Lajmi i fundit

Babai i 50 vjeçarit i cili vrau kunatin pasi zbuloi se abuzonte seksualisht me të bijën që e kishte nga martesa e parë, shprehet i shqetësuar pasi ka frikë se mos hakmerren dhe i bëjnë keq djalit të tij.

Ngjarja e rëndë ndodhi në Volos në Greqisë më 9 janar 2024. Prindërit e 50 vjeçarit jetojnë në Shqipëri dhe janë të shokuar.

Babai i 50 vjeçarit tregon në një intervistë për Report TV si i biri kishte mësuar për abuzimin seksual dhe kërcënimet që vëllai i nuses bënte ndaj vajzës së mitur.

Si e morët vesh lajmin?

E dëgjuam nga të tjerët dhe nuk e besova, mendova se ka bërë aksident. Kur pyetem mirë e morëm vesh që e ka bërë djali atë (vrasjen).

E keni parë ndonjëhere kunatin?

Po e kemi takuar, e njihnim, por nuk e njihmin për të keq, e dinim njeri të mirë, por paska qenë maskara, të merresh me një fëmijë! I mori paratë çupës (mbesës), që djali ia jepte për qiranë e shtëpisë, se vajza bënte shkollën në Janinë. Djali i çonte para, ai (autori) i kërkonte para çupës, e kërcënonte!

Djali im vajti atje dhe i tha çupës ku i ke parë? Çupa filloi të qante dhe i tregoi se paratë ia kanë marrë ai dhe i tregoi gjithë gjërat që kishin ndodhur…. (përdhunimi). Djali ka 10 vite i martuar me gruan e dytë. Në Shqipëri vinte rrallë se kishte 5 fëmijë për të rritur. Tre vajza nga martesa e parë, djalin nga martesa e dytë dhe një vajzë që e solli me vete gruaja e dytë.

Keni frikë nga hakmarrja?

Po kemi frikë se mund të ndodhë edhe më keq!

Ngjarja e rëndë u bë publike në mediat greke. Siç raportonte ‘Protothema’, autori e kishte vrarë me arme gjahu, të cilën e kishte me leje, vëllain e gruas së tij të dytë dhe më pas ishte dorëzuar vullnetarisht në polici, duke rrëfyer krimin. 50 vjeçari kishte 3 vajza me martesën e parë ndërsa me gruan e dytë kishte një djalë.

Vajza ka dëshmuar se ngacmimet seksuale kishin nisur në moshën 9 vjeçare dhe përdhunimet kanë ndodhur nga mosha 12 deri në 14 vjeç! Kohët e fundit viktima e shantazhonte se do t’i publikonte video dhe foto intime gjatë akteve të tij, duke i kërkuar një shumë parash, pasi ajo kishte filluar punë.

Një 34-vjeçar nga Divjaka u arrestua pasi dyshohet se ka kryer marrëdhënie seksuale me një të mitur, 14 vjeç.

Aranit Arapi 34 vjeç nga fshati kryekuq i Divjakës është ndaluar pasditen e djeshme nga policia. Arapi, ishte martuar në verën e 2023 me të miturën, martesë për të cilën prindërit e vajzës nuk ishin dakord.

Nga ana tjetër, prindërit e 34-vjeçarit thonë se ata nuk e dinin moshën e nuses minorene dhe se e reja ka këmbëngulur të vazhdonte lidhjen për shkak të dashurisë.

Denoncimin në polici e kanë bërë prindërit e vajzës. Pas arrestimit të 34-vjecarit, ajo është larguar nga banesa e burrit dhe po asistohet nga punonjësit social dhe psikologia.

‘Bëmë dasmën me frikë se thamë mos vinin me kallasha, nuk e di andej-këtej’.

34 vjeçari jetonte me një 14 vjeçare nga Rroskoveci prej marsit të vitit të shkuar.

Historia është komplekse pasi prindërit e vajzës nuk kanë dashur që kjo lidhje të vazhdojë.

Kanë qenë prindërit e vajzës dhe që kanë shkuar për t’a marrë dhe vajza nuk ka dashur, por donte të rrinte në shtëpinë e burrit. Sipas prindërve të Arianitit nusja ka jetuar prej 15 marsit dhe dje e kanë marrë policia bashkë me djalin

Bukurie dhe agim Arapi tregojnë historinë e ndaluar të dashurisë për dy të rinjtë me diferencë prej 20 vjetësh, por që sipas tyre jetonin të lumtur, madje dasma është bërë në 29 gusht.

Një 24 vjeçar është gjetur pa shenja jete të mërkurën në Prizren.

Sipas mediave në Kosovë, 24 vjeçari dyshohet se ka kryer vetëvrasje në shtëpinë e tij.

