Berisha apo Rama, cili prej tyre është Kryeministri më i mirë? Analistët diskutuan në studio, dhanë argumente sipas shijeve, por nuk e ndanë në fund se cili prej tyre ishte më i suksesshëm.
Lidhur me pyetjen, Blendi Fevziu dhe Baton Haxhiu kanë diskutuar në emisionin “Zonë e Lirë” në Tv Klan.
Dy gazetarët kanë ndarë me mendime të ndryshme për këtë çështje.
Blendi Fevziu: Tani Batoni thotë që Rama është Kryeministri më i mirë në historinë shqiptare, ç’të them unë?
Baton Haxhiu: Më thuaj cilin e krahason me Ramën? Më thuaj 1?
Blendi Fevziu: Baton tani më thuaj cilin Kryeministër njeh nga historia e Kryeministrave shqiptarë që të bëjmë krahasimin?
Blendi Feviu: S’mund të thuash që është më i mirë se Berisha si Kryeministër.
Baton Haxhiu: Çfarë të them?
Blendi Fevziu: Nuk e thua dot. Për çfarë është më i mirë?
Baton Haxhiu: Se Rama?
Blendi Fevziu: Po, se unë vitet 2005-2009 dhe ti je dakord me mua që janë vitet më të mira të qeverisjes në Shqipëri.
Baton Haxhiu: E do mendimin tim?
Blendi Feviu: Po. Dhe besoj që këtu nuk më kundërshton dot, 2005-2009…
Arian Çani: Ja ta dëgjojmë.
Baton Haxhiu: E para, Berisha është një prej Kryeministrave karizmatik, përplasës dhe e ndan shoqërinë në gjysmë. Këto janë karakteristikat e liderit. Por Berisha nuk ka shije, të gjitha gjërat që ka ndërtuar janë të vjetra pa përfunduar akoma. Kjo është çështja kryesore.
Blendi Fevziu: Po Berisha nuk është drejtori i dekorit të qytetit.
Baton Haxhiu: Kur ti ta bën vendin…
Blendi Fevziu: Ka ndërtuar akse rrugore. Ka ndërtuar “Rrugën e Kombit”.
Baton Haxhiu: Mirë, mirë ajo është historike.
Arian Çani: Hoqi vizat, hoqi vizat.
Blendi Fevziu: Nga shtëpia e Çanit dhe shtëpia ime më shpejt shkon në Elbasan se në Rogner.
Baton Haxhiu: Ajo që ia bën njeriut jetën më të bukur është shija.
Arian Çani: E ka për Rilindjen urbane.
Blendi Fevziu: Unë nuk jam kundër me këtë.
Baton Haxhiu: Është Tirana, është mënyra si..
Blendi Fevziu: Baton…
Baton Haxhiu: Më thuaj një gjë duket e bukur në kohën e Berishës?
Blendi Fevziu: Nuk po diskutojmë këtu për estetikë. A hoqi vizat? Futi Shqipërinë në NATO, këto janë gjëra madhore për një vend. Rruga e Kombit. Nëse më thua ti që janë bërë mirë, po të them unë sot se disa nga veprat e rilindjes urbane janë bërë shumë të mira dhe unë uroj që kushdo të jetë Kryeministër më vonë të shohë Shqipërinë me një sy tjetër.
Arian Çani: Dakord, dakord. Por kanalet e zeza nuk kanë ndryshuar, mbajnë erë gjithandej./NOA.al
– Hiqen të gjitha privilegjet në pensione apo në trajtime të tjera shërbëtorëve të parë publikë, deputetëve! Trajtimi i tyre material i privilegjuar është një atentat ndaj barazisë së shtetasve dhe thyen barazinë e tyre para ligjit.
– Të gjithë ata punonjës të administratës që gjyqi me vendim i kthen në punë, është e detyrueshme të kthehen në punë dhe rrogat e paguara zëvendësuesve apo atyre vetë pa bërë punë, t’u vihen në ngarkim përgjegjsve të tyre.
– Asnjë nëpunës nuk mund të bëjë “kërcime” në karrierë, dhe të ngrihet më lart se dy rrangje nga pozicioni që mbante më parë. Karriera graduale është zëmra e burokracisë.
– Hiqet dorë nga praktika e republikës së vjetër që ministritë ndahen si llokma elektorale ndaj partie politike në koalicion. Mos e ndani shtetin sipas partive aq sa një partie e trashëgon një ministri nga fillimi deri në fund të një mandati legjislativ. Kjo është e turpshme!
