Politike

Shuhet “çerdhja” e krimit dhe të korrupsionit të LSI në Portin e Durrësit, që lëvronte miliona euro dhe dollarë për llogari të Ilir Metës dhe Monika Kryemadhit.

Para këto që nxirreshin përmes tenderave të paqena dhe abuzive e deri tek lehtësirat për trafikun e kokainës kolumbiane, duke plotësuar në këtë mënyrë të plotë zinxhirin e këtij trafiku nga vendi i origjinës deri në Durrës e më gjërë dhe me mbrojtje ligjore të Prokurorisë së  Krimeve të rënda.

Kështu, Policia e Shtetit ka proceduar penalisht ditën e sotme, 10 zyrtarë të lartë të Portit të Durrësit. Sipas njoftimit të policisë bëhet me dije se procedimi ka ardhur pas hetimeve dhe akuzat që janë ngritur  janë “Shpërdorim detyre” dhe “Shkelje të tenderave”.

“Nga kryerja e veprimeve hetimore në funksion të procedimit penal të regjistruar në vitin 2017, rezulton se këta zyrtarë të Autoritetit Portual Durrës, gjatë ushtrimit të detyrës, janë përfshirë në veprime të kundra-ligjshme gjatë zhvillimit të tenderit për blerje automjeti, auto-ambulance dhe mjeti zjarrfikës”, thuhet ndër të tjera në njoftimin e policisë.

Drejtoria Hetimore Qendrore në Policinë e Shtetit dhe Sektori për Hetimin e Krimit Ekonomik e Financiar në Drejtorinë Vendore të Policisë Durrës, në bashkëpunim me Prokurorinë e Rrethit Gjyqësor Durrës, në funksion të procedimit për veprën penale të shpërdorimit të detyrës dhe shkelje e barazisë në tendera, kanë ekzekutuar 10 vendime të Gjykatës së Durrësit për zyrtarë apo ish-zyrtarë të Autoritetit Portual Durrës.

Mësohet se në krye të zinxhirit korruptiv ka qënë ish- drejtori i përgjithshëm i Autoritetit Portual të Durrësit, përfaqësues i LSI Aleksandër Lipivani, i cili në tetor të vitit të kaluar dha dorëheqjen për t’u zëvendësuar me komandim nga Artjan Qiricit.

Pjesa tjetër janë përfaqësues të LSI në këtë autoritet portual, që kanë bërë namin me paratë e qytetarëve shqiptarë,  por dhe detyra të tjera specifike.

Të proceduarit janë:

