Politike

Ish ministri Ylli Manjani shkruan sot me ironi se dallimi nga koha e Tahirit me ate te Xhafes, eshte i madh.

“Meqë jemi tek loja “gjeni dallimin”. Nga koha e Sajmirit tek koha e Xhafës ka dallim, pa dyshim.

Dallimi është sasior dhe cilësor. Nga kanabis kaluam tek kokaina dhe heroina! S’ka më tonelata, mjaftojnë disa kilogramë…

.S’ka më thasë të mëdhenj e batanije, sot trafikohet me qeska dhe me banane… Më pak mall për më shumë para…

Pra ndryshime në sasi dhe cilësi! Por ka një të përbashkët: të dyja kohërat janë koha e Ramës! Rilindasi që ndryshoi ngjyrën e hartës së Shqipërisë nga jeshil në të bardhë… Na rroftë Rekomandimi!”- përfundon Manjani.

“Kanan Tafili” drogës turke i lidhur me Zenin dhe të vërtetat që thotë shpesh “Babë Myslimi” i PD
Shkruan: Memo Aliaj

Sa herë që deputeti i PD Myslim Murrizi, denoncon raste lidhjesh të deputetëve, drejtuesve, ish-ministrave, ish-deputetëve dhe familjarëve të krerëve të PD së djeshme e të sotme me eksponentëve të botës së krimit, me afera korruptive e lidhje në biznese me shtetarët e majtë, ai “kryqëzohet” nga “sorrat” në oborrin e SHQUP-it, ose kalohet në heshtje, sikur nuk ka thënë asgjë!

Rasti i fundit ishte denoncimi, që deputeti Murrizi bëri në mbledhjen e Grupit Parlamentar të PD, duke kundërshtuar hapur e fortë Sali Berishën, në lidhje me urdhërin e Berishës ndaj secilit deputet, për të sulmuar në media nga 5 herë në ditë Edi Ramën, Olsi Ramën, Saimir Tahirin, Fatmir Xhafën, Arben Ahmetajnë, damian Gjionurin, Lindita Nikollën e deri Elisa Spiropalin, apo cilindo që del e flet kundër familjes “Berisha”.

Konkretisht, deputeti Murrizi ose “Babë Myslimi” i PD (siç e quajnë në SHQUP), i kujtoji Berishës, se para sulmit ndaj krerëve të PS dhe familjarëve të tyre, “revilucioni” anti-krim duhet nisur nga vetja, duke pastruar “oborrin” dhe moralin e degraduar të krerëve të PD së re e të vjetër!

“Babë Myslimi” i PD i konkretizoi me emra disa ish-ministra, deputetë e zyrtarë aktualë të PD, të cilët duke mbajtur lidhjet e vjetra, po vazhdojnë trafiqet, bizneset dhe aferat korruptive e klienteliste me krerët e pushtetit të PS, disa prej të cilëve janë miq të ngushtë të Zenit, njeri prej tyre ish-deputeti “anti-Luli” Keltis Kruja, bashkëjetues i “urtë” zëdhënesës së Sali Berishës!

Nga “haberet” e fundit që vijnë prej policisë turke, thuhet se Zeni dhe disa ish-kryepolicë, ish-deputetë, ish kryedoganierë, ish-shefa antidroge e kufiri në vijën bregdetare Sarandë-Vlorë-Fier-Lushnjë (Zagani) dhe ish-ministra të pushtetit të PD, të lidhur ngushtë me familjen “Berisha”, paskan pasur lidhje të forta “pune” me “Eskobarin nr. 2”, trafikantin Met Kanani, deri ditën që ai është prangosur në Turqi.

Sipas të dhënave nga Fieri, Met Kananin e kanë quajtur “Kanan Tafili” i trafikut të drogës, për shkak se eleminonte pa mëdyshje, cilindo që i cenonte 1 miligramë “mall”, apo që i futej qoftë edhe 1 milimetër katrore në territori e tregut të kontrolluar prej tij. Burime nga shoqëria e afërt e “Babë Myslimit” të PD, konfirmojnë se kur Murrizi ka “çpuar” Berishën në mbledhjen e Grupit Parlamentar, ai e ka pasur fjalën për lidhjet Zenit të Saliut, me “Kanan Tafilin” e trafikut të drogërave të forta në linjën Turqi-Shqipëri-Itali.

