Shohim bashkëatdhetarët tanë që janë si senegalezë, si sirianë, si afganë në tokën e tyre!
Çfarë është ky ekzil sikur të ishin hebrenj që ikin nga Egjipti!
Ku është deti të hapet nga mrekullia e Zotit?
Ne sikur jemi krenuar që kemi qenë shumë shpirtmirë me hebrenjtë!!! Apo jo me shqiptarët?
Çfarë është ky turp që ndodh me këta njerëz që janë ndofta edhe me dy nënshtetësi, shqiptare dhe greke. Apo për këtë duhet të ndëshkohen dy herë, njëherë kur dalin nga Shqipëria dhe njëherë kur hyjnë në Greqi.
Meqënëse shqiptarët me shtetësi shqiptare dhe shqiptarët me shtetësi greke trajtohen njësoj të dy palët atëhere nuk duhet të shqetësohemi sepse për shqiptarët nuk paska keqtrajtim???
Ka prej tyre që madje paguajnë dy herë taksa!
Çfarë historie tragjike!
A nuk ka ardhur koha që shqiptari të kalojë kufirin me dokumente të rregullta si zotni? Jo si skllav i uritur, i vuajtur, i dërmuar, i palarë, i djersitur, i pangrënë!
A thua se nuk ka mundësi të hapen tridhjetë sportele ku të bëhen teste për qindra vetë në disa orë nën kontrollin e autoriteteve të dy vendeve dhe të OBSH! A thua se nuk mund të hapen në Himarë, Korçë, Gjirokastër, Sarandë, etj.
Bota qenka paralizuar nga pandemia? Cfarë shakaje!!!
Kundrejt pagesës nuk mund të kalojnë testin e besueshëm këta njerëz!!
Si është e mundur të trajtojmë veten tonë sikur të ishim derra, kope! Jo kope delesh e qingjash sepse ato kalojnë lirshëm në të dy anët e kufirit.
Nuk jemi në 91. Këta qytetarë në pjesën më të madhe janë qytetarë të BE. Ata kanë të drejta politike dhe njerëzore!
A thua nuk kanë më kontakte qeveritë e Greqisë dhe Shqipërisë, sepse vizita të ndërsjella nuk ka prej kohe!
A dimë se çfarë janë notat diplomatike!
A besojmë se Komisioni Evropian ka për detyrë të alarmohet prej shteteve për atë që po ndodh në kufi!
Kujt ja kanë për borxh që të mos informohen cdo çast në telefonat e tyre me sms!
Të kthehen në shtëpitë e tyre???
Të rrinë fshatrave pranë kufirit? Pse kush u ka shtruar jatakun?
Çfarë dëgjojmë!!!
Të humbasin punët në Greqi!
Kjo situatë duhet rregulluar brenda disa orësh veç nëse unë ngatërrohem dhe jam në vitin 1920, në vitin 1941, 1945, 1949, 1994.
Nënkryetari i Levizjes Socialiste për Integrim, Petrit Vasili, shkruan në ‘Facebook’ se nuk është faji i popullit për shifrat e larta të koronavirusit, por i shëndetësisë së PPP-ve dhe ushqimeve me litar.
Sipas Vasilit, një lukuni qeveritarësh po çjerrin fytin dhe i janë vërsulur popullit sikur është fajtor, duke shtuar se faji është i qeverisë dhe ç’organizimin të saj ekstrem.
“Populli bashkëpunon dhe i përgjigjet shkëlqyeshëm mesazheve të qarta, të konsoliduara dhe profesionale.
Por populli nuk mund të pranojë që ta përdorin, ti shesin suksese që nuk ekzistojnë siç bëri Edi Rama në rastin e pandemisë dhe më pas ti faturojnë dështimet qeveritare”, shkruan nd1%r të tjera Vasili.
Reagimi i plotë nga Petrit Vasili
Nje lukuni qeveritaresh, por edhe profesionistesh te akaparuar po çjerrin fytin dhe i jane versulur popullit, qe sipas tyre qenka fajtor per pandemine.
Nen regjine e neveritshme propagandistike te qeverise, me te gjithe laperdharet ne kuvend e ngado te bere se bashku, i jane versulur popullit, qe eshte gjetur sipas tyre fajtor per pandemine.
Shendetesia e Edi Rames nga PPP e Koncesionet e deri tek ushqimet me litar neper spitale nuk kane asnje pergjegjesi e faj sepse fajtor na qenka populli per pandemine.
