Politike

Deputeti mediokër që nuk di mirë shqip deklaron se di tre gjuhë të huaja. Sipas formularit të dekriminalizimit nuk është larguar asnjëherë më shumë se një muaj jashtë vendit, por pretendon se është diplomuar në Gjenevë. Nuk tregon nëse e ka mbaruar shkollën e mesme

Shkruan Adriatik Doçi

Sadri Abazi perceptohet nga opinioni publik si një ndër deputetët më mediokër të Parlamentit Shqiptar, por kjo cilësi, jo vetëm nuk e ka penguar, por përkundrazi, duket se e ka ndihmuar që të ngjitet pas këpucës së Edi Ramës, duke futur në xhep një pjesë të buxhetit të shtetit shqiptar, me anë të një kompanie, të cilën e ka kaluar në emër të familjarëve të tij. Edhe pse e ka të vështirë të artikulojë një fjali në gjuhën shqipe sipas rregullave elementare sintaksore, Sadri Abazi, në jetëshkrimin e tij, deklaron se di tre gjuhë të huaja dhe se është diplomuar në Gjenevë. Duke iu referuar gjithnjë jetëshkrimit të tij, Sadri Abazi thotë se di anglisht, italisht dhe turqisht, ndërkohë që pretendon se në vitin 2002 është diplomuar në Gjenevë.

Dyshimet për vërtetësinë e jetëshkrimit të deputetit konsistojnë në faktin se Sadri Abazi, në formularin e dekriminalizimit, deklaron se nuk është larguar asnjëherë më shumë se sa një muaj jashtë vendit. Pyetjes se nëse ka jetuar ndonjëherë më shumë se sa një muaj jashtë territorit të Republikës së Shqipërisë, deputeti i është përgjigjur me ‘jo’. Nuk marrim përsipër të pohojmë që deputeti Sadri Abazi e ka blerë diplomën dhe as se nuk ka fare diplomë, por që të diplomohesh në Gjenevë pa lëvizur më shumë se sa një muaj nga Shqipëria, duket të kesh cilësi magjistari.

Ligji për dekriminalizimin ngarkon Komisionin Qendror të Zgjedhjeve dhe Prokurorinë e Përgjithshme për të verifikuar vërtetësinë e të dhënave të deklaruara nga deputetët në formularin e dekriminalizimit, por organi i akuzës mund të verifikojë edhe ligjshmërinë e diplomës që pretendon deputeti, i cili në jetëshkrimin e tij nuk thotë asgjë se ku dhe kur e ka mbaruar shkollën e mesme.

Deputeti Sadri Abazi ka disa vite që fut në xhep një pjesë të buxhetit të shtetit shqiptar, duke kombinuar ndikimin politik si deputet i Kuvendit të Shqipërisë me pjesëmarrjen në tendera të kompanisë Usluga shpk, të cilën e ka kaluar në emër të familjarëve të tij. Me paratë që u ka marrë shqiptarëve, Sadri Abazi, përpos të tjerave, në vitin 2016 ka blerë edhe një makinë me vlerë 105 mijë euro. Pasuria e tij e përgjithshme e këtij deputeti është marramendëse në raport me nivelin e jetesës së qytetarëve shqiptarë. Javët e fundit kompania e nipit të Sadri Abazit është kapur me dokumente të falsifikuar, me të cilat ka fituar tendera. Institucionet e shtetit shqiptar, në nivel lokal dhe qendror, janë vënë në garë se kush u jep më shumë tenderave njerëzve të afërt të Sadri Abazit. Kjo duket se është arsyeja se pse Sadri Abazit i duhet mandati i deputetit dhe shpërfytyrohet nëpër fushata zgjedhore. Departamenti Amerikan i Shtetit, në raportin e fundit për të drejtat e njeriut në Shqipëri, përpos të tjerave konstatonte se “zyrtarët herë pas here përdorën burime shtetërore për përfitime personale”.

Në vitin 2016, Partia Demokratike tentoi të vinte në lëvizjen Gjykatën Kushtetuese, për t’i hequr mandatin Sadri Abazi, i cili përfitonte me anë të familjarëve të tij para publike, por çuditërisht PD u tërhoq, duke konfirmuar edhe një herë perceptimin e fortë, se këtë janë të gjithë bashkë, janë të lidhur me fije interesash, se mbrojnë njëri-tjetrin, përfitojnë sëbashku dhe se alternohen në pushtet, kundër interesit publik.

