Opinione

Kreu i Partisë Demokratikë Lulzim Basha me anë të një postimi në Facebbok, ka publikuar denoncimin e një qytetari nga Fieri. Sipas mesazhit që ka publikuar Basha, Vjosa ka dal nga shtrati dhe banorëve nuk u përgjigjet askush edhe pse janë nën ujë.

Mesazhi i Bashës

SOS nga Fieri!

Mirembrema Z BASHA jam BUJAR VARFAJ nga fshati Povelce, komuna Dermenas ne rrethin e Fierit. Tani sa erdhi uje i lumit Vjose por nuk po na pergjigjet asnje institucion i shtetit, ketu ne fshat ka vajtur nje meter uje. Faleminderit

‘Fëmijët 24 orë pa bukë’, të përmbyturit tregojnë vizitën e Ramës. Apeli i fortë i Bashës

Kryedemokrati Lulzim Basha ka vizituar sot zonen e permbytur ne Fushe Kruje. Ai ka pare nga afer situaten dhe demet e shkaktuara ne shume familje per shkak te permbytjeve. Kreu i opozites kerkoi te ndihmohen familjet e prekura.

PD njofton se Basha ka shkuar edhe ne Bilaj, ku emergjencat civile kane vepruar me vonese.

“Ne Fushe Kruje jane permbytur 2 lagje me 1500 banore dhe teresisht 3 fshatra me zonen e Bubqit me 100 shtepi dhe 600 ha toke”- njofton PD.

Nga takimi me banoret, Basha i ka bere apel kryeministrit Rama: Dergo ndihma ne Fushe Kruje. Sipas tij, banoret ne Hasan dhe 2 lagje te permbytura ne qytet pa buke.

“Banoret ankohen tek Basha se askush nuk u ka dhene asnje kg miell. Femijet jane pa ngrene 24 ore”- njofton PD.

Ata i kane ankuar Bashes se askush nuk ka shkuar ti ndihmoje. “Rama ishte 5 min mbreme ne autostrade”- kane thene banoret.

Deputeti socialist, njekohesisht minister ne kabinetin “Rama 2”,  Pandeli Majko tha se hetimi i ekspertëve të huaj në Shqipëri si FBI mund të çojë në burg edhe politikanë.

Ai ka komentuar edhe situaten ku ndodhet me prokurorine ish ministri Saimir Tahiri duke thene se e ka vene ne pozite te veshtire qeverine.

Nje pjese e intervistes ne News24, emisioni Studio e Hapur:

Në Shqipëri vërshojnë akuza për kanabizim, akuza ndaj zyrtarëve të lartë, në çfarë konteksti politik jemi?

Politika nuk është vetëm fjalë, por dhe akt. Tani që flasim, në godinën e Ministrisë së Shëndetësisë do të vendosen ekspertët e antikrimit, të FBI-së, e kështu me radhë. Në Perëndim mund të ketë shumë administrata që sillen si naive me Shqipërinë, një gjë e di shumë mirë, që administrata amerikane s’ka qenë asnjëherë naive në marrëdhënie me Shqipërinë, por ka qenë gjithmonë me një plan të vetin, i cili ka ecur gjithmonë përpara, pavarësisht se kush ka qenë në pushtet në Shqipëri. Ajo që mendoj unë si akt është që historia politike e Shqipërisë do të ketë një problem: raportin jo vetëm me sistemin e vet të drejtësisë, i cili do të rikualifikohet nga “A” te “ZH”, por dhe me një ekspertizë shumë gjakftohtë të FBI-së. A do të kemi ne si politikanë probleme nëse ato ekzistojnë? Sigurisht që do kemi. A do trokasë ndonjë politikan në dyert e burgut? Besoj se po!

Çfarë mendoni për akuzat ndaj Saimir Tahirit?

