Opinione

Greqia ka 781 raste të infektuarish me Covid-19 për 1 milion banorë kundrejt 2822 rasteve që ka Shqipëria, apo 4 herë më shumë se sa vendi fqinj.

Kështu u shpreh ish-kryeministri Sali Berisha, i cili i kërkon kreut të qeverisë që t’i kërkojë falje palës greke.

“Besoj se ju kujtohet fillimi i prillit të kaluar kur epidemiologu “xhahil i Surrelit”, për t’u vetshpallur “më i mirë” sulmonte me atlas gjeografik përpara me radhë vendet e Europës dhe botës, ndër të cilat edhe Greqinë për keqmenaxhimin e Pandemisë pasi beson se duke sharë të tjerët mbetet vet më i miri”, tha Berisha.

“Por sot pas 6 muajve të Pandemisë, megjithë manipulimin e falsifikimin e shifrave të pandemisë nga ai nëpërmjet kufizimit dhe ultra centralizimit të testimit, vdekjeve të shumta jashtë spitalore apo dhe spitalore nga covid 19 të përjashtuara si të tilla për motive politike, pra duke u bazuar vetëm në të dhënat zyrtare që publikon”, Berisha thotë se Shqipëria është shumë më keq se vendi fqinj.

Sipas tij, Greqia me popullatë mbi 10 milion banorë, pra 3,6 herë më të madhe se Shqipëria, kishte deri më 21 gusht gjithsej 238 vdekje dhe 8138 te infektuar nga covid 19, nga te cilat 204 raste të reja.

Shqipëria kishte deri këtë datë gjithsej 240 vdekje dhe 8119 të infektuar nga covid 19 dhe kishte 152 raste të reja me covid 19.

Reagimi i plotë nga ish-kryeministri Berisha:

Edvini kerkoj ndjese Greqise! Shifrat te akuzojne rende!

Besoj se ju kujtohet fillimi i prillit te kaluar kur epidemiologu xhahil i Surrelit per tu vetshpallur “me i mire” sulmonte me atllas gjeografik perpara me radhe vendet e Europes dhe botes nder te cilat edhe Greqine per keqmenaxhimin e Pandemise pasi beson se duke share te tjeret mbetet vet me i miri.

Por sot pas 6 muajve te Pandemise, megjithe manipulimin e fallsifikimin e shifrave te pandemise nga ai nepermjet kufizimit dhe ultra centralizimit te testimit, vdekjeve te shumta jashte spitalore apo dhe spitalore nga covid 19 te perjashtuara si te tilla per motive politike pra duke u bazuar vetem ne te dhenat zyrtare qe publikon çdo dite Ëorldmeter Coronavirus rezulton se:

Greqia me popullate mbi 10 milione banore, pra 3,6 here me te madhe se Shqiperia, kishte deri me daten 21 gusht gjithsej 238 vdekje dhe 8138 te infektuar nga covid 19, nga te cilat 204 raste te reja. Ndersa Shqiperia kishte deri kete date gjithsej 240 vdekje dhe 8119 te infektuar nga covid 19 dhe kishte 152 raste te reja me covid 19.

Nga analiza per 1 milion banor e statitstikave te covid 19 ne te dy vendet deri me daten 22 gusht tregon se:

Greqia ka 781 raste te infektuar me covid 19 per 1 milione banore kundrejt 2822 raste qe ka Shqiperia apo 4 here me shume se sa Greqia

Greqia ka bere 79381 teste per 1 milione banor kundrejt 17 390 teste qe ka bere Shqiperia per 1 milione banor. Pra Greqia ka bere 4,56 here me shume teste se sa Shqiperia per 1 milione banor dhe ka 4 here me pak se sa Shqiperia te infektuar per 1 milione banor. Vetkuptohet ne rast dr Shqiperia do te kishte bere numrin e testeve qe ka bere Greqia, numri i te infektuarve ne Shqiperi nuk do ishte 4 por 6-8 here me i larte se sa ne Greqi

Greqia ka 23 te vdekur per 1 milione banor ndersa Shqiperia numeron 83 te vdekur per 1 milione banor pra ne Greqi numri i te vdekurve nga covid 19 eshte rreth 4 here me i ulet se sa ne Shqiperi.

