Opinione

Dhe një javë na ndajnë nga zgjedhjet lokale, ku gara mes PS dhe koalicionit “Bashkë Fitojmë” duket e ethshme.

Më 14 maj, qytetarët u drejtohen kutive të votimit për të zgjedhur kryetarët e 61 bashkive në vend.
Gazetari Artan Hoxha, përmes një postimi në Facebook, shkruan me ironi se kjo javë është vendimtare, ku duhet të zgjedhësh mes parave dhe plumbit, dhe se një mundësi e tillë shfaqet vetë njëherë në dy vjet.

Postimi i Artan Hoxhës:
Mbahuni burra….

Sapo kemi hyre në javen vendimtare…

Jane 7 ditet e fundit dhe nuk ka shaka…

Kursi kembimit valutor duhet mbajtur në monitorim, per te kuptuar se cila monedhe do kete luhatjen me te madhe në kursin e kembimit…

Nga fundi javes, do te shfaqen në qarkullim dhe “danoçet”, me ate moton e tyre mbreslenese, “Plata o plomo”(argjendin ose plumbin), se ke duhet te zgjedhesh mes parave dhe plumbit…

Kjo eshte fiks java KÇK (Kap ç’a t’kapesh).

Te shfaqet si mundesi vetem nje here në çdo dy vite, kur ka zgjedhje lokale ose parlamentare…/albeu.com

Ambientalisti Lavdosh Feruni është shprehur se vendimi i ministres së Infrastrukturës dhe Energjisë, Belinda Balluku për të vendosur dy termocentralet “Tigri 1” dhe “Tigri 2” të vendosur në Vlorë do të sjellin shkatërrimin e këtij gjiri.

Në një intervistë për Panorama TV, Feruni se kriza energjetike u përdor si justifikim për të sjellë këto dy TEC-e lundruese për bregdetin e Vlorës.

Por thekson se “nuk mund të blesh energji me çmim 2-3 herë më të lartë nga këto TEC-e, krahasuar me energjinë që mund ta blesh në tregun ndërkombëtar, aq më tepër që është futur edhe bursa në Shqipëri tani, mund ta lehtësojë si proces, kjo s’ka sens”.

Ambientalisti Feruni tha se ky vendim është një gabim i rëndë i qeverisë shqiptare dhe e krahasoi me aferën e inceneratorëve.

“Është jashtë ligjit dhe e shpreh hapur që ne jemi kundra. Kemi kërkuar që të ikin nga Gjiri i Vlorës. Janë të rrezikshme për të ardhmen e qytetit, për 30-40 vitet e ardhshme. Planet e tyre çojnë në shkatërrim total të gjirit të Vlorës.
Nuk mund të blesh energji me çmim 2-3 herë më të lartë nga këto TEC-e, krahasuar me energjinë që mund ta blesh në tregun ndërkombëtar, aq më tepër që është futur edhe bursa në Shqipëri tani, mund ta lehtësojë si proces. Kjo s’ka sens, nuk ka të bëjë fare me plotësimin e nevojave për energji e me radhë. Kriza që u paraqit si justifikim për të sjellë këto TEC-e nga Bangladeshi për të cilën akuzohem pse e kam thënë këtë. Kjo është justifikuar si çështje krize, ishte krizë për pak kohë, jo për Shqipërinë sepse s’kishte probleme të tilla. Kriza përfundoi më 15 prill 2022, këto erdhën në shtator”, tha Feruni.

Ai theksoi se ky është një gabim i rëndë i qeverisë, në rastin më të mirë nga një naivitet dhe në rastin më të keq është një aferë që ngjason me atë të inceneratorëve.

“Projekti u bë që do kishte inceneratorë, por nuk ka të tillë. Është një skemë e përgatitur që të bëjmë diçka që të mos ketë inceneratorë, por të ngjajnë si inceneratorë edhe të vëmë ca tarifa, që gjoja sikur incenerohen mbetjet. Akoma ka probleme me këtë çështje, edhe Gjykata kane mbetur tek çështjet fiskale dhe jo tek thelbi.
Kjo është aferë e njohur publikisht. Duke qenë se kjo është aferë e vërtetuar. Bëj paralelizëm, duke parë edhe çështjen e TEC-eve lundruese, janë aty, por nuk punojnë”, tha Feruni.

Aktivistja Evi Kokalari duket se është përfshirë me situatën e Bif Brother VIP Albania, pasi Luiz Ejlli një prej banorëve tregoi historinë e tij të jetës, ku nuk ka harruar të përmend lidhjen e tij me vajzën e Jozefina Topallit.

Teksa tregonte historinë e tij, Luizi nuk tha shumë të fjalë të mira për Jozefinën a po për të dashurën e tij, por në një moment të vështirë të jetës së tij ai tha që i vetmi që i hapi ishte Benet Beci, kandidati i sotëm për Bashkinë e Shkodrës nga radhët e PS-së.

Kokalarit i ka bërë përshtypje ky koment nga ana e tij dhe se shkruan: “Ky Luizi as për Xhozit nuk e bënte dot e ta mbante gojën mbyllur dreqi e marrtë, apo dhe Xhozi për Benetin do votojë?”

Reagimi i i plotë

Ky Luizi as për Xhozit nuk e bënte dot e ta mbante gojën mbyllur dreqi e marrtë, apo dhe Xhozi për Benetin do votojë?

Se seriozisht, këto ditë s’po kuptoj më gjë, ku mbaron PDja, dhe ku fillon PSja? Nuk shoh limite partiake dhe ideologjike fare.

Mjeku Erion Dasho ka thumbuar të gjitha mediat që i bënë jehonë rrëfimit të këngëtarit Luiz Ejlli, i cili tregoi se, Benet Beci, kandidati socialist për Bashkinë e Shkodrës, e kishte ndihmuar në një moment të vështirë të jetës së tij.

Dasho në një reagim në rrjetet sociale, shkruan se në një format si “Big Brother VIP” mirënjohja dhe sinqeriteti është shumë e vështirë të dallohen për shkak të skenarëve të parapërgatitur.
Aq më tepër, ku prej një muaji, sipas Dashos, përflitej se Luizi po përgatitej për t’u përfshirë në fushatën elektorale të Rilindjes në Shkodër.

Mjeku thekson se, fansat e Luizit dhe shqiptarët kanë të drejtë të dyshojnë nëse lotët e tij janë lot të sinqertë apo lot krokodili të sajuar nga skenaristët e “BBV” dhe të Rilindjes.

“LOT TË SINQERTË APO LOT KROKODILI?!

Mediat pro-Boratit nuk mund të mos i bënin jehonë deklaratës “me lot në sy” të Luizit se Benet Beci e ka ndihmuar në një moment të vështirë të jetës.

Problemi është se në një format si BBV është e vështirë të dallosh mirënjohjen e vërtetë dhe sinqeritetin nga stisja dhe skenarët e parapërgatitur. Aq më tepër, kur prej një muaji përflitej se Luizi po përgatitej për t’u përfshirë në fushatën elektorale të Rilindjes në Shkodër.

Fansat e Luizit dhe shqiptarët kanë të drejtë të dyshojnë nëse lotët e beniaminit të tyre janë lot të sinqertë apo lot krokodili të sajuar nga skenaristët e BBV dhe spin doctors të Rilindjes”, shkruan Dasho.