Do të ketë një proces gjyqë- sor që do të vërtetojë akuzat për ish-ministrin e Brendshëm dhe kolegun tim Saimir Tahiri nëse ai ka qenë bashkëpunë- tor në këtë histori.

Cila është ndjesia që ju lanë akuzat për Saimir Tahirin, kanabisi, Habilajt, Orest Sota, patentat etj?

Nga mënyra se si e trajtojnë mediat, më duket një film i jashtëzakonshëm që edhe një regjisor amerikan do ta kishte të vështirë ta realizonte. Një fakt i vërtetë është martuar me 100 të pavërteta dhe këtu humbet kufiri mes të vërtetës dhe gënjeshtrës, dhe secili nga ne e ka shumë të vështirë të bëjë një dallim të qartë të asaj që ka ndodhur. Në politikë je i detyruar të ballafaqohesh me lloj-lloj procesesh, të jesh rrufepritës për gjëra që nuk do të doje as t’i dëgjoje, por ne jemi para një situate të tillë. Dua të flas si Pandeli e pastaj si deputet. Nuk kam pasur ndonjë miqë- si shumë të veçantë me Saimirin, por nëse ka pasur një gjë që më ka pikëlluar, ka qenë gjithë kjo histori, sidomos në PS e Tiranës, që Saimiri e ka drejtuar për 11 vjet, na ka vënë në një pozitë, njerëzisht, shumë të vështirë. As dua ta mbroj, as dua t’i vë këmbën në zverk tani që është në një ditë të vështirë. Besoj se më mirëkupton.

Besoni në pafajësinë e tij?

Këtë do ta them pasi të dëgjoj vendimin e Gjykatës.

Ish ministri i Bujqësisë, Edmond Panariti, ka komentuar mbrëmë në emisioni Repolitix në Report Tv shkaqet e vërteta, të përmbytjeve masive që po ndodhin këto ditë. Ai ka shpjeguar edhe arsyen e vërtetë, se përse kryeministri nuk shpall gjendjen e emergjencës. Sipas Panaritit, Rama nuk e bën këtë vetëm për çështje faturash.

“E gjithë Shqipëria është nën ujë. Nëse shpallet gjendja e emergjencës të derivojnë edhe angazhimet që ka qeveria. Kjo ka të bëjë edhe me fondet. Mund të mbyllësh edhe sytë dhe të mos e shpallësh. Nuk shpallet, pasi bëhen llogari faturash, pasi mendohet se po e shpalla ka edhe faturë, ka edhe përgjegjësi për t’u përgjigjur.  Por nëse e shpall mund t’i dërgosh një faturë edhe Brukselit, mund të ndihmojnë edhe donatorët”, tha Panariti.

Ndër shkaqet kryesore të situatës që po kalon vendi, sipas ish-ministrit të Bujqësisë në qeverinë “Rama I” janë edhe shfrytëzimi i shtretërve të lumenjve për inerte pa kriter, si dhe menaxhimi i keq i kanaleve kulluese.

“Unë kam firmosur urdhër për ndalimin e shfrytëzimit të lumenjve, por nuk u zbatuan. Edhe në Vjosë ka firma që shfrytëzojnë…Ju luta Ramës, i thash mos e decentralizoni sistemin, pasi një kanal kullues kalon në dy apo tre bashkie, ato janë artere kombëtare dhe ato ia lënë përgjegjësinë njëri tjetrit”, vuri gishtin Panariti te disa nga shkaqet kryesore që ndikojnë direkt, që vendi ynë të përmbytet në këtë gjendje, si ditët e fundit.

Duke folur sot në seancë plenare, ish-kryeministri Sali Berisha lëshoi akuza të forta kur tha se nuk është vetëm Saimir Tahiri ai që drejton trafikun e drogës, por janë edhe 3 persona të tjerë. Sipas Berishës ata janë: Gramoz Ruçi, Engjëll Agaçi dhe Olsi Rama. ‘Lajmet nga Greqia bëjnë me dije se në krye nuk është vetëm Tahiri, por njerëz të afërt të Edi Ramës.

