Moderatori dhe opinionisti Erion Kristo ka shpërthyer në një valë akuzash ndaj shoqërisë sonë dhe medias, që promovon vlerat e gabuara, duke u dhënë njerëzve shembuj të gabuar.
I ftuar në emision me Alban Dudushin, Kristo tha se shohim çdo ditë në media njerëz pa pikë vlere, që zënë hapësira të barabarta njësoj si ata që mund të kenë përgatitje.
“Silikoni. Njerëz që nuk kanë as art, as cilësi, asnjë vlerë. Thjesht njihen se i kanë shtuar prapanicat me shtesë kati. Kjo krijon degjenerim. Dhe ndodh që gjithkush rritet në një shoqëri ku më i forti i lagjes ka makinën më të mirë dhe ky është problemi më i madh akoma se të gjithë”.
Më tej ai shtoi: “Roli i figurave intelektuale. Heqin doktoreshat apo psikologet nga një vend në një tjetër, sikur është top basketbolli. Ia bjerr autoritetin moral, etik, profesional. Në vend që të dëgjohen ato, dëgjohet një spurdhjak që nuk peshon as 2 kile. Pra bëhemi të gjithë të barabartë, të gjithë me vlera, të gjithë zëmë hapësira. Duke u bjerrur media, duke u marrë me gjëra boshe, njerëzve u krijohet ideja se jeta është telenovelë turke. Puthje, vrasje, ndarje, bashkim etj.”,- tha Kristo.
Kristo nuk la pa përmendur as elitat e shoqërisë dhe vetë konceptin e familjes se si ajo ka ndryshuar në vendin tonë vitet e fundit: “Është degjeneruar edhe elita e shoqërisë. Këtu edhe mediat vënë në qendër të vëmendjes energjetike të tyre gjithë kohës publike njerëz kot fare. Njerëz vrasës, pa pikë shije. Vendosen në qendër të reflektorëve të shoqërisë.
Një gocë rritet me idenë se do futet në një nga këto organizatat rinore dhe do bëhet doganiere dhe i ka ecur shumë vetëve.
Jetojmë në një shoqëri ku familja ka marrë fund fare, është shkërmoqur. Fakti që ne kemi familje apo kujdesemi nuk do të thotë gjë. E para është degjeneruar nga ana ekonomike, pra familja me zor mbahet. E dyta, nuk ka hapësirë komunikimi, pra mungon komunikimi fare. Unë di me dhjetëra raste që nuk e dinë fare se ku i kanë fëmijët. Vetë fëmijët bëjnë jetë personale, jashtë familjes, dhe e kanë shtëpinë si hotel”,- tha ndër të tjera Erion Kristo.
Por atyre që përgjërohen për reformën në drejtësi, vendas apo të huaj qofshin, kam gjithë të drejtën e botës t’iu kërkoj të na shpëtojnë nga Kozmai. Jo nga personi, por më shumë nga fenomeni..
Nga Astrit Patozi
Këtë Kozma Janon, kandidat për KLP, i cili e paska pasur pseudonimin “Telefoni”, nuk kam nga ta njoh, por nuk është vetëm ky problemi, që nuk dua të merrem me të.
Nuhatja më thotë se ai nuk e kupton hiç se për çfarë është atje dhe pse nuk mund të jetë. Ndaj edhe nuk po i drejtohem fare atij për të dhënë dorëheqjen një orë e më parë.
Por atyre që përgjërohen për reformën në drejtësi, vendas apo të huaj qofshin, kam gjithë të drejtën e botës t’iu kërkoj të na shpëtojnë nga Kozmai. Jo nga personi, por më shumë nga fenomeni.
Nuk e di si do ta zgjidhnin, por ikja e tij prej aty do të ishte minimumi që mund të bëhej, për të mos e çuar në fund të këmbëve edhe atë pak shpresë që ka ngelur se diçka mund të ndryshojë për mirë tek kjo drejtësi e kalbur dhe e kapur.
Ndërkohë penetrimi i “Telefonit” deri në buzë të promovimit për njërin nga institucionet e larta të drejtësisë së re është një alarm i madh për krizën e rëndë të sistemit tonë. Unë nuk kam të dhëna që të fajësoj Autoritetin e Hapjes se Dosjeve për këtë “kalim të paligjshëm kufiri”. Mund të jetë pamundësi, por ndoshta edhe neglizhencë e tyre, që “Telefoni” për pak e kaloi pa u detektuar postbllokun i ligjit në emër të ligjit.
Por edhe po të isha i sigurt që ata e kishin bërë qëllimisht unë nuk jam aq naiv sa të fajësoj sot dikasterin e Genta Sulës.