– Administrata publike, cdo agjenci e saj, ministri apo drejtori, duhet të bëjë cdo vit bilancin e arritjeve dhe të metave duke e botuar në një raport publik vjetor të botuar dhe me akses për cdo qytetar dhe sipërmarrje.
– Kërkohet që ministrat në krye të 2 vjetëve në detyrë të dalin në riafirmim të postit të tyre vetëm pasi të marrim besimin e komisioneve parlamentare përkatëse dhe të kuvendit. Cdo ministër brenda dy viteve votëbesohet individualisht.
– Asnjë ministër të mos jetë deputet sepse kjo infekton rëndë ndarjen e pushteteve. Madje as kryeministri nuk ka përse të jetë deputet! Aktualisht që prej “shekujsh” kryeministri në fakt drejton me sy e me vetulla edhe punimet e kuvendit!
– Asnjë antar partie në administratë. Kush hyn në administratën publike dorëzon teserën e partisë.
– Asnjë punonjës i administratës publike, si policët dhe oficerëtj, edhe ata, nuk kanë të drejtë të dalin në fushata dhe mitingje elektorale as para puble as pas buke, pra as në orarin zyrtar dhe as pas tij.
– Cdo punonjës i administratës publike duke përfshirë edhe vetë ministrat në rast se kandidojnë në një fushatë elektorale duhet të japin më parë dorëheqjen nga posti që mbajnë!
– Të njihet e drejta e punonjëve të administratës publike për të krijuar dhe marrë pjesë në Unionin profesional të administratës publike si përfaqësuesja kolektive e interesave të punonjësve të kësaj administrate në mbrojtjen e tyre në punë.
– Pasi të bëhet monitorimi dhe matja e proceseve të punës të shfryhet administrata publike së paku në 50% të numrit aktual të punonjësve që vjen për arsye trafiqesh të mirëfillta elektorale.
– Asnjë i afërm i rrethit të parë familjar të një ministri, deputeti, etj., i ngjashëm me ta, nuk mund të punësohet në administratën publike pasi të parët kanë marrë postet përkatëse. Familjariteti po bën kërdinë. Kjo të aplikohet edhe për pronarët e cdo medieje.
– Në asnjë administratë publike nuk mund të punojnë njëkohësisht, burri dhe gruaja, prindërit dhe fëmijët, vëllezër e motra.
– I gjithë dokumentacioni jo sekret shtetëror i cdo administrate publike të vendoset on line dhe të jetë i aksesueshëm nga cdo qytetar i interesuar, sipas parimit të “open source”.
– Cdo moskthim përgjigjeje brenda një afati shumë të shkurtër kohor të përcaktuar me ligj nga ana e një nëpunësi ndaj qytetarit të ndëshkohet me gjoba dhe masa të tjera administrative dhe të shënohet në cv e nëpunësit.
– Rrogat dhe shpërblimet e nëpunësve të administratës të ndahen në dy pjesë, paga fikse dhe paga në funksion të performancës personale vjetore të cdo nëpunësi ose drejtorie.
– Të konceptohet dhe përpilohet karta etike për nëpunësin e administratës publike dhe të shpallet dhe të bëhet e detyrueshme vendosja e saj në cdo zyrë administrate dhe në hyrje të cdo institucioni.
– Asnjë punonjës administrate publike të mos emërohet në detyrë pa pasur notën mesatare mbi 8,5 gjatë diplomimit të tij. Forumet rinore të partive politike janë bërë tramplina punësimi në administratë e të rinjve.
– Cdo administratë të hapi dhe të modernizojë sipas kritereve zyrën e ankimimeve publike dhe kjo të jetë pjesë e komunikimit publik e administratës që tani pothuajse është zhdukur.
– Asnjë titullar nuk ka të drejtë të emërojë një të afërm të tij edhe të shkallës së dytë a të tretë të lidhjes familjare pasi është emëruar në detyrë.
– Askush nuk mund të qendrojë nëpunës sado i ulët në administratë nëse për të ka një vendim dënimi nga gjykata.
– Cdo nëpunës i administratës publike duhet që të ketë tre diploma, atë universitare, të një gjuhe të huaj, si edhe diplomën e shkollës së administratës publike, të një niveli të caktuar, marrë jo më larg sesa tre vjet nga data e emërimit të tij.
