Opinione

Gazetari Artan Hoxha është shprehur se 1 vit më parë, ka pasur informacion që Ervin Mata ka ardhur në Shqipëri me një person, i cili konsiderohet si drejtuesi i organizatës më të madhe të narkotrafikut në Bolivi.

Gazetari Hoxha deklaron se nga informacionet e tij, Ervin Mata dhe drejtuesi i organiztatës më të madhe të narkotrafikut në Bolivi kanë udhëtuar dhe me mjet ajror në territorin shqiptar.

Blendi Fevziu: Ku ndodhet Ervin Mata tani?

“1 vit më parë, ka pasur informacion që Ervin Mata ka ardhur në Shqipëri me një person, i cili konsiderohet atje si drejtuesi i organizatës më të madhe të narkotrafikut në Bolivi. Ka ardhur në Shqipëri bashkë me të. Ai ka qëndruar në Shqipëri dhe kanë lëvizur me sa di unë edhe me mjet ajror në

Dyshime ka shumë, çështja është si të shkosh tek prova. Ekspozimi i Ervin Matës u bë pas ngjarjes në Bllok. Pas ngjarjes në Bllok, Ervin Mata ka pasur disa momente… sepse është një nga personazhet më kontraversë të narko-trafikut. Mund ta gjesh një muaj në kulm se mund të ketë lëvizur një sasi prej 1 ton-1 ton e gjysmë kokainë dhe muajin tjetër mund ta gjesh krejtësisht pa Lekë duke kërkuar para. Pra është një personazh shumë i çuditshëm, paguante çmimet e kokës për të bërë aktivitete kulturore, klipe e ku di unë për të realizuar gjëra të tilla. Ervin Mata hyn kryesisht tek pjesa e narkotrafikut, e trafikimit të sasive më të mëdha në Bashkimin Europian”, tha Hoxha.

Operacioni u zhvillua pas 7 muajsh hetimesh nga Prokuroria e Posaçme, që zbuluan grupin kriminal

Gazetarja Anila Hoxha ka dhënë detaje të reja në lidhje me operacionin e zhvilluar mbrëmjen e djeshme nga SPAK.

Hoxha deklaroi se operacioni u zhvillua pas 7 muajsh hetimesh nga Prokuroria e Posaçme, që zbuluan grupin kriminal të përbërë nga 11 perosna, që trafikonin kokainë nga Ekuadori dhe Kolumbia drejt vendeve të Evropës. Hoxha dhe se ish-drejtori i policisë Ervin Breçani dhe shefi i Krimeve të Komisariatit numër 6, Dedan Gjoni janë arrestuar teksa ishin së bashku dhe prisnin të shihnin ndeshjen e Kombëtares së futbollit.

Gazetarja tregoi po ashtu edhe rolin që gjithësecili kishte në këtë grup kriminal.

“Mbrëmjen e djeshme me vendim të Gjyqtares së Posaçme anti Korrupsionin dhe kundër Krimit të Organizuar, zonjës Elsa Ulliri dhe me kërkesë të prokurorit të SPAK Vladimir Marra, policia dhe agjentët e BKH-së, pasi morën e emrat e personave që ishin në kërkim nisën të ekzekutonin masat e sigurisë të vendosura nga këta persona. Erzen Breçani ishte së bashku me shefin e Krimeve të Komisariatit të Kombinatit dhe prisnin të ndiqnin ndeshjen e Kombëtares. Pikërisht janë arrestuar në këtë moment dhe në të njëjtin moment kanë kryer kontrolle në Kukës, Rashbull dhe në Selenicë.

SPAK pas hetimeve prej 7 muajsh, është i bindur se ka çmontuar një grup kriminal të përbërë nga 11 persona që fokusin e tyre kishin trafikun ndërkombëtar të kokainës, duke nisur nga Ekuadori, Kolumbia, vend origjine dhe destinacion, Belgjikën, Holandën, ose dhe Gjermaninë. Në platformën SKY janë konstatuar biseda të këtyre personave, mes tyre dhe djali i ish-drejtorit të policisë, Breçani, i cili konsiderohet me rol të rëndësishëm në transportin e kokainës. Të tjerët kanë qenë të angazhuar edhe me vrasje, për prishjen e pazareve të drogës por edhe për hasmëritë si ajo e Ervin Matës dhe Ervis Martinajt.

