Politike

Qeveria shqiptare ka paguar paratë për Covax-in dhe tashmë ka hyrë në rrjetin e vendeve që ka prenotuar financiarisht aksesin për vaksinën që pritet të dalë në vijim. Kryeministri Edi Rama tha gjatë fjalës së tij në Kuvend këtë të hënë se kur të dalë vaksina nuk do të mund që të jetë e gatshme për të gjithë popullsinë.

Megjithatë ai u shpreh se qeveria ka një strategji. Fillimisht do të vaksionohen personat vulnerabël, ndërsa më pas vaksinimi do të vazhdojë falas për të gjitha shtresat e popullsisë.
“Qeveria ditën e sotme ka paguar kaparin për Covax-in. Ka hyrë në rrjetin e shteteve që kanë prenotuar financiarisht aksesin në vaksinën që pritet të dalë për përdorim masiv në muajt që vijnë. Po ashtu jemi në komunikim të përditshëm me BE-në, unë kam pasur një bisedë të gjatë me Presidenten e KE-së, me disa nga kryeministrat për të garantuar qartësi dhe siguri për aksesin në vaksinimin e popullsisë duke pasur parasysh që vaksina do të dalë, por sasitë që do të jenë të disponueshme nuk do të jenë menjëherë të atilla që do të mbulojnë popullsinë e përgjithshme të Europës, apo edhe të cilitdo vend. Të gjitha vendet kanë një strategji, ne kemi të njëjtën strategji për të vijuar me vaksinimin falas të të gjithë kategorive më të prekshme, më vulnerabël, dhe pastaj për ta shtrirë vaksinimin falas në të gjitha shtresat e popullsisë. Ne sot jemi gati për të pasur askes dhe ndërkohë po punojmë si edhe të tjerët për të ndërtuar aleancat e duhura në mënyrë që të mos mbetemi mbrapa të tjerëve. Këtë po bëjnë të gjithë, këtë po bëjmë edhe ne”, tha Rama.

Koronavirusi duket se ka prekur edhe familjen e kryeministrit Edi Rama. Në fjalën e tij sot në Kuvend, ai la të kuptohej se dhe në familjen e tij ka pasur të infektuar nga Covid, por as ata, as ministrat e kabinetit qeveritar që e kanë kaluar apo po e kalojnë Covid-19, nuk kanë shkuar në Turqi.

Rama tha se nuk i ndalohet askujt që beson se mund të marrë një shërbim më të mirë jashtë vendit, konkretisht në Turqi, por theksoi se në këto momente, në këtë situatë, për këtë sëmundje, në spitalet jashtë vendit nuk gjen asgjë më shumë se në Shqipëri.

“Për mos dhënë shembuj dhe të familjes tani për të thënë që nuk shkojmë ne në Turqi. Për një arsye të thjeshtë jo se nuk ka shërbim shumë më të specializuara në spitalet e Evropës, kur vjen puna për sëmundje të veçanta, por se në këtë rast me këtë sëmundje s’ka asgjë jashtë Shqipërisë që nuk është në Shqipëri, asgjë, as ndonjë protokoll të vecantë shoqëror, as ndonjë aparatur‰ të vecantë as staf mjekësh me përkushtim që këta tanët nuk e kanë. Thonë që shkojnë qeveritarët në Turqi, nuk është e vërtetë, ne s’ndalojmë njeri të shkojë meqë rruga është e hapur, por asnjë qeveritar s’ka shkuar në Turqi e janë disa që e kanë kaluar e po e kalojnë Covidin nga ministrat, asnjë s’ka shkuar”./noa

Presidenti Ilir Meta, i ka bërë sërish sot thirrje qeverisë, që të shtojë testimet dhe të rrisë buxhetin shëndetësor, për të përballuar si duhet krizën që ka shkaktuar pandemia.

Meta bëri po ashtu thirrje që të gjithë të vendosin maskat.

“Të shtohen testimet”.

“Të rritet buxheti për sistemin shëndetësor”.

“Të rimbursohet çdo qytetar që mjekohet në banesë”.

“Të gjithë të vendosin maskat”.

“Së bashku kundër COVID-19, për mbrojtjen e shëndetit të çdo qytetari!”, – u shpreh Presidenti përmes një reagimi në Facebook.
/NOA.al