– Cdo nëpunës duhet të certifikojë cdo pesë vjet kompetencat e duhura për vendin e tij të punës.
– Cdo shkelje financiare administrative e konstatuar nga kontrolli i lartë i shtetit është në ngarkim të titullarëve të institucionit.
– Kryeministri të detyrohet që cdo shkelje të konstatuar nga kontrolli i lartë i shtetit ta dërgojë edhe ai në Prokurori.
– Të krijohet agjencia qendrore e etikës të administratës publike, e cila survejon dhe vigjëlon për deontologjinë e nëpunësit të administratës publike.
– Të krijohet shërbimi administrativ on line për qytetarët.
– Të gjitha shërbimet e thjeshta administrative që nuk prodhojnë parà të jenë falas për personat fizikë.
– Në cdo administratë, femrat të jenë jo më pak se 50 përqind e numrit të përgjithshëm të nëpunësve.
– Të gjitha ndërtesat e administratës publike të bëhen urgjentisht të aksesueshme për personat me aftësi fizike të kufizuara.
– Në të gjitha mjediset e shërbimeve të administratës publike ose në “open space” të vendosen kamera të monitorueshme.
– Ndalohen marrjet e dhuratave dhe pasuria e cdo punonjësi të administratës publike të monitorohet me detyrimin për t’u justifikuar në cdo cast dhe pas cdo periudhe, në hyrje apo gjate ushtrimit të detyrës.
– Asnjë nëpunës nuk mund të ushtrojë një detyrë nëse ai ose familja e tij janë në konflikt interesi midis të mirës publike dhe interesave private të tij.
– Asnjë nëpunës nuk mund të jetë në detyrë nëse ai ose pjestarë të rrethit të tij të parë familjar ushtrojnë biznese në atë fushë që mbulon administrata përkatëse.
– Punonjësit e administratës në shërbim të qytetarit duhet të jen me uniforma.
– Zyrat e burimeve njerëzore plotësojnë cdo vit cv e nëpunësve duke dhënë vlerësimet përkatëse sipas standarteve përkatëse.
-Vlerësimi vjetor i nëpunësve bëhet me sistem vlerësimi cilësor dhe sasior me notat përkatëse. Pa pasur një nivel të caktuar vlerësuar nga komisioni përkatës, askush nuk mund të ngrihet në detyrë ose në rang.
– Në cdo administratë qendrore krijohen këshillat e vlerësimit të karrierës të nëpunësve të përbëra nga specialistë të jashtëm caktuar nga agjenci të jashtme tekniko-shkencore, nga përfaqësues të personelit si edhe nga pushteti ekzekutiv.
– Asnjë nëpunës i administratës publike nuk mund të rikthehet, pasi ka ikur nga kjo administratë, në po atë nivel dhe rang ku ka qenë, ose më poshtë tij.
– Të vendosen rangjet e nëpunësve të administratës publike.
Cdo nëpunës së pak 10 përqind të ditëve të punës gjatë një viti duhet t’i ketë të planizuara në terren.
– 50 përqind e agjencive apo departamenteve të administratës publike të cvendoset nga Tirana nëpër rrethe në kuadrin e decentralizimit territorial të administratës publike.
-Të hiqen këshilltarët e jashtëm që shpesh janë qoka akorduar militantëve apo beniaminëve personalë.
– Asnjë ministër të mos drejtojë borde ose keshilla brenda administratës që ai drejton politikisht.
– 10 përqind e nëpunësve të jenë me kohë të pjesëshme pune, ardhur nga agjenci dhe institucione teknike ku vazhdojnë pa shkëputje punën e tyre.
– Të krijohet qendra e novacionit të vazhdueshëm administratës publike.
– 10 përqind e investimeve të negociuara nga një administratë të përdoren për inovacionin e saj, për përmirësimin e bazës teknologjike, si edhe për shperblime për punonjësit e saj.
– Asnjë tenderim nuk mund të kryhet sipas vendimeve të administratës, por me praktikat e ankandit publik.
– Të vendosen medaljet e punës në administratën publike dhe të shoqërohen me motivet përkatëse materiale, morale dhe të karrierës.
– Punonjësi civil të pajiset detyrimisht me adresë ëeb dhe të jetë i detyruar t’i përgjigjet kërkesave, pyetjeve dhe vërejtjeve qytetare on line.
– Mosha mesatare e të gjithë punonjësve të administratës publike në cdo agjenci të variojë midis 35 dhe 50 vjeç.
