Opinione

Sali Berisha është koshient për fatin e tij pas zbatimit të Vettingut dhe veçanërisht reformës në drejtësi në Shqipëri. Kur “peshqit e mëdhenj” të politikës dhe drejtësisë do të përfundojnë prapa hekurave të burgut. Me gjithë ato dosje të rënda në kurriz, duke filluar nga “Gërdeci” ku u vranë 26 të pafajshëm dhe u plagosën mbi 300 të tjerë në shpërthimin e municionit, vrasjen e 4 demonstruesve më 21 janar, aferën e CEZ ku u vodhën 414 milionë euro dhe dosje të tjera krimi dhe abuzimi, ish kryeministri e di se e ka vendin në burg. Me një drejtësi normale sikurse pretendohet pas instalimit të drejtësisë së re dhe mbështetjes së partnerëve tanë ndërkombëtarë, SHBA dhe BE, vendi i Sali Berishës është në qeli. Për të vuajtur dënimin për krimet monstruoze dhe vjedhjen që i ka bërë shtetit. Dhe bashkë me të dhe Meta dhe të gjithë ata që kanë abuzuar dhe kryer krime. Pikërisht, duke e parë se fati politik i tij në fund të herës, Berisha ka vendosur të marrë masa.

Ish kryeministri shquhet se nuk lë asgjë pas dore, kur bëhet fjalë për fatin e tij por dhe të familjes. Dhe shqetësim për të është kryeqendra e veriut, Shkodra.

Në një postim në facebook, teksa paraqet shqetësimin për zotërimin e këtij qyteti nga bandat e PS, lëshon një mesazh të koduar në drejtim të FBI dhe kryeprokurores Arta Marku. Duke kërkuar më shumë se sa denoncimin që i bën qeverisë së kryesuar nga Rama, rregullimin e situatës në këtë qark. Në të cilin në janar përurohet burgu i sigurisë së lartë dhe me kushte të shkëlqyera që pret “peshqit e mëdhenj” të politikës dhe drejtësisë.

Pikërisht për këtë arësye Berisha kërkon siguri në këtë qark dhe për pasojë dhe në këtë burg. Për veten e tij, pasi do të jetë me sa shihet banesa për të deri në fund të jetës, ku do të vuajë dënimin për të gjitha zullumet që ka bërë në tërë këto vite të qeverisjes së tij por dhe kur ka qënë në opozitë.

Berisha ironizon operacionin “Forca e ligjit” dhe shkruan se policia e Shkodrës kontrollohet nga bandat e partisë. Sipas denoncuesit, disa ditë më parë në një lokal në Shkodër një person ka qëlluar me armë por kur është bërë identifikimi i autorit, policët në terren kanë marrë urdhër të mos merren me këtë çështje. Denoncuesi thotë se autori ka ndihmuar deputetin e PS Luan Harusha në zgjedhje. Ai jep edhe emrat.

“Ky shtetas ka qëlluar në ambient të mbyllur të lokalit duke i rrezikuar jeta e shumë personave që ishin brenda në lokal. Autor i kësaj ngjarje është shtetasi Safet Bajri i cili ka qenë duke pirë në këtë lokal dhe është afruar një tavoline tjetër ku ka nxjerrë armën dhe ka qëlluar në drejtim të shtetasit Erdis Ishmi disa herë. Dua të theksoj se autori i kësaj ngjarje Safet Bajri asht person me precedent kriminal dhe problematik. Ka ndihmuar Luan Harushën për vota, ku ky i fundit ka marrë drejtuesit e policisë duke i urdhëruar që mos të merren me këtë ngjarje”, përcjell Berisha shqetësimin e një “oficeri dixhital”. Që në të vërtetë është shqetësimi i tij, pasi i frikësohet ndonjë ngjarjeje të pakëndëshme në këtë qark. I cili Berisha parandjen se do të jetë banor i tij për shumë vite. Dhëntë zoti dhe bëhet “qytetar” i qarkut Shkodër.

