Opinione

1. Kur gjuha e politikës nuk ka më kuptim

Çfarë pamë këtë fundjavë të shënimit të përvjetorit të pavarësisë së Kosovës? Pamë, sërish, se si kjo klasë sunduese dhe eksploatuese politike ka arritur ta degradojë gjuhën. Ta zhvlerësojë atë. T’ia humb kuptimin.

Nga foltorja e parlamentit dhe nga studiot televizive sunduesit flasin për qeverisje të mirë dhe qytetarëve para syve u shfaqen hotelet e shtrenjta në St. Moritz, këta flasin për prosperitet ekonomik dhe qytetarët i shohin aferat korruptive, këta flasin për barazi sociale dhe qytetarët i shohin (edhe në Instagram) pinjollët e sundimtarëve të Kosovës nëpër pista skijimi në Zvicër dhe plazhe të Floridës, këta flasin për demokraci dhe qytetarët shohin degradimin institucional, këta përbetohen se «tani do të qeverisim vërtet në interes të qytetarëve» dhe qytetarët këtë e përjetojnë si fyerje, sepse tashmë i kanë parë që nga viti 1999 se çfarë kanë bërë dhe çfarë nuk kanë bërë, kur këta thonë «kemi ndërtuar një shtet demokratik, funksional, efektiv» qytetarëve u kujtohen njerëzit me muskuj që kurdisin tenderë me fjalët «Mshoj gjanarski jarani jem» ose «Kqyre se s’mujta me të thirrë… m’u ka zbraz krejt fyti…».

Zhvlerësimi i gjuhës është pasojë e korruptimit të sistemit. Nuk kemi të bëjmë vetëm me politikanë të korruptuar, por me sistem të infektuar nga korrupsioni dhe me jo pak qytetarë të gatshëm të bashkëjetojnë me këtë sistem dhe ta shohin atë si kësmët, jo si kiamet. Kësisoj gënjeshtrat e pushetit janë shndërruar në hata parazitare, të cilat gërryejë e shkatërrojnë besimin dhe ia humbin gjuhës karakterin komunikues.

2. Rrëmuja retorike e Ramës

Gjatë fundjavës nuk pamë vetëm zhvlerësues të gjuhës, pamë edhe një mjeshtër të retorikës si Edi Rama, i cili talentin e tij e keqpërdorë për mesazhe populliste.

Ndërsa vendi i tij që nga viti 1945 ka nënshkruar pothuaj çdo akt ndërkombëtar që garanton kujfijtë në Ballkan dhe që nga viti 1990 me devotshmëri ka pranuar çdo marrëveshje ndërkombëtare për zgjidhjen e konflikteve në Ballkan (Daytoni, Rambouillet, Ohri, Vjena), kryeministri i Shqipërisë kur vjen në Prishtinë ose kur jep intervista përherë sillet si njëfarë «babai i kombit» – pa mandat. Dhe çka duhet pritur nga baballarët e kombit?

Natyrisht gjëra të mëdha. Edi Rama po sillet si inxhinier që cakton kufijtë dhe manipulon me ndjenja kombëtare. Këtu nuk dallon shumë nga popullistët e tjerë ballkanikë, të cilët po ashtu ëndërrojnë të ndajnë Kosovën. Është një retorikë tashmë bajate: «Do të kemi një president të përbashkët», «do të jemi bashkë», «kemi një ëndërr».

Ndërkohë që te Kukësi lopët ende dalin në korzo në autostradë, sepse shteti nuk është në gjendje të rregullojë atë pjesë të autostradës, ndërkohë që revista gjermane si «Stern» e përshkruajnë Shqipërinë si vend në duar të bandave të drogës dhe si shtet ku baronët e drogës me pëlqimin dhe përkrahjen e politikës shndërrohen në pronarë të bashkive, zonave turistike, hoteleve, ndërkohë që qindra shqiptarë po ikin nga parajsa e Edi Ramës dhe paraardhësve të tij në post dhe me javë të tëra po presin në tenda në fshatra të Spanjës për t’u futur në kamionë dhe kaluar ilegalisht në Britaninë e Madhe. Në paradën e tij për vizatim të kufijve Rama nënçmon secilin.