– Asnjë punonjës që nis për të herë të parë një marrëdhënie pune në administratën publike të mos ketë të drejtë ta nisi me një rang më të lartë sesa rangu më i ulët.
– Punonjësi i administratës publike të përfitojë nga shërbimet restoratore dhe të kafenesë në qendrën e tij të punësimit me tarifa të veçanta.
– Punonjësi i administratës publike veç kryeministrit nuk mund të përdori asnjë mjet transporti zyrtar (veturë) jashtë shërbimeve zyrtare që kryhen.
– Punonjësi i administratës publike të ketë të drejtën e përfitimit të shpërblimeve suplementare në varësi të të ardhurave që krijohen në sektorin që mbulon si pasojë e punës së tij.
– Të përcaktohen “gabimet e rënda etike dhe profesionale” në krye të detyrës dhe masat disiplinore që i shoqërojnë ato.
– Punonjësi i administratës publike përfiton bonuese financiare sipas shkallëve të ndryshme për cdo periudhë kohe pune në këtë administratë.
– Punonjësi i administratës publike edhe pas pesë vitesh nga dalja prej pune nga kjo administratë nuk ka të drejtë të punojë në sektorin privat që administrata në fjalë ka mbuluar.
– Punonjësi i administratës publike me kohë pune të plotë nuk ka të drejtë të punojë pas orarit të punës në një biznes që funksionon në sektorin që ajo mbulon./NOA.al
Moderatori Arian Çani ka bërë një deklaratë të fortë në emisionin e tij “Zonë e Lirë”, ku u shpreh se në Shqipëri është future një lloj tjetër kok aine.
Sipas tij, një kilogram nga kjo ko kainë kushton 350 mijë euro, ndërsa shtoi se këtë e përdor e lita, ndërkohë që tha se këtë e ka nga onformacione shumë të sigurta.
“Më tha një burim serioz se është futur një lloj ko kaine totalisht ndryshe nga sa është mësuar bota tani që quhet ko kainë pink ku kilja e saj kushton 350 mijë euro. Nuk e shesin me gramë, më thonë që në Shqipëri e përdorin shumë pak njerëz se thonë që nuk ka efekte negative, madje thonë që është kuruese për disa dro gëra. Personi që ma tha është i huaj, e përdorin elita këtë”, tha Çani.
Kritikat për festivalin e fundvitit dhe kundërshtimet për fituesin janë bërë të zakonshme tashmë pas përfundimit të tij. Disa nga këngëtarët pjesëmarrës akuzojnë organizatorët për mungesë transparence dhe kushte të këqija.
Sipas muzikantit Miron Kotani, organizatorët e festivalit nuk ishin aspak transparentë.
“Ne nuk e morëm vesh kush na zgjodhi që të ishim pjesë e festivalit. Nuk e njihnim jurinë”. Sipas tij një fillim u tha se do të kishte 16 finalistë por më pas në finale shkuan 18 këngë.
Sardi Strugaj deklaroi në një diskutim për “Shqipëria live”, se Mironi dhe disa këngëtarë të tjerë donin të dinin kush ishte juria për ti korruptuar por për këtë reagoi Mironi: “Nuk pyeta për jurinë që të flisja me ta, doja thjesht të dija a ishin gjatë momentit që këndova sepse unë nuk pashë asnjë aty. Kush do të më gjykonte?”
Ndërkohë, “shumë torturuese” e ka konsideruar Klinton Çollaku organizimin e festivalit. Sipas tij realizimi në ambjnte të jashtme dhe në të ftohtë ishte shumë e vështirë. Ai hedh akuza se nuk janë përdorur sa duhet ngrohëse dhe këndimi live ishte sfidues.
Nga ana tjetër, këngëtarja Evi Reçi dhe fituesi i çmimit të dytë, Sardi Strugaj nuk e konsiderojnë të arsyeshme të ngrenë akuza të tilla. “E mira është që festivali u bë, pavarësisht kushteve të vështira organizatorët kanë bërë një punë të madhe. Pavarësisht ftohtit ia dolëm më së miri”– thotë Evi Reçi./noa
Në intervistën e tij në “Opinion”, kryeministri Edi Rama ka prekur edhe raportet me presidentin e vendit Ilir Meta.
I pyetur nga gazetari Blendi Fevziu për ecurinë e çuditshme të këtyre marrëdhënieve, Rama e cilësoi Metën si njeri të dyzuar.
