Opinione

Dje u konstatua një ulje e lehtë, por e përkohshme e çmimit të naftës. Dashamir Shehi ka rrëfyer se pas rënie të lehtë të çmimit të karburantit fshihet kryeministri Edi Rama. I ftuar mbrëmjen e së mërkurës në emisionin ‘Opinion’ ai tregoi e gjitha ndodhi si pasojë e një telefonate të Kryeministrit. Ai u shpreh i sigurtë duke treguar se çfarë mund t’iu kishte thënë Rama si dhe tha se i vjen mirë që kanë reaguar shqiptarët, duke iu referuar protestave.

“Kjo që po të them unë të jesh i sigurt që nuk është ulur fare prej asaj të bursës, por është ulur se jam i sigurt që Kryeministri jonë i nderuar ka marrë nja dy nga ata në telefon dhe i ka thënë çfarë bëni more legena, ku e çuat, e nxorët popullin atje. Prandaj është e rëndësishme ajo që tha zotëria, që ne duhet të dalim dhe duhet të dalim për t’i treguar që ore ky popull reagon. Më bëhet qejfi që kanë reaguar shqiptarët”, – tha ndër të tjera Shehi.

Ish-kryeministri Sali Berisha ka folur li dhur me situatën brenda PD dhe në raport me kryedemokratin Lulzim Basha.
Në emisionin “Opinion”, Berisha tha se ka kontakte me demokratët, por jo me Bashën për të cilin tha se ka kaluar çdo vijë të kuqe.

Ish-kryeministri tha se Basha e ka rrugën e hapur që të garojë përsëri për kryetar partie në garën që sipas tij, do të hapet pas Kuvendin Kombëtar më 30 prill.

Pjesë nga intervista

A do të ndërmerrnit një nismë të takonit Bashën për të gjetur një zgjidhje?
Në po vendosim kontakte dhe jam i hapur…

Përfshirë dhe Z.Basha?

Jo, nuk kam ndonjë kontakt me Bashën. Basha ka tejkaluar çdo vije të kuqe dhe limit në qëndrimin ndaj PD dhe vetes së tij. Në rast se Basha e ndien se mund të marrë pjesë në garë që do hapet për të gjitha forumet e ardhme ai nuk është i përjashtuar, ne nuk përjashtojmë. ai ka përjashtuar, ne jo. Ai e ka rrugën e hapur. Ai bën zgjedhjen e tij, ne jemi të hapur.

Ish-kryeministri Sali Berisha dha një prononcim për mediat sot para Kuvendit në lidhje me zhvillimet më të fundit në vend dhe brenda PD-së. Berisha ndër të tjera u pyet nga gazetarët nëse do të ishte i gatshëm të largohej, nëse ky do të ishte kushti i vetëm për të bashkuar demokratët.

Ish-kryeministri tha se kushti i vetëm që ai mund të pranojë është vota e lirë.

I ndalur tek deklarata e deputetes Grida Duma se bashkimi me ish-kryeministrin është një hap pas, tha se respekton çdo mendim.

-Deklarata e Grida Dumës se bashkimi me Berishën është një hap pas?

Berisha: Respektoj çdo mendim, unë e kam thënë qëndrimin tim dhe të PD. Hapje të plotë ndaj të gjithë atyre të cilët pranojnë votën e lirë.

-Nëse kushti i vetëm për të bashkuar demokratët dhe për t’i hapur rrugën një gare të drejtë, Do ishit i gatshëm të largoheshit?

Berisha: Kushti i vetëm që mund të pranohet është vota e lirë. Mendoj që nëna e të gjitha problematikave është vota e lirë.

Drejtori i Televizionit Klan, Aleksandër Frangaj, ka shpë rthyer ndaj kryedemokratit Lulzim Basha, për të cilin u shpreh se nuk është një lider.
Sipas tij, Basha “nuk ia ngref askujt”, madje sot atë e mund në zgjedhje jo vetëm kryeministri Rama, por edhe nënkryetari i Bashkisë së Tiranës, Arbjan Mazniku.

“Lulzim Bashën, Rama nuk e ka më në refene. Deri tani kam thënë e mund Erion Veliaj, jo më Rama. Sot, pas 6 Marsit, them që e mund edhe Arbjan Mazniku, zëvendësi i Erionit.

Nuk ka shans për të fituar ai, nuk është lider. Nuk ta ngref ai, Baton, s’ja ngref kujt.

Në zgjedhjet e ardhshme ai nuk merr as këtë rezultat që mori dje. Lulzim Basha nuk ëhstë më kryetar i asaj partie, nuk përfaqëson më asgjë”, tha Frangaj.