Opinione

Ata nuk mund të nxjerrin jashtë kontrollit Shqipërinë, do humbasin edhe mbështetjen e pakicës

Aktualitet, Opinione, Politike / /

Kryeministri Edi Rama në një komunikim me mediet pas protestës së djeshme të dhunshme të opozitës, tha se drejtuesve opozitarë iu thotë mendja se mund të marrin peng dhe të nxjerrin jashtë kontrollit Shqipërinë për shkak të ankthit në raport me Drejtësinë.

“Flas për kokat e kësaj veprimtarie të paligjshme e të turpshme që kurrë nuk e kanë dashur dhe nuk e duan Reformën në Drejtësi, në realitetin e zbatimit të saj se i friken drejtësisë si djalli temjanit”, tha ai.

“Dhe mendojnë se duke bllokuar integrimin europian të Shqipërisë, çeljen e negociatave do fitojnë.

Nuk do fitojnë aspak, po do humbasin edhe shumë nga ajo që kanë sot, edhe nga mbështetja e pakicës që për arsyet e veta i ka ndjekur deri këtu”, theksoi Rama.

“Dua ta përsëris, nuk goditet qeveria jo nga 7 orë po nga 7 mijë orë, as nga kapsollat, bombat molotiv, mjetet piroteknike të paligjshme, por goditet veç policisë së Shtetit, që iu rrezikohet jeta, Shqipëria. Kush fitoi nga përhapja në gjithë pasqyrat informative të botës e pamjeve të Shqipërisë së atyre 7 orëve, Askush. Kush humbi? Çdokush nga ata që erdhën në protestë jo për të hedhur bomba molotov, po sepse besojnë në diçka tjetër, pasi janë njerëz që në të përditshmen nuk jetojnë si udhëheqësit e tyre rrugëdalë, që punët e tyre i kanë në rregull. Askush nga ata nuk rri pa gjumë për faktin se nuk di si do shtrojë tavolinën nesër për familjen”, theksoi Rama.

“Jeta ekonomike e të gjithëve mbrëmë mori një goditje tjetër mbrëmë. Nuk u goditën ata që sollën njerëzit aty dhe i pajisën me bomba molotov dhe që u paguan miliona lekë fishekzjarre e kapsolla, ata nuk e kanë problem, por u goditën ata që presin turistë për të ushqyer familjet, çdo biznes i vogël që për shkak të turizmit fiton më shumë, ata që çdo mëngjes hapin derën e dyqanit, fabrikës e serës e jetojnë duke shitur prodhimet në një treg ku konsumatori nuk vrapon të nesërmen të konsumojë po mbyllet në shtëpi”, theksoi Rama.

“Nuk ka shans teorik e jo më praktik të rrëzosh një qeveri legjitime të dalë nga zgjedhjet, ku ti ke qenë pjesë e qeverisë me këto forma. Nuk ndodh, se nuk ka ndodhur askund dhe nuk ka për të ndodhur as këtu”, përfundoi kryeministri Rama. /atsh

Ata nuk mund të nxjerrin jashtë kontrollit Shqipërinë, do humbasin edhe mbështetjen e pakicës Read More »

Rama mesazh Bashës: Nuk je vonë të tërhiqesh nga kjo rrugë

Aktualitet, Opinione, Politike / /

Kryeministri Edi Rama i dërgoi një mesazh kryetarit të Partisë Demokratike, Lulzim Basha nga konferenca për mediet në Kryeministri, ditën e sotme, pas protestës së dhunshme të një nate më parë.

“Mund të tingëllojë si predikim në hava por një mesazh kam për mikun tim rrugëhumbur Lulzim Basha. Kujtoje mesazhin që të kam çuar kur i ke hyrë kësaj rruge, shumë kohë përpara. Nuk je vonë akoma të kthehesh nga kjo rrugë për një arsye të thjeshtë që me shumë të drejtë, llogarinë ata që të ndjekin do ta kërkojnë ty, se nuk ka lider në botë, po ti nuk je lider, që ta tërheqë partinë e vet nga stacioni i një alternative qeverisëse tek ky stacion kur me zë të ngjirur thua aman ik”, theksoi Rama.