“Iliri është dy në një”, tha Rama, ndërsa kujtoi se si e njihte Metën qenë kohën kur frekuentonte palestrën e shtangës.
Pjesë nga intervista
Fevziu: Si ka qenë raporti juaj me Ilir Metën? Nuk dua një përgjigje nisur nga dominimi i momentit. Jeni dashur shumë, jeni luftuar shumë, jeni njohur para viteve 90…
Rama: Para viteve ‘90 Iliri stërvitej tek palestra e shtangës, tek të rinjtë. Unë shkoja atje se bëja ushtrime force dhe isha shumë i lidhur në atë kohë me Agron Haxhihysenin, Aleksandër Kondon dhe merrja prej tyre ide për programin e forcës. Iliri më kujtohet, ishte në një kënd atje që stërvitej. Por nuk kishim ndonjë njohje më shumë se kaq.
Fevziu: Si mund ta përkufizosh marrëdhënien tuaj shumë të çuditshme me të?
Rama: Iliri është dy në një. Nuk është dy njerëz të ndryshëm në dy periudha të ndryshme historike, por është dy njerëz në një në çdo moment, është njeri shumë i dyzuar. Dhe ajo që unë them duket si figurë letrare, por është fatkeqësisht e vërtetë në këtë rast. Por Iliri është njeri me hënë. Është shumë i pasigurt brenda vetes dhe kjo e bën të paqëndrueshëm, por në thelb nuk kam asnjë gjë me të.
Fevziu: Merreshit vesh?
Rama: O jam marr vesh shkëlqyeshëm, o nuk jam marr vesh fare, nuk kam pas asnjë periudhë kur as jam marr vesh e as nuk jam marr vesh. O jam marr vesh shkëlqyeshëm, o nuk jam marr vesh. Ai është dy veta. Varet se cilin Ilir të bie radha të kesh përballë në atë moment kur ke një çështje për të trajtuar.
Kryeministri Edi Rama e ka cilësuar Lulzim Bashën si një politikan që nuk është lider. Gjatë një interviste në emisionin “Opinion”, Rama tha se Bashës i mungon karakteri i lidershipit që ka pasur ish kryeministri Sali Berisha apo Fatos Nanos.
Sipas tij, Basha është një drejtues pa karakter.
“Nuk është se e kursej. Hiri i së vërtetës e do të thuhet. Mund ta diskutosh gjerë e gjatë karakterin e lidershipit të Saliut, karakterin e lidershipit të Nanos.
Mund të diskutosh jo aq gjerë dhe gjatë se është më e thjeshtë, por gjithsesi mund ta diskutosh karakterin e lidershipit të Ilir Metës, që gjithsesi nuk mund të krahasohet me këta dy të tjerët për nga pikëpamja e kapaciteteve të lidershipit, po ka stof politik. Luzlim Basha nuk është lider.
Nuk ka lidhje me fitoren e zgjedhjeve. Lulzim Basha është një drejtues pa karakter.
Nuk ka karakter, si të them. Kjo tryezë ka karakter, ky abazhur ka karakter, ky mermer këtu ka karakter, ndërkohë që ajo është një lloj paluzeje, që nuk di merr formën, nuk di.
Se ka politikanë që marrin formën e vazos gjithmonë, por nuk janë lider. Nuk ka lider që merr formën e vazos”, tha Rama.
Jozefina Topalli tregoi arsyen që e shtyu pas katër vitesh t’i rikthehet politikës aktive me një parti të re.
“Ajo nuk është më Partia Demokratike, ajo ruan vetëm dy germa, siglën e PD-së. PD është përfaqësim, është parim, është filozofi, është mision. Nuk e gjen.Të gjitha këto janë të tra dhtuara”.
Ish-nënkryetarja e Partisë Demokratike, tani nën drejtimin e një partie të re, “Lëvizja për Ndryshim” , fajëson Lulzim Bashën për gjendjen e opozitës, dhe shprehet se falë tij, Rama ka gjasa të fitojë një mandat tjetër.
