Politike

Në çdo aferë, shfaqen surretërit dhe emrat e tyre
Shumë i lodhur nga fjalimi “programatik për luftën kundër korrupsionit”, që mbajti në parlament, Lulzim Basha nuk iu përgjigj deputetit Balla në seancë, lidhur me fotografinë ku kishte pozaur me një nga bosët e 3.4 milionë eurove të kapura në Durrës, por shkoi u konsultua me Saliun dhe pas 24 orësh, bëri sqarimin publik të kësaj “rastësie”, duke thënë se… “nuk e njihte, nuk dinte gjë, nuk mbante mënd asgjë, mbasi ai takon përditë mijëra njerëz, me të cilët qan hallet e varfërisë dhe integrimit të Shqipërisë”.

Fotografia që nuk ishte bërë në malet e Dibrës, por me “regji pozimi” brenda në zyrën e Lulit në SHQUP, nuk është rastësi, por tregues i lidhjes së Lulit dhe shefit të Lulit, me individë e grupe të tillë, që ofrohen dhe pranohen si “të fortë e të pasur që mbledhin vota” nëpër zona.

Rastësi e quajti edhe Ilir Meta, fotografinë e publikuar nga “Pamfleti”, ku Presidenti i Republikës në atë kohë kryetar i LSI, kishte pozuar duke “zbardhur dhëmbët”, me bosin tjetër të 3.4 milionë eurove, militantin dhe financuesin e LSI Alban Mollaymeri, dalë në datën 25 qershor 2017 në profilin e bosit, ditën e zgjedhjeve parlamentare, por që Likja e mohoi, siç mohoi edhe lidhjen me ish-sekretarin e tij, trafikantin Almir Rrapi, kur ishte ministër i Jashtëm!

Ka shumë fakte të lidhjes së tyre, me individë të botës së krimit, por që përherë janë mohuar nga Luli, Saliu, Likja e Mona, të cilët betohen dhe përbetohen, se janë “të pastër” si burimet e Skraparit dhe uji bjeshkëve të Valbonës!

Vetiu, lindin disa pyetje, që duhet t’i ketë si referencë drejtësia, për të pastruar politikën nga këta horra që po vjedhin e po mbajnë peng Shqipërinë:

– Si është e mundur, që sa herë dhe kudo ku zbulohen skandale korrupsioni, krimesh e trafiqesh, bashkë me emrat e personave të kapur me krime, dalin emrat Sali, Like, Luli, Mona, Zeni, Gita, aq sa Saliu e mësoi rastësisht pas krimit të Gërdecit, që baxhanaku i tij punonte në atë fabrikë vrasëse?!

– Si është e mundur, që të gjithë këta, gjenden “rastësisht” në fotografi e video, duke u puthur, buzëqeshur, përqafuar, shëtitur dhe pozuar me individë të botës së krimit?!

– Si është e mundur, që edhe me bosët e 3.4 milionë eurove, Luli e Likja “janë takuar dhe kanë pozuar rastësisht, pa e ditur se cilët ishin”?!

I njëjti arsyetim vlen edhe pë palën tjetër./Pamfleti

Data 30 qershor u vendos nga qeveria shqiptare si afati i fundit për të mbyllur zyrtarisht turin e llogaridhënies me qytetarët që ka nisur prej fillimit të muajit maj. Ky tur kishte synim njohjen nga afër të shqetësimeve të qytetarëve dhe ankesave të tyre kundrejt qeverisë.

Sipas gazetës ‘’SOT’’ Edi Rama u ka bërë të qartë ministrave se asnjëri nuk e ka vendin e sigurt. Kjo gjë ka shkaktuar ankth te ministrant, pasi nuk i dihet se te cili do të bjerë lapsi. Por ata nuk janë të panjohur me vendimin që do të marr shefi i qeverisë, pasi një gjë të tillë Rama e bëri të ditur edhe në mbledhjen e fundit të Asamblesë ku tha se ndryshimet në qeveri do të bëhen në shtator. Mesa duket një gjë e tillë mund të ndodh që tani, pas vendimit për të shtyrë edhe me një vit tjetër hapjen e negociatave të Shqipërisë.

Askush nuk e ka vendin e sigurt

”SOT” mësoi se askush nga anëtarët e kabinetit qeveritar nuk e ka vendin e sigurt, për dy arsye. E para ka të bëjë me negociatat, ku mësohet se për të çuar përpara thellimin e reformave, Rama ka vendosur që të bëj ndryshime në qeveri. Ndërsa emrat e rinj që pritet të pasojnë ministrat që do të largohen, do të jenë ekspertë të fushave. Mirëpo, integrimi nuk është arsyeja e vetme, tek e cila do të bazohet Rama për të bërë ndryshime në qeveri. Një tjetër komponent tek i cili do të bazohet kryeministri është turi i llogaridhënies.