A. L, 42 vjeç, lindur dhe banues në Tiranë, ish-Drejtor i Përgjithshëm Ekzekutiv i Autoritetit Portual Durrës, masa e sigurimit shtrënguese e “Detyrim për t’u paraqitur në Policinë Gjyqësore”, pasi dyshohet për kryerjen e veprës penale të “Shpërdorimit të detyrës”.
S.T, 58 vjeç, lindur dhe banues në Durrës, me detyrë ekonomist në Drejtorinë Ekonomike, Autoritetin Portual Durrës, masa e sigurimit shtrënguese e “Detyrim për paraqitje” dhe “Pezullim nga një ushtrim i një detyre apo funksioni publik”, pasi dyshohet për kryerjen e veprës penale të “Shpërdorimit të detyrës”, dhe “Shkeljes së barazisë së pjesëmarrjes në tendera”.
N.H, 61 vjeç, lindur dhe banues në Durrës, Inxhinier mekanik në Sektorin Operativ dhe Mjeteve Teknike në Autoritetin Portual Durrës, masa e sigurimit “Detyrim për paraqitje” dhe “Pezullim nga një ushtrim i një detyre apo funksioni publik”, pasi dyshohet për kryerjen e veprës penale të “Shpërdorimit të detyrës”, dhe “Shkeljes së barazisë së pjesëmarrjes në tendera”.
L.K, 51 vjeçe, lindur dhe banuese në Durrës, ekonomiste në Sektorin e Terminalit Perëndimor në Autoritetin Portual Durrës, masa e sigurimit “Detyrim për paraqitje” dhe “Pezullim nga një ushtrim i një detyre apo funksioni publik”, pasi dyshohet për kryerjen e veprës penale të “Shpërdorimit të detyrës” dhe “Shkeljes së barazisë së pjesëmarrjes në tendera”.
E.K, 33 vjeç, lindur dhe banues në Durrës, Jurist në Sektorin e Prokurimeve Publike në Autoritetin Portual Durrës, masa e sigurimit “Detyrim për paraqitje” dhe “Pezullim nga një ushtrim i një detyre apo funksioni publik”, pasi dyshohet për kryerjen e veprës penale të “Shpërdorimit të detyrës” dhe “Shkeljes së barazisë së pjesëmarrjes në tendera”.
J. R, 35 vjeçe, lindur dhe banuese në Durrës, Juriste në Sektorin e Prokurimeve Publike në Autoritetin Portual Durrës, masa e sigurimit “Detyrim për paraqitje” dhe “Pezullim nga një ushtrim i një detyre apo funksioni publik”, pasi dyshohet për kryerjen e veprës penale të “Shpërdorimit të detyrës” dhe “Shkeljes së barazisë së pjesëmarrjes në tendera”.
A.M, 53 vjeç, lindur dhe banues në Durrës, ish-Jurist në Sektorin e Prokurimeve Publike në Autoritetin Portual Durrës, masa e sigurimit “Detyrim paraqitje”, pasi dyshohet për kryerjen e veprës penale të “Shpërdorimit të detyrës”.
A.K, 36 vjeç, lindur dhe banues në Durrës, Drejtor i Drejtorisë së Burimeve Njerëzore, në Autoritetin Portual Durrës, masa e sigurimit “Detyrim për paraqitje” dhe “Pezullim nga një ushtrim i një detyre apo funksioni publik”, pasi dyshohet për kryerjen e veprës penale të “Shpërdorimit të detyrës”, dhe “Shkeljes së barazisë së pjesmarrjes në tendera”.
Sh.Xh, 55 vjeç, lindur në Krujë dhe banues në Tiranë, ish-Zëvëndësdrejtor i Forcës së Sigurisë në Autoritetin Portual Durrës, masa e sigurimit “Detyrim për paraqitje”, pasi dyshohet për kryerjen e veprës penale të “Shpërdorimit të detyrës” dhe “Shkeljes së barazisë së pjesëmarrjes në tendera”.
Y. K, 66 vjeç, lindur dhe banues në Durrës, Ish-Specialist i blerjeve të vogla në Sektorin e Prokurimeve Publike, masa e sigurimit “Detyrim për paraqitje”, pasi dyshohet për kryerjen e veprës penale të “Shpërdorimit të detyrës” dhe “Shkeljes së barazisë së pjesëmarrjes në tendera”.

Nga kryerja e veprimeve hetimore në funksion të procedimit penal të regjistruar në vitin 2017, rezulton se këta zyrtarë të Autoritetit Portual Durrës, gjatë ushtrimit të detyrës, janë përfshirë në veprime të kundra-ligjshme gjatë zhvillimit të tenderit për blerje automjeti, auto-ambulance dhe mjeti zjarrfikës.

Ekspertimi i kryer në lidhje me ofertat e paraqitura për 3 lote të tenderit, ka dokumentuar se ofertat nuk ishin të rregullta dhe janë hartuar nga i njëjti operator ekonomik.

Ndërsa në lotet për blerjen e mjeteve auto-ambulancë dhe zjarrfikës, rezulton se mungojnë pajisjet shtesë dhe shpëtuese kundër zjarrit.

Hetimi ka provuar gjithashtu se kërkesa për këto mjete ishte e pa-argumentuar, nisur nga domosdoshmëria për to.

Gjithashtu është dokumentuar se nuk ishte kompetencë e këtyre Drejtorive, përcaktimi i fondit për blerjen e automjeteve, fakt që ngarkon me përgjegjësi titullarin i institucionit.

Duke vijuar më tej me tenderat, ka dyshime të dokumentuara se specifikimet teknike nuk kanë krijuar kushte për barazi dhe prishën konkurencën në procedurën e prokurimit publik.   Vazhdon puna për identifikimin e zyrtarëve dhe personave të tjerë të implikuar në këtë aktivitet kriminal./Pamfleti

Xhelati takon viktimat/ Pse Lulzim Basha nuk u foli minatorëve për “biznesmenët e kromit” të lidhur me PD dhe kupolën mafioze të kromit që ndodhet në Tiranë?

Lulzim Basha vizitoi sot ne spital njërin prej të plagosurve në minierën e Bulqizës, teksa shfrytëzoi momentin për të karikuar elektoratin e djathtë që të bëhej gati për të rrëzuar qeverinë.