“Policia ka marrë informacion rreth orës 15:00, se në rrugën “Sefedin Laçi” në Prizren, gjendet një person pa shenja jete.

Policia ka dalë menjëherë në vendin e ngjarjes duke marrë të gjitha veprimet konform zbatimit të ligjit.

Në një dhomë të shtëpisë, është gjetur një trup i pajetë dhe afër tij është gjetur një armë AK-47, e cila dyshohet se mund të jetë përdorur në këtë rast”, ka thënë Vesel Gashi, zëdhënës i Policisë rajonale për Prizren.

Jordhan Pelivani, është një djalë shqiptar që jeton e punon në Greqi, por që nuk ka lidhje me ngjarjen, ku një prind shqiptar vrau kunatin Erion Pelivani, se abuzonte prej 9 vitesh me vajzën e tij të mitur.

Shtypi grek e më pas dhe ai shqiptar kanë marrë foton e Jordhan Pelvanit një inxhinier I suksesshëm shqiptar në Greqi dhe e kanë ngatërruar me foton e Erion Pelivanit për shkak të mbiemrit të ngjashëm.

Pas kontaktit me familjen e djalit në fjalë, u bëjmë thirrje dhe mediave të tjera shqiptare ta heqin foton e tij, pasi po denigrohet pa shkak.

Ngatërresa e tmershme e fotografisë së përdhunuesit ErjonKy është Jordhan Pelivani, eshte nje inxhinier i sukseshëm, qytetar model dhe nuk ka lidhje me ngjarjen.

Eshtë gjetur pa shenja jete ditën e sotme brenda banesës së tij në lagjen nr.1 në Pogradec 60-vjeçari .

Sipas informacioneve nga policia 60-vjeçari me inicialet E. P. Dyshohet se ka ndërruar jetë për shkaqe natyrale pasi vuante nga probleme shëndetësore të lidhura me zemrën.

Sakaq, grupi hetimor ka nisur punën për dokumentimin e plotë dhe zbardhjen e rastit.

Sulmohet me breshëri automatiku lokali i një shqiptari në Athinë.

Ngjarja ka ndodhur në orët e para të mëngjesit të sotëm, ku disa persona të paidentfikuar kanë qëlluar me armë zjarri drejt kafenesë së shqiptarit. Fatmirësisht nga plumbat nuk ka asnjë të lënduar veç dëmeve materiale.

Siç raportohet në media, pronari i lokalit ‘Venus’ rezulton shtetasi shqiptar Pëllumb Hasani nga Babica e Vlorës. E paraprakisht dyshohet se bëhet fjalë për larje hesapesh me bandave ose për shantazh.

Nga ana tjetër, mediat greke raportojnë se banorët e zonës janë zgjuar të shqetësuar nga të shtënat e vazhdueshme dhe kanë njoftuar Policinë.

Hetimet vazhdojnë për kapjen e autorëve dhe zbardhjen e shkakut të ngjarjes.

Qëlloi në mesnatë, me armë gjahu, nga ballkoni i banesës së tij, duke rrezikuar jetën e kalimtarëve në rrugë dhe dëmtoi një automjet të parkuar, vihet në pranga 83-vjeçari. Gjatë ndërhyrjes së Policisë, 83-vjeçari kërcënoi me armë zjarri kallashnikov, për t’i vrarë, punonjësit e Policisë. Me ndërhyrjen e specializuar të Forcave Kombëtare të Sigurisë Shkodër, u bë i mundur neutralizimi dhe venia në pranga e 83-vjeçarit.

Në banesën e të arrestuarit, Policia sekuestroi 1 armë zjarri kallashnikov, 1 armë gjahu dhe municion luftarak. Shërbimet e Drejtorisë Vendore të Policisë Shkodër kanë konstatuar në mesnatë, se një shtetas po qëllonte me armë gjahu, nga ballkoni i banesës së tij në një pallat në lagjen “Partizani”, në drejtim të automjeteve të parkuara.

Menjëherë u organizua puna, u bë rrethimi i zonës për të mos kaluar automjete dhe kembësorë, si dhe iu bë thirrje autorit, të mos qëllonte dhe të dorëzohej. Autori nuk iu është bindur thirrjeve të Policisë, por është futur në banesë, ka mbyllur derën dhe ka kërcënuar për vrasje, punonjësit e Policisë, në rast se do të futeshin në banesë. Ndodhur në keto kushte, në ndihmë të Policisë vendore, kanë shkuar Forcat Kombëtare të Sigurisë. Pas ndërhyrjes së specializuar kanë bërë të mundur neutralizimin dhe vënien në pranga të shtetasit F. H., 83 vjeç, banues në Shkodër.

Në vijim të veprimeve, shërbimet e Policisë sekuestruan 1 armë zjarri kallashnikov, 1 armë gjahu dhe municion luftarak. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.