Politikanët e Prishtinës? Lopë e loparë! Vjen në parlamentin e Kosovës, mban fjalim dhe nuk e përmend ideatorin e shtetit të Kosovës, Ibrahim Rugovën. Pastaj ka kosovarë, si ndonjë këshilltar të kryeministrit kosovar, që e humbin kontrollin dhe e quajnë Edi Ramën jo më pak se të droguar – një akuzë që e ka dëgjuar shpesh edhe nga Sali Berisha.

Kështu vërtet jemi një: vokabulari politik po harmonizohet. Ndërkohë që klanet ekonomike dhe oligarkët i favorizojnë prodhimet e Serbisë në tregun e Kosovës – të asaj Serbie që ka vrarë së paku 10 mijë shqiptarë, shumica civilë.

E bllokuar mbetet edhe linja e interkoneksionit. Kush po e bllokon? Beogradi. Kush po hesht? Sundimtarët e Tiranës dhe Prishtinës.

3. Himni

Albin Kurti sot ishte në seancën solemne të Kuvendit – ndonëse sipas dëshmitarëve ai erdhi me vonesë, me gjasë për të pritur derisa të intonohet himni i Kosovës. A keni parë këso situatash absurde në ndonjë vend të botës?

Opozitari që dëshiron të bëhet kryeministër nuk vjen me kohë për shkak se nuk i pëlqen himni. Sepse ai çohet në këmbë vetëm kur intonohet himni i Shqipërisë!

Disa mbështetës të Kurtit madje nuk u panë fare në seancë. Ndoshta kanë shkuar në zonat e tyre elektorale në Skrapar, Kurvelesh e Mallakastër për të përgatitur kandidaturat për Kuvendin e Madh Kombëtar.

Çdo tendencë e Vetëvendosjes për të bojkotuar shtetin e Kosovës mund t’i kthehet asaj si bumerang. Sepse shteti kurrë nuk duhet ngatërruar me kusarët e cubat që mund ta sundojnë. Nuk është Kosova projekt i përkohshëm.

Mund të shndërrohet nëse ka pajtim shoqëror në Kosovë për ta shkatërruar atë dhe për ta ndarë territorin mes Serbisë dhe Shqipërisë.

Ndërkohë që Shqipëria si anëtare e NATO-s ka garantuar kufijtë dhe këtë po e bën çdo ditë në procesin e integrimit në BE. Njerëzit në Kosovë nuk janë budallenj.

Duan të jetojnë të qetë, pa konflikte dhe të pashqetësuar nga Serbia dhe nga përrallat për bashkim kur shteti i Kosovës për shkak të zhvillimeve gjeostrategjike nuk është konsoliduar ende dhe me këto telashe do të ballafaqohet edhe në të ardhmen.

Si të bindet një shtet të pranojë Kosovën kur ka politikanë që këtë shtet e shohin si diçka të përkohshëm?

Deri dje u zhvillua loja me flamur, sot lojërat me himn. E Kosova ka halle tepër më të mëdha. Por ndoshta pas një kohë edhe Albin Kurti e kupton se pavarësia e Kosovës e forcon Shqipërinë.

Titulli është i redaksisë. Titulli origjinal “Mirëdita, Absurdistan!

Avokati Spartak Ngjela ka sulmuar sërish elitën politike duke theksuar se po bllokojnë integrimin e Shqipërisë.

Në një postim në rrjetin social ‘facebook’ Ngjela shënjestron Metën, Berishën për të cilët thotë se po i vinë qark e vërdallë për të gjetur mbështetje në Beograd dhe Athinë, e ndërsa për Ramën duke thënë se është lëshuar drejt Stambollit.