Dy muaj e ca me pare kur Edi Rama shpalli se nuk do fliste per pandemine se me e keqja sipas tij kish kaluar, e lëvdoi dhe falenderoi me ze te larte dhe pa fund popullin, ndersa sot kur ç’organizimi ekstrem i qeverise ka renduar situaten fajin na e paska populli.
Mjerim i madh kur keto gëbelsizma bajate te nje qeverie te paafte vihen ne goje edhe te ca njerezve te mjeksise.
Per keta te fundit kam uruar dhe uroj qe keto budalleqe, qe thone te vijne vetem nga dijet superficiale, nga mosnjohja e epidemiologjise apo nga ndonje interes i vogel vetjak per te ruajtur ndonje vend pune per vete a familjen, apo per ndonje perfitim vetjak sepse nese do ti besonin vertet do te ishte vertet nje dite e peshtire ne jeten e tyre sepse te besh popullin fajtor eshte thjesht injorance e ligë.
Sa per popullin dhe sistemin shendetesor edhe nje kujtese.
Eshte ky popull qe bashke me shendetesine kane kaluar vetem ne 30 vitet e fundit shperthime epidemike, epidemi e pandemi duke fillluar nga kolera,poliomieliti,fruthi, sars,gripin e shpendeve, gripin e derrit,lopen e cmendur etj.
Ka qene ky sistem shendetesor qe ka arritur nivele vaksinimi shume te larta te nivelit boteror ne bashkepunim me te njejtin popull dhe duke kaluar shume vende teper te zhvilluara europiane dhe me gjere.
Ka qene ky po i njejti popull qe se bashku me shendetesine ulen ne nje shifrore vdekshmerine foshnjore dhe amtare si treguesë fondamentalë te sistemit shendetesor.
Populli bashkepunon dhe i pergjigjet shkelqyeshem mesazheve te qarta, te konsoliduara dhe profesionale.
Por populli nuk mund te pranoje qe ta perdorin, ti shesin suksese qe nuk ekzistojne sic beri Edi Rama ne rastin e pandemise dhe me pas ti faturojne deshtimet qeveritare.
Populli eshte atje ku ka qene dhe pervecse duhet falenderuar nuk mund te fajesohet kurre.
Por qeveria qe katandisi shendetesine nga koncesionet tek ushqimet me litar neper spitale eshte ajo problemi shkaku dhe pasoja ndaj eshte edhe fajtorja e vetme,por edhe e pabesa e madhe kunder popullit te vet.
Kryeministri Rama ka reaguar së fundmi në lidhje me situatën kaotike në Kakavijë duke theksuar se nuk bëhet fjalë për diskriminim ndaj shqiptarëve, por gjithçka lidhet me regjimin e ri të kontrolleve nga Greqia.
Reagimin, kryeministri e bëri në një postim në rrjetet sociale.
Sipas kryeminsitrit, nuk janë vetëm shqiptarët që po rrinë në radhë, por edhe shtetas të tjerënë Europë dhe se sipas tij gjithçka ndodh për shkak të situatës me kor onav irusin.
“Këtu është fjala për një regjim të ri kontrollesh kufitare, me tamponimin e detyrueshëm të kujtdo që kalon kufirin e Greqisë, qoftë shqiptar, qoftë suedez apo britanik, shtetas këta që si gjithë të tjerët i nënshtrohen testimit në çdo aeroport të vendit fqinj. Madje edhe vetë shtetasit grek kanë të njëjtin detyrim dhe të njëjtin trajtim. Nga ana tjetër kjo çmenduri, në radhë për të kaluar kufirin nuk ndodh vetëm në Kakavi sot, dje për shembull, pika e kalimit në portin e Doverit në Britani ishte në kolaps të plotë dhe në radhë rrinin britanikët për t’u kthyer në shtëpi nga Franca, që t’i shpëtonin rregullit të sapovendosur të karantinës së detyrueshme. Plot gjysëm milioni turistë britanikë në një rendje marramendëse drejt shtëpisë”, shkruan Rama.
Reagimi i plotë i kryeministrit, Edi Rama
MBI SITUATËN NË KAKAVI
E kam ndjekur orë pas ore situatën e rënduar tejmase në doganën e Kakavisë. Kemi komunikuar gjatë gjithë kohës me zyrën e kryeministrit Mitzotakis e me autoritetet e tjera greke.
