Politike

Berisha para Gjykatës së Lartë: Zgjohem dhe fle me ligjin, armiqtë s’kanë gjetur asnjë provë…

Aktualitet, Politike / /

Sali Berisha i është bashkuar protestuesve në afërsi të Gjykatës së Lartë, aty ku do të zhvillohet gjyqi për vulën e PD.

Gjatë fjalës së tij para mbështetësve, Berisha tha se ka zbatuar gjithmonë ligjin dhe se vështirë të gjendet dikush tjetër që ka më shumë konsideratë se ai për ligjin.

“ Në jetën time unë kam pasur privilegjin që tëi shërbej Shqipërisë me poste më të larta, si President, kryeministër. Kjo karrierë e gjatë me poste publike zhvillon tek njeriu natyrën e dytë të ligjit, zgjohesh me ligjin, fle me ligjin dhe me ligjin vazhdojnë jetën publike.

Një porosi kam patur për bashkëpunëtorët e mi ‘repektoni ligjin’. U bënë vite që armiqtë e mi kanë nxitur hetim shteruese ndaj meje, pse pas kaq kohës nuk kanë gjetur asnjë fakt, asnjë provë, sepse unë gjithnjë kam respektuar ligjin.

Kam respektuar ligjin me bindjen më të thellë se ai respekt është mënyra më e sigurtë për garantimin e lirive tuaja për funksionimin e shtetit ligjor.

Në këtë aspekt mund t’ju them se vështirë të gjindet një tjetër të ketë konsideratë me të lartë se unëpër ligjin. Ky është fakt.

Por sot, më shumë se kurrrë është koha që secili prej nesh të kujtojë diçka thelbësore që duhet se është harruar, çfarë është ligji?

Ligjet Kushtetutat Gjykata janë instrumenta për garantuar liritë dhe të drejtat e njeriut. Ashtu si kirurgu që ka në dorë bisturinë për të shpëtuar jetën e të sëmurit, zyrtari ka ligjin në dorë për të garantuar jetën e njerëzve. ”, tha Berisha para mbështetësve të tij.

Berisha para Gjykatës së Lartë: Zgjohem dhe fle me ligjin, armiqtë s’kanë gjetur asnjë provë… Read More »

Sot protesta e fundit? Berisha: Çfarë thua…kush e tha këtë?!!!!

Opinione, Politike / /

Ish-kryeministri Sali Berisha është shprehur se kryeministrit Edi Rama nuk i kishte ngelur asgjë tjetër veçse ta burgoste atë pa asnjë provë. Berisha tha se askush nuk mund ta pengojë atë në misionin e tij dhe shprehu bindjen se Shqipëria nuk do të ngelet kurrë pa opozitë.

“Gabimi më i madh që mund të bëjë qytetari është që ta marrë ligjin të mirëqenë, liritë e tij të mirëqena. Kosto e këtij gabimi është vetë liria.

Njeriu i lirë është ai që zbaton ligjin, por duke qenë vigjilent se mos ai ligj po përdoret kundër tij.

Vetëm skllavi do pranonte që gjykatat, që shkelin ligjin, që shtypin lirinë e tij, të përcaktojnë fatin e tij. Kjo është diferenca mes njeriut të lirë dhe skllavit.

Kështu që a ka njeri të lirë sot të mos pranojë se shumica e demokratëve kanë zgjedhur si kreun e tyre, si lider të PD-së, Sali Berishën.

Kjo është e faktuar me dy palë zgjedhje dhe me tre votëbesime. Kjo është e faktuar me mbi 500 mijë vota jo më larg se 7 muaj më parë. Kjo është e faktuar nga një proces votëbesimi jo më larg se një muaj më parë” tha ai.

Sot protesta e fundit? Berisha: Çfarë thua…kush e tha këtë?!!!! Read More »

Berisha paralajmëron Ramën: Nuk do t’i ndahemi derisa ta qërojmë nga pushteti

Opinione, Politike / /

Ish-kryeministri Sali Berisha ka paralajmëruar Edi Ramën se do të bëjnë gjithçka për ta rrëzuar atë nga pushteti, pasi sic u shpreh ai Rama është një armik i votës së lirë.

I vetëdijshëm se kjo është e vështirë, Berisha tha se duhet guxim dhe sakrificë, por siguroi që do ta realizojnë.

Sot tha Berisha, ‘nisëm protestën kundër institucioneve të shndërruara në armë të diktaturës! Ky fillim do shndërrohet në ortek’.

“Sot të gjithë shqiptaret e trembur, të struktura, të frikësuar, sytë i kanë tek ju dhe vetëm tek ju. Natyrisht ne sot fillojmë një kapitull të ri, por ju garantoj se forcë në botë që të më ndajë mua nga ju nuk ka.

Çdo minutë, çdo orë dhe çdo ditë unë do bëj gjithçka që të ecim të sigurt drejt fitores.