Ngjela gjithashtu bën me dije se sipas tij deri tani, FBI ka gjetur mbi 5 miliardë Euro e Dollarët të korrupsionit shqiptar; ajo ka identifikuar mijëra hektarë te grabitura me imponim shtetëror.

Postimi i plotë:

Midis kohës që vjen dhe kohës që ikën, është një veprim i dukshëm dhe me sukses shoqëror ai që e bën një njëri të panjohur të njohur.

Por, që koha të ndryshojë për një shtet a për një komb, në mënyrë që ky të dalë pastaj nga stanjacioni ekonomik: forca duhet të flakë njerëzit që e bllokojnë gjendjen me stanjacion të imponuar.

Shqipëria sot është në stanjacion, dhe ka njëzet vjet kështu.

Ç’duhet bërë?

l.

Korrupsioni ka bllokuar gjithçka. Është nivel i i ulët i intelektit politik shqiptar që ka sjellë këtë gjendje. Por, edhe pse sot, me ndihmë ndërkombëtare është formuluar juridikisht deri në një kushtetutë të re Reforma shqiptare, sërish ajo ka pengesa.

Pengesat vijnë nga pushtetarët e korruptuar, të cilët tani, edhe pse zihen në debate fyese me njëri-tjetrin, janë të bashkuar kundër Reformës.

Ata që nuk kanë pushtet ekzekutiv, Meta dhe Berisha, vinë qark e vërdallë për të gjetur mbështetje në Beograd dhe Athinë, kurse Edi Ramë është lëshuar drejt Stambollit, për të garantuar mjete financiare që, nëse do t’i vihet embargo nga Uashingtoni dhe Berlini për bllokimin e Reformës nga ai vetë, ky ta gjejë mundësinë e sundimit me paratë e Erdoganit.

Rama është jashtë çdo arsyeje politike, ai sot është një nën mediokër keqdashës që, në jerm, mendon se sundimi i tij është vlerë më e madhe se pasuria dhe jeta me mirëqënie e shqiptarëve.

Ja, kjo është gjëndja e sotme në Shqipërinë që po pret të reformohet.

Atëherë:

ll.

Pyetja që duhet ngritur këtu është kjo: nëse Rama e thellon këtë rrugë për të bllokuar Shqipërinë dhe për të dalë jashtë doktrinës politike perëndimore të Shqipërisë postkomuniste, për të shkuar në Lindje, çfarë pritet të bëjë kundër tij politika amerikane?

Politika amerikanë tani e ka të zgjidhur se, duke pasur me vete e në mënytë krejt të qëndueshme edhe Prokuroren e Përgjithshme, edhe ministrin e Brendshëm, madje edhe Kryetarin e Kuvendit, e ka gjithçka të zgjidhur me procedurë ligjore, pasi korrupsioni duhet të goditet me arrestimin e personave të rangjeve të larta. Rama nuk ndërhyn dot këtu.

Plus kësaj, duhet që edhe organet e vetingut të eliminojnë me veprime drastike gjyqtarët dhe prokurorët e korruptuar.

lll.

Deri tani po kuptohet se nuk ka rrugë tjetër për të shpëtuar gjendjen veç aksiomës së famshme të Fushesë: Arrestoni !

Në fakt kjo ka qënë rruga e ndjekur edhe në Rumani, edhe në Bullgari, por edhe në Kroaci. Prandaj sigurisht që kjo duhet të jetë edhe rruga shqiptare

Menjëherë pas pastrimit të gjyqtarëve të korruptuar, dhe pas zëvendësimit të shpejtë të tyre, duhet të nisë goditja penale drastike bashkë me konfiskimin e parave dhe pasurive të korrupsionit.