Kam marrë me mirëkuptim edhe mallkimet, sharjet, fyerjet nga shumëkush, që shpesh s’ka lidhje fare me radhën kilometrike në Kakavi, po e ndjen si detyrë patriotike të shajë e të akuzojë shtetin dhe qeverinë në fejsbuk.
Por fakti është se në këtë rast, nuk bëhet fjalë për asnjë lloj padrejtësie apo diskriminimi ndaj shqiptarëve, siç thonë “patriotët” që luftojnë për dinjitetin e atdheut nga ajfoni i tyre. Këtu është fjala për një regjim të ri kontrollesh kufitare, me tamponimin e detyrueshëm të kujtdo që kalon kufirin e Greqisë, qoftë shqiptar, qoftë suedez apo britanik, shtetas këta që si gjithë të tjerët i nënshtrohen testimit në çdo aeroport të vendit fqinj. Madje edhe vetë shtetasit grek kanë të njëjtin detyrim dhe të njëjtin trajtim. Nga ana tjetër kjo çmenduri, në radhë për të kaluar kufirin nuk ndodh vetëm në Kakavi sot, dje për shembull, pika e kalimit në portin e Doverit në Britani ishte në kolaps të plotë dhe në radhë rrinin britanikët për t’u kthyer në shtëpi nga Franca, që t’i shpëtonin rregullit të sapovendosur të karantinës së detyrueshme. Plot gjysëm milioni turistë britanikë në një rendje marramendëse drejt shtëpisë.
Kjo është koha e mallkuar që po jetojmë, ku normaliteti me të cilin jemi mësuar një jetë, ia ka lënë vendin imponimit të disa rregullave të pamendueshme deri dje, si edhe konfuzionit në mënyrën se kur e si vendosen, duke bërë që edhe shtete të vetë BE-së, të kenë rregulla të ndryshme nga njëri-tjetri, duke trajtuar në mënyrë të diferencuar njëri-tjetrin.
Unë nuk e di çfarë kuptimi ka vendosja e detyruar e tamponimit të çdo individi që hyn në një shtet të caktuar, sepse të gjithë e dimë që tamponimi nuk tregon asgjë kur virusin mund ta kesh marrë një ditë më parë dhe në fazën disa ditore të inkubimit ai nuk shfaqet. Ashtu sikundër, e kemi parë edhe që jo gjithnjë tamponi e zbulon infeksionin me Covid19. Por kështu e ka vendosur Greqia dhe jo vetëm Greqia po edhe plot shtete të tjera, ndërkohë që të tjera shtete, përfshirë edhe Shqipërinë, nuk e kanë këtë rregull. Së fundmi, disa shtete, përfshirë edhe Greqinë, kanë deklaruar se do të rifillojnë madje me karantinimin e detyruar të atyre që vijnë nga jashtë. Ky fakt, i ka shtyrë mijëra njerëz drejt Kakavisë masivisht, për t’i shpëtuar karantinimit që nis javën e ardhshme në vendin fqinj dhe një regjimi ende më të shtrënguar, ku kalimi i kufirit do të bëhet me kuota ditore! Kjo e ka krijuar kolapsin e shërbimit doganor në anën greke, ku sado që janë shtuar e po shtohen kapacitetet e testimit, lehtësimi i lëvizjes as nuk ndjehet fare. Çfarë mund të bëjmë ne, qeveria dhe shteti shqiptar në këto kushte, kur e përsëris, ky është një rregull i përgjithshëm i shtetit grek, që prek edhe vetë grekët që kthehen në Greqi! Faktikisht në radhën kilometrike të Kakavisë – ku shumica dërmuese e qytetarëve janë rezidentë në Greqi, taksapagues të rregullt të shtetit grek – ka edhe disa grekë, që njësoj si gjithë të tjerët kanë rendur të kthehen për t’i shpëtuar karantinimit që hyn në fuqi në 16 gusht. Por asnjë dallim nuk bën pala greke për ta dhe as kërkon që ata të kalojnë pa radhë.
Ne kemi qenë qysh në fillim të shqetësuar, të angazhuar e të përfshirë plotësisht në këtë hall, duke u përpjekur të lehtësojmë sa mundemi me Emergjencat Civile, me Urgjencën Kombëtare e me strukturat vendore, qytetarët që po zhuriten në diellin e nxehtë përgjatë atij karvani biblik. Vazhdojmë të komunikojmë me palën greke për të mundësuar një lehtësim më të madh, e do të vazhdojmë të asistojmë me të gjitha forcat njerëzit në atë hall të madh.