Besimin që më dhatë ju unë e pranova, me dy qëllime. E pranova sepse ju ishit demokratët dhe demokratet që doni që të qëndroni si opozitë e vërtete, për idealet tuaja të lirisë.

Ne pranuam të futemi në zgjedhje në kushtet më të paparbarta, por donim ta kapnim për fyti armikun e votës për t’iu betuar se nuk ndahemi kurrë derisa të qërojmë nga pushteti.

Ndaj dhe kaloi në masa ekstreme, por përsëri ju siguroj se do të dështojë, ne nuk mashtrohemi nga Edi Rama. Ne nuk mashtrohemi nga Edi Rama. Ne nuk jemi nga ata që u themi shqiptarëve se me Edi Ramën mund të fitohen zgjedhjet. Ne u themi shqiptarëve të rrëzohet Rama që të fitojmë zgjedhjet dhe shqiptarët të votojnë të lirë. Ne do ta realizojmë këtë, por kjo kërkon, guxim dhe sakrificë”, tha Berisha.

Berisha paralajmëron Ramën: Nuk do t’i ndahemi derisa ta qërojmë nga pushteti Read More »

Gazetari i njohur zbardh prapaskenat: Ja çfarë do t’i ndalohet Berishës

Opinione, Politike / /

Gazetari Ardit Hoxha foli në lidhje me çështjen “Berisha” dhe kërkesën për masën e arrest shtëpisë ndaj ish-kryeministrit.

I ftuar në emisionin “Now”, ai theksoi se si ndaj Berishës dhe dhëndrit të tij Jamarbër Malltezi, rëndojnë pothuajse të njëjtat akuza, por që masat janë të ndryshme.

“Si Berisha dhe Malltezi kanë të njëjtat akuza për të njëjtën çështje.

Për Malltezin nuk ka një polic te dera e shtëpisë dhe gjithashtu i është ndaluar që të komunikojë publikisht me qytetarët, ndërsa për Berishën kërkohet një masë më e ashpër që t’i vendoset polic te shtëpia dhe të mos ketë kontakt publik”-tha ai.

Gazetari i njohur zbardh prapaskenat: Ja çfarë do t’i ndalohet Berishës Read More »

Berisha: ‘Ne jemi shpresa e vetme, prandaj na luftojnë në çdo formë’

Aktualitet, Opinione, Politike / /

Ish-kryeministri Sali Berisha ka folur në mbledhjen e Këshillit Kombëtar për sulmet ndaj opozitës.

Ai shprehet se opozita në fakt nuk është e dobët, por thjeshtë e sulmuar.

Ish-kryeministri thotë se këto sulme vijnë për të vetmin fakt se ata po thonë të vërtetën.

Ndërsa sa u takon shqiptarëve, Berisha tha se ata janë të tradhtuar, si nga qeveria, drejtësia por edhe nga opozita “fasadë” duke iu referuar këtu PD-së së drejtuar nga Lulzim Basha.

Sipas Berishës, shpresa e vetme e shqiptarëve tanimë është vetëm PD e Rithemelimit.

Sali Berisha: Pikërisht se nuk kanë prova, ky arrestim mund të realizohej vetëm nga një zinxhir shkeljesh ligjore.

Po pse gjithë kjo luftë kundër Sali Berishës? Pse ky agresion 2-vjeçar kundër opozitës, aq sa janë të gatshëm të shkatërrojnë pluralizmin, vetëm për të na luftuar ne.

Këto dy vite ne kemi prishur rehatinë, kemi goditur gjer në palcë Edi Ramën, sepse kemi treguar të vërtetën.

Sepse kur qeveria u çan veshët qytetarëve “Shqipëria është Europa e Ballkanit” të kujton Sulltan Hamiti kur thoshte se Shqiptarët janë otomanët e Europës.

Kjo është vetëm për ministrat e tij. Është krejt tjetër për qytetarët. Nga kjo parajsë kanë ikur 1 mln e 300 mijë qytetarë.

Opozita luftohet se kur Edi Rama bën si klloun para Evropës, ne i tregojmë se ky klloun në fakt është një diktator që pushtetin e fiton duke shndërruar krimin në votë dhe votën në krim.

Opozita nuk është e dobët, është e sulmuar, nga qeveria e padrinos, gjykata dhe prokuroria politike, edhe nga disa prej mediave më kryesore të vendit, nga organizatat e krimit dhe drogës

Për t erën parë në histori ne jemi një komb në vdekje. Shqiptarët janë larguar nga vendi i tyre më shumë se sirianët nga luftrat.

Shqipëria është e tradhëtar, qeveria i ka tradhëtuar shqiptarët, drejtësia i ka tradhëtuar shqiptarët, opozita fasadë si ato Brava-Balla-Alibeaj i ka tradhëtuar shqiptarët.

Çfarë iu ka mbetur shqiptarëve? U ka mbetur vetëm opozita e vërtetë. Vetëm ne jemi shpresa e vetme që ka mbetur për shqiptarët prandaj dhe luftohemi në çdo formë.

