Opinione

Kryetari i Grupit Parlamentar të Partisë Socialiste Taulant Balla, është paraqitur ditën e sotme në SPAK për të dëshmuar mbi çështjen “Partizani”.
Kallëzimin mbi aferën e privatizimit të kompleksit “Partizani”, Balla e ka dorëzuar më herët ndërsa kjo është hera e parë që Balla jep deklarimin mbi këtë dosje.

Ndërkohë në një postim të bërë pak më parë në rrjete sociale, Balla njofton se sot ka depozituar ë SPAK edhe prova të reja për këtë rast, për të cilin thotë se ka besim që drejtësia do i shkojë deri në fund.

Balla deklaron se kush mendon se kanë hequr dorë nga akuzat e tyre gjatë kohës kur ishim në opozitë, e ka shumë gabim. Gjithashtu Balla thekson se prej vitit 2012 dhe pa asnjë ndërpr erje vit pas viti, ka de noncuar gr abitjen e kompleksit Partizani, duke përvetësuar ndërtesat dhe fushat e futbollit mu në qendër të Tiranës.

Taulant Balla ka aku zuar kryetarin e Partisë Demokratike, Sali Berisha për gr abitjen e truallit në kompleksin ‘Partizani’.

Anëtari i Rithemelimit, Fatbardh Kadilli ka komentuar vendimin e Mbretërisë së Bashkuar për të shpallur ‘non grata’ disa individë shqiptarë për të cilët ka prova se janë të lidhur me kr imin dhe korrupsio nin.

Kadilli tha se shpallja ‘non grata’ e Sali Berishës edhe nga Mbretërisë së Bashkuar nuk do të ketë ndonjë efekt të madh.

Ndonëse nuk janë dhënë emra, u përfol se mes tyre është edhe ish kryeministri Sali Berisha, i cili u shpall ‘non grata’ edhe nga SHBA. Në një intervistë, Fatbardh Kadilli tha se i gjithë çbalancimi që qeveria ka ish ministra të arrestuar dhe shënjestrohet Berisha ka ndikuar jo për mirë në klimën brenda PD duke sjellë edhe përçarjen e opozitës.

“Nuk kemi pse e lidhim me Berishën. Është për një grup njerëzish, është qëndrim zyrtar nga Mbretëria e Bashkuar që i ngjan qëndrimit të SHBA. Kjo është një qasje e re, kohët e fundit përdoret si instrument, mund të përdoret nesër edhe nga BE për politikanët. Përsa kohë nuk kemi konfirmim, nuk e dimë kush është.

Nëse parimisht çdo demokrat shprehet kundër korrupsionit, kur vjen puna tek Berisha, çdo demokrat e ndjen veten viktimë bashkë me Berishën. Nëse flasim për korrupsion, kemi qeverinë. Një qeveri e akuzuar për korrupsion me ministra në burg, shohim që shënjestra të jetë diku tjetër. Ky lloj balancimi e ka ndikuar jo për mirë në klimën brenda PD. Nuk ka prodhuar një projekt politik që kapërcen PD vetveten. Nuk pres që kjo të sjellë ndryshim. Kur nuk pati në momentin e parë, nuk do të ketë ndonjë efekt të madh as në momentin e dytë. Zhvillimet e PD prekin Shqipërinë, jo thjesht çfarë bëjnë ndërkombëtarët”, tha Kadilli.

Ndër të tjera, Kadilli nuk la pa thënë kritikat e tij për Bashën e Berishën. Sipas tij, opozita nuk arriti të krijonte një alternativë përballë pushtetit as kur ishte bashkë, as tani kur janë ndarë.

“Çështjen non grata nuk e kam përdorur asnjëherë si levë politike. Sic kam pasur kritika për Bashën dhe kam për Berishën është se PD ka nevojë për projekt të ri politik. Opozita edhe kur ishte bashkë edhe tani që janë veç e veç, janë të pamjaftueshme për të krijuar një alternativë përballë pushtetit”, tha Kadilli.

Kujtojmë më 19 maj 2021 Sali Berisha u shpall ‘Non Grata’ nga Shtetet e Bashkuara të Amerikës me akuza të forta se gjatë kohës që ishte kryeministër është përfshirë në akte korruptive si keqpërdorimi fondeve publike, minim i demokracisë dhe ndërhyrje me proceset publike duke përdorur fuqinë për përfitime personale dhe pasurimin e aleatëve politik përfshi familjen në kurriz të konfidencës publike të qeverisë shqiptare dhe institucioneve. Bashkë me Sali Berishën DASH u ndaloi hyrjen në SHBA edhe Liri Berishës, Shkëlzen Berishës dhe Argita Malltezit.

Deputetja e Partisë Demokratike, Jorida Tabaku, ka reaguar në lidhje me kr izën e rritjes së çmimeve që ka kapur vendin. Përmes një postimi në facebook, Tabaku shkruan se po përjetohet një situatë e rrezikshme stagflacioniste e cila ka nevojë për menaxhim dhe jo për propoagandë.

Deputetja e PD-së thekson se sektori i bujqësisë, i cili ka numrin më të madh të vetëpunësuarve është në një kr izë të thellë, ndërkohë që ndihma e dhënë nga qeveria është më e ulëta në rajon.

“Shkurt dhe shqip, ne po përjetojmë një situatë të rre zikshme stagflacioniste, që ka një nevojë të madhe për menaxhim jo propagandë.

Një qeveri e përgjegjshme, një maxhorancë që mendon jo me teorinë e të kaluarit të radhës do të ishte shq etësuar jashtëzakonisht shumë kur ndërsa rrihte gjoksin për rritjen ekonomike të publikuar javën e shkuar, të shihte se e gjithë rritja ekonomike vinte nga ndërtimi dhe jo nga bujqësia.

Shumica e shqiptarëve të vetëpunësuar janë në sektorin e bujqësisë, e cila po përjeton një kr izë të thellë, ky duhet të ishte një alarm për qeverinë, e cila duhet të rishihte politikat e saj sektoriale. Incentivat edhe subvencionet në bujqësi për Shqipërinë janë ndër më të ulëtat në rajon dhe këtë e tregon dhe deficiti tregtar.
Por shq etësimi i maxhorancës duket se nuk është bujqësia sesa propaganda. Thënë më shkurt, nuk na duhen edhe aq paratë e bujqësisë sesa na duhet ndërtimi që sipas çdo matësi ndërkombëtar financohet në masë të gjerë nga paratë e pista“, shkruan Tabaku në facebook.