Opinione

Zhaklina Lekatari në një lidhje ‘live’ në rubrikën “Opinion”, komentoi vrasjen e Liridona Ademajt, ku autori i dyshuar është bashkëshorti i saj, Naim Murseli.

Lekatari u shpreh se është e shokura nga kjo ngjarje, por jo e surpizuar, ndërsa shtoi se shoqëria maskiliste po ushqen dhunë. Ndër ët tjera ajo tha se sa herë vdes një grua, fajtorë jemi ne, referuar shoqërisë.

“Jam e shokuar, por jo e surprizuar. Bëj thirrje vazhdimisht se si më vjen keq për familjet shqiptare dhe krizat që ka shoqëria. Nuk mendoj se duhet të ndihemi të suprizuara nga këto skenarë filmash, të cilët marrin shkas nga ngjarjet reale.

Sa herë që vdes një vajzë, një grua, një nënë faji është i gjithë shoqërisë. Faji nuk është i porositësve. Dhuna që ndodh në vendin tonë nuk është rastësore, por ka burim. Janë injorimeve që bëjmë situatave të tilla, janë jo serioziteti që në i trajtojmë këto ngjarje, ai populizmi dhe ajo dëshira për ët ditur dhe spiunuar te jeta e tjetrit. Ne jemi shoqëri e dhunshme dhe primitive. Moskallëzimi nuk është një tipar gjinor, por është mentalitet.

Nga Brizida Gjikondi

Çka çmon njeriu përçmon Zoti thuhet, siç edhe thuhet në shkrimet e shenjta se nuk mund të kesh dy pronarë, një do kesh, do kesh o paranë ose shpirtin.

Shqiptarët e kësaj epoke, janë në buzë greminës për tu bërë si Sodoma dhe Gomorra, në çdo qelizë të shoqërisë dhe shtetit promovohet korrupsioni i vlerave sidomos atyre morale.

Promovimi që ju bëhet dhe pandëshkushmëria kanë qënë plehu që i kanë ushqyer.

Ti nuk vlen për vyrtytet por për veset. Ti vlen sa pasuri materiale ke, jo shpirtërore dhe morale. Të dyja përjashtojnë njëra tjetrën.

Shumica e shqiptarëve të kësaj epoke janë vasalë të falsitetit, vanitetit dhe veseve. Hipokritë meshkujt konkubina të kamufluara femrat. Qëllim është pasurimi kriminal me cdo kusht, duke u kthyer në trend dhe qëllim jete.

Murseli është një shqiptar tipik i kësaj epoke që hapin e pati më të nxituar dhe të paduruar, cka është logjike kur I hyn asaj rruge, mëkatet janë progressive po ju hape vënd në qënien tënde.

Shqiptarët kanë kulla po brënda dhe jashtë si ata që i ndërtojnë dhe ata që arrijnë ti blejnë 90% të rasteve janë Mursela që idhull kanë pasurimin material me cdo cmim drejtuar nga filozofia.. shkel e kalo.

Ndërtohen shkolla po brënda tyre po rriten qënie shpirterisht të sëmura, me idhuj të rremë, me idhuj të kalbëzuar nga krimet, korrupsioni dhe allishverishet. Ndërsa femrat me idhuj prej plastike, që durojnë cdo poshtërim bisturi dhe përdhosje në emër të parasë dhe fasadave hipokrite.

Përherë krimet që ndodhin ndër ne.. ne i gjykojmë emocionalisht, me histeri dhe përtesë, duke izoluar kriminelin, duke e bështyrë dhe treguar me gisht, pasi ne përtojmë të mendojmë gjatë, pasi mendimi do na coj drejt vetes…

Murseli është thjesht një ndër ne, i paduruar për tu pasuruar me çdo cmim dhe mjet, per tu bere pjese “dinjitoze” e shoqerise elitare hipokrite dhe te semure shqiptare, pasi pronari i tij si i shume te tjereve nuk është shpirti..

Sa familje janë shkoqur edhe pa u vrarë vetëm për një rrip tokë ose për një grusht lekë.

Paraja nxjerr zhveshur cdo mardhënie.