Deri tani, FBI ka gjetur mbi 5 miliardë Euro e Dollarët të korrupsionit shqiptar; ajo ka identifikuar mijëra hektarë te grabitura me imponim shtetëror. Nga kërkimet deri tani janë të gatshme për t’u konfiskuar me ligj 5 miliardë dollarë dhe euro, të depozituara nëpër banka jashtë Shqipërisë. Por janë po kështu në rrugën e konfiskimit edhe mijëra hektarët e grabitur, shumica të rregjistruarë me emra të varfërish që befas iu ka mbirë te dera një pronë.

Sigurisht që, mbi të gjitha duhet të vihet sekuestro ndërkombëtare, se në fakt këto janë para të popullit shqiptar, dhe është provë e pakundërshtueshme që këta pushtetarë të mund të depozitojnë 5 miliardë Euro nëpër bankat e huaja, pa pasur lidhje me krimin e organizuar ndërkombëtar.

Është e kuptueshme gjithashtu që ky proces do të fillojë bashkë me proceset penale të krimit të organizuar shqiptar, i cili është i vërtetuar që ka qenë në partnership me korrupsionin e lartë shtetëror të të dy krahëve të politikës Shqiptare.

Kurse, Uashingtoni duhet ta ketë qartë, dhe sigurisht që e ka të qartë, që, shqiptarët do ta presin me eufori, me shprese, me besim dhe me përkrahjen e tyre masive goditjen antikorrupsion të niveleve të larta shtetërore.

Në një vështrim historik, përsëri Uashingtoni po del çliruesi i shqiptarëve; sepse sot është mëse e kuptueshme që, shpëtimin nga korrupsioni banditesk shtetëror i niveleve të larta, shqiptarët do ta konsiderojnë si një çlirim nga një zgjedhë vdekjeprurëse, njëlloj si edhe çlirimin e shqiptarëve të Kosovës nga rreziku i genocidit serb.

Në të vërtetë, ky është gjykimi më i saktë për historinë e miqësisë strategjike midis Shqipërisë dhe Shteteve të Bashkuara të Amerikës.

Masa ekstreme që Sekretari i Shtetit amerikan Rex W. Tillerson mori për moslejimin e Adriatik Llalës dhe gruas së tij të hyjë në Amerikë, mund ta quajë të nisur procesin ndëshkues kundër të korruptuarve në Shqipëri.

E shihni se sa seriozisht e ka reformën antikorrupsion në Shqipëri politika amerikane?

Ky ishte testi i parë. Ish prokurori shqiptar, kaloi normalisht nga një person që mbrojti korrupsionin e lartë në Shqipëri, në një antiamerikan dhe kundër interesit shqiptar.

Por ka edhe diçka më serioze në aktin publik të Sekretarit të shtetit amerikan:
Fakti që këtë akt kundër Adriatik Llallës, zoti Tillerson e bëri publik, tregon se, nëse Berisha, Meta dhe Rama do të vijojnë të pengojnë Reformën, edhe kundër tyre mund të merret një akt i tillë, sepse amerikanët ua kanë faktet si njerëz të korruptuar.

Këta ndërkohë duhet të rreshten dhe të pranojnë procesin e drejtësisë shqiptare që i gjithë është kundër tyre, por në favor të Shqipërisë dhe shqiptarëve.
Tërheqja është rruga më e mirë e fatit të tyre, sepse metoda Llalla që në fakt është metoda Berisha, do t’i fundosë shumë thellë.
Atëherëë…

l.
Sigurisht që sot, pas faktit politik amerikan anti-Llalla, analiza tjetër e fakteve që flasin për ecurinë e Reformës në Shqipëri ka hyrë në aktivitetin më të lartë politik të Uashingtonit.
Por tani duhet që kjo ecuri të ecë në një hap edhe në Shqipëri.
Prandaj, për këtë, më konkretisht duhet pyetur:
A do ta organizojë dot luftën historike kundër fenomenit të korrupsionit kryeministror, vjedhjes kryeministrore shqiptare, dhe kundër antishqiptarizmit kryeministror shqiptar, prokurorja e Përgjithshme Arta Marku?