Nga ky tur takimesh është vënë re se ka shumë pakënaqësi. Pasi si në platformën e bashkëqeverisjes, ashtu dhe përmes shkresave apo komunikimit direkt, mësohet se janë me mijëra qytetarët që denoncojnë punën e ministrave. Sidoqoftë, në muajin korrik kryeministri Edi Rama pritet që të mbledhë Asamblenë e Partisë Socialiste, ku pritet që të bëhet ballafaqimi i 3 raporteve të bëra nga qeveria, deputetët dhe baza socialiste. Ndërkohë që do të bëhet një bilanc i ankesave për secilin sektor dhe atje ku çalon puna, ministrat do të duhet të largohen dhe t’u lënë vendin emrave të rinj. Për këtë arsye kryeministri po mendon të emërojë në qeveri njerëz me integritet dhe që i përshtaten funksionit.

Qëllimi i turit të llogaridhënies

Tirana ka qenë qyteti i parë, ku turi i llogaridhënies uli siparin. Gjatë fjalës së tij, kryeministri Edi Rama zbuloi prapaskenat e turit, teksa deklaroi se qëllimi i kësaj fushate është ballafaqimi me qytetarët, ku ministrat, deputetët dhe drejtorët do të flasim direkt me qytetarët e të gjitha moshave.

“Do flasim direkt me qytetarët e të gjitha moshave, do të dëgjojmë prej tyre se çfarë mendojnë ata për punën tonë. Proces që e nisim sot nga Tirana, ku pa asnjë diskutim jemi të vetëdijshëm për sa shumë ka ende për të bërë, por vetëm ata që nuk duan të shohin mund të mohojnë se sa shumë është bërë. Punën që parashikojmë në vijim për infrastrukturën rrugore, arsimore, shëndetësore. Do të shpalosim programin kombëtar të punësimit jo si strategji por si program i detajuar ku do të shpjegojmë sipas sektorëve të mundësive të reja për punësim”, deklaroi Rama.

Qeveria shqiptare duket se i ka hyrë punës me themel për përmbushjen e kritereve të BE-së të vendosura pak ditë më parë në Këshillin e Europës. Ditën e djeshme Edi Rama gjatë një takimi me ambasadorët dhe stafin e Drejtorisë së Integrimit në ministrinë e Jashtme ka qenë i prerë teksa ka thënë se shumë shpejt SPAK dhe BKH do të jenë gati dhe sipas tij ky proces është i pandalshëm.

Nga ana tjetër ai tha se Reformën në Drejtësi nuk e ndal askush.

“Në çka është përcaktuar për këto 12 muaj nuk ka asgjë më shumë, sesa çka përmban programi ynë i reformave dhe plani ynë në zbatimin e reformave, sepse të jemi realistë, nuk ka thënë dhe nuk thotë as Komisioni dhe as Këshilli asgjë më shumë, sesa ne do të bënim edhe sikur, largqoftë, të dilnim nga 72 orët e ferrit pa tekst, pa datë.

Do vazhdonim të kryenim procesin e vetting-ut, me datë, pa datë. Do vazhdonim të përmbushnim detyrimet kushtetuese dhe ligjore për ngritjen e institucioneve të reja të drejtësisë, qoftë SPAK-u, qoftë Byroja Kombëtare e Hetimit, me datë, pa datë. Do vazhdonim atë që bëjmë përditë, luftën kundër krimit dhe korrupsionit. Nuk është se këto do ndalonin, nëse do hapeshin negociatat menjëherë, apo nëse do refuzohej çelja e negociatave në harkun e 12 muajve”, deklaroi ai.

Rama “thumbon” Metën

Sipas gazetës ”SOT”, kryeministri Edi Rama “thumboi” Presidentin Ilir Meta, sa i takon reformës në drejtësi, pasi i hapi punë qeverisë. Gjatë kohës kur Partia Socialiste qeveriste me Lëvizjen Socialiste për Integrim, e cila asokohe drejtohej nga Meta, ky i fundit sipas Ramës, tentoi prishjen e koalicionit për hir të kësaj reforme. Të gjithë e mbajnë mend vitin 2016, kohë kur Ilir Meta kërcënonte hapur, herë pas herë kryeministrin Rama për reformën.