Sepse rrënjët duhen kërkuar tek aktorët kryesorë politikë, të cilët kanë marrë përsipër redormimin e drejtësisë, duke votuar unanimisht në verën e vitit te shkuar.
Të qeverisë në radhë të parë, që është në të gjitha rastet dhe kurdoherë problemi më i madh. Por edhe të opozitës, për aq sa i takon.
Ndaj pasi të na ketë shpëtuar nga Kozmai i KLP-së, Edi Rama dhe mazhoranca e tij mund të na bëjë një nder më të madh. T’i drejtohet Autoritetit Shtetëror për zbardhjen e të shkuarës për cdo titullar të lartë të saj, pa pritur që të na dalin histori të ngjashme me “Telefonin”. Vetëm kështu mund të ketë kuptim ekzistenca e atij institucioni, që të shërbejë si filtër për të penguar fosilet e Sigurimit të Shtetit që të na drejtojnë edhe në demokraci.
Të njëjtën gjë duhet ta bëjë edhe Lulzim Basha, i cili ka marrë përgjegjësi, jo vetëm për të tashmen, por edhe për trashëgiminë politike të Partisë Demokratike.
Të çojë për verifikim të gjithë zyrtarët dhe ish-zyrtarët e lartë të saj. Deputetë, e ish-deputetë, ish-ministra, drejtues të lartë e drejtorë të mëdhenj, pa asnjë dallim në këto 25 vjet.
Sepse vetëm kështu njerëzit do të besojnë që ne i kemi realisht alergji ish-spiunët apo bashkëpunētorët e Sigurimit të Shtetit, dhe nuk kujtohemi për ta vetëm kur “Telefoni” bie nga ana e kundërshtarit.
Ish-kreu i Shërbimit Informativ Shtetëror, Fatos Klosi, pohoi se, ish-kryeministri Sali Berisha është ndjekur nga ish-Sigurimi i Shtetit për lidhje të mundshme me UDB e ish-Jugosllavisë.
Duke komentuar mundësinë e hapjes së dosjeve mbi rolin e agjenturave të huaja, Klosi pohoi se të dhënat në dosjen e Sali Berishës, për raportet me UDB, ishin zhdukur.
Ish-kreu i SHISH shtoi se, të dhënat duhet të jenë zhdukur gjatë pushtetit të parë të Berishës. Ish-kreu i SHISH tha se UDB, për shkak të çështjes së Kosovës, ka pasur bashkëpunëtorë në të gjitha fushat në Shqipëri.
Por, Klosi pohoi se këto dosje nuk duhet të preken, pasi është e rrezikshme, edhe për shkak se agjenturat jo partnere veprojnë deri në ditët e sotme dhe se ato nuk duhet që të dinë se çfarë dimë ne për ta. Kreu i SHISH u shpreh se Serbia, edhe sot, ka bashkëpunëtorë në të gjitha vendet e rajonit. Ai tha se loja e shërbimeve është e përhershme, madje edhe mes vendeve partnere.
-Z. Klosi, komisioni për hapjen e dosjeve, në kuadër të studimeve dhe edukimit të publikut, mund të trazojë dokumente mbi rolin e shërbimeve të huaja në Shqipëri. A është i mundur një proces i tillë dhe cilat mund të jenë pasojat?
Së pari, shumë gjëra në lidhje me ndikimin dhe rolin e shërbimeve të huaja, janë hamendje, nuk janë bindje. Natyrisht, ka midis tyre plot fakte dhe dokumente, por kuadri asnjëherë nuk është i plotë dhe mbeten në nivel hipotezash. Në asnjë vend të botës nuk mund të ndodhë që të hapen dosjet e agjenturave të huaja, pasi ato janë shumë sekret. Ne, në asnjë mënyrë nuk mund dhe nuk duhet t’i themi askujt se çfarë dimë dhe se çfarë nuk dimë për veprimtarinë e shërbimit tjetër.
-Nuk bëhet fjalë për publikim, por thjeshtë njohje në kuadër të edukimit….
Të edukosh njerëzit se si duhet të mbrohen nga armiqtë është shumë e thjeshtë.
-A ka pasur UDB bashkëpunëtorë në Shqipëri dhe në çfarë sferash ka depërtuar?