Përgjigjia është vetëm një: kjo mund të ndodhë nëse rralisht do të realizohen dy kushte kryesorë: vendosmëria e guximshme e prokurores Arta Marku, dhe, ndihma e politikës amerikane me forcën e saj, me mbështetje ekspertësh dhe me mbështetje financiare gjithashtu.

Pas kësaj përkrahje dhe vendosmërisë së prokurores Marku, është e sigurt që Reforma nuk mund të ketë më bllokim në Shqipëri.

Masa e marrë kundrejt Adriatik Llallës direkt nga Sekretari i Shtetit; që e pozicioni ish prokurorin shqiptat si “individ të korruptuar që është bashkuar me krimin në Shqipëri”, sigurisht që është ndihmë e madhe politike për prokuroren e Përgjithshme, sepse të paktën hoqi çdo dyshim të ligësisë berishiane për ambasadorin amerikan. Të gjithë tellallët orientale nuk do të kenë më zë.

ngjela

Të shohim tani aktet e Prokurores Marku.

Kurse, kjo përkrahje antikorrupsion me një emër konkret që i dha shqiptarëve politika amerikane, sigurisht që i ka ngritur tensionet edhe në Beograd por edhe në Moskë.
Kjo, në fakt, nuk ka më fare rëndësi.

ll.
Bota shqiptare në Ballkanin Perëndimor, sot është, pa diskutim, i vetmi element i mbështetjes së politikës amerikane këtu.

Por këtë e di edhe Moska, edhe Pekini, edhe Athina, edhe Beogradi. Dhe pikërisht këtu fillon loja politike për të ndaluar këtë aleancë, duke garantuar jetesën e korrupsionit kryeministror shqiptar.
Ky korrupsion pastaj, ta prishë këtë aleancë, sepse aleanca në fakt është për pastrimin e pushtetarëve të korruptuar në Shqipëri.
Kjo është metoda e tyre.

Politika e shteteve fqinje ka njëqind vjet që punon me korrupsionin shqiptar kundër interesave të Shqipërisë dhe shqiptarëve.
Sot gjithashtu, me anë të korrupsionit kryeministror shqiptar, Moska, Beogradi dhe Athina duan të mposhtin aleancën shqiptaro – amerikano-gjermane për rimëkëmbjen e botës shqiptare në Ballkanin Perëndimor.

Këta e kanë të domosdoshme prishjen e aleancës amerikano-shqiptare sepse te kjo botë, vetëm 3.5 milionë shqiptarë ka në territorin e Shqipërisë, kurse 2 milionë janë në shtetin e pavarur të Kosovës, dhe gjashtë milionë të tjerë janë në Maqedoni, në Serbi, në Mal të Zi dhe në Greqi.

Ja kjo është në thelb përparësia amerikane në këtë zonë që vjen me anë të aleancës me Shqipërinë, dhe me përkrahjen për sigurimin e një shteti të drejtë dhe të nivelit perëndimor në Shqipëri.

Prandaj, bashkimi kombëtar shqiptar është epiqendra e politikës së re amerikane dhe gjermane për Ballkanin Perëndimor, sepse me dy shtetet shqiptarë të fortë në fillim, krijohet premisa e sigurt e ecurisë shqiptare si potenca numur një në këtë zonë të interesit të parë amerikan.

Prezenca shqiptare në katër shtete ballkanikë, dhe një shtet i fortë shqiptar e një shtet i fortë kosovar gjithashtu, e dominon plotësisht gjendjen politike në Ballkanin Perëndimor. Por kjo kërkon domosdoshmërisht një shtet shqiptar të drejtuar me një elitë politike të pakorruptuar dhe me një aleancë shqiptaro-amerikane në qendër të vet.