Breçani akuzohet se ka pastruar para të trafikut të drogës, sipas hetimeve të SPAK. Breçani nuk akuzohet për trafik dorge. Për djalin e tij, rëndon akuza edhe për trafikun e parave si dhe sigurimi i rrethanave për kryerjen e vrasjeve. Në njoftimi ne SPAK, theksohet nga ana tjetër se u arrit të provohet përfshirja e nëpunësove dhe punonjësve të policisë. Kjo është pjesa më e rëndësishme. Megjithatë, deri më sot këtu ka vetëm dy oficerë të policisë. Njëra prej tyre Bababmeto, e cila dyshoeht se ka dhënë një informacion në kohën kur ishte punonjëse e Interpolit. Oficeri tjetër, shefi i Krimeve të Kombinatit ka informuar me informacione anëtarët e grupit kriminal. Ka ende shumë biseda të paverifikuara dhe do të zbulojnë emra të tjerë të policisë së shtetit, që kanë lidhje me krimin.”– tha Hoxha.

Kënga ‘Mora Fjalë’ e kompozuar nga Naim Gjoshi dhe kënduar nga Shkurte Fejza është kthyer në një himn të dytë, sa herë që luan Kombëtarja e futbollit.

Tifozët në stadium e kanë bërë traditë këndimin e vargjeve të këngës kushtuar heroit të UÇK-së Adem Jasharit, por edhe vetë lojtarët e këndojnë gjatë festës në dhomat e zhveshjes. Mejgithatë, duekt se jo të gjithë janë dakord me këtë fakt.

Një prej tyre është dhe Ylli Manjani, ish-ministër i Drejtësisë, i cili ka folur me rezerva për këtë. Sipas tij, kënga nuk ka aspak lidhje me futbollin, e po ashtu është përdhosje e figurës së heroit të UÇK-së.

“Mund të më shpjegojë dikush se çfarë pune ka kënga e Adem Jasharit te Kombëtarja e Futbollit?

Pa lidhje. Ajo është përdhosje e figurës së Adem Jasharit. Adem Jashari nuk ka qenë futbollist. Po të kishte qenë Panajot Pano. Dakord. Hajde, do e pranonim. Po ajo është një këngë e tmerrshme, çohu Adem. Pa lidhje. S’ka lidhje. Zero. Por ama po ta thuash këtë publikisht, do thotë që ti ke përdhosur [simbolet, të shkuarën, historinë]”, u shpreh Manjani.

Juristi Romeo Kara ka folur për aferën CEZ-DIA dhe hetimet e SPAK, ku kryetari i Partisë së Lirisë, Ilir Meta u paraqit në SPAK në cilësinë e personit në dijeni. Ai thotë se në dukje dukej se nuk dinte çfarë të thoshte për momentin, nëse ishte thirrur si person në dijeni apo nën akuzë.

“Ishte një mbllaçitje në gojën e tij. U kuptua që kishte të bënte me këtë çështje. Hyri dhe doli duke përmendur emrin tim. Ndjen rrezik për këtë çështje dhe thotë dhe për të trazuar ujërat”, tha ai në MCN.

Kara deklaroi se kjo çështje është kallëzuar prej tij në vitin 2017, në Prokurorinë e Krimeve të Rënda dhe se çështja e privatizimit të CEZ është hetuar, ka disa vepra penale, ku ka kallëzuar 14 veta.

“Mundësitë e mia të hetimit aq ishin, ato që janë, janë të pakundërshtueshme. Nuk ka dalë ndonjëherë Berisha ta trajtojë atë dosje.

Uroj që SPAK ta gjejë fakte të reja dhe ta rihapë për gjykim që në shkallën e parë. Kemi të bëjmë me një vjedhje të organizuar nga klasa politike të një pasurie kombëtare.

Sektori energjetik shihet si llokmë, kemi parë se si kanë hyrë dhe kanë dalë miliarderë. Kemi bashkudhëtarë të Ilir Metës, si Dritan Prifti që e kanë akuzuar që në vitin 2010 lidhur me këtë aferë.