Sigurisht që ka pasur, por ne dimë një pjesë fare të vogël. Kjo është betejë e gjatë dhe e heshtur. Nuk është e lehtë të luftosh me shërbime shumë të mëdha dhe të fuqishme se shërbimi ynë. Në kuadër të ‘dosjes jugosllave’ ne dimë disa gjëra, por ka edhe shumë hamendje, pasi në të kundërtën do të shkonin në gjyq. Asokohe nuk të falte njeri në këtë fushë. Në këto kushte, nuk kanë dalë emra, qoftë edhe pseudonime.
-Në çfarë sferash ka depërtuar më shumë UDB?
Shërbimi jugosllav ka punuar në të gjitha fushat në Shqipëri, kryesisht në politikë, në ekonomi dhe në ushtri. Ka qenë në mes Kosova, për këtë arsye ata kërkonin që ta njihnin mirë situatën në Shqipëri. Donin të dinin se çfarë bënin ne për Kosovën, çfarë planesh kishim etj. Puna vazhdon akoma edhe sot.
-Pra mendoni se kanë edhe sot bashkëpunëtorë?
Sigurisht, angazhimi i shërbimeve jo partnere vijon edhe sot. Prandaj, këto dosje nuk duhen prekur. Do të ishte absurde të mendohet se ata nuk janë të interesuar se çfarë ndodh në Shqipëri. Kjo është një lojë që vazhdon për gjithë jetën.
Është një lojë e përjetshme që vazhdon edhe midis aleatëve shumë të mëdhenj, siç janë SHBA dhe Gjermania, e jo më midis Shqipërisë dhe vendeve të tjera, më të cilat kemi ende probleme të mprehta të pazgjidhura. Millosheviçi ka pasur bashkëpunëtor në të gjitha vendet e Ballkanit. Është e paarsyeshme të mendosh ndryshe. Një vend i madh si Serbia, është interesuar dhe ka bashkëpunëtorë në të gjitha vendet e rajonit.
-Kohë më parë, kryetari i grupit parlamentar të Partisë Socialiste, Taulant Balla, publikoi një dokument në gjuhën serbe, me të cilin pretendonte se Sali Berisha kishte qenë agjent i UDB. Në dijeninë tuaj, a ka dosje për Sali Berishën për lidhje me UDB?
Duke qenë dhëndër në një familje gjysmë serbe, Sali Berisha është ndjekur nga ish-Sigurimi i Shtetit, si bashkëpunëtor i mundshëm i UDB jugosllave. Unë nuk kam gjetur gjë në dosje, sepse kur unë vajta në krye të Shërbimit Informativ Shtetëror, Berisha kishte pesë vjet në pushtet dhe i kishte rregulluar të gjitha gjërat. Por që Berisha ka qenë i ndjekur për lidhje të mundshme me UDB, këtë e thonë oficerët që kanë qenë pjesë e ish-Sigurimit të Shtetit dhe që e kanë parë dosjen e si i tillë.
-Pra, ka pasur një dosje për të?
Oficerët e kanë parë dosjen e tij. Por, ka një gjë, dosjet e kundërzbulimit asnjëherë nuk janë të sigurta. Unë nuk kam parë asnjë lloj dokumenti dhe të dhëne në dosje.
-Po sa i takon dosjeve për zhvillimet brenda vendit, cilat janë zhdukur?
Dosjet për agjitacion-propagandë dhe tentativë arratisje, në përgjithësi, janë eliminuar. Janë zhdukur në kohën kur ndryshoi Kodi Penal, pra kur u dekriminalizuan si vepra penale. Pra, janë zhdukur në përgjithësi, nuk po e cilësoj vetëm të politikanëve apo njerëzve të thjeshtë. Më vonë, duart i kanë futur të gjithë. Prandaj nuk e kam quajut ndonjë proces të rëndësishëm që të prodhojë surpriza. Thjeshtë shpresoj që ky problem të mbyllet dhe të mos shfrytëzohet më nga politika.
Nuk do prekë figura politike. Figurat politike kanë kaluar në dy komisione të mëparshme. Ka qenë komisioni “Bezhani”, ka qenë komisioni “Mezini”. Çfarë figurash do prekë ky proces?! Nuk ka për të ndodhur gjë. Tani një pjesë e politikanëve janë shumë të rinj, për të qenë të prekur nga ligji i për hapjen e dosjeve. Kanë kaluar 25 vjet. Ka më shumë vlera historike.
-Gjithmonë ka një shqetësim sa i takon influencave ruse në Shqipëri. A ka vend për alarm?
Mirë është që të jemi gjithmonë të vëmendshëm, por deri tani, nuk kemi parë një tentativë ruse për influenca në Shqipëri. Një shqetësim i tillë, sipas meje, është i pambështetur në fakte. Rusët e dinë se, Shqipëria është anëtare e NATO-s dhe në partneritet strategjik me Shtetet e Bashkuara të Amerikës, pra e kanë shumë të qartë se, me çdo përpjekje tyre, do ta kishin shumë të vështirë që të arrinin një rezultat.