Kurse, përballë kësaj politike që tani është bërë globale, korrupsioni kryeministror shqiptar kërkon të bllokojë tendencën botërore të zhvillimit me disa liliputë ndërkombëtarë të cilët janë sot debitorët më të mëdhenj të bankave gjerman e dhe amerikane.

E shihni se në ç’gjendje mizerabël e ka futur veten korrupsioni kryeministror shqiptar?

Të korruptuarit e Shqipërisë kanë rënë në fakt në hallin e atij njeriut të izoluarq nën rrethim, të cilit fallxhorët i kanë thënë se do të bierë një tërmet çlirues për të . (!)

lll.
Për të folur më konkretisht.
Pikërisht për këtë, në këto momente, spikat hapur se, për ta ndaluar përkrahjen amerikane antikorrupsion në Shqipëri, është bashkuar i gjithë korrupsioni kryeministror shqiptar, i cili aktualisht aktiv është me segmentin Barisha-Meta-Rama.

Që të tre janë të rrezikuar nga Reforma anerikano-gjermane në drejtësinë shqiptare.
Që të tre, në këto momente, kanë filluar të kërkojnë ndihmën e Moskës, Beogradit dhe Athinës që të bllokojnë politikën amerikane në mbështetje të Reformës shqiptare. Madje Rama ka apetitin e mëndjelehtësisë proverbiale të tij, kur kërkon që të përdorë edhe ndihmën e Ankarasë; domethënë të Stambollit të vjetër. Sigurisht, duke kërkuar financim që të ruajnë këtë gjendje korruptive në favor të korrupsionit kryeministror, dhe të prishë aleancën shqiptaro- amerikane kurse, me ato pak para lëmoshë të rusëve apo turqve, të sundojë duke i mbajtur shqiptarët në mbijetesë.

Por këtu ama, si gjithmonë, korrupsioni kryeministror shqiptar shet hapur interesin shqiptar.
Njëlloj si paraardhësit e shekullit që kaloi që ecën me devizën e tyre: shit interesin kombëtar shqiptat, që të blesh pushtet personal në Shqipëri.

IV.
Po, çfarë po ndodh realisht në këtë luftë ku është mbështetur interes i kombëtar shqiptar dhe intetesi politik i madh amerikan?
Po ndodh ristrukturimi i prokurorisë shqiptare
Pas disa ditësh vjen edhe likuidimi i mbi 50 gjyqtarëve shqiptarë, dhe krerëve të korruptuar të prokurorive.

Kurse korrupsioni kryeministror kuptohet se po lufton me “mullinjtë e erës”, prandaj lodhet kot së koti e fare kot.

Politika amerikanë, me kushtetutë, e ka ngritur ndërkohë strukturën ligjore antikorrupsion në Shqipëri. Ajo ka filluar ta aplikojë. Por rolin kryesor e ka në këtë kohë prokurorja e Pergjithshme Arta Marku. Ndërsa kjo ka nevojë të madhe për mbështetje të përgjithshme të politikës amerikane.

Në të njëjtën kohë, duke rritur numrin e prokurorëve të marrë rishtas jashtë sistemit, prokurorja Marku duhet t’i lërë si një xhep inaktiv strukturat e vjetra të korruptuara të prokurorisë.
Me kryetarët e rinj të sapo emëruar prej saj dhe me emërimet e strukturës së rinovuar të prokurorëve, ajo mund ta përfundojë akuzën antikorrupsion në të gjitha rangjet, derisa të dalë Prokuroria Speciale dhe Gjykata Speciale. Madje kjo do t’i detyronte palët që të mos e vijonin më tej bllokimin që po i bëhet me kast nga pushteti gjyqësor emrimit të gjashtë gjyqtarëve që duhet të dalin nga pushteti gjyqësor.

Në këto ditë mendohet të publikohet edhe eliminimi i rreth 50 gjyqtarëve dhe 30 prokurorëve, akt ky që e balancon shumë situatën, sepse shenjat janë që do të suprimohet tërësisht KLD aktuale.

