Opinione

Kryetarja e LSI-së, Monika Kryemadhi, ka deklaruar se qytetarët janë në panik nga Covid 19 për shkak të mungesës së menaxhimit të situatës nga ana e qeverisë.

Ajo akuzoi kryeministrin Rama, që sipas saj duhet t’i lërë aktrimet me filma dhe mjekë në televizione, por t’i bëjë ballë pandemisë.

“Një kryeministër që merret me një gjë të tillë, nuk ekziston. Çështja e akuzave ndaj opozitës nuk është gjë tjetër, veç se largimi i vëmendjes. Për një të sëmurë minimumi duhet mbi 1 mijë euro, ky është paniku që kanë sot qytetarët shqiptarë, – tha Kryemadhi në një bashkëbisedim me gazetarët. – Të akuzosh sot opozitën për menaxhimin e pandemisë, është mungesë inteligjence dhe dashakeqësi. Ajo që unë dua të them, është se gjëja e parë që duhet t’u japim qytetarëve, është besimi dhe shpresa. Kovidi mundet si çdo virus tjetër, por duhet solidaritet dhe nga strukturat e shtetit. Pjesa më e madhe e shqiptarëve janë në panik për shkak të mungesës financiare që kanë për të paguar. Ka reparte dhe mjekë që aktrojnë në filmat multiplikativë të kryeministeit dhe autoambulanca që presin në radhë me pacientë. Rama duhet të merret me rimbursimin e barnave dhe shtimin e testimeve”, – theksoi Kryemadhi.

Kryeministri Edi Rama ka deklaruar se ai nuk e a kuzon kreun e PD Lulzim Basha për çështjen e videos së ma sakrës së Krushës në Kosovë, por ai kërkon një shpjegim për ato që thuhen në shtyp.

Gjatë bashkëbisedimit me gazetarët, shefi i qeverisë u shpreh se ai nuk hedh akuza, por e shikon si detyrim që kryedemokrati të mbajë një qëndrim dhe të mos fshihet.

“Unë s’kam bërë asnjë akuzë, detyrimi im është që t’i kërkoj shpjegime Lulzim Bashës. Unë, as nuk i njoh akuzuesit e as i kam takuar ndonjëherë. Unë kam kërkuar po ashtu pse PD-LSI votuan pro raportit të Dick Marty-t. Basha duhet të shpjegohet vetë, nuk ka pse të flasë partia e tij për të. Unë nuk dëshiroj që ato akuza jo të bëra nga unë, të jenë të vërteta. Basha është i detyruar vetëm të shpjegohet. Është llogaridhënie nga dikush që kërkon të drejtojë shtëpinë tonë të përbashkët.

Kjo nuk është çështje personale, është detyrimi im t’i them Bashës shpjegohu. Një drejtues duhet të dalë dhe të përballet me çështje të tilla. Unë mbase e kam të ekzagjeruar si tipar, që i dal përballë të gjitha çështjeve dhe akuzave. Unë nuk kam akuza, akuzat konfirmohen nga heshtja e gjatë apo vonesat për t’u përballur me to”, – deklaroi Rama.

Lulzim Basha a kuzohet nga Melaim Bellanica, kameramani që filmoi ma sakrën e serbëve në Krushë, dhe që kasetën, që sot rezulton e zhdukur, ia kishtë dhënë në atë kohë demokratit që punonte për UNMIK. /noa.al/

Politika në Shqipëri prej muajsh është përfshirë në debat në lidhje me situatën e koronavirus në vend.

Partia Demokratike ka publikuar një plan me pesë pika, me pretendimin se ndihmon në përballimin e kësaj situate.

Dhe në sinkron me këtë, opozita akuzon Qeverinë se ka dështuar në menaxhimin e epidemisë.

Kreu i PD-së, Lulzim Basha, ka shkruar në rrjetet sociale se Shqipëria ka nevojë për shpresë të re.