Sekretarja e marrëdhënieve me publikun në Partinë Demokratike,Grida Duma, e cila rastësisht ka të njëjtat iniciale me bashkëbiseduesin-en G.D., në video-skandalin erotik të deputetit demokrat, Ervin Salianji, është personazhi më i përfolur në skenën politike.

Grida Duma, e cila përgjithësisht është e ashpër ndaj politikave qeverisëse asnjëherë nuk ka nguruar të flasë për tema të ndryshme.

E vetmja çështje, për të cilën Duma ka heshtur është lakimi i emrit të saj, pasi përkonte me inicialet G.D. në videon-erotike të deputetit Ervin Salianji.

Grida Duma, e cila u zgjodh deputete për herë të parë në korrik të vitit të shkuar,  së fundmi e kemi parë të flasë për varfërinë.

Në disa raste, deputetja ka “braktisur” për disa orë luksin ku jeton për të vizituar familjet e varfra të cilat janë hequr nga skema e ndihmës ekonomike.

Referuar të dhënave të pasurisë të përgatitura nga Open Spending Albania dhe të dhënave të marrë nga CNA.al pranë ILDKPKI –së, vërehet se Duma në rolin e  zëvendës-ministres gjatë qeverisjes së Berishës, ka në pronësi dy apartamenteve luksoze, njëri në Tiranë dhe tjetri në Durrës me një vlerë totale prej 162 000  euro.

Gjithashtu deputetja ka në pronësi gjithashtu edhe një fuoristradë luksoze prej 30 000 eurosh si edhe një tjetër makinë, kësaj radhe BMW me vlerë 15 000 euro.

Ndër të tjera ajo ka edhe katër llogari bankare, të cilat deri në momentin e deklarimit kishin rreth 2.4 milion lekë kursime.

Deklarata fillestare të vitit 2011

Pronare me 50 % e një apartamenti banimi me sipërfaqe 153 m2 në Tiranë blerë në vitin 1999, vlera 18 500 dollarë.

Pronare me 100 % e një ap. banimi me sip. 152 m2 në Tiranë, blerë në vitin 2005 me divident nga aksione në partneritet, vlera 90 000 euro.

Pronare me 100 % e një ap. banimi me sip 121 m2 + tarracë 90 m2, blerë në vitin 2008 me divident nga aksione në partneritet, vlera 72 000 euro.

Kredi bankare leasing në një bankë të nivelit të dytë për blerje automjeti, detyrimi i mbetur pashlyer, 11 600 euro (shumë e mbetur për t’u paguar në gusht 2016.).

Pronare me 100 % i një makine ‘Chevrolet Captiva’ blerë në gusht 2007, 22 000 euro leasing, vlera 33 000 euro.

Burimi i të ardhurave nga Puna:

Të ardhura nga Fakulteti i Shkencave Sociale, departamenti i Sociologjisë.

Të ardhura nga Universiteti “Marin Barleti”.

Të ardhura nga Universiteti Europian i Tiranës.

Të ardhura nga Agjencia e Akreditimit (MASH).

Të ardhura nga OSBE, Departamenti për Demokratizim.

Të ardhura nga paga si zëvendësministre deri më 05.09.2013, 1 230 702 lekë.

Pronare me 100 % e një apartamenti  banimi me sip. 152 m2 në Tiranë, blerë me kursime, divident në shoqëri private, vlera 90 000 euro.

Pronare me 100 % e një apartament banimi me sip 121 m2 + tarracë 90 m2 në Durrës, blerë në vitin 2008 me divident, vlera 72 000 euro.

Pronare me 100 % i një makine ‘Chevrolet Captiva’ blerë me të ardhura nga shitja e makinës së vjetër + leasing, vlera 33 000 euro.

Të ardhura nga shitja e ap. me sip 53 m2 në Tiranë, 4 910 000 lekë.

Kontratë leasing në një bankë të nivelit të dytë për blerje makine. Detyrimi i shlyer 11 040 euro, detyrimi i mbetur pashlyer, 11 040 euro.