Pas këtij suprimimi do të kemi një krizë që do të kërkojë domosdoshmërisht emërimin e gjashtë gjyqtarëve në KLGJ.

Siç shihet, koha po ecën e sigurt drejt fundosjes se korrupsionit kryeministror shqiptar.

Maks Velo ka bërë publike emrat e miqve të tij që e kishin spiunuar. I ftuar për të folur mbi librin e tij më të ri “Përkthyesi”, në një auditor me gjimnazistë të “Ismail Qemalit” dhe të gjimnazit të “Nju Jorkut”, përballë Alda Bardhylit dhe Ben Andonit, Velo u shpreh se ndjehej I tronditur pasi vetëm disa ditë më parë kishte marrë dosjen e tij nga Autoriteti për Informim mbi Dokumentat e ish Sigurimit.

”Këto ditë kam qenë shumë i tronditur, sepse mora dje nga Autoriteti i Informimit për Dosjet e ish-Sigurimit të Shtetit, dosjen time. Kisha 6 muaj që e kërkoja dhe mora dje dojen me rreth 250 faqe. Jam tronditur. Nuk fle natën. Nuk e dija që paskemi qenë kaq të poshtër”, tha Velo.

LEXO EDHE:
Takimi me Kumbaron/ Ema Andrea: Ja kush përfaqëson artistët dhe çfarë iu kërkua ministres…
Ai ka bërë publike pasazhe nga kjo dosje duke treguar se një nga njerëzit që e kishte spiunuar ishte miku i tij piktori Llambi Blido.

Një tjetër personazh që e kishte spiunuar ishte vjehrra e tij. “ Shoku im i ngushtë Llabi Blido ka bërë 27 denoncime për mua. Madje ka ardhur edhe për të regjistruar në shtëpi. Poshtërsia më e madhe ishte që atë e kanë përdorur edhe pasi më kishin futur në burg. Shkonte në shtëpi për të mësua se çfarë thoshin prindërit e mi.

Imagjinoni ai ishte dhe piktor, punonte në ministri dhe ka shkruar më vonë për modernizmin”, tha Velo, duke lexuar dy faqe të shkëputura nga dosja për të rinjtë, duke thënë se e zgjodhi këtë pasazh për tu treguar se si mund të jetohej në burg. “Gjatë burgut jam zënë dy herë. Një herë në galeri me një kuksian që donte të më digjte në furnelë, por që nuk është e dokumentuar, kurse kjo është e dokumentar”, tha Velo duke treguar dokumentin e mbajtur më 14.07.1982. “Në rajonin e banimit nga ora 22:00, në kohën që ishte bërë pushimi, i dënuari Skënder Vreto flinte gjumë në krevatin e tij. Në këtë kohë shkon i dënuari Maksim Velo tek krevati për të fjetur gjumë.

I dënuari Skënder gjatë kohës së gjumit kishte hedhur batanijen dhe çarçafin në krevatin e Maks Velos, si dhe krahun përmbi krevat. I dënuari Maksim Velo, duke mos e zgjuar të dënuarin Skënder, I kap krahun dhe ia hedh në fytyrë të dënuarit. Atëherë ky zgjohet dhe kapen duke u shtyrë me duar me njëri-tjetrin. Gjatë kapjes nuk kanë ndonjë plagë. Shkaktar për këtë është i dënuari maksim Velo, sepse duhet ta kishte zgjuar nga gjumi të dënuarin Skënder Ndreu dhe nuk do kishin përfunduar në grindje me njëri-tjetrin. Që të dy të dënuarit të thirren dhe të këshillohen. Të dënohen me vërejtje të dy të dënuarit”, lexoi Velo nga relacioni.