“Është presjoni dhe garancia, që Edi Rama ka qenë tetë vite në pushtet, me të cilët ndan shumë gjëra përtej politikes, dhe që është elementi dhe arma, me të cilën Edi Rama do të përpiqet të marrë mandatin tretë. Sondazhet e bëra në Shqipëri flasin për një realitet krejt të ri për atë, që ëndërrojnë tre kryetarët. Është unike në botë. Që të flitet se shqiptarët janë të pakënaqur 70% ndaj opozitës se sa ndaj qeverisë. Unë e jam e bindur se ato nuk e duan këtë qeveri, është e ko rruptuar, mb ytur në sk andale, e paaftë për të qeverisur, e dë shtuar në çdo fushë të vendit, por ato kanë kuptuar “po të kishte pasur opozitë, Edi Rama nuk do ishte sot, ndaj dhe 70% e shqiptarëve janë të pakënaqur nga opozita”, tha Topalli.
Sipas saj, demokratët janë të zhg ënjyer nga opozita gjatë këtyre 8 viteve, dhe partia demokratike e ka hu mbur besimin e shqiptarëve.
“Janë shumë të dës hpëruar. Ato janë zemra e Partisë Demokratike dhe ato janë të tr adhtuar dhe u bënë shumë vite, sigurisht që ato do të reagojnë, do të jenë të parët që do të reagojnë. Ata do shkojnë atje ku ato ndihen të përfaqësuar, me të cilët kanë bërë be tejat, dhe tek ato që nuk ndihen të tradhtuar. Mjaft 8 vjet mashtrim!”, tha ajo.
Topalli shprehet se lëvizja për ndryshim, do të ketë kandidatë në të gjithë territorin.
Ajo do të kërkojë bashkëpunimin edhe të partive të tjera, që janë kundër asaj që Topalli e quan trinomi i kryetarëve.
“Një parti, e cila do jetë në të gjithë territorin e Shqipërisë. Me lisat e saj, por sigurisht në muajt e ardhshëm besoj se edhe me lista të përbashkëta me parti të tjera të reja, që janë kundër tre kryetarëve të korruptuar. Ne po punojmë për listën e emrave. Unë kam një parim “ne nuk kemi luksin për të përjashtuar asnjeri”. Unë jam e hapur për të negociuar me këdo, por me një kusht: që në qëllimin e tyre dhe në punën e tyre të ketë një synim “largimin e Edi Ramës, Ilir Metës dhe Lulzim Bashës”, shtoi Topalli. Më herët mes partisë së saj dhe Bindjes Demokratike, që drejtohet nga Astrit Patozi është arritur një marrëveshje që të futen me lista të përbashkëta në zgjedhje.
Ajo ende nuk e ka vendosur se ku do të kandidojë, ndërsa kandidimi në më shumë se një qark, është një mundësi.
“Unë edhe e mendoj, por nuk kam marrë ndonjë vendim, por edhe mendoj që mund të jem e pranishme në 1, 2 apo 3 qarqe”, u shpreh Topalli.
Si bashkëpunëtore e vjetër e ish kryeministrit Sali Berisha, Topalli shprehet se për krijimin e partisë së re nuk ka folur me të.
“Jo! Kjo nuk është nisma e z. Berisha, kjo është nisma e atyre të cilët besojnë se duhet mbyllur një kapitull i tre dekadave dhe nuk bien dakord me monopolizimin që kryetarët u bëjnë partive të tyre, sistemit politik dhe pasurive të shqiptarëve”, shtoi ajo, duke pretenduar se me këtë lëvizje ka edhe mbështetjen edhe të faktorit ndërkombëtar. /NOA.al
Pandemia Covid-19 mbetet shqetësimi kryesor në të gjithë botën.
Por mesa duket do të mësohemi me të edhe në vitin që po vjen.
Astrologu Jorgo Pulla mes shumë gjërash që janë konfuze aktualisht në botë tha se njerëzimi do të mësohet me shumë fenomene natyrore sikur janë të rmetet.
“Në 2021 do kemi ndryshime madhore në rang global, do dëgjojmë gjëra që nuk i kemi dëgjuar më parë, por kujdes duhet të bëjnë ata që nuk janë të sigurt për diçka. Do mësohemi me tërmetet, me covid-et, do mësohemi me shumë gjëra. Por, në 2021 do dimë çfarë duam”.
Jorgo ishte i ftuar në programin “ABC e Pasdites” me moderatorin Ermal Peçi ku foli pikërisht për këtë gjë.
Ai tha se nuk duhet të ngatërrojmë astrologjinë me pandeminë.
‘Astrologjia nuk jep (konkluzione) për pandeminë. Çdo gjë ka ilaçin e vet, çdo gjë që del ka substancën e vet që e shkatërron”, – tha ai.
/NOA.al
