Moti

Vendi është përfshirë nga një mot me shi dhe i ftohtë. Pritet që në darkë të përkeqësohen kushtet atmosferike duke sjellë reshje të dendura, rrufe e stuhi.

Meteoalb raporton se reshjet e dendura do të përfshijnë zonën e Shkodrës duke nisur nga ora 22:00 e mbrëmjes së sotme me një intensitet më shumë se 30 mm. Stuhia që do të krijohet në zonën e Liqenit të Shkodrës do të zbresë më në jug me kalimin e orëve duke përfshirë Lezhën, Laçin, Rrëshenin, Burrelin dhe Bulqizën duke u shuar gjatë orëve të para të mëngjesit të ditës së enjte.

Ndërsa Shërbimi Meteorologjik Ushtarak bën me dije se nesër, vendi ynë do të vijojë te jetë nën ndikimin e kushteve atmosferike të paqëndrueshme. Moti parashikohet me vranësira mesatare deri të dendura shoqëruar me reshje shiu të cilat deri në orët e para të mëngjesit do të jenë me intensitet deri të lartë. Në periudha afatshkurtra dhe lokalisht në zonën e veriut dhe qendër këto reshje do të jenë në formën e rrebesheve shoqëruar me erë të fortë.

Gradualisht në pjesën e parë të ditës reshjet e shiut do të humbasin intensitet dhe territor, e në orët e pasdites do të ndërpriten në të gjithë vendin.

Era me drejtim juglindje-jugperëndim me shpejtësi mesatare 2-8m/s, e në bregdet dhe zonat luginore ajo bëhet e fortë deri në 12-13m/s. Valëzimi në dete i forcës nga 2 deri në 3 ballë.

Temperaturat parashikohen: në zona malore 3 deri 14°C

në zona e ulëta 8 deri 19°C

në zona bregdetare 12 deri 19°C

Moti i vranët vijon edhe ditën e sotme por pas orëve të mesditës ato humbasin intensitet dhe bëhen të herëpashershme me intensitet të ulët deri mesatar në formë shtrëngatash. Në relievet e larta malore në zonën e Alpeve dhe verilindje reshje dëbore.

Gjithashtu duhet theksuar se pritet edhe erë intensive me drejtim kryesor nga kuadrati i jugut dhe shpejtësi mesatare në tokë 3-9m/s ndërsa përgjatë vijës bregdetare dhe lugina era arrinë shpejtësitë deri në 15-20m/s duke u shoqëruar me dallgëzim të lartë në dete të forcës 4-7 ballë.

Megjithatë duhet marë në konsideratë se këto janë projeksionet e fundit të hartave meteorologjike. Duke qenë se situata është dinamike mund të ketë ndryshime të mëtejshme cka do të meret në analizë në projeksionet e tjera në orët në vijim.

Drejtoria e Përgjithshme Detare njofton se në bazë të parashikimit për situatën hidrometeorologjike moti do të përkeqësohet edhe për nesër 10 dhjetor dhe pasnesër 11 dhjetor.

Era do të jetë me drejtimin Jug-Jug-Lindje dhe Jug Jug-Perëndim në forcën 5-9 bft, me erë të fortë dhe lartësi dallge nga 1.50 deri 3.00 metra. Subjektet që ushtrojnë veprimtari në fushën e detarisë, duhet të marrin të gjitha masat e nevojshme për të parandaluar çdo rrezik të mundshëm.

Njoftim për përkeqësim të motit në Republikën e Shqipërisë:

Drejtoria e Përgjithshme Detare ju njofton se në bazë të parashikimit për situatën hidrometeorologjike moti do të përkeqësohet për datën 09-10-11 dhjetor 2022 duke filluar nga ora 12:00 date 09 dhjetor era do të jetë me drejtimin Jug-Jug-Lindje dhe Jug JugPerëndim në forcën 5-9 bft, 1.00-1.50m dhe shpejtësi 12-25m/s dhe lartësi dallge nga 1.50 deri 3.00 metra.

Subjektet që ushtrojnë veprimtari në fushën e detarisë, duhet të marrin të gjitha masat e nevojshme për të qenë të sigurt dhe parandaluar çdo rrezik të mundshëm për shkak të kushteve të përkeqësuara të motit.

Përmirësimi i situatës meteorologjike të përkeqësuar do të jetë mbas datës 11 dhjetor 2022 ora 12:00.

Java nisi me diell për Shqipërinë, por nuk do të mbarojë kështu. Madje, zona të caktuara të vendit, siç janë Shkodra dhe Lezha rrezikojnë sërish përmbytjet duke nisur nga e shtuna në mbrëmjes dhe e diela për shkak të reshjeve shumë të dendura që pritet të bien aty.

Të dhënat nga Meteoalb dhe stacionet rajonale meteorologjike bëjnë me dije se duke nisur nga e shtuna në mbrëmje deri të dielën, në rajonin e Shkodrës do të bien sasi të mëdha shiu, të cilat përllogariten në më shumë se 30 mm.

Masat ajrore të ftohta do të vijë nga veriu dhe pritet që një stuhi të formohet përreth Podgoricës së Malit të Zi dhe Shkodrës duke shkarkuar sasi të mëdha shiu.

Reshje do të ketë edhe gjatë javës në pjesën qendrore dhe veri-perëndimore të vendit, por do të jenë me një intensitet më të ulët.

Të dhënat nga Meteoalb dhe stacionet rajonale meteorologjike bëjnë me dije se se duke nisur nga e shtuna në mbrëmje deri të dielën, në rajonin e Shkodrës do të bien sasi të mëdha shiu, të cilat përllogariten në më shumë se 30 mm.

Edhe pse java ka nisur me diell për Shqipërinë, por nuk do të mbarojë kështu.
Madje, zona të caktuara të vendit, siç janë Shkodra dhe Lezha rrezikojnë sërish përmbytjet duke nisur nga e shtuna në mbrëmjes dhe e diela për shkak të reshjeve shumë të dendura që pritet të bien aty.