Opinione

Nga Genc Demiraj

Transparencë…

Besoj se kushdo do ta ketë dëgjuar atë historinë e mbretit lakuriq. Mbretit, që më shumë nga injoranca dhe trendy, kërkoi ti qepeshin një palë rroba transparente dhe të veçanta që të mos i kish njeri jo vetëm në mbretërinë e tij por as nga mbretëritë e tjera. I desh të tejdukshme si ajri, si qelqi, si uji…pra transparente.
Ishte i dashuruar, i madhi mbret, me këtë fjalë sa s’gjente derman pa e praktikuar më parë tek vetja, të veçantën dhe pastërtinë e transparencës… Dhe historia pastaj vazhdoj siç ju dhe unë e dimë…që mbretit, bënë sikur i qepën një palë rroba transparente dhe bënë sikur ja veshën duke e lënë transparent…pra gollomesh.
Ështe e hatashme fjala transparencë edhe sot, megjithëse përdoret për kuptime të tjera por ama kur përdoret vetvetiu mendja të vete tek historia e mbretit. Si pakuptuar sapo e dëgjojmë këtë fjalë të artikuluar bukur dhe prerë nga burrat apo gratë e sotme te shtetit dhe politikës, imagjinata jonë fillon dhe vërtitet rreth historisë së mbretit. E imagjinojmë përshembull, kryetarin e opozitës, kur transparencën kërkon, njëlloj si mbretin e përalles… lakuriq mbi foltore duke u tundur i gjithi plot nerv…Po kështu e imagjinojmë edhe kryeministrin duke na “sfiluar”para nesh jo vetëm transparencën e tij por edhe të qeverisë me ministra dhe ministre gjithë nur. Ja vlen të humbasësh pak kohë më tepër para ekranit e të shikosh me sytë e mendjes “tejdukshmërinë” HD të lakuriqësisë së pastër të vipave të politikës. Ja vlen për të gjithë, dhe të mahnisin me perfeksionin e linjave dhe pandotësine e tyre. Dhe kjo, falë vetëm transparencës dhe imagjinatës njerëzore. Janë vënë në garë dhe pothuajse është kthyer në modë nga i gjithë shteti, qënia transparent para popullit. U është bërë fiksim të gjithëve se duke qenë lakuriq, pra transparent, je i pastër, i ndershëm dhe me moral të lartë, para atyre që të kanë zgjedhur…ne rast të kundërt je i papastër, i pandershëm dhe i padenjë…!
…Eh çtë bënë transparenca…por më shumë se ajo, fajin na e ka imagjinata jonë dhe historia e mbretit lakuriq.

Peshku i Madh humor Eshtë një cikë situata që e ndërlikon këtë titull, por s’ka as një lidhje. Bëhet fjalë për librin që më ka bërë më shumë për të qeshur në jetën time ” Tre Vetë në një Varkë ” Të Jeromë K Jeromë . Prej tij po tregoj një pjesë. Pasi kaluan me varkën e tyre një ditë të lodhshme nëper lumë, plot situata të mundimshme por tepër komike, tre miqtë, Harizi me dy shokët e tij, vajtën të darkonin në një restorant peshkatarësh, ku që jashtë të tërbonte era e qofteve…

Në tavolinat e shumta zinte zhurmë nga muhabetet me ze të lartë. I afrohen tavolinës së parë për të pyetur, por të 6 personat e kishin ngulitur vëmendjen pikërisht tek goja e një peshkatari që po tregonte zullumet e tij për të kapur peshkun e madh.

Meqënese aty s’ua varën u drejtuan tek tavolina përbri , por edhe tek ajo e njëjta Tek tavolina e tretë ngrihet një barkalec në kembë dhe u drejtohet atyre të tavolinës :

– E shikoni atë peshkun e madh? ,dhe tregoi drejt oxhakut me dorë

– Fi -fiuuuuu- fërshelleu njëri prej shokëve i cuditur nga ai alamet peshku që qëndronte i balsamosur në aquarumin mbi oxhakun e lokalit. niset drejt tij, por i tërhoqi vemendjen një thatanik që po tregonte me sa mjeshtëri e kishte kapur ate peshk të madh.

U bëne shenjë shokëve të afroheshin sepse ndodhej aty ai që e kishte kapur peshkun e madh. Dy shokët nuk levizën nga vendi fare se po degjonin plot cudi njërin, që hiqej si autori i kapjes së peshkut të madh.

Cudi e madhe në cdo tavolinë ndodhej dikush që tregonte me krenari se si e kishte kapur atë peshk kaq të madh. Drejtohen tek pronari të mësonin të vertetën. – Në lokalin tim – i sqaroi -cuditerisht sikur mblidhen të gjithë mashtruesit e mburavecet e Botës…të gjithe genjejnë për kapjen e Peshkut të Madh. – Po kush e ka kapur në të vertetë !? ketë dreq peshk ?!- pyet Harizi – Kush e kapi ? Kush e kapi ?- përserit pronari i restorantit të peshkatarëve Po une or une, kush tjetër…. Ishte një nate e errët qe sa vinte dhe nxihej.