Berisha: ‘Ne jemi shpresa e vetme, prandaj na luftojnë në çdo formë’ Read More »

Berisha i vendosur: Jo në qeli, por edhe në Hënë po të më çojnë do të gjej mënyrën për të bërë opozitë

Politike / /

Ish-kryeministri Sali Berisha është shprehur se Rama fërkon duart duke pritur arrestimin e tij.

Berisha theksoi se rilindja e Ramës pret fundin e tij, por theksoi se kanë gabuar rëndë dhe se do të fitojë.

Ai theksoi se “jo në qeli, por edhe në Hënë po të më çojnë do të gjej mënyrën për të bërë opozitë”.

“Jemi shpresa e vetme e këtij kombi. Sot Edi Rama, Rilindja SPAK dhe të gjithë armiqtë e demokracisë shqiptare po fërkojnë duart duke pritur arrestimin e Sali Berishës. Thonë se ky është fundit i Sali Berishës dhe opozitës. Absurde. Fundin e Berishës kanë qe në ’97 qe e përsërisin dhe janë të njëjtat persona që e thonë, po përsëri gabuan dhe ne do të fitojmë.

Sali Berisha nuk heq dorë kurrë nga mbrojta e idealeve të lirisë, opozitarizmit, programit të PD, jo në shtëpi, apo në qeli, apo ishull, por edhe në Hënë po të më çojnë do të gjej mënyrë për të bërë opozitë dhe për të thënë të vërtetën”, tha Berisha në mbledhjen e Këshillit Kombëtar.

Berisha i vendosur: Jo në qeli, por edhe në Hënë po të më çojnë do të gjej mënyrën për të bërë opozitë Read More »

Kuvendi i hoqi imunitetin, Berisha: Jam më i fortë se kurrë!

Aktualitet, Politike / /

Para selisë blu, ish-kryeministri Sali Berisha foli para mbështetësve të tij duke thënë se ndihet më i fortë se kurrë, pas heqjes së imunitetit të deputetit që i hap rrugë arrestimit të tij.
“Jam pa imunitet, por më i fortë se kurrë. Më i vendosur se kurrë në mbrojtje të kauzës së drejtë të opozitës. Do të triumfojë.

Kjo bandë që qëndron në pushtet do t’i ketë kohërat e numëruara. Rama do të përfundojë si gjyshi i tij Enver Hoxha.

Shqiptarët do të kenë qeveritarët dhe opozitën e tyre siç e meritojnë.
Kjo histori është në zhvillim, por është më krenare pasi nuk mposhte nga agresioni dhe korrupsioni i pashembullt.

Ka të gjithë energjinë për të mbrojtur të drejtat e shtetit ligjor.

Gjithçka që është ndërmarrë ndaj meje është ilegjitime. Vendimet nga alfa te omega janë marrë si hakmarrje e mirëfilltë politike në shkelje të çdo parimi dhe ligji. Ju falënderoj për praninë tuaj, mirupafshim”, tha Berisha

Kuvendi i hoqi imunitetin, Berisha: Jam më i fortë se kurrë! Read More »

Rama: E paimagjinueshme që studentët nuk janë patriotë por duan të ikin!

Aktualitet, Opinione, Politike / /

Kryeministri Edi Rama gjatë një aktiviteti ku njoftoi dhënien e kredive të buta për mjekët, ushtarët dhe policët, u shpreh se është e paimagjinueshme që të “protestojnë studentët e mjekësisë” që nuk pranojnë tarifat e reja ose në të kundërt duhet të shërbejnë për një periudhë kohe në atdhe.

U foli të rinjve se përse duhet të rrinë në atdhe dhe nuk duhet të largohen në Gjermani apo vende të tjera.

“Është e paimagjinueshme që studentë të mjekësisë të refuzojnë dhe të bëjnë protesta që t’ia kthejnë këtij vendi dhe këtij populli këtë investim të madh. Qeveria financon studimin e mjekëve për të shërbyer për shëndetin publik të Shqipërisë.

Qeveria nuk fonacion studimin e mjekëve për t’i shërbyer Gjermanisë. Nëse dikush nuk dëshiron që ta marrë në konsideratë detyrimin human, patriotik që për disa vite të shërbejnë në Shqipëri dhe t’ia kthejnë këtij populli atëherë duhet të paguajë tarifën e plotë dhe pastaj të shkojë në Gjermani apo ku të dojë.

Dhe tarifa e plotë nuk është e vërteta përsëri. Edhe për mjekët do të krijojmë këtë mundësi që të blejnë shtëpi për të jetuar në shtëpitë e tyre. Në mes të vitit të ardhshëm paga mesatare në sektorin publik do të jetë 900 Euro” tha ai.

Rama: E paimagjinueshme që studentët nuk janë patriotë por duan të ikin! Read More »