Shpenzime për blerjen e një makine ‘BMË’, blerë me kursime, të ardhura nga shitja e makinës së vjetër, të ardhura nga shitja e ap., vlera 15 000 euro.

Viti 2012

Të ardhura nga paga si zëvendësministre deri më 05.09.2013, 1 230 702 lekë.

Pronare me 100 % e një apartamenti banimi me sip. 152 m2 në Tiranë, blerë me kursime, divident në shoqëri private, vlera 90 000 euro.

Pronare me 100 % e një apartamenti banimi me sip 121 m2 + tarracë 90 m2 në Durrës, blerë në vitin 2008 me divident, vlera 72 000 euro.

Pronare me 100 % i një makine ‘Chevrolet Captiva’ blerë me të ardhura nga shitja e makinës së vjetër + leasing, vlera 33 000 euro.

Të ardhura nga shitja e ap. me sip 53 m2 në Tiranë, 4 910 000 lekë.

Kontratë leasing në një bankë të nivelit të dytë për blerje makine. Detyrimi i shlyer 11 040 euro, detyrimi i mbetur pashlyer, 11 040 euro.

Shpenzime për blerjen e një makine ‘BMË’, blerë me kursime, të ardhura nga shitja e makinës së vjetër, të ardhura nga shitja e ap., vlera 15 000 euro.

Viti 2017 para fillimit të detyrës

Pronare me 50 % (pjesë e regjimit martesor, 50 % me 50 % me bashkëshortin) e një ap. banimi me sip. 152 m2 në Tiranë, blerë nga deklaruesja sipas kontratës së porosisë me kursime, kontribute prindërore, divident nga ortakëria në sipërmarrje private, vlera 90 000 euro.

Apartament banimi në Durrës i cili nuk është në pronësi të deklarueses për shkak të moszbatimit të kontratës nga pala sipërmarrëse. Për këtë arsye kontrata e pronësisë është në proces gjyqësor në Tiranë në një kohë që në vitin 2009 ishin paguar për këtë ap. 72 000 euro

Gjendja e llogarisë bankare në një bankë të nivelit të dytë, të ardhura nga paga si lektore me kohë të pjesshme dhe të plotë, 287 756 lekë.

Gjendja e llogarisë bankare në një bankë të nivelit të dytë, të ardhura nga paga si lektore me kohë të pjesshme dhe të plotë, 372 573.

Gjendja e llogarisë bankare në një bankë të nivelit të dytë, të ardhura nga paga si lektore me kohë të pjesshme dhe të plotë, 3 558 euro.

Gjendja cash, 1 250 000 lekë.

Pronare me 100 % i një makine ‘Chevrolet Captiva’ blerë me leasing dhe vlera e makinës lënë në koncesionar, shlyer me të ardhura nga pagat, vlera 33 000 euro.

Pronare me 100 % e një makine BMË, blerë me të ardhura nga shitja e ap. me sip 53 m2, vlera 15 000 euro.

Të ardhura si lektore me kohë të plotë në Fakultetin e Shkencave Sociale, Universiteti i Tiranës, 582 489 lekë.

Të ardhura si lektore e ftuar, Lead Albania, 255 dollarë.

Bashkëshorti, Z. Ilir Shqina, të ardhura si specialist (grada këshilltar), në Ministrinë për Europën dhe Punët e Jashtme, (janar-gusht 2017.), 740 040 lekë.

Ish- ministria e Integrimit, Majlinda Bregu nëpërmjet një statusi në Facebook ka bërë të ditur se ka fituar postin  e Sekretarit të Përgjithshëm të Këshillit të Bashkëpunimit Rajonal.

Bregu ka falenderuar ministrin Bushati, ajo thotë se edhe pse na ndajnë bindjet politike do të punojmë së bashku për qasjn Europiane.

Postimi i plotë:

Fituam❗

Unë fitova garën, por fitorja i takon vendit tim!

Faleminderit të gjithëve që besuan dhe më votuan për pozicionin e Sekretarit të Përgjithshëm të Këshillit të Bashkëpunimit Rajonal.

Mirënjohje të gjithëve,vendeve anëtare, institucioneve shqiptare, Komisionit Europian, EEAS( Shërbimi i Jashtëm i BE),Parlamentit Europian, familjes time politike EPP, e mbi të gjitha vendeve që votuan bindshëm kandidaturën time.