Bashkim Hasani, daja i 23-vjeçarit Florenc Beqiraj shprehet se vdekja e nipit të tij në Francë është e veshur me mister.

Nisur nga informacione që familja dhe ai kanë marrë nga shqiptarë që njihnin Florencin, ai shprehet se nuk e besojnë që i riu të ketë kryer vetëvrasje.

Sipas tij, një prej shokëve të Florencit ka treguar se, 23- vjeçari është dhunuar nga dy punonjës policie pasi ishte përfshirë në një konflikt me disa persona nga vendet arabe.

“Nuk e kuptoj se si mund të dërgohet një azilant në një burg të sigurisë së lartë. Pastaj e morën dhe e hedhin si lopë në spital dhe nuk e marrin përsipër që e kanë bërë ata. Djali shkoi për një jetë më të mirë dhe na kthehet i vdekur. Kërkojmë nga shteti shqiptar që të zbardhet sa më parë ngjarja. Ku janë të drejtat e njeriut? Nuk kishte arsye që të vriste veten. Ai kishte shenja dhune në dorë dhe pas veshit. Telefonata e fundit ka qenë me nënën, së cilës i ka thënë po kthehem. Sipas saj që na ka thënë një prej bashkëvuajtësve shqiptar në burg, e kanë rrahur për vdekje dy punonjës policie me ngjyrë. Avokati shqiptar ka kërkuar kamerat e sigurisë, por nuk ia japin. Këtu duket qartë se ka diçka”, shprehet Hasani.

Vendimi i Presidentit të Republikës Ilir Meta për t’i dhënë shtetësinë shqiptare Kryepeshkopit Anastas Janullatos, ka sjellë reagime pozitive menjëherë në opinionin publik.

Menjëherë pas njoftimit në faqen e Presidencës për lajmin në fjalë, të shumtë kanë qenë qytetarët që e kanë përgëzuar Presidentin Meta për vendimin, duke e cilësuar të duhurin dhe të vonuar madje.

Mes komenteve të shumta, është edhe ai i aktorit të madh shqiptar Robert Ndrenika. Ky i fundit ka komentuar duke nënvizuar se “kur sheh të tilla vendime, e bën të ndjehet qytetar europian.”

Aktori Ndrenika falenderon Presidentin Meta duke e cilësuar këtë një lajm që i nderon të gjithë shqiptarët.

“Më në fund! Po bindem që jemi Europiane! Faleminderit zoti President! Ky lajm i nderon të gjithë!” shkruan aktori i njohur.

Ambasadori shqiptar në Francë, Dritan Tola, ka folur rreth vdekjes së 23-vjeçarit Florenc Beqiraj, i cili nga burgu ishte dërguar i masakruar në spitalin e Marsejës.

Në një lidhje telefonike për “News24”, Tola tha se nga njoftimi zyrtar i policisë franceze nuk ishte njoftuar për shenja dhune në trupin e Florencit dhe sipas ambasadorit në trupin e tij nuk ka asnjë indikacion për dhunim apo keqtrajtim, por faktet e sjella këto ditë nga familjarë, miq dhe të afërm pohojnë se 23-vjeçari është dhunuar.

Dritan Tola u shpreh ndër të tjera:

Beqiraj u gjet i pandërgjegjshëm . Kemi qenë në kontakt të vazhdueshëm me spitalin dhe policinë si dhe familjarët e tij. Çështja është nën hetim, nuk janë dhënë pista të tjera, thuhet se ai është gjetur i pandërgjegjshëm në dhomën e tij.

Mbajtja me aparatura, ka qenë gjest human nga spitali i Marsejës.  Nuk ka pasur aspak refuzim të dhënies së ndihmës mjekësore. I dhanë çdo mundësi të atit të qëndronte pranë trupit të të birit.

Do të kryhet autopsia.  Nuk ka asnjë indikacion për përdorim dhune apo keqtrajtim. Brenda javës tjetër do të kenë dalë rezultatet pas autopsisë, dhe pastaj do të shihet se çfarë ka ndodhur realisht.”