Nga ana jonë ne, Shqipëria, nuk do t’i rikthehemi karantinimit të detyruar për ata që vijnë nga jashtë, as nuk do të rishtrëngojmë lëvizjen e njerëzve brenda për brenda. Por do të vazhdojmë të përsërisim se kjo luftë me virusin Covid19, kërkon që çdo qytetar të zbatojë rregullat e mësuara përmendësh tanimë. Virusi do të jetë vërdallë edhe për shumë kohë dhe ne duhet të mësohemi me faktin se jemi të rrezikuar, e nga ky rrezik nuk na mbron dot askush nëse nuk mbrojmë veten e njëri-tjetrin. Asnjë shtet e asnjë qeveri nuk janë të pakritikueshëm, aq më shumë në këtë kohë dreqi, por jo, asnjë lidhje nuk ka situata në Kakavi me ndonjë gjë të lënë mangut nga shteti e nga qeveria jonë në raport me shtetin e me qeverinë greke. Prandaj me keqardhjen më të madhe për sfilitjen e të gjithë atyre që janë në atë radhë të tmerrshme, i siguroj të gjithë pa përjashtim se as i kemi lënë dhe as do t’i lemë asnjë minutë vetëm, deri në fund./noa.al/
Mjeku Pëllumb Pipero ka kërkuar përdorimin e maskës edhe në vendet e hapura, për t’u mbrojtur nga virusi vdekjeprurës COVID. Në një lidhje me skype në Fax News, Pipero tha se në muajt në vijim padyshim që do të ketë një situatë më të vështirë në spitale, pasi mund të ketë dhe pacientë që preken nga viruset stinore, dhe që kanë nevojë për trajtim spitalor. Ai theksoi se do të ishte e mirë që maska të bëhej e detyrueshme dhe në ambiente të hapura, që qytetarët të mësoheshin me përdorimin e saj, veçanërisht në qytetet ku ka një numër më të madh popullsie.
“Situata në muajt e dimrit, padyshim që do të jetë më shqetësuese, për shkak se do kemi edhe viruse të tjera, siç është gripi i zakonshëm. Ne duhet të jemi të përgatitur, që me qarkullimin e virusit stinor do të kemi një rritje të mëtejshme të numrave. Unë kam qenë kundërshtar i maskës në mjedise të hapura, them dhe kërkoj që maskën secili duhet ta vendos tashmë dhe në rrugë, maska duhet të bëhet detyrim ligjor dhe në mjedise të hapura, veçanërisht në qytetet ku ka një popullim të madh njerëzish”, tha mjeku.
Rritjen e shifrave të infektimeve, mjeku i lidhi me ekspozimin e shtuar të verës, për shkak të lëvizjeve, apo pushimeve, një lloj shkujdesjeje që duket jashtë dyerve të spitaleve, ku ka ende njerëz që nuk besojnë. Sa u përket mjekimeve që mund të përdorin të infektuarit që kurohen në shtëpi, Pipero tha se nuk duhet të merret asnjë medikament pa këshillën e mjekut të familjes apo specialistëve. Sipas Piperos, vetëm në rast se kanë tre ditë me temperaturë më të lartë se 38 gradë celsius, personave të prekur mund t’iu rekomandohet përdorimi i medikamenteve, por asnjëherë me mendjen e tyre dhe nga farmacistët.
“Maska, distanca dhe higjiena, janë tre masa të rëndësishme, që mbrojnë secilin nga ne, dhe më pas të gjithë ne. E vetmja këshillë që kam për qytetarët, është kontakti i vazhdueshëm me mjekun e familjes, nuk duhet të përdorin medikamente pa këshillën e mjekut, kemi parë skema mjekimi që qarkullojnë, që është shumë e gabuar, pasi asnjë rast nuk mund ti ngjajë tjetrit. Shumica e rasteve që qëndrojnë në shtëpi nuk kanë nevojë për medikamente të veçanta, në çdo rast tjetër duhet të konsultohen me mjekët e familjes. Kemi me dhjetëra mesazhe nga qytetarë të ndryshëm, që edhe pse nuk na njohin na kontaktojnë.