Dhe Lulzimi është bërë mjeshtër për të shfrytëzuar nga pikëpamja propogandistike ngjarje të tilla të trishtueshme, edhe pse shumica e qytetarëve të këtij vendi e refuzon atë, gjë që shprehet më mirë në zgjedhjet e përgjithshme e lokale, ku Lulzim Basha shkon nga disfata në disfatë.

Minatorët po përballen përditë me vdekjen, por kjo histori nuk fillon tani.

Në tetë vitët që drejtuan demokratët, në minierë nuk u vu dorë për kushtet, u lëshuan licensa shfrytëzimi pa asnjë lloj kriteri dhe ishte vetë PD që krijoi “biznesmenët e kromit”.

Çfarë ishin këta “biznesmenë”? Këta ishin të fortët e zonës, banditë dhe rrugaçë që nën qeverisjen e PD-së morën kontrollin e galerive, duke i shfrytëzuar ato barbarisht aq sa i lanë pa asnjë kusht teknik sigurie dhe u krijuan rrethanat që të ketë aksidente të shumta me pasojë vdekjen.

Po me kë ishin të lidhur këta biznesmenë të kromit?

Natyrisht me zyrtarët e PD-së në Tiranë, deputetë, ministra etj, të cilët merrnin përqindjen më të madhe të fitimeve.

E ndërsa minatorët e thjeshtë merrnin një rrogë modeste sa për të mbajtur “frymën gjallë”, “biznesmenët e rinj të kromit” nisën të mbushnin thasët me para. Llogaritë ishin të thjeshta.

Kur të bëheshin tre thasë me para, dy do të shkonin në Tiranë te shefat e mëdhenj në parlament dhe në krye të institucioneve, ndërsa një thes për të bërë investime në lokale, vila e apartamente në Tiranë dhe në bregdet.

Populli i Bulqizës i di mirë kush janë këta “biznesmenët e kromit” sepse gjysma e tyre, me porosi nga Tirana, u vranë nëpër atentate, aksidente etj, ose “korrën” njëri-tjetrin nga rivaliteti për të pasur sa më shumë galeri nën kontroll.

E ndërsa në bazë bandat bënin namin me njëri-tjetrin, në kryeqytet kupola mafioze e kromit investonte paratë që vinin nga nëntoka e Bulqizës në vila, prona në bregdet, apartamente e lokale.

Me ardhjen e koalicionit të majtë në pushtet situata nuk u përmirësua.

U pakësuan vrasjet e “biznesmenëve të kromit”, por u rrit hajdutëria në nivel ekstrem.

Nisi shfrytëzimi barbar i çdo galerie dhe pike ku kishte mineral kromi.

Pusin qendror e mori më 2013 “Alb Chromi” i Samir Manes, që po shfrytëzon barbarisht sektorin më të pasur në zonën e Bulqizës. U shtuan licensat e shfrytëzimit dhe u vunë në krye të punëve një sërë e re drejtuesish, nga ata që s’të lënë as kockën e të hanë për së gjalli.

400 dollarë toni besohet se është fitimi i kromit të papërpunuar, por marifetxhinjtë dhe mafiozët e kromit në Tiranë, duke shfrytëzuar konjukturën ndërkombëtare që lidhet me këtë mineral të rëndë, kanë ditur të shumëfishojnë të ardhurat, sepse dihet që kromi ka peshë specifike në shumë degë të industrisë metalurgjike, ushtarake e kimike, por edhe në shumë degë të tjera, sepse përbën materialin e parë për prodhimet zjarrduruese.

Që të arrihet realizimi i skenarit, duhet që në këtë konjukturë të futen institucionet më të larta të shtetit, përfshi ministrat, prandaj dhe kromi i ka përlyer të gjithë dhe në të kanë ndyer duart shumica e politikanëve të korruptuar të këtij vendi.

Kalimi i minierës qendrore ne duart e oligarkut Samir Mane, vetëm sa ka rritur shfrytëzimin barbar të minierës dhe të pasurisë nëntokësore në zonën minerale të Bulqizës, ndërsa banorët e thjeshtë të asaj zone shohin të rritet përditë e më tepër mjerimi dhe punëtorët përfundojnë të plagosur e te vdekur thuajse cdo ditë.

Investime për zonën? As që bëhet fjalë, as spitalin nuk e mbajtën dot këta mafiozë, e kanë shkretuar cdo gjë në Bulqizë, një mjek për urgjencën nuk ka, e cfarë mund të pritet tjetër?