Ai shprehu gatishmërinë për dialog. “Jam i gatshëm për dialog për të diskutuar dhe fatmirësisht ata me Bashën në krye nuk kanë nevojë për karrike. I kanë djegur karriket e tyre dhe janë popull, kështu që nuk kemi pse të mos ulem dhe të diskutojmë për të mirën e popullit, nisma ligjore dhe veprime që ata si popll kanë shqetësim për të përmirësuar jetën e vendit. Nëse kjo nuk është një luftë e ulët për pazar, gjë që unë e besoj se besoj gjithmnë në çdo gjë që thotë Luli. Përndryshe më herët se vonë, turpi do t’i ndjekë pas gjithë kohës. Ata të cilët kanë ende mundësi të kenë turp. Kur të heqin vizën partnerët më të mëdhenj të këtij vendi, je gati t’i heqësh vizën gjithë Shqipërisë për të nxjerrë kunjën e barbarit që nuk bëhet kurrë qytetar”, theksoi Rama. /atsh

Rama mesazh Bashës: Nuk je vonë të tërhiqesh nga kjo rrugë Read More »

Kryemadhi: Rama t’u jap shans shqiptarëve për zgjedhje të lira ndryshe zyra e tij pushtohet në sekondë

Aktualitet, Opinione, Politike / /

Kryetarja e LSI, Monika Kryemadhi duke iu afruar protestës i bëri thirrje Kryeministrit Rama që t’u japë shans shqiptarëve për zgjedhje të lira e të ndershme, ndryshe zyra e tij pushtohet në sekondë.

“Kam një mesazh për Edi Ramën që besoj nuk do jetë në zyrë, por me gjithë ata njerëz në shesh duhet të dijë se në një sekondë zyra e tij pushtohet, ndaj t’u japë shans shqiptarëve për zgjedhje të lira e të ndershme. Ai e di, që do të jetë më keq nëse ata i hyjnë në zyrë”, – u shpreh Kryemadhi.

“Nuk është akti final. Akti final vjen kur shqiptaret të bëjnë zgjedhje të lira dhe të ndershëm. Është një proces që do të vazhdojë edhe për një periudhë kohe, të shkurtër dua të them. Avarësh për qytetarët, mediat duket e gjatë. Ajo që është shumë më e rëndësishme është sensibilizim. Çdo protestë që në bëjmë njerëzit shtohen dhe marrin pjesë më shume. Kjo tregon që ne jemi në rrugën e duhur”, tha ajo.

E pyetur nëse do të ketë surpriza sot në protestë, Kryemadhi tha se “surpriza janë ata qindi mijëra qytetarë që kanë vërshuar në bulevard. Opozita nuk është më pakicë. Ne duhet t’u japim qytetarëve shansi që të zgjedhin atë që duan, tu krijojmë mundësi për zgjedhje të lira dhe të ndershme”.

Ajo gjithashtu u shpreh e bindur se zgjedhje në 30 qershor nuk do të ketë.

Kryemadhi dha edhe një mesazh për Policinë. “Kam një mesazh për të gjithë ata policë që janë të detyruar të vendosen përballë protestuesve dhe qytetarëve. I bëj thirrje protestuesve të mos konfrontohen me policët e thjeshtë. Por kam thirrje dhe për ata drejtues policie që kanë ndaluar në mënyrë të padrejtë qytetarët”.atsh

Kryemadhi: Rama t’u jap shans shqiptarëve për zgjedhje të lira ndryshe zyra e tij pushtohet në sekondë Read More »

Braçe: “Berisha dhe Basha duhen paditur për blerje të mjeteve të helmit masiv”

Opinione, Politike / /

Zv.kryeministri Erion Braçe ka reaguar pasi PD ka paditur ministrin e Brendshëm, Sandër Lleshaj dhe punonjës të Policisë së Shtetit për shpërdorim detyre gjatë protestës, ku u hodh gaz lotsjellës.

Braçe thekson se po të jetë puna për hetime se janë përdorur mjete të helmimit masiv, atëherë Sali Berisha dhe Lulzim Basha duhen kallëzuar për blerje të helmit masiv.

“Nëse Policia e Shtetit ka përdorur mjete të helmimit masiv, atëherë Sali Berisha dhe dora vetë Lulzim Basha duhen kallëzuar për blerje të mjeteve të helmit masiv. Përgjegjësia politike pastaj është e përbashkët: Kur i blenë vendosën bashkë PD-LSI në qeveri të helmonin masivisht”, thekson Braçe.