Kushtet e perhapjes se infeksionit, po te kemi parasysh shkallen me te larte te urbanizimit ne Greqi, ishin shume me te favorshme ne Greqi se sa ne Shqiperi, por Greqia ka keto rrezultate sepse:

Greqia testoi gjeresisht dmth beri hetim te vertet epidemiologjik dhe jo te rreme apo falls si Edvini, pasi ne Greqi hetimin epidemiologjik e benin ekspertet dhe jo kryeministri siç ndodhte ne Shqiperi

Greqia ishte e pregatitur dhe dispononte ne kohe materialet mbrojtese per punonjesit e shendetesise dhe maskat per popullaten ndaj dhe ne Greqi spitalet e medha nuk u shnderruan ne bomba biologjike sic ndodhi ne Shqiperi me QSUT. Qeveria greke nuk shfrytezoi pandemine per te bere tendera sekrete dhe vjedhur ne kurriz te te semureve shuma marramendese me to siç beri Edvin Hajduti dhe Ndrikull Hajnia.

Greqia ka nje urgjence te vertet dhe jo alo -alo paracetamol e te politizuar qe ne zbatim te urdhrit politik sjelle ne spitale aq sa i thone. Perveç kesaj Greqia angazhoi per kujdesin e te semurve me covid 19 mjekun e familjes.

Miq, une e di se ndjesa tek Edvini nuk ekziston por u ndala ne kete analize per te paraqitur me metode krahasuese pasojat e renda qe ka per Shqiperine keqmenaxhimi i pandemise se covid19 nga Edvin Hajduti dhe ndrikull Hajnia. sb

/NOA.al

Presidenti i Shqipërisë, Ilir Meta ka bërë një postim publik për Ditën Europiane të kujtimit të viktimave të Stalinizmit dhe Nazizmit duke thënë se historia rrezikon të përsëritet në forma të tjera nëse harrojmë çmimin e dhimbshëm që kemi paguar për lirinë, demokracinë, të drejtat.

Kreu i shtetit nuk lë pa përmendur dy kryeveprat botërore “Arturo Ui” i Bertolt Brecht dhe “Ferma e Kafshëve” e George Orëell, për të cilat thotë se na mësojnë kur shoqëria është neglizhente në mbrojtjen e lirisë dhe demokracisë, përherë do të shfaqet një gangster ambicioz si Arturo Ui.

“I rrethuar nga servilë të paskrupullt, dallkaukë dhe kriminelë, ngjitet në pushtet, duke shantazhuar kundërshtarët e asgjesuar opozitën, pasi merr nën kontroll gjykatat dhe i mbyll gojën shtypit”, shkruan Ilir Meta.

Mesazhi i plotë i Presidentit Meta:

Në Ditën Europiane të Kujtimit të Viktimave të Nazizmit dhe Stalinizmit nderojmë të gjithë jetët e pafajshme të humbura nga krimet dhe terrori i dy ideologjive shkatërrimtare dhe bashkëndajmë dhimbjen me të gjithë ata që u mbijetuan burgjeve, internimeve dhe torturave çnjerëzore.

Historia rrezikon të përsëritet në forma të tjera nëse harrojmë çmimin e dhimbshëm që kemi paguar për Lirinë, Demokracinë, Të Drejtat dhe Dinjitetit Njerëzor. Një nga tiparet e regjimeve totalitare është fshirja e kujtesës historike, fillimisht nëpërmjet propagandës, e më pas edhe represionit.

Për mbi 4 dekada ne u shndërruam në Korenë e Veriut të Europës, ndaj kemi sot përgjegjësinë për të mbrojtur në çdo moment lirinë, demokracinë, pluralizmin e paqen sociale, që nuk na janë dhënë njëherë e përgjithmonë. “Arturo Ui” i Bertolt Brecht dhe “Ferma e Kafshëve” e George Orëell, dy alegoritë më të jashtëzakonshme të Nazizmit dhe Stalinizmit, i kanë dhënë mbarë njerëzimit mesazhe të vlefshme në çdo kohë dhe tepër paralajmëruese.

Dy kryeveprat botërore na mësojnë se kur shoqëria është neglizhente në mbrojtjen e Lirisë dhe Demokracisë, përherë do të shfaqet një gangster ambicioz si Arturo Ui, që i rrethuar nga servilë të paskrupullt, dallkaukë dhe kriminelë, ngjitet në pushtet, duke shantazhuar kundërshtarët e asgjesuar opozitën, pasi merr nën kontroll gjykatat dhe i mbyll gojën shtypit.