Në këto kushte, takimet e Lulzim Bashës me minatorët janë propogandë partiake, sepse njerëzit e Lulit dje dhe sot, janë duke vjedhur për vete kromin e Bulqizës.

Edhe ortakët e tij të LSI-së vjedhin kromin. Të gjithë, pa përjashtim, prandaj historia do t’i ndëshkojë rëndë këta kriminelë me kollare që hanë si të babëzitur pasurinë publike dhe kromi është një pasuri që futet në resurset e papërsëritshme.

Shfrytëzimi barbar i minierës dhe golerive të tjera të kromit në Bulqizë, është një dëm që u bëhet brezave të ardhshëm, prandaj nuk ka ujë të shenjtë  e nuk ka Zot që do të shlyejë mëkatet e maskarenjve./Pamfleti

https://www.facebook.com/lulzimbasha.al/videos/1897759933608512/?t=0

Kur na ndajnë edhe një muaj nga marrja e vendimit pozitiv për hapjen e negociatave, Partia Demokratike thotë se vendi ynë nuk është akoma gati. Deputeti i kësaj force politike, Klevis Balliu të cilin babai i tij e bëri deputet tha se evropianët nuk janë budallenj që të hapin negociatat.

Fjala e Klevis Balliut në mbledhjen e Komisionit të Medias

“Ca pune bëtë, sot keni 150 ditë qe keni ardh në punë.

Çfarë keni bërë? Përvecse keni mbrojt Saimir Tahirin, u munduat të kapni çdo institucion dhe keni kapur drejtësinë.

Asnjë gjë tjetër. Doni ju hapjen e negociatave. Ça i dini ju europianët?

Budallenj janë këta, që ato që nxirrni ju vetë në ERTV, mendoni se do i besojë edhe Europa?

Ka njerëz në PS me background gazetari.

Ka që në 2002 debati për Teatrin, kur u çuan 20 deputetë socialist e dolën kundër qeverisë socialiste.

Kurse sot nuk pipëtin zëri në PS,  sepse nuk drejtojnë as politikanë, as gazetarë, as artiste, por bandida.

Sepse i kanë kapur peng bandat, sepse kanë kapur Edi Ramën, se vëllain e ka të përfshirë me drogë me dosjen e Xibrakës”, tha Balliu.

Zbardhet pasuria e plotë e familjes presidenciale. Gazeta “SOT” ka siguruar deklarimet e plota që presidenti Ilir Meta dhe bashkëshortja e tij Monika Kryemadhi kanë dorëzuar pranë Inspektoratit të Lartë të Deklarimit dhe Kontrollit të Pasurive, që prej vitit 2003. Një ditë më parë gazeta publikoi të ardhurat e familjes Berisha, ndërkohë që sot po bën të ditura fitimet, banesat dhe pronat e çiftit presidencial. Deklarimet e para në ILDKP datojnë që prej vitit 2003 dhe në këtë vit presidenti Ilir Meta ka deklaruar apartament 2+1 dhe ka pasur në pronësi vetëm 25 për qind të tij.

Po ashtu ka deklaruar një banesë në Golem 327 m2 blerë 60 mijë dollarë, të cilat janë marrë kredi në bankë. Por e njëjta banesë 3 vite më pas është shitur 300 mijë euro. Po në vitin 2003 zoti Meta ka deklaruar pagën e tij si deputet dhe si ministër. Viti 2004 dhe 2005 nuk kanë sjellë ndryshime për pasurinë e presidentit aktual, ndërsa në 2006 janë shtuar të ardhurat e bashkëshortes, zonjës Monika Kryemadhi, sot drejtuese e LSI. Interesant është fakti se në vitin 2004 u themelua dhe LSI.

Në vitin 2006 të ardhurat e Metës dhe Kryemadhit janë shtuar me 300 mijë euro, pasi kanë shitur banesën në Golem. Në vitin 2007 Meta ka deklaruar pagën e tij si deputet, ndërsa Kryemadhi pagën si anëtare të Këshillit Bashkiak. Por kryetarja e LSI ka deklaruar dhe blerje 500 m2 tokë+200m2 truall me vlerë 5 milionë lekë. Në vitin 2008 Meta dhe kryemadhi kanë deklaruar dhe llogaritë e tyre të para në bankë. Po ashtu kanë deklaruar dhe të ardhurat nga puna.