Kjo linjë trafiku, funksiononte intensivisht dhe lirshëm, në kohën kur Berisha ishte kryeministër dhe kishte nën kontorll e komandë gjithë “trarët” e doganave dhe shërbimet policore kufitare tokësore e detare, shërbimet sekrete, anti-trafiqet dhe anti-drogën, të cilat i përdorte Zeni për aktivitetin normal të “Kanan Tafilit”, një prej të cilëve rezulton se ka qenë edhe shef Zagani i kufirit në Vlorë dhe anti-trafikut të drogës në Fier, prej nga është edhe “Eskobari” Met Kanani, ku kishte ngritur një distributor për trafik nga Mifoli (Ferrasi), Semani e Divjaka.

Fakti, që Zaganin e larguan nga detyra e Shefit të Kufirit në Vlorë “për dekonspirim”, si mbrojtës i zbuluar i linjën “Kanani” dhe e emëruan Shef Anti-Droge në Fier, tregon se ai ishte “nyje” e fortë vazhdimësie e trafikut të drogës rajonale e europiane të grupit “Zeni-Kanani-Kuliçi” dhe ndaj e lanë brenda “sektorit” policor të vrojtimit të drogës, por ishte dhe “kockë” e fortë që nuk mund të hidhej në rrugë e të eleminohej dot as nga familja “Berisha”. Duke ditur këtë fakt, pushteti “Berisha” e përcolli Zaganin nga Vlora, me “pajë” (toka e banesa) si shpërblim, por natyrisht edhe me “fishekun në pajë”, nëse guxonte e fliste!

Faktikisht, Zeni u njoftua të shkëputej prej biznesit të drogës me Met Kananin, nga ish-bodigardi i “babit” të tij dhe zv/Drejtori i Policisë së Shtetit, që në ato vite ishte me aq fuqi të plota, sa komandonte edhe Burgajn, i cili shpëtoi nga burgu për abuzime të shumta, deri edhe rklama faktive për një televizion privat “tualet” të pushtetit dhe familjes “Berisha”.

Mirëpo, në vend që të shkëputej Zeni nga rrjeti, në rrjetën “Zeni-Kanani” ra edhe “peshku” Agron Kuliçi, i cili nisi të bënte mbrojtjen policore, për hapjen e rrugës së trafikut të kokainës, siç hapeshin kufijt verior në vitet 1993-1997, për kontrabandën Berisha-Milosheviç të naftës e armëve, nëpërmjet firmës “Shqiponja” të PD, me drejtor Tritan Shehun.

Referuar informacioneve të derisotme, nga ato pak “faqe” të hapura prej dosjes së “Eskobar-Kananit” të kapur e të rrëfyer në Turqi, mund të thuhet se në vitet 2005-2013, garant i tij dhe i shumë “miqëve” të tjerë të Zenit, për të kaluar drogëra të forta tranzit nëpër Shqipëri edhe me krijim “depo rezervash droge” të mbrojtura nga shteti, rezulton se paska qenë familja “ESKOBERISHA”, nga “frëngjia” e të cilës, së fundi janë shtuar së tepërmi “gjylet e rënda” që po hidhen kundër reformës në drejtësi, për ta ndalur ose shkatërruar procesin.

Me sa kuptohet tashmë, kur deputeti “Babë Myslimi” i PD, i ka kujtuar Berishës ish-ministra, deputetë, kryepolicë e miqë të Zenit që kanë lidhje me bizneset e pista, me krimin dhe drogën, paska pasur parasysh lidhjet e hershme të Zenit me “Kanan Tafilin” e drogës së kapur në Turqi./Pamfleti

Të gjitha sondazhet e organizuara në Shqipëri tregojnë se PD luhatet në limitet e 25-30 përqind të mbështetjes së qytetarëve, nëse zgjedhjet zhvillohen pikërisht sot.

Ndërkohë që është forcuar përfundimisht bindja se me Lulzim Bashën kryetar të PD opozita nuk vjen kurrë në pushtet, dhe se aleanca e PD me LSI nuk shihet aspak mirë nga baza e të dyja partive politike.

Janë mbi 90 përqind e anëtarësisë së PD dhe të LSI që nuk e duan aleancën mes Bashës dhe Kryemadhit, duke argumentuar secila palë faktin se dalin të humbura nga ky koalicion.