Ndërkohë që dje, shefi i qeverisë ka bërë publike këto prapaskena. “Për ne, reforma në drejtësi, unikale në të gjithë procesin e integrimit europian të të gjithë vendeve anëtare, e gjithëpranuar si një model që duhet shtrirë më tutje në të gjithë rajonin tonë, një reformë radikale me kosto jo të vogla të natyrave të ndryshme, për të cilën ne rrezikuam vetë koalicionin qeverisës”, u shpreh ai.

Thellimi i reformave

Kryeministri Rama shprehet i vendosur për të vijuar me reformat në vendin tonë, dhe thellimin e punës për përmbushjen e prioriteteve në ato drejtime që janë përcaktuar në tekstin e Këshillit të Bashkimit Europian për avancimin me negociatat. Ai theksoi se Komisioni Europian do të nisë menjëherë procesin përgatitor, në mënyrë që Shqipëria të mos humbë kohë në drejtim të procesit të integrimit në BE.

“Ka një ndryshim mes çeljes imediate të negociatave dhe çeljes së negociatave në 12 muaj, dhe kjo është e pranueshme, por ndryshimi është më formal seç duket në pamje të parë. Edhe sikur çelja e negociatave të ishte imediate, ne do të na duhej një punë përgatitore që do të merrte një kohë të caktuar, që shtrihet nga 6 në 12 muaj.

Çelja e negociatave është përcaktuar pas 12 muajsh, por Komisioni do të nisë menjëherë procesin përgatitor. Ky është mirëkuptimi më i plotë dhe më i mirëpritur nga ana jonë i të gjithë vendeve anëtare. Kjo është lejuar për të mos humbur asnjë minutë kohë. Ne do të thellojmë reformat tona në të gjithë ato drejtime që janë mirëpërcaktuar nga teksti i Këshillit”, nënvizoi kryeministri Edi Rama.

Në çdo aferë, shfaqen surretërit dhe emrat e tyre
Shumë i lodhur nga fjalimi “programatik për luftën kundër korrupsionit”, që mbajti në parlament, Lulzim Basha nuk iu përgjigj deputetit Balla në seancë, lidhur me fotografinë ku kishte pozaur me një nga bosët e 3.4 milionë eurove të kapura në Durrës, por shkoi u konsultua me Saliun dhe pas 24 orësh, bëri sqarimin publik të kësaj “rastësie”, duke thënë se… “nuk e njihte, nuk dinte gjë, nuk mbante mënd asgjë, mbasi ai takon përditë mijëra njerëz, me të cilët qan hallet e varfërisë dhe integrimit të Shqipërisë”.

Fotografia që nuk ishte bërë në malet e Dibrës, por me “regji pozimi” brenda në zyrën e Lulit në SHQUP, nuk është rastësi, por tregues i lidhjes së Lulit dhe shefit të Lulit, me individë e grupe të tillë, që ofrohen dhe pranohen si “të fortë e të pasur që mbledhin vota” nëpër zona.

Rastësi e quajti edhe Ilir Meta, fotografinë e publikuar nga “Pamfleti”, ku Presidenti i Republikës në atë kohë kryetar i LSI, kishte pozuar duke “zbardhur dhëmbët”, me bosin tjetër të 3.4 milionë eurove, militantin dhe financuesin e LSI Alban Mollaymeri, dalë në datën 25 qershor 2017 në profilin e bosit, ditën e zgjedhjeve parlamentare, por që Likja e mohoi, siç mohoi edhe lidhjen me ish-sekretarin e tij, trafikantin Almir Rrapi, kur ishte ministër i Jashtëm!

Ka shumë fakte të lidhjes së tyre, me individë të botës së krimit, por që përherë janë mohuar nga Luli, Saliu, Likja e Mona, të cilët betohen dhe përbetohen, se janë “të pastër” si burimet e Skraparit dhe uji bjeshkëve të Valbonës!

Vetiu, lindin disa pyetje, që duhet t’i ketë si referencë drejtësia, për të pastruar politikën nga këta horra që po vjedhin e po mbajnë peng Shqipërinë:

– Si është e mundur, që sa herë dhe kudo ku zbulohen skandale korrupsioni, krimesh e trafiqesh, bashkë me emrat e personave të kapur me krime, dalin emrat Sali, Like, Luli, Mona, Zeni, Gita, aq sa Saliu e mësoi rastësisht pas krimit të Gërdecit, që baxhanaku i tij punonte në atë fabrikë vrasëse?!

– Si është e mundur, që të gjithë këta, gjenden “rastësisht” në fotografi e video, duke u puthur, buzëqeshur, përqafuar, shëtitur dhe pozuar me individë të botës së krimit?!