Apo ashtu si në Fermën e Orëellit, kafshët e shtypura pasi rebelohen për liri e barazi, befas një elitë dinake e udhëhequr prej derrave me parimin se “të gjithë janë të barabartë, por disa janë edhe më të barabartë se të tjerët” merr kontrollin e pushtetit dhe një tirani zëvendësohet me një tjetër.

Të mos harrojmë kurrë tragjeditë e së shkuarës dhe duke bashkuar të gjitha forcat të bëjmë më të mirën që çdo shqiptar të gëzojë jetën, lumturinë, të drejtat, liritë dhe të ardhmen e tij të sigurtë europiane në Shqipëri dhe jo si emigrant në vende të tjera.

OPINION Nga Artan FUGA

Bisedë miqësore të dielën në mëngjes

Pershendejte profesor.

Kam ndjekur cdo status tuajin per gjate gjithe kohes se fushates per zgjedhjet lokale dhe respektoj shume cdo mendim tuajin. Por kam nje pyetje qe nuk di t’i jap pergjigje.

Imagjinojme sikur te kishim dy apo me shume parti politike serioze, qe per garen zgjedhore te paraqesnin ne publik programe te krijuara me kujdes nga studime mjaft profesioniste (p.sh qindra pika ku do paraqitej menyra e zhvillimit ekonomik afatgjate, drejtimi qe duhet te marre arsimi, aplikimi i teknologjise se fundit ne pika kyce per zhvillimin ekonomik, programe te ndryshme mbi afrimin e te rinjve me artin e kulturen etj etj etj).

Si mund te lihet ne dore te votuesve, ketyre votuesve qe jane ne Shqiperi, te keqarsimuar, zgjedhja se kush nga programet tejet profesioniste (ketu e kam fjalen qe per fushen teknologjise, bie fjala, te degjohet mendimi i profesionisteve me te mire, dhe jo budalleqet e ‘politikaxhinjve’ gjate gjithe kohes ne media) eshte me i mire per komunitetin, kur ata nuk e kane idene jo vetem se cila eshte me e mira e komunitetit, por edhe se cila eshte me e mira e tyre personale.

Artan Fuga:

I nderuar mik , ndjesë sepse nuk kam mundur ta lexoj mesazhin më parë mesazhin tuaj. Ndërkaq mendoj se pyetja juaj shumë e drejtë, e ka përgjigjen.

Duhet të dalim nga kuptimi klasik i demokracisë kur politikani ka mendim të specializuar shkencor dhe i drejtohet një qytetari që gjithashtu është ekspert. As politikani nuk është mendimtar shkencor, as qytetari nuk është ekspert që të dijë të gjykojë programet ekonomike. Ky është një koncept utopist i demokracisë që ka ardhur deri te Kanti. Por, më pas dhe sot përpunohen të gjitha mekanizmat që e zgjidhin këtë problem.

E para, opinioni i gjerë publik nuk është një turmë. Brenda tij ka lidera opinioni që dinë gjëra edhe më mirë sesa politikanët dhe janë qytetarë të thjeshtë, që kanë besimin e miqve dhe të rretheve të tyre familjare dhe shoqërore. Ata luajnë rol të madh në demokracitë e zhvilluara. Ata në fushat përkatëse dinë shumë më tepër sesa të gjithë politikanët e marrë së bashku.

E dyta, kur masa nuk është masë e papunësh dhe e papronësh, atëhere secili i njeh shumë mirë interesat e tij dhe di të gjykojë për to më mirë se çdo politikan apo ekspert ekonomie. Nuk i di me teori por me interesat e veta si aksioner, si pronar i vogël ose i mesëm, i bën mirë llogaritë.

Së treti, në demokraci të vërtetë, qytetari nuk lihet kështu në injorancë si e kemi lënë ne, por njeh filozofinë, gjeografinë, ekonominë, financat aq sa i duhet për të kuptuar programet politike që duhet të jenë të qarta dhe konkrete dhe jo me terma të vështirë gjoja shkencorë.

Ndërkaq edhe politikani vetë, është edhe ai pothuajse injorant në të gjitha fushat ku nuk është specialist. Ja të pyes: Sa politikanë janë specialistë bankarë? Ose ekspertë të administrimit? Pra, nuk duhet paraqitur situata sikur politikani është i gjithëditur dhe qytetari injorant. Joooo! Nuk është e vërtetë.