U përpoqën të gjithë, me qartësinë se drejtimi prej meje i këtij institucioni do të ishte fitore e Shqipërisë dhe shqiptarëve!

Jam e nderuar sot që për herë të parë më takon mua të drejtoj si e para shqiptare në një pozicion të lartë ekzekutiv, institucionin që ka si mision fuqizimin dhe rritjen e bashkëpunimit në vendet e Europës Juglindore!

Një falenderim miqësor për Ditmirin. Na ndajnë sinoret politike, por na bashkoi qasja Europiane dhe përpjekja për të punuar pro Shqipërisë!

E di që do të jetë një sfidë e vështirë, por nganjëherë e vështira është më e mira!

Ish-kongresisti amerikan, i cili për herë të parë e hapi në Kongres çështjen e Kosovës së bashku me kongresistin Tom Lantos ka lëshuar akuza të forta në drejtim të Presidentit dhe Kryeministrit kosovar.

“Hashim Thaçi e Ramush Haradinaj janë mafiozë. Atyre nuk u intereson për popullin, por vetëm paratë, pushteti dhe fuqia”, ka thënë për Insajderin.

Joseph DioGuardi është 78 vjeç. Shpreson të jetojë edhe 20 vjet. Kaq thotë se i duhen që çështjen shqiptare ta çojë në nivelin më të lartë të vëmendjes në Shtetet e Bashkuara të Amerikës.

Këtë premton se do ta bëjë pa bashkëpunuar me liderët shqiptarë të Kosovës, Shqipërisë e Maqedonisë. Dëshiron të qëndrojë larg tyre. Ka një arsye për këtë: i konsideron mafiozë.

“Hashim Thaçi e Ramush Haradinaj janë mafiozë. Atyre nuk u intereson për popullin, por vetëm paratë, pushteti dhe fuqia”, ka thënë për Insajderin, ish-kongresisti amerikan i cili për herë të parë e hapi në kongres çështjen e Kosovës së bashku me kongresistin Tom Lantos.

DioGuardi ka qenë përfaqësues i New Yorkut në Kongresin Amerikan gjatë viteve 1985-1989. Është republikan, që mbështet politika të ashpra kundër Rusisë. Është bërë njëri prej kritikëve më të mëdhenj të presidentit amerikan, Donald Trump, ndonëse e ka votuar dhe mbështetur atë në garën për president. Si kontabilist dhe financier i njohur, DioGuardi, druan se Trump do ta falimentojë Amerikën.

“Borxhi publik po rritet. Ekonomia jonë po varët nga paratë që nuk i kemi”, thotë ai.

DioGuardi, që është me prejardhje shqiptare nga fshati Greci i Italisë gjithë jetën ia ka kushtuar çështjes shqiptare. Edhe sot vazhdon të jetë aktiv në Amerikë si drejtues i Ligës Shqiptaro-amerikane.

“Kosova e Shqipëria nuk janë në gjendje të mirë për shkak të elitës politike e cila mendon që gjithçka mund të blihet me para. Ata u munduan të më blejnë edhe mua. Më ofruan para vetëm që të dilnin në fotografi me mua dhe të thoshin se kemi mbështetjen e DioGuardit”, thotë ai në një bisedë për Insajderin.

“Unë nuk dua dekorata. Nuk dua medalje. Nuk marrë dekorata nga liderë të korruptuar”, insiston ai.

DioGuardi akuzon presidentin, Hashim Thaçi se e ka paguar 2 milionë e 300 mijë euro, ish-senatorin Robert Dole vetëm që t’i shkruaj parathënien e librit të tij, New State, Modern Stateman”, i cili është shkruar nga gazetarët britanikë Suzy Jagger dhe Roger Boys.

“Presidenti Thaçi pagoi 2.3 milion euro të taksapaguesve kosovarë për kompaninë e z. Dole vetëm që t’i shkruaj një parathënie të librit”, shprehet ai.

Insajderi kishte raportuar në shkurt të vitit të kaluar se kompania amerikane “Alston Bird”, që këshillohet nga ish-senatori Bob Dole i cili e mban epitetin ‘miku i madh i shqiptarëve’, kishte fituar tender 2 milionë e 300 mijë eurosh nga Qeveria e Kosovës.