“Shumë pak, shumë vonë. Ka mbi 6 muaj që kemi propozuar plan masash për të përballuar pandeminë. Fatkeqësisht Rama nuk e ka zbatuar. Sot e kësaj dite, Shqipëria është e fundit në çdo fushë. Ndihma ekonomike për është më e ulëta. Shëndetësia është në kolaps. Ekonomia në krizë.

Shqipëria ka nevojë për shpresë të re. Vendi ka nevojë për një qeveri që kujdeset për qytetarët e tij dhe fuqizon ekonominë. Ne jemi të vetmit që mund ta bëjmë këtë! Është koha që Shqipëria të ketë një qeveri që punon për njerëzit”, shkruan Basha. /noa.al/

Kryetari i Lëvizjes Vetëvendosje, Albin Kurti në një konferencë për mediat ka thënë se me kryeministrin e Shqipërisë, Edi Ramën, ka kohë që nuk kanë qëndrime të njëjta, dhe kjo pasi Rama nuk guxon ta thotë të vërtetën për presidentin e Serbisë.

Ai thotë se Kosova dhe Shqipëria nuk mund të bashkohet si komb teksa ka qëndrime të ndryshme ndaj Serbisë. Sipas tij, këto dy shtete nuk e kanë luksin që të dallojnë me qëndrime sa i përketë Beogradit.
“Ka kohë që me kryeministrin e Republikës së Shqipërisë, zotri Edi Ramën ne nuk kemi të njëjtin qëndrim sa i përketë presidentit të Serbisë, kjo është një pikë e rëndësishme që ne dallojmë fort. Fatk eqësisht kryeministri i Shqipërisë nuk guxon ta thotë të vërteten për presidentin e Serbisë, për çfarë motivesh dhe arsyesh, unë nuk jam në gjendje ta them. Ne duhet të bashkohemi për luftën çlirimtare, për Ushtrinë Çlirimtare të Kosovës, por edhe kundër Serbisë e cila është kundër nesh. Nuk do të mund të bashkohemi si komb, nuk do të mund të bashkëpunojmë si shtete me qëndrime të ndryshme karshi Serbisë. Kosova dhe Shqipëria nuk e kanë jo vetëm luksin por as të drejtën që të dallojmë sa i përketë Beogradi”, ka thënë Kurti.

Kryetarja e LSI-së, Monika Kryemadhi thotë se kryeministri Edi Rama në këto 4 viteve nuk ka bërë asgjë për qytetarët.

Gjatë fjalës së saj me banorët e njësisë 1 në Tiranë, Kryemadhi tregoi edhe bisedat që ajo bën me socialistët e thjeshtë, të cilët i thonë se qeveria nuk ka bërë asgjë në këto 4 vite.

“Në këto 4 vite që ky zotëria kishte gjithë tepsinë, kusinë a i rriti pagat, ai i ktheu shqiptarët nga emigracioni, arriti mundësinë për të punësuar të rinjtë, a uli taksat? Kur takoj socialistet, ata thonë: Monika kemi 4 vjet që dëgjojmë premtime premtime dhe zero realizime. Flet për projekte 3D por ne nuk paguajmë dot faturën e dritave vjen dhe të pret dritat. Nuk kemi mundësi të paguajmë ilaçet. Kemi frikë të flasim për rritjen e çmimit të ilaçeve. Nuk jetohet me frikë”, tha Kryemadhi.

Sipas saj, do ta përmbysin Ramën jo si individ, por si sistem.

“Do ta përmbysim, jo Edi Ramën si individ, por si sistem, si mentalitet, që mos ti shkojë më në mendje, jo vetëm Ramës por të gjithë ata që duan të bëhen si Rama, që raste të tilla të mos vijnë më. Të punojmë cdo ditë që të rinjtë mos ikën nga Shqipëria, por të jetojnë këtu”, u shpreh Kryemadhi.