Pastaj në fund një shoqëri e vërtetë e emancipuar, ka mediat dhe gazetarët, ka analistët e vërtetë, ka mediat e specializuara që popullarizojnë dijet që qartësojnë idetë dhe programet dhe nuk janë propagandistë thjesht si te ne.

Ja pra që është e mundur. Fajin nuk e ka qytetari, por politikani që e ka lënë atë në errësirë, pa dije, pa kulturë, pa pronë, dhe pastaj e trajton si budalla!

Unë kam besim se kjo gjendje kapërcehet shumë mirë dhe jam optimist, mjafton të ketë vullnet politik jo nga politikanët sepse ata nuk e kanë, por nga qytetarët që të duan të ngrihen nga niveli i “nën-njerëzve”.

Kryedemokrati Lulzim Basha thotë se në këto 7 vite, qeveria “Rama” e ka taksuar punën dhe dijen më shumë se çdo qeveri tjetër më parë dhe se barra më e rëndë e këtyre taksave ka rënë mbi shtresën e mesme.

Ai shton se sot të gjithë e shohim se taksa progresive e Edi Ramës ka dështuar dhe ka prodhuar vetëm kaos, pandershmëri dhe padrejtësi dhe se ajo është kritikuar fort edhe nga organizatat ndërkombëtare si FMN.

Sipas tij, çdo ditë që kalon shqiptarët paguajnë më shumë taksa, ndërsa Rama i përdor ato për të bërë më shumë PPP me klientët e tij.

“Si pasojë e këtij keqmenaxhimi dhe kësaj arrogance, Shqipëria zhytet në varfëri, njerëzit humbin vendet e punës dhe kriza ekonomike thellohet. Rama e ka futur dorën thellë në xhepin e çdo qytetari. Ai nuk mendon për njerëzit, por vetëm për nje grusht klientësh dhe oligarkësh dhe e ka vënë shtetin dhe çdo politikë fiskale në shërbim të tyre duke i lënë qytetarët në mëshirën e fatit. Vendit i duhet një ndryshim i madh dhe rrënjësor!”, shkruan Basha.

Ai shton se politika fiskale e PD, është pjesë e Planit Ekonomik për ti kthyer frymëmarrjen vendit dhe ekonomisë së njerëzve, më shumë të ardhura në xhepat e tyre dhe më pak taksa.

Basha zotohet se qeverisja e djathtë ti eliminojë nivelet e shumta të taksave mbi punën, do ti heqë pengesat që vetëm frenojnë zhvillimin dhe do të thjeshtohet i gjithë sistemi.

Ai shpreh besim se sa më shumë para në duart e qytetarëve do të nxisin investimin në arsimim dhe kualifikim dhe do ti japin frymë rritjes ekonomike.

“Politika jonë fiskale ka në bazë taksën e sheshtë 9% për qytetarët dhe të punësuarit, taksa më e thjeshtë dhe më e ulët në të gjitha vendet e rajonit. Mirëqenia e shtresës së mesme, e atyre që punojnë dhe prodhojnë, është jetike për rimëkëmbjen e gjithë ekonomisë shqiptare. Vetëm një qeveri serioze që kujdeset për njerëzit do ta vendosë shtetin dhe politikbërjen në funksion të rritjes së të ardhurave të gjithsecilit dhe jo të një grushti njerëzish! Shqipëria e ka potencialin të ofrojë mirëqenie dhe siguri për të gjithë qytetarët e saj. Ditë më të mira”, shkruan në mbyllje Lulzim Basha.

Grida Duma, ish-deputete e Partisë Demokratike sa i takon çështjes së rihapjes së shkollave, u shpreh se qeveria është e papërgatitur dhe ‘ngelëse në klasë’, sa i përket menaxhimit të situatës dhe apo vendimit që duhet ndërmarrë në këto momente.

Ajo tha se nuk ka asnjë plan për sigurinë e shëndetit të fëmijëve dhe arsim cilësor në kushtet e pandemisë.

“Kur kanë mbetur vetëm 3 javë nga nisja e vitit të ri shkollor, qeveria nuk ka marrë asnjë masë, nuk ka publikuar asnjë udhëzim dhe asnjë protokoll sigurie që ruajnë jetën dhe shëndetin e fëmijëve dhe mësuesve”.

“Edhe shpalljen e vendimit për rihapjen e shkollave e bënë nën presionin e drejtë të Partisë Demokratike. Nga vetë deklaratat e Ministrisë së Arsimit, vendimi për hapjen e shkollave është marrë pa asnjë përgatitje”.