Kontrata parashihte që kompania amerikane e përfaqësuar nga Bob Dole, të kryejë disa shërbime speciale për Presidencën dhe Qeverinë e Kosovës.

Kontrata parashihte po ashtu që kompania amerikane të bëjë sigurimin e informacionit të shpejt dhe cilësor, sigurimi e këshillave dhe analizave të ndryshme, identifikimi e zyrtareve ndërkombëtar vendimtar në strategjinë e lobimit dhe ndikimin mbi sektorë dhe zyrtarë me qëllim realizimin e interesave te Republikës së Kosovës.

DioGuardi zotohet se kurrë nuk do të takojë asnjë liderë shqiptarë për shkak se siç thotë ai, janë të korruptuar. E përsërit epitetin “mafioz” për Thaçin. Ai kishte refuzuar për disa vjet edhe dekoratën e ndarë nga ish-presidenti, Ibrahim Rugova.

Disa vjet më vonë e kishte marrë këtë në një ndejë private në shtëpinë e Rugovës.

“Pak kohë para se të vdiste mora një telefonatë nga Rugova. Më tha, Joseph unë po vdes. Të lutëm eja tek unë. Unë shkova dhe e pash se tashmë po vdiste. E pranova dekoratën vetëm për faktin se ishte në fund të jetës”, kujton ai.

DioGuardi është duke shkruar një libër. Në të thotë se do të zbulojë detaje të punës që kishte bërë për Kosovën, duke nisur nga vizita e parë në Beograd dhe Prishtinë në vitin 1989 dhe akuzat për krime të Milosheviqit në Kosovë.

Ish-kongresisti thotë se arritja më e madhe e Kosovës është pavarësia e saj. Shprehet i bindur se kurrë Kosova nuk do të bashkohet me Shqipërinë. Ndryshimi i kufijve thotë se është i pamundur.

DioGuardi, pret ftesë nga shoqëria civile për ta vizituar Kosovën.

“Nuk dua të takojë politikanë. Nuk dua fotografi me ta. Nuk dua dekorata. Nuk dua para prej tyre. Dua të vi në Prishtinë dhe ta promovojë librin tim”, shprehet ai.

Edhe pse gjuhëshpuzë, Jozefina Topalli nuk është njohur ndonjëherë për batuta pikante me vlera monumentale. Por në tekstin e djeshëm idhnak ndaj Lulzim Bashës, e ka nxjerrë një të tillë.

“Për karrigen e vet ai e ktheu PD-në si një karrige me rrota, që herë e shtyn me Ramën, herë me LSI-në”, ka deklarar Topalli, na një tip manifesti refuzues, për t’u kthyer në kryesinë e selisë blu, me Bashën në krye.

Aty ndër të tjera Topalli thoshte se Basha nuk ka bërë asnjë gjë të re në futjen në statut, të përfshirjes në Këshillin Kombëtar të ish-drejtuesve të shtetit, pasi këtë PD-ja e ka pasur prej kohësh.

Dhe në fakt, Aleksandër Meksi, ish-kryeministër i PD-së, ka qenë anëtar i Këshillit Kombëtar me letra edhe kur kandidoi në vitin 2009 me koalicionin e LZHK-së kundër PD-së. Por natyrisht që nuk shkoi asnjëherë në partinë që braktisi në vitin 1997.

Aktualisht, Jozefina Topalli, duket përbën njeriun ndoshta të vetëm të rëndësishëm në Partinë Demokratike që ka kundërshtuar vazhdimisht koalicionin me partinë e Metës.

Dhe e ka bërë që kur ishte kryetare Kuvendi dhe më pas në 4-vjeçarin e qeverisjes PS-LSI, ajo ishte më e ashpra ndaj njerëzve të Presidentit aktual të Republikës.

Për hir të së vërtetës dhe kronikës politike, Topalli ka qenë ndër të parat, apo e vetmja që ka kundërshtuar Lulzim Bashën që në vitin 2014, pra një vit pas ardhjes së tij në krye të PD-së, kur ai shkriu degët në rrethe dhe i drejtoi me njerëz të komanduar.