Edhe investimet ruse në Shqipëri nuk janë ndonjë gjë për t’u shënuar, janë të papërfillshme, madje unë nuk di për asnjë investim, në ndryshim me investimet në vendet fqinje, siç janë Greqia apo Mali i Zi, mbase edhe Maqedonia. Mënyra më normale për të shtrirë influencën është me anë të investimeve.
Shqipëria nuk ka qenë objektiv i investimeve të tyre. Sigurisht, rusët gjithmonë kanë qenë të interesuar për Ballkanin, por për Shqipërinë nuk ka ndonjë gjë konkrete. Por, që të jemi të vëmendshëm, sigurisht që duhet, për sa kohë që tashmë Rusia është fuqizuar, nuk është më koha e Jelcinit. Me Presidentin Putin janë bërë me ekspansivë, po përpiqen që të shtrinë influencën e tyre në Ballkan, pasi kjo është një ëndërr e vjetër e carëve rus. Sa i takon ndikimit tek vendet fqinje, ne vetë Serbinë dhe Maqedoninë i kemi kujdes. Asnjëherë nuk i kemi konsiderua miq realë dhe që të hapemi ndaj tyre. Ata thjeshtë janë fqinjët tanë.
I ftuar dje në forumin e organizuar nga Universiteti Europian i Tiranës, të moderuar nga drejtuesja e Departamentit të Komunikimit, Belina Budini, gazetari Armand Shkullaku u ndal tek evolucioni i medias tradicionale, që ka nisur një rënie të pandalshme qysh prej vitit 2001, theksoi ai.
“Këto media u krijuan sepse i duheshin politikës për t’i përdorur. Ishte koha ku një gazetë ishte baras me një tender, me një pallat etj. Gjithçka u bë e bleshme. U ndanë pasuritë publike; Kinostudio, Uzina e Autotraktorëve, Pallati i Sportit.. iu dhanë mediave nga qeveria si shpërblim për shërbimin që bënë. Madje edhe nga buxheti i shtetit u morën 700 milionë lekë për një fushatë kundër drogës dhe ato para iu dhanë televizioneve”, -tha Shkullaku, ndërsa shtoi se në ato kohë nuk u konceptua si industri fitimprurëse nëpërmjet asaj që prodhonte media vetë, por si aksesor për një biznes tjetër më të madh. Media si industri dëmtoi median si besueshmëri, që për një gazetar shihet si investimi më afatgjatë, shkruan ‘Mapo’.
Duke e rikthyer edhe njëherë fokusin te media tradicionale ai tha se rënia e medias dhe zgjedhja nga publiku të lajmeve të karakterit argëtues vjen edhe për shkak të lodhjes.
“Ne flasim edhe shkruajmë, por a jemi në gjendje ta ndryshojmë realitetin. Beson disa vite se një televizion është i djathtë, befas kthehet i majtë e anasjelltas. Ky treg interesash e ka zhvlerësuar edhe fjalën, edhe punën tonë”, -tha ai, ndërsa pranoi se kishte patur një ofertë nga “Top Channel” për post drejtues dhe e ka refuzuar, duke thënë se arsyeja është mungesa e një qëndrimi të konsoliduar nga ana e mediave. “Unë me vështirësi lëviz, sepse nuk besoj se duke ndërruar mediat mund të shtosh autoritetin dhe besueshmërinë tënde. Kam përvoja në Klan Kosova dhe ABC. Që të ndërtosh diçka duhet besim; te vetja, te projekti, që do kohë. Duhet t’ua ilustrosh njerëzve me të cilët punon, duhet t’i motivosh. Të ndërtosh diçka nga e para dhe pas një viti të të thonë “shih se më thirri Rama dhe u kthyem aty ku ishim…Kam 27 vjet që e kam provuar këtë vazhdimisht. E provova edhe me ABC News, provova të bëj diçka për 4-5 vjet dhe m’u tha që është mirë siç është”, – tha ai, duke mos e mohuar se edhe vetë ka bërë kompromise. “Kam pasur edhe unë raste ku i kam thënë derrit dajë”.