“Kur budallai nuk di çfarë bën!! Faturat e blerjeve, hyrjeve në magazinë etj., i kam unë!”, shton ai./atsh

Braçe: “Berisha dhe Basha duhen paditur për blerje të mjeteve të helmit masiv” Read More »

Letër Saimir Pirgut – Nga Lirim K Nezha

Opinione / /

I dashur Saimir!
Mund te mos i lexosh kurre keto radhe,por ndjeva shtysen e momentit te t’i shkruaj.
Kaq keq ndihesh vertete nga protestat e qytetareve te Tiranes dhe te gjithe Shqiperise?Kaq fyese te jene pamjet e djegjes se gomave per reputacionin tend Sajmir?

Sec pata nje ndjesi te vjelli kur lexova keto radhe te shkruara nga ti,por keshtu me ndodh sa herte shoh apo degjoj njerez qe turperohen nga bemat e Atdheut te tyre.
Po ne krenohemi me ju,me ty,me Inven,me Ermonelen,me Ermalin e me shume e shume emra te tjere qe kane bere emer fale talentit te tyre.Dhe nuk presim prej jush ta anatemoni Atdheun vetem e vetem pse ne nje moment apo ne shume momente eshte duke reaguar.

Ju dhe te gjithe sa i permenda e sa nuk i permenda me lart,por qe kane nje emer dhe nje reputacion nderkombetar,duhet ta perdorni te drejten tuaj per te reaguar gjithsahere ne kete vend qe ju lindi ka padrejtesi .Ju duhet ta ngrini zerin fort kur politika shqiptare eshte e kriminalizuar.

Duhet te turperoheni kur ministrat rezultojne te lidhur me trafiqe dhe kur parlamenti qe perfaqeson vendin tuaj eshte i mbushur me njerez te inkriminuar.A keni reaguar kur kane ndodhur keto?

A keni reaguar kur Atdheu yne u blerua nga kanabisi?A keni reaguar kur pasuria kombetare grabitet nga ky soj politikani qe fatkeqesisht na qeverisin?

A keni reaguar ndonjehere kur mesoni se miliona euro ,pasuri e ketij populli te vuajtur kalojne ne xhepa politikanesh dhe oligarkesh permes PPP-ve?A keni reaguar ndonjehere kur investigimet shfaqin politikane qe negociojne me kriminelet blerje votash?
Mund te permend pa fund te tilla reagime sigurisht te munguara prej teje dhe jo vetem Sajmir.
Por befas,pikerisht atehere kur regimin tuaj te munguar e ben populli dhe opozita e ketij vendi,shfaqeni ju duke u ankuar se gomat qe digjen prishin imazhin e Atdheut dhe u dashkan qindra e mijera koncerte tuajat per ta rikuperuar!!!
Ndihem po aq i habitur se si nuk ju ben aspak pershtypje gazi lotsjelles mbi qytetaret,por shihni vetem tymin e gomave?
Jo i dashur,nese ka nje imazh qe ja zbardh faqen ketij vendi eshte reagimi popullor kunder keq qeverisjes pavaresisht formes qe zgjedh per ta bere kete.
Nese ka nje gje qe Shqiperine e afron ne dyert e Europes eshte reagimi kunder se keqes dhe jo heshtja duke u bere pale me te keqen me “argumentin” e integrimit.
Edhe reputacioni juaj neper bote,pervec punes dhe talentit tuaj,rritet edhe me shume kur shfaqeni si perfaqesues te nje populli qe reagon dhe jo te nje populli qe fle .Sepse nje popull qe fle eshte nje popull qe vdes ngadale deri ne zhdukje.
Ndaj Sajmir,bej me shume koncerte per emrin tend dhe te Shqiperise,bej me shume koncerte te kenaqesh fansat e tu dhe art dashesit ne pergjithesi,bej me shume koncerte edhe per te siguruar me shume te ardhura per vete dhe familjen tende,por mos e bej kete per te rregulluar imazhin e gomave te djegura,por per te treguar se ky eshte nje popull qe me ne fund eshte zgjuar dhe pervec emrave te famshem qe i ka shperndare neper bote,prodhon edhe demokraci.
Sepse protesat i dashur,jane te shendetshme per demokracine.Perpiqemi ta harrojme e ta leme pas hijen e frikshme te diktatures…!-Lirik K Nezha

Letër Saimir Pirgut – Nga Lirim K Nezha Read More »

Delegacioni i BE në Tiranë: Të papranueshme dëmtimi i pronës dhe dhuna

Aktualitet, Opinione / /

Pas dhunës së shkaktuar në protestën e organizuar nga partitë opozitare, ku është sulmuar godina e Kryeministrisë, Delegacioni i Bashkimit Europian në Tiranë i ka bërë thirrje protestuesve që të tregojnë vetëpërmbajtje, duke theksuar se dëmtimi i pronës publike, si dhe dhuna nuk janë të pranueshme.