“Gjithë çfarë Ministria deklaron është që ende po detajojnë një plan, tha Grida Duma.

“Pra, vetëdeklarojnë se kanë marrë vendimin pa pasur një plan. Vendimi i marrë para hartimit të një plani të mirëmenduar sipas kushteve dhe mundësive me shkollat tona është një rrezik mbarëkombëtar. Sot qeveria nuk deklaron asnjë plan masash, sepse nuk e ka! Pikërisht sepse nuk ka një plan apo strategji, ka gjetur mënyrën keqdashëse ta hedhë përgjegjësinë tek prindërit duke spekuluar që gjoja “po bën atë që deshën shqiptarët”, sepse “kështu doli sondazhi”.

“Qeveritë nuk qeverisin me sondazhe dhe sondazhet nuk janë vendime qeverie. Nëse do të ishte kështu, bënin mirë të kryenin një sondazh mbi çfarë donin shqiptarët në kohën e karantinës; apo çfarë donin shqiptarët, kur mbyllja pa plan u shkatërroi ekonominë dhe punën. Për më shumë, qeveria ka vendosur pikërisht të kundërtën e asaj që duan shqiptarët. Shqiptarët në çdo sondazh zgjedhin të arsimojmë fëmijët në kushte sigurie jete. Shqiptarët në çdo sondazh vënë shëndetin dhe jetën si prioritet themelor”, u shpreh Duma.

Ish-deputetje nga selia e PD-së fajësoi qeverinë për situatën me arsimin në vend:

“Pikërisht për këtë qeveria duhet të na thotë qartë dhe me përgjegjësi të plotë:

Çfarë ka ndryshuar në kapacitetet dhe pregatitjet për mbrojtjen nga infektimi nga koha kur shkollat u mbyllën, ndërsa kishte vetëm 5-15 të infektuar në ditë.

Çfarë kapacitetesh më të specializuara ka sot qeveria kur deklarohen edhe 150 të infektuar në ditë?

Problemet që nuk kanë marrë një zgjidhje dhe që ndikojnë negativisht në sigurinë shëndetësore në shkolla janë disa.

Shumë shkolla në Tiranë dhe Durrës, edhe para pandemisë, bënin mësimin me turne. Tani nuk dihet se me çfarë kapaciteti do të punojnë. Qeveria nuk ka akoma një përgjigje.

Qeveria nuk ka zgjidhur akoma çështjen e nxënësve dhe mësuesve të shkollave të shembura nga tërmeti i Nëntorit të kaluar.

Për shkak të mungesës së një plani, qeveria nuk ka përgjigje për programin 6 orësh mësimor. Çfarë do të bëhet me të? I alteruar mes mësimit në klasë dhe online, ngarkesa shkon edhe 12 orë.

Qeveria nuk thotë se çfarë do të bëhet me oraret e mësimit, në mënyrë që prindërit të gjejnë një mundësi për përshtatjen e orareve të tyre.

Shkollat nuk janë pastruar dhe higjienizuar.”

Për të vazhduar me:

“Vetëm tre javë nga fillimi i mësimit dhe për asnjë nga këto probleme të mëdha nuk ka asnjë strategji të qartë përballimi. Qeveria duhet të jetë e qartë që fëmijët në shkolla dhe siguria e tyre janë përgjegjësi e saj prioritare, shumë më tepër se çdo pjesë tjetër e popullatës. Fëmijët e shqiptarëve mund të nisin jetën shkollore vetëm pasi të qartësohen plotësisht për mënyrën dhe masat e plota të ruajtjes së standardeve të distancës, higjenës, sjelljes mbrojtëse, në të gjithë ambientin shkollor. Vendimi i derisotëm për hapjen e shkollave është një vendim “ngelës”, i papregatitur, i cili në mungesë të njohjes dhe llogaritjes së kapaciteteve, kohës, organizimit të të gjitha mjeteve, rrezikon shëndetin e fëmijëve së pari dhe gjithë zinxhirit të mëtejshëm pas tyre.

Partia Demokratike kërkon informimin dhe transparencën e plotë të shqiptarëve mbi hapat, mjetet dhe mundësitë e përllogaritura për të nisur një vit shkollor që i shërben arsimimit dhe forcimit dhe jo rrezikut të shëndetit dhe jetës.

/NOA.al