Opinione

Gazetari i kronikës Ermal Vija, ka zbuluar prapasekenat dhe arsyet që e çuan ish- Drejtorin e Përgjithshëm të Policisë së Shtetit, Gledis Nano, për të urdhëruar kryerjen e testit të drogës brenda radhëve të policisë.

I ftuar në emisionin Open, në News 24, Vija theksoi se në Policinë e Shtetit kishte ardhur një informacion nga Agjencia e mbikqyrjes Policore se 101 drejtues të lartë ishin përdorues të kokainës.

Ky informacion më pas e shtyu ish drejtorin Nano që të lëshonte urdhërin për kryerjen e testit të drogës, sipas gazetarit.

“Gledis Nano bëri një përpjekje ligjore, pasi urdhëroi kryerjen e testit të drogës. Policia e Shtetit ka pasur një informacion nga Agjencia e Mbikqyrjes Policore ku thuhej se 101 drejtues të lartë të policisë kanë qenë potencialë si përdorues të kokainës. Kjo ka qenë një nga informacionet e Agjencisë së Mbikqyrjes Policore në Policinë e Shtetit.

Testi i drogës ka qenë lëvizja e Gledis Nano për të pastruar Policinë e Shtetit. U nis me bujë, pati disa efektivë që rezultuan pozitiv, por më pas disa prej tyre u rikthyen. Pasi vetëm test i parë ka rezultuar pozitiv dhe testi i dytë ka dalë negativ. Disa të tjerë kanë dhënë dorëheqjen disa të tjerë janë larguar nga detyra.
Më pas nuk kemi më informacion çfarë ka ndodhur me procedurën e testit të drogës”, tha gazetari.

Pa u mbushur ende plot një ditë nga konceri i këngëtares shqiptare me famë botërore, Rita Ora, akademiku Artan Fuga ka ngritur një pyetje publikisht.
Me anë të një postimi në rrjetin social të “Facebook”, Fuga shkruan se nuk ka asnjë informacion se kush e paguan këngëtaren, dhe shtron pyetjen se kush e paguan, nëse paguhet, dhe sa parà merr për një koncert?

“Kur shoh informacionet në media, gjithmonë pyes: Këta na japin lajme për koncertet e Ritës, por nuk kemi asnjë dijeni se kush e paguan atë.

I bën falas në shesh, për bamirësi? Në këtë rast do t’i hiqja kapelen, ndonëse edhe poqe se kërkon lekë nuk ka ndonjë të keqe?

Por, kush e paguan, nëse paguhet, dhe sa parà merr për një koncert?

Se mos është parà publike or tej!!!

Se pastaj do ishte një formë e shëmtuar korrupsioni, ndonëse nuk besoj asnjë sekondë se e bën Rita atë. Te merrte parà që duhej të shkonin për biblioteka, shkolla, ambulanca, etj., për koncerte në shesh!

Thjesht për ta ditur? Për informacion!

Jo se interesohem për koncerte në shesh!

A ka ndonjë gazetar investigativ a ndonjë media që interesohet për këtë, apo e kanë shpallur sekret strategjik!”, shkruan Fuga.

Gazetari investigativ, Artan Hoxha teksa ka publikuar disa foto nga Kongresi i Republikës së Kolumbisë ka krahasuar Shqipërinë më Kolumbinë, ku nënvizon se kolumbianët janë munduar shumë për të pastruar politikën dhe ekonominë nga nark otrafiku, por nuk ia kanë dalë.

Reagimi i plotë:

Dikur, Don Pablo Escobar, mbreti me i madh i kok aines ne bote, i ngjiti keto shkalle te gurta, si i zgjedhur nga populli, per ta perfaqesuar ne Kongresin e Republikes se Kolumbise…

Nga ajo kohe, Kolumbia dhe kolumbianet, kane bere shume be teja, kane derdhur shume gj ak, per ta pastruar politiken dhe ekonomine nga nar kotrafiku…

Por nuk ja kane dale…
Se me ke me ngjan ky vend???!!!