“Delegacioni i Bashkimit Europian dhe ambasadat e shteteve anëtare në Tiranë, u bëjnë thirrje të gjitha palëve që të tregojnë vetëpërmbajtje.

E drejta e qytetarëve për të shprehur veten përmes protestës paqësore është një vlerë thelbësore e një demokracie moderne evropiane.

Megjithatë, dëmtimi i pronës publike dhe përdorimi i dhunës janë të papranueshme. Ne i bëjmë thirrje të gjitha palëve të bëjnë çmos për të shmangur dhunën dhe çrregullimin e mëtejshëm”, theksoi Delegacioni i BE në Tiranë.

Delegacioni i BE në Tiranë: Të papranueshme dëmtimi i pronës dhe dhuna Read More »

Albin Kurti sulmon Ramën e Thaçin: Bashkimi Kombëtar nuk bëhet duke ngrënë darka

Opinione, Politike / /

Kreu i Vetëvendosjes Albin Kurti ka komentuar darkën e mbrëmshme mes kryeministrit të Shqipërisë, Edi Rama, Presidentit të Kosovës, Hashim Thaçi, kryeministrit të Kosovës Ramush Haradinaj e disa liderëve të tjerë në Kosovë.

I ftuar në studion e emisionit “A Show” ai flet për një darkë interesash, por nuk përjashton mundësinë që të jetë shtruar për të ndryshuar qëndrimet e Haradinajt për taksën e vendosur ndaj Serbisë si dhe për marrëveshjen e kufirit me Serbinë.
“Besoj që kjo nuk është as darka e parë as e fundit e tyre, nuk di çfarë kanë pasur në menu, mirëpo bashkimi kombëtar nuk bëhet në zyra e shtëpi private, por në shesh e institucione publike, duke rritur ekonomitë tona, duke njehsuar tregun, duke harmonizuar politikat e jashtme dhe të mbrojtjes.

Darka e mbrëmshme më shumë menaxhim interesash brenda qeveritare se sa ndonjë përndritje për vizion në bashkimin kombëtar.

Nuk mund të ketë bashkim të Kosovës me Shqipërinë nëse kjo përpiqet të ndërmjetësohet me pazaret me Serbinë”,- u shpreh Kurti.

Adi Krasta: Është përfolur se ky grupim ishte mbledhur të ndryshonte qëndrimin e kryeministrit Haradinaj për taksën dhe marrëveshjen me Serbinë. Mund të ishte pritë që Haradinaj të ndryshojë qëndrim?

Albin Kurti: Ka mundësi. Por nuk duhet të harrojmë origjinën e kërkesës. Ajo vjen nga Vuçiç. Edhe SHBA dhe BE na kërkojnë çfarë iu ka kërkuar Vuçiç. Ne atyre duhet t’ju përgjigjemi me kërkesat tona

Adi Krasta: Ti e mbështet taksën?

Albin Kurti: Sigurisht, tani bën mirë kryeministri Haradinaj të mos e heqë.

Albin Kurti sulmon Ramën e Thaçin: Bashkimi Kombëtar nuk bëhet duke ngrënë darka Read More »

Reagon ashpër familja: “Arbana Osmani, a i verifikon njerëzit që merr? Ja e verteta që duhet të dini”

Aktualitet, Opinione / /

Në puntatën e fundit të “Dua të të bëj të lumtur” u trajtua historia e zonjës Sano, 85-vjeç, e cila kishte ardhur për t’i dërguar një mesazh të bijës, me të cilën nuk iste prej vitesh.

sanoo-677×405

Një ditë, në shtëpinë e saj troket një grua me një fëmijë, e cila i thotë se kishte fëmijë me burrin e saj. Në vijim Sanoja dhe bashkëshorti u ndanë, ku për vajzat u kujdes i ati, ndërsa për djemtë Sanoja. Pas një kohe të gjatë, ajo u martua sërish, megjithëse vazhdonte të takonte burrin e parë.