Edhe pse e dinte që do të ndëshkohej për të mos u bërë deputete, Topalli udhëhoqi kritikat ndaj lidershipit të selisë blu në kohën përpara zgjedhjeve lokale të 2015-s, e vazhdoi në kohën e çadrës, ku kritikoi sulmet që u bëheshin çdo ditë ambasadorëve të SHBA-së dhe të BE-së, por edhe kundërshtoi ashpër bojkotin e zgjedhjeve nga ana e PD-së, duke deklaruar se “rrezikohet destabilizimi i vendit”.

Edhe pse Nard Ndoka, ndoshta edhe me izmin e Bashës, apo për të ndihmuar atë, e akuzonte dje se ajo është një nga pjesëtaret e ekipit “Berisha” që e kanë mbyllur misionin me dorëheqjen e ish-kryeministrit, realisht Jozefina Topalli nuk i përket kastës së ish-qeveritaëve të PD-së.

Në 8 vitet e opozitës së PD-së, 1997-2005 ka qenë nënkryetare e Parlamentit shqiptar dhe 8 vitet e pushtetit 2005-2013 ka qenë kryetare e Kuvendit, ajo nuk mori asnjëherë post ekzekutiv.

Edhe pse gjuha e sjelljes në krye të Kuvendit nga ana Topallit kundrejt opozitës ishte shpesh e ashpër dhe konfrontuese, ajo realisht në Shkodër ku drejtonte PD-në në qark, nuk ndoqi një politikë konflikti me socialistët.

Madje në administratën e Kuvendit, Jozefina Topalli punësoi më shumë socialistë shkodranë sesa Partia Socialiste gjatë kohës së saj në pushtet.

Arriti të kanalizonte investimet e Fondit Shqiptaro-Amerikan të Ndërmarrjeve në Shkodër, duke ndërtuar pedonalen e parë në Shqipëri, që ishte projekti nismëtar i asaj që më vonë u quajt “Rilindja Urbane” dhe që ktheu qendrat e qyteteve kryesore në zona pedonale dhe rijetëzoi pazaret e shëtitoret e vjetra.

Kur Lulzim Basha bëri listat e reja për deputetë në vitin 2017-n dhe largoi të gjithë kritikët e tij, vetëm për Jozefina Topallin pati telashe më shumë dhe një revoltë reale nga mbështetësit e saj në Shkodër. Dhe ka shumë gjasa që PD-ja të ketë marrë kosto elektorale për mënjanimin e ish-kryeparlamentares.

Madje Ditmir Bushati, kreu i listës së Shkodrës së PS-së, deklaroi disa herë në fushatë se “Jozefina ka bërë gjëra të mira për Shkodrën”, çka nuk përjashton se disa vota kanë shkuar majtas, që nuk janë detyrimisht vota të djathta, por të majtët që Topalli i afroi në kabinetin e saj janë rikthyer në shtëpi pas ikjes së njeriut që i detyroheshin moralisht.

Por megjithë përzënien, Topalli duket se nuk do të largohet për të formuar një parti të re, siç ndoshta Astrit Patozi dhe disa ish-ministra të PD-së mund ta ndërrmarin këtë hap.

Në manifestin e saj, ajo e thotë hapur se “unë në PD-në e ëndrrave të vitit 1990 kam hyrë që pa lindur, por ku e kupton ti”, duke iu drejtuar Lulzim Bashës.

Kështu, ajo i kujton origjinën e familjes së saj të persekutuar nga regjimi komunist dhe pinjolle e një prej familjeve më të njohura në Shkodër.

Në këtë manifest, Topalli duket se i bën të ditur Bashës se thjesht po pret, jo për të dalë në pension si anëtare e Këshillit Kombëtar por për t’u rikthyer si protagoniste. Ndoshta pret që të zvetnohen ata që sipas saj po shtyjnë karriken e Bashës.

E në këtë rast, në këtë moment është LSI-ja e Kryemadhit e cila duket se është shënjestra reale e ish-kryeparlamentares.

E mbani mend se kush ishte ai politikan i PD-së që e cilësoi LSI-në si një rrezik për PD-në në vitin 2013? Ishte pikërisht i ndjeri Sokol Olldashi. i cili nisi ta bëjë një kauzë politike por s’pati kohë… /tesheshi.com/