Kush janë këta? Gramoz Ruçi, nuk kam të dhëna për të. I dyti më i afërt është Agaçi, kumbara që lidh Ndraghetën me qeverinë, por nuk kam të dhëna.  E kam denoncuar me dhjetëra herë Don Agaçion.

I treti është Olsi Rama. Pse është Olsi Rama do të thoni ju? Ka një moment. Pse u ndoq Klement Balili dhe u shpall Eskobari i Ballkanit? Sepse ai bënte shkëmbimet e mëdha kanabis-kokainë në Ballkan. Olsi Rama me grupin e tij nga Bostoni është aurori kryesor që e nxori Shqipërinë si furnizuesin kryesor të kanabisit. Është i pashpresë…”, tha Berisha.

NE VEND TE URIMIT…

Cdo vit në mëngjesin e 29 nëntorit urimin e parë e kam pasur për këtë datë shënuar. Ajo është dita e përvjetorit të clirimit dhe fitores së Aleancës së shqiptarëve me antifashizmin. Ajo i dedikohet nderimit për partizanët, midis të cilëve edhe xhaxhai im që qysh 14 vjec ju bashkua atyre që cliruan vendin.

Ky 29 nëntor më duket i akullt e tinëzar. Dhe kjo nuk ka të bëj me Luftën dhe LANC. Lexova që deklarimet e mia për hapjen e kufijve midis Shqipërisë dhe Kosovës për lëvizjen e lirë të njerzve dhe të mallrave, janë quajtur si “fishekzjarre”. (!) Kjo nuk i takon penës së gazetarit por informacionit që po shpërndahet.

Nga Mira Kazhani/

-Alo, me Mirën flas? Jeni ju administratorja e Tiranapost?

-Po, unë jam!

-Keni dhënë një lajm, më keni shqetësuar familjen. Unë ju njoh, madje. Kemi pirë kafe para 20 vitesh. Emri im është… Ju lutem, hiqni lajmin, se prokuroria e ka gabim! Duhet të mendoheni kur i shkruani këto lajme…

Ishte një telefonatë që mora të enjte në mbrëmjen nga një polic (emrin e të cilit nuk po e përmend, edhe për etikë). Ndoshta kishte një tip detyre diku në një qytet të Shqipërisë. Emri i tij ishte në të gjitha titrat për dosjen “Habilaj” dhe burim ishte prokuroria, por personazhi matanë telefonit këmbëngulte se një informacion të prokurorisë duhet ta konfirmoja me të personalisht.

Se zotëria në fjalë ishte burim për lajmin. Se ishte sqaruar me prokurorinë, por nuk i dilte e keqja me mua dhe portalin që drejtoj. Se e kisha shqetësuar shumë. Se prej meje e kishin marrë edhe të tjerë lajmin. Se duhet t’i kërkoja falje që e kisha mërzitur, unë dhe jo prokuroria, se me atë ishte sqaruar ai në telefon… Pikë e zezë, o pikë e zezë!

Unë jam një grua e re dhe natyrshëm kam të drejtë edhe të shqetësohem kur një polic më gjen, nuk di se si, por e thjesht gjen numrin e më telefonon, duke transferuar tek unë sikletin e tij. U përpoqa të sqaroj telefonuesin, se prokuroria nuk konfirmohet dot nga i akuzuari apo i dyshuari dhe se qofshin edhe gabim, këto i zgjidh drejtësia dhe jo gazetaria. Por ai nuk kishte dhe nuk ka faj. Këtu telefonohen të gjithë, edhe kur nuk ju pëlqen fotoja që kanë në postimin e lajmit, jo më kur iu del emri për arrest!