Në këtë këndvështrim, Lulzim Basha dhe Monika Kryemadhi janë në pritje vetëm të ndonjë kataklizme në qeverisjen e Ramës, apo të ndonjë tragjedie politike apo njerëzore që mund të ndodhë në gjirin e PS, në mënyrë që të hapet rruga për të ardhur PD e LSI në pushtet.

E thënë në gjuhën e popullit kur diçka është e pamundur të bëhet nga vullneti i njeriut dhe pritet vullneti i zotit, i ka shkuar për shtat shprehja “më ka shkuar ndërmend të kem për meze rakie koqe dashi, dhe ka një vit që po pres këtu ku kalon tufa e deleve se mos ato i bien vetë dashit të këmbores dhe kam fatin të plotësoj dëshirën”.

Kështu dhe Monika e Basha presin se mos Rama bie vetë nga qeveria, pasi e kanë të pamundur të rrëzojnë PS nga pushteti në këto kushte që janë.

Kjo është shprehur në mënyrë më të qartë nga “zari” i Monikës dhe Metës, botuesi i gazetës “Koha Jonë” Nikollë Lesi.

I cili shprehet në një shkrim të porositur nga LSI, se shpallja i pafajshëm i Saimir Tahirit dhe rikthimi i tij triumfator në PS do të sjellë përplasje dhe çarje në selinë e PS.

Dhe për pasojë, sipas llogarive të Monikës dhe Lulit, prapa të cilëve qëndrojnë Meta e Berisha, qeveria e Ramës rrëzohet menjëherë dhe PD-LSI vijnë në pushtet.

Po e materializojnë logjikën e Monikës dhe Bashës përmes artikullit të porositur prej të tyre tek Nikollë Lesi, në gazetën e tij:

“Pas vendimit për arrest shtëpie të ish-ministrit Sajmir Tahiri, vendim shumë i kontenstuar nga opozita dhe publiku, pritet që java e re të sjellë surpriza të reja.

Prokurorja e Përgjithshme, e përkohshme, Arta Marku që ka gjasa të jetë edhe për të paktën dy vite, ka emëruar me urgjencë Donika Prela si shefe e prokurorisë së krimeve të rënda.

Besim Hajdarmataj si mik i ish-prokurorit të përgjithshëm nuk ka më asnjë fuqi për të vendosur për dosjen e Adriatik Llallës.

Tashmë ajo mbetet në dorën e Donika Prelës, e cila përveç hetimit dhe firmosjes së urdhër arrestit, ka ndjerë edhe presionin amerikan në lidhje me ish-kryeprokurorin e përgjithshëm.

Me kokën e Sajmir Tahirit në ballkonin e shtëpisë së tij dhe me duart në pranga në qeli të Adriatik Llallës, kryeministri mendon se do ta kalojë “provimin” para BE dhe kancelares Merkel.

Sajmir Tahiri shpëtoi me një arrest shtëpi, ndonëse e vetmja që parashikoi këtë vendim-pazar të dyshes Rama-Tahiri ishte Monika Kryemadhi.

Ajo e tha para disa ditëve se pazari është që të bëjmë sikur të penalizojmë sa të kalojmë çështjen e statusit në fund të qershorit dhe me pas do të shpallesh i pafajshëm.

Rikthimi i Sajmir Tahirit në PS, i pafajshëm nga gjykata, do të sjellë përplasje e përçarje në selinë rozë.

Por duket se Edi Rama nuk ka se ç’të bëjë. Ajo që thuhet se mbetet peng i ish-ministrit, po vertetohet. Kushedi se ç’ka Tahiri për kryeministrin!”, shkruan Nikollë Lesi ëndrrën e Monikës dhe Lulit në gazetën e tij.

Ndërkohë që Edi Rama kryeministër, që po qeveris aq keq sa nuk mendohet, i volit shumë që të shohin sa më shumë ëndrra kundërshtarët e tij politikë.

Qëndron në pushtet përjetë kështu, ndërsa opozita e pafuqishmë ka zgjedhur si rrugë për ardhjen në pushtet ëndërrimin.Pamfleti.com

Pas largimit të Adriatik Llallës, edhe çifti më i korruptuar në Ballkan përgatit terrenin për t’i shpëtuar arrestimit nga Byroja e Hetimit dhe Prokuroria e Posaçme. Njihuni me arsyen se pse prangosja e Metës dhe Monikës është e pashmangshme
Ilir Meta dhe Monika Kryemadhi, çifti i politikanëve më i korruptuar dhe inkriminuar në Ballkan sipas raporteve më presitigjoze ndërkombëtare, po përgatisin terrenin për t’u arratisur, me qëllim për t’i shpëtuar arrestimit.