Sipas tij gjëja më e vështirë në burg ishte të zije shok. Më tej ai ka treguar se tashmë ka dokumentin që vërteton që nuk ka pranuar të bëhej bashkëpunëtor I sigurimit të shtetit. Ne dokumentin me datë 13.01.1986 mbajtur nga operativ Pëllumb Sinoimeri thuhet.

“Unë operativi Pëllumb Sinoimeri, bashkë me shefin e seksionit Nuro Sako, në datën 8.01.1986 shkuam në kampin e riedukimit të Gurthit, të rrethit të Mirditës, për të tërhequr në bashkëpunim secret me bazë vullnetare, të dënuarin për agjitacion dhe propagandë armiqësore, Maksim Velo, i cili lirohet nga burgu me amnistinë e datës 13.01. fillimisht me të u bënë biseda të karakterit familjar dhe jetën e tij në burg, kandidati fillimisht reagoi pozitivisht, na falenderoi për trajtimin e mirë që i ishte bërë në burg dhe për punën e tij të bërë atje.

Pas kësaj u fol në lidhje me masën e dënimit të tij, për luftën e klasave dhe punën që bëjnë organet tona për zbulimin e veprimtarisë armiqësore de keqbërëse me ndihmën që jep populli, këtyre organeve. Pasi dëgjoi bisedat që u bënë, Maksi u shpreh se unë për veten time e quaj dënimin tim të padrejtë. Sepse jam dënuar mbi bazë shpifjesh, por një gjë kam pasur unë, kam qenë I prirë pas artit modernist dhe filloi të na shpjegojë si ishte dënuar. Pas kësaj, tha: unë e kuptoj se përse keni ardhur ju dhe çfarë doni nga mua. Ju doni që unë të bashkëpunoj me organet e Sigurimit të Shtetit. Këtë propozim ma kanë bërë edhe herë të tjera kur kam qenë I lirë, shokët e Drejtorisë së Tiranës, por unë nuk e kam pranuar, se nuk jam dot në gjendje të bëj punën e spiunit”, lexoi Velo.

Artisti i ftoi të rinjtë të lexojnë duke u thënë se “Duhet të lexoni absolutisht Kadarenë”. “Pa njohur Kadarenë nuk njihni Shqipërinë. Shqipëria e servirur nga një gjeni. Ajo që ka bërë Kadare gjatë komunizmit, përveçse kemi qenë miq të ngushtë dhe ka bërë shumë për mua, por për të gjithë popullin, që ruajti një nivel të lartë intelektual përballë një barbarie. Dhe ne i detyrohemi shumë atij”, tha Velo.

Gazetari Artan Hoxha ka komentuar heqjen e të drejtës ndaj familjes dhe ndaj vetë ish-kryeprokurorit Adriatik Llalla nga Shtete e Bashkuara të Amerikës.

Hoxha nga studio e “Real Story” në “Vizion +” e cilësoi këtë veprim nga SHBA si një mesazh për ‘dorëzanët’ e tij.

“Ata që e vendosën kryeprokurorin Llalla në detyrë, sot pothuajse janë zhdukur. Ti nuk ke zëra sot. Sot ata që e mbronin me suicizëm… nuk gjenden, të njëjtin problem kam diskutuar me disa moderatorë sot.

Llalla nuk ishte tipi që bënte deklarata në media. Ai bëri deklaratë të fortë. Ai nuk i thoshte Donald Lu, por Don… Llalla tha “Don erdhi më kërkoi të mos hetoja”.. Të gjitha akuzat janë për bllokimin e reformës në drejtësi. Dhe i ka bërë se ka qenë një kryeprokuror i kapur. Ka qenë Ilir Meta dhe Sali Berisha që e kanë mbështetur. Llalla nuk është sulmuar as nga maxhoranca si e majtë si e djathtë. Ka qenë prokurori që ka patur kushtet më ideale. Mesazhi që erdhi sot nga amerikanët, është për dorëzanët e Adriatik Llallës, se me Llallën ata mbaruan punë, deklaroi Hoxha.