Sipas saj, vajza Mira ishte xheloze për martesën e dytë të nënës dhe kjo supozohet të jetë arsyeja pse ato nuk kanë kontakt me njëra-tjetrën. Pasi historia u bë publike dje (19 janar 2019), nxitur nga reagimi i ashpër nëpër rrjete sociale dhe jo vetëm, vajza e Mirës komunikoi me Anabel përmes një letre të hapur drejtuar Arbana Osmanit dhe emisionit “Dua të të bëj të lumtur”, të cilën do ta lexoni në vijim.

Letra e hapur e vajzës së Mira Veizit:

“Dje në mbrëmje, duke ndenjur nën shoqërinë e familjarëve të mi, më vjen një telefonatë ku më thuhet se dikush po keqpërdorte emrin e mamasë sime në një televizion. Ngrihem e habitur, nervoze për të gjetur kanalin e për çfarë? Për t’u perballur me të kaluarën e mamasë sime. Diçka po flitej në emisionin që “bashkon zemrat e shqiptarëve” ku mesazhi kryesor është “mos qesh, harro hallin tënd dhe qaj me hallin e tjetrit”.

Moderatorja e emisionit, zonja Arbana, kishte të ftuar për të rrëfyer historinë e saj një zonjë, e cila biologjikisht është gjyshja ime.

Gjyshja ime është plot 84 vjeç, ne e njohim shumë pak, pasi gjyshërit e mi u ndanë kur mamaja ime ishte 11 vjeç. Histori e rrallë për vitet ’60, gjyshja ime ishte 29 vjeç, nënë e katër fëmijëve, në një moment dobësie gabon dhe braktis fëmijët. S’dua të paragjykoj aspak, por vendimi i saj ndikoi në jetën e mamasë sime. Gjyshi u martua sërish, mamaja, tezja dhe dajat e mi u rritën me njerk dhe kështu kaluan vitet, por plaga ngeli në të njëjtin vend.

Plagë që m’u desh ta shikoja vet tek sytë e mamasë sime, dje në mbrëmje, kur e ëma biologjike kishte dalë në emision për të thënë një përrallë dhe për të trilluar një histori me shpresën se dikujt do t’i vijë keq për të. Ndoshta dhe unë po ta shihja, do të kisha qarë.

Nuk dua të jap as versione e as detaje të kësaj historie, sepse nuk është e drejta ime dhe as qëllimi i kësaj letre. Çdo njeri merr nga Zoti atë që meriton para se të largohet nga kjo jetë. Por dua të të drejtohem pak ty Arbana, ose stafit tuaj.

Jam shumë kurioze të di, përpara se të shfaqni një histori a interesoheni për vërtetësinë e saj? A bëni kërkime për personin që i drejtohet një letër apo personin që tregon historinë? A e di ti që rreth 50% e njerëzve mbi moshën 80 vjeç vuajnë nga sëmundja e Alzheimerit (humbja e kujtesës) dhe nuk mund t’i marrësh për bazë as 80% të fjalëve qe flasin? A e di ti çfarë tronditje ke sjellë dje tek familjarët e mi vetëm e vetëm për përfitimet e një televizioni dhe për pak audiencë? Kush të jep të drejtë të baltosësh emrin e mamasë sime? Ajo ka ndërtuar një emër dhe një reputacion me shumë djersë dhe mund, ndërsa ju keni cenuar figurën dhe keni prishur imazhin e saj. Kush mban përgjegjësi për këtë? Ti zonja Arbana ke zgjedhur të jesh person publik, ndërsa unë jo. Ku e gjen të drejtën të më cenosh privatësinë duke më shfaqur në emision tënd me zë dhe me figurë, pa më kërkuar leje? Vetëm se ke pushtetin dhe aksesin e një televizioni, mendon se të jep të drejtën të ndërhysh në jetën e dikujt?

Ti zonjë apo stafi yt, pas asnjë lloj të drejte legjitime, më keni prishur qetësinë familjare dhe shpirtërore, duke më bërë të përballem me lloj lloj komentesh negative, fyese dhe denigruese deri me mallkime brenda kundrejt mamasë sime. Kush mban përgjegjësi për këtë?

Sot, unë dhe të afërmit e mi, u zgjuam të trazuar për t’i dhënë shpjegime të gjithë të njohurve, ndoshta dhe dikujt që nuk duam, se për çfarë ka bërë një gjyshe e jona para 50 vitesh.

Faleminderit Arbana, ti na bëre të lumtur!”

Reagon ashpër familja: “Arbana Osmani, a i verifikon njerëzit që merr? Ja e verteta që duhet të dini” Read More »