Opinione

Kryeministri Edi Rama gjatë një aktiviteti ku njoftoi dhënien e kredive të buta për mjekët, ushtarët dhe policët, u shpreh se është e paimagjinueshme që të “protestojnë studentët e mjekësisë” që nuk pranojnë tarifat e reja ose në të kundërt duhet të shërbejnë për një periudhë kohe në atdhe.

U foli të rinjve se përse duhet të rrinë në atdhe dhe nuk duhet të largohen në Gjermani apo vende të tjera.

“Është e paimagjinueshme që studentë të mjekësisë të refuzojnë dhe të bëjnë protesta që t’ia kthejnë këtij vendi dhe këtij populli këtë investim të madh. Qeveria financon studimin e mjekëve për të shërbyer për shëndetin publik të Shqipërisë.

Qeveria nuk fonacion studimin e mjekëve për t’i shërbyer Gjermanisë. Nëse dikush nuk dëshiron që ta marrë në konsideratë detyrimin human, patriotik që për disa vite të shërbejnë në Shqipëri dhe t’ia kthejnë këtij populli atëherë duhet të paguajë tarifën e plotë dhe pastaj të shkojë në Gjermani apo ku të dojë.

Dhe tarifa e plotë nuk është e vërteta përsëri. Edhe për mjekët do të krijojmë këtë mundësi që të blejnë shtëpi për të jetuar në shtëpitë e tyre. Në mes të vitit të ardhshëm paga mesatare në sektorin publik do të jetë 900 Euro” tha ai.

Ish-kryeministri Sali Berisha nuk ka përjashtuar mundësinë që nëse ndaj tij caktohet masa e arrestit, ta zbatojë vendimin e gjykatës në ambientet e selisë blu.

I pyetur nga gazetarët nëse është në opsionet e tij që ta kryejë masës së sigurisë “arrest shtëpie” në selinë e PD-së, ish-kryeministri nuk e përjashtoi si mundësi, duke u shprehur se do e konsultojë me avokatin.

“Konsultë me avoketërit. Futeni në folderin konsultë me avokatin”, u shpreh Sali Berisha, ndërsa në konferencë shpërthyen të qeshurat.

Ndërkohë u shpreh se ende nuk është konsultuar me avokatët nëse do ta respektojë vendimin e SPAK për caktimin e masës së sigurisë së arrestit ndaj tij, nëse Kuvendi voton për t’i hequr imunitetin.

“Nesër Shqipëria, ose me këtë, renditet me vendet që arrestojnë liderin e opozitës. Nuk kanë hequr dorë ata nga drejtimi i opozitës, përkundrazi po e drejtojnë dhe fuqishëm. Të gjithë ata aty ku janë. Dhe unë do e drejtoj me vendosmëri drejt fitores këtë opozitë.

Unë kam besim të plotë se ky narkoregjim, kjo diktaturë e bazuar në vjedhjen, krimin, drogën dhe interesat mafioze, nuk do mund të prevalojë kurrë”, ka deklaruar ish-kryeministri.

“Zero imunitet për askënd”. Kështu ka deklaruar Enkelejd Alibeaj në mbledhjen e Këshillit për Rregulloren, Mandatet dhe Imunitetin, duke deklaruar kështu se është pro e lejimit të arrestimit të ish-kryeministri Sali Berisha.

Deklarata e Alibeajt:

Unë jam nga ata që kam barrën dhe peshën e madhe të vendimmarrjes në këtë këshill lidhur me kërkesën e dhënies së autorizimit. Nuk jam i dyzuar, por krahauar me të gjithë ju tjerët, kam një pozicion më specifik. Ana tjetër, jam përfaqësues i PD-së. Ndaj të gjitha konsideratat që do t’i mbaj do të parashtroj atë që duhet të jetë qëndrimi i Kuvendit.

Nuk i heq aspak asgjë se përfaqësimi i Gjykatës, kemi një barrë gjithsecili, jo të caktojë fajësinë/pafajësinë apo peshën e çështjes, është vetëm një gjë e thjeshtë; cili duhet të jetë standardi politik, moral, etik që deputeti duhet të mbajë sa herë ka nj kërkesë nga organet e drejtësisë për dhënien e një autorizimi.

PD e ka patur që në krye të herës, standardin politik për dhënien me vullneti të lirë zhveshjen nga pushteti. Një standard që sot më shumë sesa dje duhet të jetë guri i themelit që nuk duhet të ketë asnjë luhatje pavarësisht se kujt i përkasim.

E kemi mbajtur në 2012, kur kërkuam heqjen totale të imunitetit nga kushtetuata që nuk krijonte mbrojtje, por shoqëri me dy shtresa.

E kemi mbajtur në 2016, në rastin e ndryshimeve kushtetuese dhe diskutohej reforma në drejtësi.

E kemi mbajtur me rastin e çështjes Tahiri. Ka qenë kjo anë e opozitës në atë kohë dhe ka kërkuar për kërkesat për dhënie autorizimi të votojë, ndërsa të gjitha masat e tjera ndaluese, nuk ka nevojë të bëhet një kërkesë. Ka qenë mazhoranca.

E kërkuam dhe në rastin e Bllako, pavarësisht se Bllako e la imunitetin me vullnet.

E mbajmë këtë qëndrim, edhe në rastin e Ahmetajt.

Përsa i përket praktikës parlamentare, qëndrimi ka qenë po. Ne kemi qenë pro.

Raporti mes politikës dhe drejtësisë duhet të jetë i tillë; asnjë lloj pengese nuk duhet të krijohet kur drejtësia e kërkon.

PD ka paraqitur një amendament për rregulloren, që deputetët që në momentin kur zgjidhen, në mënyrë solemne të lënë imunitetin.

U bënë 30 vite që qeverisja në këtë vend, nëse ka pasur një difekt , ka qenë abuzimi dhe mbrojtja ndaj imunitetin. Ka krijuar papërgjegjshmëri institucionale dhe abuzim deri në korrupsion. Është koha që ky parlament ta vendos si një gur të kalcifikuar dhe për të ardhmen.

Reforma në Drejtësi në thelbin e vetë kishte heqjen e çfarëdolloj mbrojtje të parlamentarëve, politikës, ndaj drejtësisë. Për koherencë të qëndrimeve politike, nuk ka sesi të ketë qëndrim tjetër.

Duke qenë i sinqertë, po rikthehem të ajo që thashë në fillim. Nëse sot diskutohet për Berishën, është një person që e ndjek me vëmendje, është Rama.

Standardi që po ndjekim ne sot, përsa kohë që aplikohet ndaj një ish-kryeministri duhet mbajtur dhe ndaj kryeministrit në detyrë. Ajo që duehet të bëjmë ne sot, të vendosim dhe SPAK që të mbajë të njëjtin standard, të hapë kërkesat e kallëzimet që përfshijnë kryeministrin dhe të kërkojë me të njëtat standarde heqjen e imunitetin.

Shqiptarët kërkojnë sot një politikë që të mos jetë jo e barabartë para ligjit me ta. Këtë duhet të vendosim sot. Zero imuniteti për askënd. Krijimi i kushteve të presionit pozitiv, që të mos lejojë asnjë pisi të hollë për krijimin e dy standardeve.

Pa e zgjatur më tepër, qëndrimi imi personal dhe si përfaqësues i PD, pranoj si kërkesë dhe të lëshoj autorizimin.