Unë kam arritur të krijojë dyshime të arsyeshme me fakte që ky person, bashkë me bashkëpunëtorin e tij Kastriot Ismailaj, kanë hyrë në një aferë me palën çeke.

Në atë kohë prokuroria ka parë në mënyrë të kufizuar objektin vetëm për mashtrim të Ismailaj. Kam marrë të dhëna se Prokuroria ka tentuar ta mbyllë dosjen, në periudhën 2015-2016.

Kemi parë emisarë të Metës që kanë shkuar të takojnë Ismailaj në burg me mesazhe të zeza. Por kjo dosje ia doli që të mbijetojë. Koha e gjatë dhe mënyra si po thirren persona, tregon se po i hyjnë në themel çështje”, tha ai.

Kara tha se për herë të parë Meta e pranoi se ERE ka dhënë vendime të dënueshme, duke favorizuar palën çeke.

“Ndërmarrja ka qenë 76% e shtetit çek dhe 24% e shtetit shqiptar, që si aksioner minoritar nuk ka mbrojtur të drejtat tona por i është lënë hapësirë Ministrisë së Energjisë që të ndërhyjë për të bërë këto allishverishe.

Kallëzimet janë dhe indicie. Unë për shkak të detyrës kam gjykuar se është konsumuar një vepër penale e konsumuar nga 6 persona të kallëzuar nga unë dhe mendoj se SPAK e ka zgjeruar gamën e hetimeve dhe provave.

Përmend dëshminë e Jozef Hejsekut, drejtorit të OSHEE, i cili ka deklaruar se Ismailaj është prezantuar nga Qazim Tepshi, ish-ambasador në Pragë, një njeri i qarqeve politike, sidomos i Metës dhe i Berishës.

Kanë dashur në këtë aferë të kenë një person zëdhënës të këtyre qarqeve dhe të krijojnë një klimë të besimit të mirë për të bërë bashkë të ligjshmen dhe të paligjshëm.

Nuk është se do mblidheshin 460 milionë euro borxhe dhe 200 e ca ti merrte DIA. Mendoj se Qazim Tepshi ka qenë nga personat e parë që ka pasur dijeni, madje ka qenë i përfshirë me 12%.

Për mua vdekja e tij është e dyshimtë. Për mua personat që akuzojnë Metën, rrezikojnë.

Mendoj se nuk ka pasur nevojë Agron Çela të jetë ndërmjetës mes Metës dhe Ismailaj. Që në vitin 2000, Meta ka qenë në festën e Ismailaj. Dëshmitë përputhen me atë çfarë ka ndodhur.

Numri i personave është i madh, por Meta sipas gruas së Ismailaj, thotë se Meta na bënte presion për vendimin e ERE-s për të marrë 10 milionë euro.

Meta i bënte presion Ismailaj dhe ky i fundit i bënte presion ERE. Ismailaj ka qenë person që bënte ligjin e asaj kohe në ERE si njeri i Metes.

Nasip Naço ka dhënë dorëheqjen nga presionet që i ka bërë në zyrë Ismailaj.

Meta më mirë të mos kishte folur fare, se sa mohoi Ismailaj dhe në këtë mënyrë ai pranoi fajësinë”, tha Kara.

Ngjarja tragjike në stadiumin e Rrogozhiëns ku pësoi kolaps Rafael Duamena i cili më pas u nda nga jeta, ka sjellë reagime të shumta në vendin tonë.

Një prej tyre është edhe ai i gazetarit të njohur Dritan Shakohoxha, i cili ka bërë një postim në rrjetet sociale rreth kësaj ngjarje të trishtueshme.

Nuk ka qenë thjesht një mesazh ngushëllimi, por edhe një akuzë e rëndë, pasi sipas tij, nuk duhej që futbollisti ganez të kthehej në fushat e lojës.

“U prehsh në paqe more djalë. Zoti ju dënoftë more vrasës. Kudo në botë nuk e lejuan të luante… këtu e lanë”, shkruante Shakohoxha në postimin e tij.