Paraja …. kjo pronare e shqiptarve të kësaj epoke të kalbëzuar vlerash.

Blendi Fevziu, ka bërë një reagim në rrjetet sociale në lidhje me vrasjen e Liridona Murselit që ka tronditur opinionin publik në Kosovë e Shqipëri.

Fevziu tregoi se fillimisht mbeti i trishtuar kur pa se bashkëshort i viktimës në atë që fillimisht u raportua si grabitje e shkuar keq ishte Naim Murseli, pasi e kishte takuar disa vite më parë në Prishtinë.

Ai tregon se 33-vjeçari i kishte dhënë përshtypjen e një njeriu të kulturuar e të sjellshëm. Për këtë arsye tentoi që t’i gjente numrin e telefonit për t’i dërguar një mesazh ngushëllimi për këtë ngjarje të rëndë.

Por Fevziu rrëfeu se është tronditur kur policia e arrestoi dje atë për vrasjen e bashkëshortes. Sipas tij, është e vështirë të gjesh një arsye pse ai e bëri këtë krim, por një gjë është e sigurt, që çdo person që kryen një akt të tillë, meriton të quhet vetëm “kriminel”.

“Pak ditë më parë, lexova në mediat online një lajm i cili ishte tejet i trishtë. Një grua e re kishte humbur jetën në sy të dy fëmijëve dhe bashkëshortit në një tentativë grabitjeje në rrugët e Prishtinës. Mu duk një lajm pak i çuditshëm për Prishtinën e cila sigurinë e ka në nivele shumë të larta, por u trondita akoma më shumë kur pashë fotografinë e çiftit.

Në krah të gruas së ndjerë, pashë fotografinë e bashkëshortit, i cili ishte një personazh me të cilin sa kujtoj jam përshëndetur diku në një nga hotelet e Prishtinës disa vite më parë. Më kishte bërë përshtypjen e një njeriu të kulturuar, të sjellshëm që më tregoi se ishte emigrant në Suedi dhe se e donte shumë Kosovën dhe se njihte të gjithë elitën e Kosovës.

Eksperti i kriminalistikës, Ervin Karamuço, ishte i ftuar në një program televiziv ku analizoi vrasjen e Liridona Murselit nga bashkëshorti i saj.

Karamuço tha se nuk duhet të nxitohemi tek pista e përfitimit të parave nga siguracioni që Liridona kishte në Suedi.

Ai tha se për të arritur te gjetja e motivit duhet parë dhe personaliteti i bashkëshortit i cili kreu një vrasje të tillë me paramendim.

Karamuço theksoi se duhet parë orientimi i tij seksual, konsumi i lëndëve narkotike, apo nëse kishte borxhe dhe luante bixhoz.

“Një nga 4 elementët kryesorë me të cilat bëhet hetimi është ana subjektive, pra motivi dhe qëllimi.

Një nga pistat ka të bëjë me një siguracion. Pyetja që ne bëjmë është kur është bërë siguracioni për jetën. Në çfarë date? Kur është bërë kërkesa për divorc dhe pse është kthyer mbrapsht dhe a ka lidhje me këtë siguracionin? Sidomos kur ka paramendim kërkohet patjetër motivi.

Ajo që kemi lënë në të gjithë këtë pazëll shtë dhe diçka tjetër, personaliteti i organizatorit të kësaj vrasjeje. Çfarë përfaqëson ai, çfarë çrregullimesh të personalitetit ka?

Duhen parë dhe tipare të tjera nëse është përdorues droge ose jo, orientime të caktuara seksuale, ose jo, borxhe ose lojëra fati?

Nxitimi për të kryer një vrasje me paramendim nëse është për shkaqe financiare, pista e përfitimit të siguracionit, duke marrë një kosto shumë të madhe që të rrisë fëmijët jetim.

Të gjitha këto elemente duhen sqaruar një më një. Motivi qasja dhe nxitja duhet të sqarohen. Policia e ka pyetur dy herë, në vendngjarje dhe pas ngjarjes dhe ka parë që s’kanë qenë të njejta.

Fëmijët japin versione të ndryshme dhe babai jep versione të ndryshme”, tha Karamuço.