E njëjta situatë dhe në vitin 2009. Por në vitin 2010 dhe për koicidencë vit kur LSI ishte në qeveri me PD, pasuria e tyre ka nisur të lëvizë. Meta ka deklaruar shtesë në llogarinë Bankare Credins Bank 135.318 lekë, apartament banimi 200 metra katrorë te Rr. Barrikada me vlerë 400.000 euro, ku është deklaruar se 200 mijë euro janë marrë kredi, ndërsa 200 mijë euro kanë qenë në gjendje cash.

Ka deklaruar pagën si zëvendëskryeministër dhe ministër Ekonomie, 1.768.385 lekë. Ndërsa Kryemadhi ka deklaruar pagën si sekretare organizative në LSI, pagën si anëtare e Këshillit Bashkiak Tiranë dhe marrjen e një apartamenti banimi 2 kate, me sipërfaqe 317 metra katror në fshatin turistik në Gjirin e Lalzit Durrës, me kontratë sipërmarrjeje me Lura sh.p.k. (Burimi, këmbimi me sipërfaqe ndërtimore 300 metra katrore, ambiente tregtare, sipas kontratës me firmën Agigos, si përfitues 33 % të sipërfaqes së ndërtimit si pronar trualli).

Vlerat e apartamenteve
Në vitin 2013 zonja Monika Kryemadhi ka deklaruar se ka përfituar 13 apartamenteve të banimit me sip. totale 1444.8 m2, përfituar nga shtojca e kontratës së sipërmarrjes me Agi-Kons shpk, për caktimin në natyrë të pjesës takuese. Deri në vitin 2017 zonja Kryemadhi dhe zoti Meta kanë shitur po 8 apartamente dhe prej tyre kanë përfituar në total 785.105 mijë euro.

Sa i takon pasurisë të deklaruar së fundmi, bie në sy se për vitin 2017 janë pagur 160 mijë euro për shkollimin e fëmijëve në Britaninë e Madhe. Po ashtu të vetmet të ardhur janë shitja e dy apartamenteve dhe pagat si deputete dhe President. Në ditët në vijim gazeta do publikojë pasurinë e plotë dhe për liderë të tjerë të politikës, nga kryeministri, kreu i opozitës dhe deputetë./Pamfleti

Partia Socialiste do t’i përgjigjet dhëmb për dhëmb çdo sulmi dhe akuze të opozitës kundrejt mazhorancës qeverisëse. Ditën e djeshme është mbledhur grupi parlamentar socialist nën drejtimin e kryetarit të grupit, Taulant Balla, i cili u ka dhënë një sërë porosish deputetëve të PS, në emër të kryeministrit Edi Rama.

Gazeta “Sot” ka mësuar disa detaje nga mbledhja, edhe pse ajo u zhvillua në “fshehtësi” të plotë. Sipas informacioneve, kreu i grupit ka urdhëruar të gjithë ligjvënësit socialistë që të mos qëndrojnë indiferent ndaj çdo akuze të opozitës kundrejt qeverisë dhe deputetëve të PS, duke iu përgjigjur në kohë.

Po ashtu, mësohet se Balla ka porositur deputetët që të jenë vigjilentë ndaj çdo sulmi të Partisë Demokratike dhe Lëvizjes Socialiste për Integrim, ku iu ka kërkuar që të denoncojnë çdo eksponentë të këtyre partive nëse kanë shkelur ligjin.

Ndërkohë, gazeta mësoi se kreu i grupit parlamentar gjatë fjalës së tij, ka kërkuar nga deputetët që të mos mungojnë në komisionet parlamentare dhe në seancën e së enjtes në Kuvend. Madje, mësohet se ai ka kërkuar që mungesën e çdo kujt, duhet ta justifikojnë, pasi në të kundërt do merren masa disiplinore. Një tjetër porosi që Balla ka adresuar ndaj deputetëve në emër të kryeministrit Edi Rama ka të bëjë me integrimin.

Mësohet se ai ka urdhëruar të gjithë ligjvënësit që deri në dhënien e vendimit nga ana e vendeve të Bashkimit Europian, kushdo duhet të lobojë fuqishëm për Shqipërinë, në çdo takim që mund të kenë me deputetët apo zyrtarë të BE-së. Sa i takon protestës së opozitës, mësohet se Balla e ka ironizuar atë, duke thënë se populli braktisi Bashën, sepse e do gjithmonë në minorancë.