Kryetarja e Lëvizjes Socialiste për Integrim, Monika Kryemadhi e ftuar në “360 Gradë” në Ora News, tregoi një moment nga viti 1996, ku ajo kishte propozuar Erion Braçen si deputet në qarkun e Beratit për shkak të “konfliktit të interesit” pasi ishte e lidhur me Ilir Metën.
https://streamable.com/grle8
Kryemadhi: Në 96 unë jam propozuar deputete në qarkun e Beratit dhe unë kam qenë ajo që i kam kërkuar zt.Ruçi që unë e tërheq kandidaturën time vetëm me një kusht; që deputet të vendoset Erjon Braçe në vendin tim. Kjo është e vërtetë dhe më kanë thënë t’i çdo. Ndre Legisin kam qenë unë ajo që e kam futur në listën e deputetëve. Unë konsiderohesha e Ilir Metës dhe kisha konflikt interesi.
Zheji: Ke pasur dorën e mbarë se nuk u largua nga Parlamenti..
Kryemadhi: Ashtu e kam pasur dorën e mbarë për të gjithë kujt ia kam dhënë shansin.
Unë nuk doja të bëhesha kryetare e LSI. Kam shumë vite që kontribuoj në politikë. I kam kushtuar më shumë fëmijëve të mi se sa Ilir Metës.
Kur vijmë në momentin e marrjes së LSI është një kërkesë e bërë nga Petrit Vasili. Një nga arsyet që e kam pranuar është se ju lutem të mos më ndërhyni. E di shumë mirë që Ilir Meta do të ndërhynte në vendimmarrjet tona, apo në deklaratat e mia nuk do të isha më vetvetja.
Kjo ka qenë një marrëveshje shumë e mirë midis meje, Petrit Vasilit dhe Ilir Metës.
Akoma po ndihen pasojat e largimit të Sali Berishës. Edhe LSI do t’i duhet kohë për të arritur atë organizim dhe frymëzim që ngjallte Ilir Meta.
Ish kryetari i Partisë Demokratike, Sali Berisha i ftuar në emisionin “Tonight” në News 24 foli për protestën që pritet në dt 27 Janar.
Sakaq, Berisha paralajmëroi se qytetarët së shpejti do të shohin dokumente dhe marrëveshje të firmosura që vërtetojnë se kjo qeveri është e implikuar në korrupsion.Deklarata e Berishës gjatë intervistës me gazetaren Ilva Tare:“Edi Rama duhet të kishte ikur 40 herë që tani, me ato që po u bën shqiptarëve. Po bën vjedhjet më të mëdha në historinë e vendit. Vetëm afera e fundit e plehrave është aferë katastrofale. Do shihni shumë shpejt dokumente, do shihni marrëveshje të firmosura. Dje i rrahën në fshatin e Fierit, sepse kanë mbushur xhepat dhe do tu ndërtojnë fabrikën e helmit.”
Deputetja e PD Grida Duma, gjatë një diskutimi në emisionin Top Show ka komentuar ligjëruesit publik të cilët nuk kanë zërin e duhur për të folur para një audience të caktuar.
Së fundmi po bën xhiro në rrjetet sociale fjala e saj ku thotë se nuk mund të imagjinohet që një mashkull i gjatë dhe i mbushur të ketë zërin e hollë.
Ajo thotë se kjo është e tmerrshme. Sipas saj vokali është i rëndësishëm dhe s’mund të bëhesh nëse s’ke zë.
Ndërkohë përballë saj qëndronte mendueshëm deputeti Ervin Salianji i cili e dëgjonte me vëmendje.
Titujt sensacionalë, përshkrimi i detajuar i krimit, fotot e viktimës a vendit të ngjarjes, përdorimi i formës jo-veprore, epitetet e metaforat e ekzagjeruara (Krim për pasion apo i paralajmëruar) njihen si mënyra që padashur, fajësojnë viktimën. Dhe më e keqja, japin mesazh të gabuar tek vrasësit e tjerë që janë në radhë.
Sigurisht që për klikimet tuaja vetëm lajmi i kobshëm është lajm, ama në keni edhe pak humanizëm e ndjesi të lartë profesionale, ju lutem shkruani për fenomenin: Pse vriten vajzat? Gratë? Çfarë e bën kaq banale lehtësinë e marrjes së një jete?
Nuk duhen fotot e vjedhura pa leje duke përdhosur viktimën e gjorë. As intervista kalimtarësh. Ju lutem shpjegojeni fenomenin përmes njerëzve që marrin vesh: psikologët, punonjësit socialë, ekspertët e ligjit që njohin sjelljet e të lëkundurve mendërisht.
Kini respekt për viktimën! Tregoni humanizëm! E mbi të gjitha, profesionalë. Ndihmojini viktimat e radhës. Mos i vrisni ato me mënyrën e padrejtë të (jo)gazetarisë sensacionale!