Meta dhe Monika kanë ndërmarrë disa lëvizje, të cilat konfirmojmë zbatimin e një plani të mirëmenduar, për t’u larguar nga vendit, para se të ngrihen Byroja Kombëtare e Hetimit, Prokuroria e Posaçme dhe Gjykata Speciale.

Me ngritjen e këtyre organeve, Ilir Meta nuk ka asnjë shpresë që t’i shpëtojë më burgut, siç shpëtoi në Gjykatën e Lartë, kur u kap me bllok në dorë, duke blerë dhe sajuar një ekspertizë, që hodhi poshtë videon e korrupsionit. Tashmë shpresa e fundit e Ilir Metës dhe Monika Kryemadhit duket se është arratisja.

Lëvizja e parë e Ilir Metës dhe Monika Kryemadhit konsiston në shitjen e pasurive të paluajtshme, produkt i parave të korrupsionit. Sipas dokumenteve zyrtare, Kryemadhi ka shitur 6 apartamente, ku vetëm njëri kushton 350 mijë euro.

Monika po i kthen apartamentet në para për një arsye shumë të thjeshtë sepse apartamentet nuk i mbron dot nga sekuestrimi, ndërsa paratë i ka më të lehtë që t’i fshehë apo t’i largojë me çanta nga Shqipëria. Paratë e apartamenteve Monika nuk po fut më në banka, nga frika se i sekuestrohen. Madje, Monika Kryemadhi po tërheq edhe ato para që ka nëpër banka, për t’i shpëtuar nga sekuestrimi.

Lëvizja e dytë e Ilir Metës dhe Monika Kryemadhit është largimi i fëmijëve nga Shqipëria. Meta dhe Monika i kanë çuar fëmijët në Angli, gjoja për shkollim. Largimi i fëmijëve në Angli, e bën më të lehtë ikjen përfundimtare të Metës dhe Monikës nga Shqipëria.

Fëmijët kanë marrë me vete një pjesë të parave gjoja për shkollim dhe jetesë atje. Në Angli dyshohet prej kohësh se Ilir Meta ka fshehur qindra milionë euro, produkt i korrupsionit. Në rrethet politike thuhet se në gjurmët e kësaj pasurie tronditëse kanë rënë shërbimet britanike dhe amerikane.

Të njëjtën lëvizje ndoqi edhe ish-kryeprokurori Adriatik Llalla, i cili largoi fillimisht familjen në Gjermani, se gjoja i rrezikohej në Shqipëri. Tani rezulton se Llalla, mburoja e korrupsionit dhe krimit të Ilir Metës dhe Sali Berishës, e largoi familjen për t’i shpëtuar arrestimit.

Llalla tashmë është nën hetim për korrupsion dhe pastrim parash. Firmosja e urdhrit për arrestimin e tij është çështje ditësh. Por, Llalla, pas largimit të familjes, është larguar edhe vetë në Gjermani. Ish-kryeprokurori tani po shtiret si i sëmurë atje, për t’i shpëtuar burgut në Shqipëri.

Po pse arrestimi i Ilir Metës dhe Monika Kryemadhit është i pashmangshëm? Është i pashmangshëm sepse Ilir Meta dhe Monika Kryemadhi, duke menduar se nuk do të ketë kurrë drejtësi, kanë deklaruar dhjetëra mijëra euro pasuri, me vetëm dy rroga shteti. Kjo pasuri automatikisht duhet të sekuestrohet sipas ligjit anti-mafia.

Përveç sekuestrimit, mbi Metën dhe Monikën do të ngrihen akuza për pastrim parash, fshehje pasurie, korrupsion, mashtrim, falsifikime etj. Por, për të goditur çiftin e politikanëve më të korruptuar dhe të inkriminuar në Ballkan, po pritet ngitja e Byrosë Kombëtare e Hetimit, pasi drejtësia aktuale që po shembet dita-ditës, është ende nën influencën e Ilir Metës dhe Sali Berishës./Pamfleti.com