Unë kisha hedhur grepin e madh dhe po prisja. Dallgët hidheshin mbi molin ku po peshkoja e më bënë qull. Pa pritur ndjej që peshkun ra në grep. E kapa fort fillispanjën, por nuk mundesha. Po më terhiqte fort s’ kisha ku të mbahesha thashë ta lëshoja fare, në djallë të vinte, para jetës sime…Po i afrohesha majës së molit, edhe pak e bija në det, kur për fat me ngeci xhupi në metalin ku vozitesit lidhnin litarët e varkave. U mbështolla fort pas saj dhe vendosa të prisja mos më vinte ndonjë ndihmë ose thashë këtu do presë i mbeshtjellë si gjarfpëri pas metali, sa të lodhet peshku fundja fuqi sa unë …

Tregimin ja ndërpreu një zhurme e fortë që erdhi nga oxhaku Harizi, si kurioz që ishte , kishte vajtur të kapte tek aquariumin, por pa dashje e rrëzoi në shesh duke e bërë copë.

-Uaaaa- klithen të gjithë të cuditur kur panë që bashkë me akuariumin u bë thërime edhe Peshku i Madh.S’kishte qenë gjë tjetër vec një punim në qeramik i ngjyrosur bukur…

Deputeti i Partisë Demokratike Agron Shehaj, i cili vjen radhet e biznesit, ka reaguar lidhur me protestën që zhvilluan sot bizneset e vogla.

Përmes një statusi në faqen e tij të ‘Facebook’-ut Shehaj u doli në mbrojtje bizneseve që ulën sot qepenat në shenjë kundërshtie për TVSH-së. Ai tha se TVSH-ja është goditja fatale për 11,500 biznese.

REAGIMI I SHEHAJT
Rama dhe qeveria e tij janë problemi dhe shqetësimi kryesor i bizneseve në Shqipëri.
Iu bashkohem sot bizneseve të vogla në protestën kundër TVSH-së.
Prej ditësh jam i pamundur për arsye të një problemi shendetësor, por unë jam sot me ata biznesmenë të vegjël që protestojnë kundër Taksidarit Rama. Kam qenë edhe vetë biznes i vogël dhe i njoh peripecitë…
Ahmetaj thotë që TVSH nuk do të rrisë taksat mbi biznesin e Vogël.
Ahmetaj gënjen!

TVSH-ja është goditja fatale për 11,500 biznese!

https://www.facebook.com/agronshehaj.al/videos/206819359912109/?t=0

Nga: Mero Baze

Në Shqipëri ka plasur një entuziasëm opozitar për fitoren e kryeministrit hungarez Viktor Orban. Të gjithë mendojnë se ai ngjan me Lulzim Bashën. Dhe ka disa pika të ngjashme.

Të dy janë bursistë të Sorosit. Viktor Orban i ka kërkuar në vitin 1988 përmes një letre drejtuar Xhorxh Sorosit, një bursë për në Oksford, me zotimin se do t’i përkasë një brezi të ri, që do të ndihmojë shoqërinë civile dhe liritë njerëzore të nëpërkëmbura nga komunizmi në Hungari.

Edhe Lulzim Basha ka bërë të njëjtën gjë dhjetë vite pas tij. Në vitin 1998, ai dhe gruaja e tij i kanë kërkuar Xhorxh Sorosit një bursë për studime në Holandë me të njëjtin zotim, dhe e kanë marrë.

Orban po ashtu mund të konsiderohet si brezi i dytë i liderëve antikomunistë të Hungarisë, por i bërë vetë. Lulzim Basha është formalisht i dyti, por duket, siç e portretizon një aleat i së djathtës ballkanike, se ai ngjan “si dikush që shkon në një mbledhje me vonesë dhe thotë më falni se erdha në vend të atij tjetrit”

Por Lulzim Basha ngjan dhe me kundërshtarët e Orbanit. Opozita e Lulzim Bashës dhe opozitarët e Orbanit janë njësoj të përçarë, shpresëhumbur dhe pa ide për t’u bashkuar.

Dhe ja, tani në ditët e saj më të vështira dhe më pa shpresë, opozita shqiptare po përpiqet të gjejë një shembëlltyrë fitoreje, tek një kryeministër i djathtë hungarez, i cili ka arritur të marrë mandatin e tij të tretë, pasi ka konsoliduar frymën e tij kundër futjes së emigrantëve në Hungari dhe “mbrojtjen” e Hungarisë nga të huajt, kryesisht institucionet ndërkombëtare që mbrojnë liritë njerëzore, shoqërinë civile dhe lirinë e shtypit, siç janë Komisioni Europian, OKB dhe ish- sponsori i tij i dikurshëm i studimeve, Xhorxh Soros, po ashtu një hebre i Hungarisë.

Por ajo që është interesante në Shqipëri, nuk është gëzimi fallco për fitoren e Viktor Orban, por shpikja e arsyes përse ka fituar Viktor Orban.