Nëse nuk vazhdon temperatura mbi 38 gradë për më shumë se tre ditë nuk ka nevojë të përdorin as paracetamolin apo brufenin. Në rast se ajo shoqërohet me kollë apo dhimbje kockash, atëherë duhet të kontaktojnë menjëherë me mjekët e familjes. Mjeku i familjes është i trajnuar, dhe duhet medoemos që të luajë rol kryesor në pikën fillestare. Pa këshillën e mjekut të familjes nuk duhet të hedhim asnjë hap, nëse ata nuk na përgjigjen, duhet ti drejtohemi 127-tës, qytetarët nuk duhet të vrapojnë drejt farmacisë për të marrë medikamente. Duhet të pinë sa më shumë ujë, që të mbajnë në kontroll temperaturën e lartë të tyre.
Askush nga ne nuk është imun ndaj këtij virusi, shifrat e infektimeve te të rinjtë janë shumë të larta, veçanërisht në moshën mes 20-35 vjeç, ana e mirë është se ata rrallë sëmuren, por kjo nuk do të thotë që nuk e çojnë virusin në shtëpitë e tyre. Shijojini pushimet duke pasur kujdes, do të këshilloja natyrën dhe mjedisin jashtë, duhet medoemos që të kuptojnë se virusi qarkullon dhe na dëmton të gjithëve”, tha më tej Pipero.
“A do ta mbani dot turmën kur t’ju vërsulen sepse po iu “zhduken” të afërmit”? Kjo është pyetja që shtron gazetarja dhe drejtuesja e njohur televizive, Aida Shtino, drejtore e fondacionit Njerëz të Humbur.
Zonja Shtino analizon situatën absurde që ka krijuar qeveria në spitalet Covid, ku sikurse raportohet gjerësisht, pacientëve nuk u lejohen telefonat dhe nuk kanë mundësi komunikimi me celularët e tyre me familjarët e të afërmit, pasi u janë konfiskuar.
Shtino ka një pyetje për mjekët që ironikisht i quan të çmuar: “A mundet t’iu bëj një pyetje doktorëve tanë të “çmuar”? Përse nuk ju lejojnë telefonin të sëmurëve me Covid që janë të shtruar në spital?! Kush është arsyeja që nuk i lejojnë të flasin me të afërmit e tyre?” pyet e indinjuar zonja Shtino, përballë faktit që të gjithë pacientët, jo vetëm të sëmurët në gjendje kritike apo të intubuar, nuk lejohen të kenë komunikim me telefon.
“A jeni në terezi ti Ministre Manastirliu dhe ti Kryetare e Komitetit Rakacolli me Pipero e kompani? A i keni trutë në kokë, apo ju kanë vaksinuar juve përpara, se që të jeni kaq të pashpirt nuk ma priste mendja kurrë”, – shton Shtino.
Kurse ka një paralajmërim apelues për qeverinë dhe strukturat shtetërore dhe njerëzit që punojnë në to: “A do ta mbani dot turmën kur t’iu vërsulen, sepse po ju “zhduken” të afërmit? A jeni ne dijeni se çfarë jeni duke bërë? A i keni trute ne koke ju doktoresha a keni fëmijë dhe prinder në shtëpi ju? Kush është arsyeja që nuk iu lini telefon, kush??? “, – shpërthen Shtino.
E në fund ka një tjetër paralajmërim të përforcuar: “Një gjë po ju them, mbajeni mend, se nuk do të arrini të përmbani me turmën e tërbuar, që do t’iu vërsulen nga zemërimi, sepse po i ktheni në kavie laboratori të afërmit e tyre dhe aty jo policia, po as ushtria nuk i bën dot zap?!” /noa.al/
Zëdhënësja e PD, Ina Zhupa përmes një statusi në Facebook rendit faktet që sipas saj tregojnë që rinia shqiptare është më e harruara dhe më e papërfillura nga qeveria.
STATUSI I PLOTE
RAMAVIRUSI ka dëmtuar jashtëzakonisht rininë shqiptare: ju shkatërroi arsimin me një reformë të dështuar ku nuk studiojnë dot pa qënë të pasur, ju shkatërroi punësimin me mungesën totale të incentivave për të rinjtë, me mungesën e investimeve të huaja, ju shkatërroi sigurinë me drogën dhe krimin që lulëzon, ju shkatërroi shëndetësinë me koncensione fantazma dhe asnjë shërbim për ta, ju shkatërroi qytetet duke i kthyer në vende që skanë aktivitete kulturore, rinore, por vetëm beton dhe beteja armësh.