– Si është e mundur, që edhe me bosët e 3.4 milionë eurove, Luli e Likja “janë takuar dhe kanë pozuar rastësisht, pa e ditur se cilët ishin”?!

I njëjti arsyetim vlen edhe pë palën tjetër./Pamfleti

Në një takim me strukturat e integrimit europian, kryeministri Edi Rama u shpreh se Shqipëria ka bërë si punë ashtu edhe reforma më shumë se çdo shtet tjetër përpara çeljes së negociatave.

“Morëm një ndihmë të jashtëzakonshme nga Greqia dhe Italia. Jam surprizuar për mirë nga fqinjët tanë. Kemi kapërcyer një moment delikat. Të gjithë kanë punuar shumë për negociatat. Shqipëria ka bërë përpara çeljes së negociatave më shumë se çdonjë tjetër në të njëjtën fazë. Dy orë përpara marrjes vendimtare nuk kishim tekst”, tha kryeministri

Nga ana tjetër Rama bëri edhe dallimin mes çeljes së negociatave në këto moment si dhe çeljes në 12 muaj:

“Normal se ka një ndryshim mes çeljes së negociatave në këto momente dhe çeljes së negociatave në 12 muaj. Por edhe nëse çelja e negociatave do ishte immediate, do na duhej një kohë e caktuar nga 6-12 muaj. Çelja e negociatave është përcaktuar pas 12 muajsh, por komisioni do të nisë menjëherë punën përgatitore”, tha Rama.

Rama tha se Europa nuk ka vënë asnjë kusht për negociatat.

Pjesë nga fjala e Ramës:

Një surprizë befasuese për ne që të gjithë kanë bërë edhe më shumë sesa do të ishte mjaft sa për të thënë ‘që ne e bëmë tonën’.

Dua të nënvizoj atë që në 72 orët e dallgëve të larta të procesit, fillimisht në Luksenburg e më pas në Bruksel. Që bënë fqinjët tanë grek dhe italian. Ata bënë asgjë më pak sesa do të ishim bërë ne vetë nëse do të ishim të pranishëm. Ne mungonim por falë angazhimit të jashtëzakonshëm të këtyre dy miqve ne nuk munguam aty.

Ishte një ndihmë e jashtëzakonshëm për ne dhe Maqedoninë e veriut. Sot kemi kapërcyer një moment tejet delikat, Shqipëria ka bërë para çeljes së negociatave, më shumë se çdo vend tjetër. Ishte një rrezik real që të mbeteshim në këtë moment pa tekst.

Dy orë para vendimmarrjes, nuk kishim tekst, për shkak të dinamikës së brendshme të tryezës së bisedimeve ku 25 vende u rreshtuan në mënyrë të vendosur për të mbështetur çeljen e negociatave, dhe tre vende të tjera ishin në pozicion të ndryshëm, për arsye që i kemi dëgjuar në vazhdimësi dhe i mirëkuptojmë.

Ka një ndryshim mes çeljes së negociatave mes çeljes së menjëhershme dhe pas 12 muajve, këtë nuk mund ta mohojmë. Por edhe sikur çelja të ishte imediate ne do ta duhej një punë përgatitore që do të merrte një kohë të caktuar, nga 6 deri në 12 muaj, dhe fati që çelja e negociata është përcaktuar pas 12 muajsh, por ndërkohë komisioni do të nisë menjëherë procesin përgatitor, është procesi  më i plotë dhe i mirëpritur nga ana jonë.

Më vjen për të qeshur dhe për të qarë kur dëgjoj se Evropa ka vënë kushte, nuk ka vënë asnjë kusht por ka nënvizuar kushtëzimet që ka kjo fazë. Qeshëm me kryeministrin e Malit të Zi, kur po diskutonim për 5 prioritet, dhe tha se ‘prit prit se pastaj do këtë më shumë kushte”, kjo nuk është çështje përputhshmërie me parametrat e një vendi të BE.

Të jemi realist, nuk ka thënë dhe nuk thotë as komisioni dhe as këshilli asgjë më shumë dhe sikur larg qoftë të dilnim nga 72 orët e ferrit pa tekst e pa datë, do vazhdonim vettingun, do vazhdonim për ngritjen e institucioneve të drejtësisë, do vazhdonim atë që bëjmë përditë, luftën kundër krimit dhe korrupsionit. Nuk është se këto do të ndalonin nëse do të hapej menjëherë. Ky proces nuk është për Evropën, është për fëmijët tanë, për të ndërtuar këtu një shtet Evropian.