Të gjithë ata që duan t’i japin zemër opozitës, dhe sidomos ata që duan që Lulzim Basha t’i ngjajë vërtet Viktor Orbanit, mendojnë se historia  e ngjashme e tyre me Sorosin, pra fakti që Soros u ka dhënë bursë për shkollë dhe fakti që të dy tani e sulmojnë si armik, mund ta ndihmojë Lulzim Bashën për të fituar.

E vërteta  e parë e hidhur në këtë histori, është se Viktor Orban nuk fiton se ka sulmuar thjeshtë Sorosin, por se ka sulmuar Sorosin, dhe vazhdon ta sulmojë atë, për shkak se ka përqafuar një filozofi politike izolocioniste, që funksionon në Hungari, e cila është realisht kundër ideve për një shoqëri të hapur të Xhorxh Sorosit. Por këtë nuk e ka nisur si betejë kundër Sorosit, por si një identitet të ri politik. Ai u bë “delja e zezë” e Europës dhe ishte në prag të përjashtimit nga Partitë Popullore Europiane dhe Bashkimi Europian vitin e shkuar, për shkak të qëndrimeve të tij raciste kundër emigrantëve, ngritja e  murit që do të “ruajë” Hungarinë nga emigrantët, dhe refuzimi i shumë politikave të Bashkimit Europian në Hungari.

Ai është i qartë si anti-europian dhe si armik i lirive njerëzore dhe lirisë së shtypit. Është modeli autokrat i liderëve të rinj antikomunistë të Europës Lindore dhe më i sinqerti, si izolacionist dhe nacionalist, prej tyre. E ka realisht që do ta mbajë Hungarinë të izoluar nga bota e jashtme dhe nga politikat e hapura për emigrantët, që përdor Europa.

Kundërshtarët e tij politik i ka shkatërruar duke shkatërruar liritë njerëzore dhe duke krijuar një shtet të super korruptuar, i cili nuk konsideron asnjë vlerësim nga organizatat ndërkombëtare, si vend i korruptuar.

Dhe për këtë ka sukses politik në Hungari.

Lulzim Basha është i lirë të bëhet si Viktor Orban, nëse ka fuqi. Është i lirë të bëhet anti-europian, të përqafojë teori nacionaliste, dhe të predikojë kundër shoqërisë civile dhe lirisë së shtypit. Vetëm se nuk ka shans të bëhet zëdhënës i politikave kundër emigrantëve, pasi në Shqipëri nuk vjen asnjë emigrant, por populli ynë është prodhues emigrantësh për Europë. Pra, në një farë mënyre, po u bë si Orban, duhet t’i bëjë thirrje Greqisë, Italisë, Gjermanisë, Francës, Anglisë e SHBA-së, të zbojë emigrantët shqiptarë. Ky është identiteti kryesor i Viktor Orban. Dhe Viktor Orban nuk i ka munguar kurrë si mik PD-së, Berishës dhe Bashës. Që në mandatin e parë ai e shpalli Berishën mik dhe e ftoi në “Internacionalen” e autokratëve lindorë, biles dhe me arsyetimin se “jemi të një gjaku” ngaqë mbretëresha jonë Geraldinë ishte nga Hungaria. Problemi i PD nuk është se nuk ka me vete Orbanin, por se nuk ka Merkelin, Makronin, McAllisterin dhe të djathtët Perëndimorë ku duam të shkojmë.

Beteja e tij kundër Soros, është anësore në identitetin e tij dhe vjen për shkak të kursit politik që ka marrë. Pra, ai është nisur të formojë një identitet të ri si nacionalist izolacionist dhe e ka formuar atë, dhe ky identitet bie ndesh mes të tjerash dhe me  filozofinë e Xhorxh Sorosit. Nuk është nisur të shajë Xhorxh Sorosin, dhe pastaj të bëhet ai që është bërë.

Këshilltarët qesharakë të Lulzim Bashës në Tiranë, në fakt janë duke fshehur Viktor Orbanin, duke i treguar Lulzim Bashës “mullinjtë e erës” me të cilët duhet të luftojë. Kjo e shton dozën e dështimit të tij dhe mungesën e personalitetit si politikan.

Lulzim Basha është i lirë të bëhet si Viktor Orban dhe s’ka nevojë të shpallë armik Sorosin, se armik e bën vetë profili i tij, nëse bëhet si Orban. Kurse ky ngazëllimi se mjafton të shash Xhorxh Sorosin dhe bëhesh “fitimitar” si Viktor Orban, është njësoj sikur të thuash se mjafton të blesh prezervativ, se pastaj e ke të sigurtë që gjen të dashur. Në fakt ajo që ka bërë Orban, është se ka gjetur një herë të dashur, pra ka gjetur një herë vetëveten dhe profilin e tij si politikan anti-Perëndimor, pastaj është marrë me armikun e dashurisë së tij.

Prandaj nëse keni mëshirë për Lulzim Bashën, mos e tallni në këtë mënyrë. Lereni një herë të bëhet lider dhe të kuptoni çfarë do ai, pastaj armiqtë dhe miqtë e tij, bëhen vetë gjatë rrugës. Mos e çoni kot të blejë prezervativ!