E përsëris, ky nuk është faji i tyre por gazetari nuk telefonohet! Kjo ndodh sepse disa gazetarë janë bërë urë. Disa për të paligjshmit dhe disa për të ligjshmit. Disa janë në anë të së keqes, disa kundër saj. Në të dyja rastet jemi duke kontribuuar keq në një periudhë ku ndahet fati i këtij vendi, duke i dhënë gojës pa pushim.

Si gazetare, nuk e kam marrë ende veten nga ato që dëgjojmë përditë. E pranoj publikisht se i vetmi njeri që besoj në këtë qeveri është zoti Fatmir Xhafaj. Ai, më i paragjykuari nga opozita dhe shumë miq e mikesha të miat kolege gazetare. Ai më krijon opinionin e një burri që e ka ndarë mendjen. Nuk e kam telefonuar kurrë dhe as më ka qëlluar ta përshëndes gjatë gjithë jetës time modeste profesionale prej 17 vitesh. Po pres me kuriozitet fijen e hollë ndarëse mes gumëzhimës së suksesit dhe uturimës së fatkeqësisë.

E gjitha pjesa tjetër të tmerron dhe të lë pa gojë. Si telefonata e së enjtes time! Nuk ka të bëjë me frikën, paçka se edhe ajo ruan vreshtat, sesa me sistemin e vlerave të bëra çorap. Gjithkush ka të drejtë të thotë ç’të dojë, gjithkush telefon kë të dojë, gjithkush bën ç’të dojë, sikur me qenë në një pyll, veçse, ky i joni pa cicërima por me hungërima.

Është urgjente, madje ka hipur në ambulancë nevoja për t’iu bashkuar një grupi vlerash. Ne gazetarët, o sot o kurrë kemi shansin për të ndihmuar këtë vend qeni që duam. Jemi duke e bërë gabim, pra. Kap e hidh lajme, pa asnjë filtër. Lajmi i dytë anulon të parin dhe në kërkim të së vërtetës (të paktën teorikisht) po shkallmojmë të vërtetën.

Gazetarët nuk kanë pse u japin llogari të dyshuarve në telefon. Të drejtën secili e fiton nga drejtësia dhe jo nga gazetaria. Por sikundër portalet, televizionet, gazetat dhe drejtuesit më të mëdhenj sillen nëpër studio televizive si prokurorë dhe gjyqtarë, si akuzatorë dhe lirimtarë, normale që pasojat do jenë këto. Do doja shumë që modeli i gazetarit që merret vesh si ai infermieri që kemi 20 vjet që e shajmë për atë 5-mijë lekëshin, me horrin, skifterin, sharlatanin, apo edhe me heroin e ministrin të marrë fund.

Ministri Xhafaj, sot, bëri një kallëzim. Nuk mori në telefon gazetarët që të vendosnin lajmin. Se drejtësia nuk fitohet me llafe e Shqipëria kurrë nuk do bëhet nga llafet. Ky, madje, është problem i këtij atdheu që ka lindur e shpikur oratorë të mirë dhe shtetarë të dobët!

Dhe në fund, një mesazh të hapur: Kur nuk jeni dakord me mua si gazetare (sepse më duhet të flas për veten), i dashur polic, bëj kallëzim. Kushdo qofsh e kudo qofsh, lutem që policët të jenë njerëzit më të kulluar dhe për këdo të pafajshëm e që ka kryer detyrën me dinjitet, do shkruaj pa kompromis. Por, i dashur polic, që më telefonove pa teklif, fshije numrin tim të telefonit, sepse unë dhe gjithë kolegët e mi këtë punë kemi. Japim lajme! Ata që e kanë bërë pis dhe kompromis do ta pësojnë një ditë pa frikë. Në qofsh i pastër, ti dhe çdokush, pa merak, se fjalët i merr era. Aq baltë është bërë dhe aq i ka rënë pesha fjalës nga kllounët e fjalës së lirë, sa e vërteta thjesht kushton lirë por nuk jeton në liri!