Opinione

Gazetari Blendi Fevziu ka rrëfyer jetën e 39 personave të shpalosur në librin e tij më të fundit “Takimet e mia me…”, ku një prej tyre ka qenë edhe kryeministri Edi Rama.

Për këtë të fundit, Fevziu thotë se ka qenë një personazh interesant në Shqipërinë e fund viteve ’80 dhe dukej atipik. Në një cep të librit gazetari thotë se ka shkruar dhe për momentin kur e ka takuar për herë të parë Ramën dhe bisedat që ka zhvilluar me të. Ai thekson se nëse dikush atëhere do e pyeste mbi të ardhmen e Ramës, vetëm kjo që ka sot, nuk do i kishte shkuar kurrë ndër mend.

“Te Rama kam një pjesë, ku bëj dhe një lloj rivlerësimi për të: pjesa kur flas për Ramën dhe raportin e tij më të shkuarën. Ai ishte një personazh shumë interesant në Shqipërinë e fund viteve ’80. Dukej atipik. Kam pjesën kur e kam takuar për herë të parë personalisht, dhe them që: nuk kujtoj mirë atë takim, ishte një diskutim sa politik aq dhe letrar. U fol për Berishën dhe PD, aq sa u diskutua për Kadarenë dhe Martin Camajn. Një gjë më bëri shumë përshtypje them, Edi Rama ishte një njeri sa ambicioz dhe njohës i mirë i eventeve politike.

Dukej që e kishte ndjekur çdo gjë me vëmendje. Nëse dikush në atë moment do më pyeste se cila do të ishte e ardhmja e tij, vetëm atë që ka sot nuk do më shkonte kurrë nëpër mend. Do ta mendoja më shumë një hero cinik që tallej me provincializmin dhe falsitetin, se sa ulur në fronin e mbretërisë së falsitetit politik që Shqipëria prodhoi në 30 vitet e fundit.

Është transformimi i atij personazhi që dilte me poturet e gjera që në atë kohë, që e kishte tendencë që dilte kundër normalitetit, kundër standardit, që befas u kthye në mbretin e standardit më bazik që Shqipëria ka prodhuar”, tha Fevziu në emisionin “Mirëmëngjes Shqipëri”.

Avokat Genc Gjokutaj ka zbuluar sot se komunikon rregullisht me kreun e Partisë së Lirisë Ilir Meta, ndërsa është shprehur se nuk e di ku ndodhet ai, por shton se mbrëmë ka parë disa foto të tijat me disa miq në Shqipëri.

Në emisionin “Kjo Javë” në News24, Gjokutaj shprehet se ndaj Metës janë aktivizuar persona me të kaluar të dyshimtë për t’i përpiluar kallëzime, por shton se nuk është marrë në pyetje dhe se nuk flitet për ndonjë letërporosi.

“Ndaj zotit Meta janë aktivizuar më herët disa që s’dua t’u përmend emrat. Janë vënë njerëz me të kaluar të dyshimtë për të përpiluar kallëzime. Meta është prej gati 5 vjet është në sulm permanent. Meta nuk është pyetur. Hetimet kanë vazhduar. Nuk flitet për letërporosira.

Berisha dhe Meta janë aleatë të një koalicioni, dhe në çfarëdolloj situate të gjendjen, nuk kërkojnë ndihmë. Futja e zotit Meta në këtë betejë të Berishës do të ishte e tepër dhe e rekomandoj të mos marrë pjesë.

Meta çdo muaj shkon takon fëmijët, shkon për arsye shëndetësore. Meta nuk ka cilësi në proces, nuk i është bllokuar dalja jashtë vendit.

Është hapur ky muhabeti i Berishës dhe tashmë është krijuar perceptimi.

Me Metën komunikoj telefonisht, është shumë mirë. Nuk më duhet se ku ndodhet. Ai ka ardhur, ka ikur. Do iki, do vijë prapë. Mbrëmë kam parë disa foto me disa miq në Shqipëri, nuk e di tani”, tha ai

Edi Paloka, pas thirrjeve për të rrëmbyer armët, por që nuk e dëgjoi askush, këtë radhë iu ka bërë një tjetër apel shqiptarëve, që të ngrihen për të mbrojtur Sali Berishën.

“O shqipe, kuptojeni se po nuk reaguat sot, do të jetë vonë kur e keqja t’ju ketë ardhur në derën e shtëpisë.

Do ju marrin lirinë, shtëpitë, pronat dhe jetën e nuk do ketë se kush t’ju mbrojë.

Nuk do ketë as kush të ngrejë zërin e jo t’ju dalë në krah!

Kështu filloi dhe në ‘46 …,” shkruan Paloka.

Prej ditësh, ata pak njerëz që i kanë mbetur në krah Sali Berishës, po përpiqen të ngrejnë popullin për ta mbrojtur, duke iu bërë thirrje të përditshme.

Por sa më shumë flasin këta, aq më shumë e braktisin Berishën.