Sot në ditën ndërkombëtare të rinisë, ne numërojmë rreth:
▐ 183 mijë të rinj që nga 2014 deri sot, nën moshën 34 vjeç janë larguar nga Shqipëria. Sipas të dhënave të Eurostat janë 98 mijë azilant ekonomik dhe më shumë 85 mijë emigrant të paligjshëm. Pa llogaritur këtu ata që kanë ikur për studime, apo për punësim të ligjshëm.
Sipas raportit të fundit i CRCA dhe ANYN Shqipëri : Papunësia e të rinjve vazhdon të mbetet një ndër sfidat kryesore:
▐ 51% e të rinjve nuk janë as në marrëdhënie pune dhe as në ndjekje të një kursi apo trainimi profesional;
Pandemia e rëndoi më shumë gjendjen edhe problematikat e rinisë, po sipas raportit bazuar në anketa me të rinjtë:
▐ 92% e të rinjve deklaruan se nuk kanë përfituar asnjë lloj ndihme nga Qeveria gjatë mbylljes së detyruar;
▐ 49% e të rinjve deklaruan se ata ose një familjar i tyre, humbën vendin e punës gjatë pandemisë;
▐ 88% e të rinjve deklaruan se vajzat dhe gratë ishin viktimat kryesore të dhunës, gjatë pandemisë;
▐ 63 % e të rinjve konfirmojnë dhunën e shtuar në familje gjatë po të njëjtës periudhë.
Një qeveri që nuk kujdeset dhe nuk do tja dijë për rininë, është një qeveri që e ka mbyllur ciklin e saj dhe e ardhmja nuk i intereson më.
Ditë të mira do vijnë me një plan të qartë të PD, me një program ku RINIA ka peshën e saj të padiskutueshme për ta ndërtuar të ardhmen europiane në SHQIPËRI.
Ish-deputeti i PD Besnik Mustafaj, i ftuar në rubrikën “Opinion” në “News 24” deklaroi se gjendja nga koronavirusi në vend mbetet shqetësuese.
“Gjendja nga koronavirusi është shqetësuese. Është shqetësuese se 1 në 5 të testuar dalin pozitiv me Covid-19. Nëse bëhen shumë teste, do të thotë se dalin më shumë persona pozitiv me Covid-19.
Thuhet se dy spitale Covid-19 mund të dalin edhe jashtë kontrollit. Nëse ajo që lajmëroi Putini është e vërtetë, atëherë mund të kemi disi shpresë”, tha Mustafaj.
Ai u shpreh se kandidaturat e PD do të verifikohen brenda datës 15 shtator.
“Janë 600 kandidatura nga PD dhe zgjedhja do të jetë normalisht në mënyrë sa më të mirë. Përzgjedhja e kandidatëve do të përfundojë deri më 15 shtator. Ne kemi kërkuar ndihmën e partnerëve tanë gjermanë. Këto janë kandidatë janë më të mirë sesa ata që kanë qenë”, u shpreh Mustafaj.
I pyetur nëse ish-kryeministri Sali Berisha mund të jetë në listë, Mustafaj tha se ish-kreu i qeverisë ka bërë denoncime të guximshme për drogën dhe fenomene të tjera të pushtetit të Edi Ramës dhe ndaj ka kontribut në PD.
“Unë jam një nga kritikët e Sali Berishës që më 2007. Por, në kohën që ai është në opozitë, Berisha ka dhënë kontribut të çmuar në opozitarizëm. Berisha denoncoi drogën, denoncoi një sërë skandalesh. Në këtë kuptim, Sali Berisha ka kontribut në Partinë Demokratike. Në cilësinë e Berishës si deputet, ai mund të themi ka kontribut. Unë jam ndër të parët që kam kthyer disa figura sërish në PD. Unë besoj se të zemëruarit e ikur edhe mund të kthehen.
Jozefina Topalli përshembull ka pasur kritika për PD, por është e lidhur me Partinë Demokratike.
Ajo mund të jetë propozuar në Shkodër. Kur bashkëvepron eksperienca me të renë, besoj se bëhet diçka e mirë. Rama ka bashkëpunëtorë figura që janë të reja, por janë një lloj klani le ta themi. Shoqëria ka eksperiencën për të gjykuar drejt programin tonë dhe kandidaturat”, deklaroi Mustafaj.
