takimin “kokë më kokë” të Ramës me Merkel, kjo e fundit i paskësh thënë Ramës që të mos e lejojë më vëllain Olsi Rama të bëjë trafik droge se la nam.

Dhe takim kokë më kokë Merkel-Rama në ballkonin e ndërtesës qeveritare gjermane, dhe e paska dëgjuar gazetarja këtu ne Tiranë çfarë është biseduar, kjo është të vrasësh veten.

Vetëm nëse ka qënë në brekët e Ramës, që e paska dëgjuar, ndryshe nuk ka asnjë shans.

Ne mirëkuptojmë çdo hall kolegu, pasi jemi njerëz. Dikush mund të ketë borxhe se ka mashtruar dynjanë, dikush për ndonjë bursë për kalamajtë, dikush për të luajtur apo paguar ndonjë borxh në kazino. Dikush dhe për të mbajtur ndonjë të dashur sekrete, pa e diktuar dynjaja dhe larg qoftë gruaja.

Nuk thonë kot, që “halli hallit nuk u ngjan”, pasi vetëm për bukë goje nuk themi se vuan asnjë gazetar, madje dhe më i thjeshti.

E marrim spunton për të bërë këtë hyrje të gjatë, për shkak të një emisioni që e paguajmë me taksat tona, në Televizionin Shqiptar.

Bëhet fjalë për emisionin “Java” në RTSH , i cili paska paralajmëruar mbrëmë ekspozimin e dy kallezimeve të reja penale të Kontrollit të Lartë të Shtetit.

Kallezime që “ngërthejnë histori të pazakonshme, madje të jashtëzakonshme të abuzimeve dhe shkeljeve korruptive të ligjit”, sipas ish drejtuesit të lartë të PD, PAD e prap PD, tashmë analist që ka fituara pavarësinë nga e majta me zhvendosje djathtas, Preç Zogaj.

Sipas Zogajt, i njohur si ithtar i PD dhe i Berishës, pavarësisht se ky i fundit e ka degjeneruar gjithnjë, akuzoi kryeprokuroren e përkohshme Arta Marku se janë kallzime që ose flenë, ose mbyllen nga organi i akuzës.

Zogaj tha se, për t’u dhënë kohën e nevojshme, ekspozimi i tyre do të bëhet në emisionin e ardhshëm. Duke paralajmëruar një sulm ndaj kreut të prokurorisë.

Por gazetari investigativ Artan Hoxha dhe analisti Lorenc Vangjeli nuk kanë pritur të hedhin dyshimet e tyre për drejtimin e Prokurorisë.

Artan Hoxha tha se Prokurori i Elbasanit, Ardian Nezha nuk ka dhënë dorëheqjen, ashtu siç thuhet.

Ai shpjegoi se bëhet fjalë për ato lloj dorëheqjesh që në fakt janë largime për shkak të çeshtjeve kriminale në Elbasan, ku ka përpjekje dhe presione për të mos u hetuar.

Ndërsa gazetari Lorenc Vangjeli e ngriti dozën duke thënë se nëse ngec në rutinën e paraardhësit, fuqia që i hapi derën do ti tregoje derën prokurores se re. Duke nënkuptuar SHBA-në.

I futëm këto pasazhe deklaratash të tre njerëzve që bëjnë gazetarin në këtë emision në televizionin publik shqiptar që mbahet me paratë e qytetarëve shqiptarë, për të treguar se pse kanë nisur sulmet dhe kërcënimet ndaj kryeprokurores Arta Marku.

Për ti marrë me radhë, Preç Zogaj është ithtar i Berishës, i infektuar keq  nga “sindroma e Stokholmit”.

Për të gjitha ata që duan një sqarim të mëtejshëm për këtë sindromë, shpjegimi është i thjeshtë: Dashuria e viktimës me dhunuesin. Berisha e ka dhunuar Preçin aq fort sa nuk thuhet me fjalë.

I dyti, Artan Hoxha, njihet se është në “borderonë” e Tom Doshit, për hallet e veta sa herë që ia lyp nevoja Tomës del Artan Hoxha.

Kështu doli dhe kur e shpalli SHBA të padëshirueshëm dhe foli ato që foli, vetëm Toma s’kishte faj. Madje mesazhi ishte për Metën dhe Berishën sipas Hoxhës.

Dhe i treti Lorenci, që ndonëse ka qënë në heshtje këto kohë njihet si ithtar i Ilir Metës, e ka pasur dhe vijon ta ketë këshilltar të afërt.

Pse të tre këta përfaqësues të medias ishin në unison kundër Arta Markut, që e akuzonin se nuk po shqyrton dosjet e krimit, madje dhe fle mbi to.

Fakti është i thjeshtë: Dosjet e Metës, Berishës dhe Tom Doshin me sa duket janë duke u hapur, ndaj “zarat” respektive të tyre janë aktivizuar. Pra Arta nuk po fle, por i ka hapur këto dosje.

Këta “zara’ aktivizuar deri në atë shkallë sa të akuzojnë dhe Kreun e Prokurorisë shqiptare Arta Marku, madje dhe ta kërcënojnë se mund ta heqë SHBA.

Punë “zarash”. Por ama zarin e bëjnë me paratë tona, që paguajmë çdo muaj për RTSH tek fatura e energjisë.

Mesazhi ynë është i thjeshtë: Lerini presionet ndaj Arta Markut, këta njerëz e kanë vendin në burg dhe nuk ka djalë nëne e bir kurve që i shpëton, sado emsione të emetoni.

Qoftë dhe në RTSH. Eshtë jashtë fuqisë së Ramës që kërkon që ti mbrojë, apo Berishës, Metës e Doshit që duan të mbrojnë veten. Eshtë kapitull i mbyllur, SHBA e mbështet Arta Markun.Pamfleti.com