Lajmi i fundit

Nga njerëzit te pasuritë kombëtare, Shqipërisë i del çmimi. Ja sa kushton vendi ynë

Shqipëria duke përfshirë njerëzit, pasuritë natyrore dhe prodhimin kombëtar është çmuar me 153,6 miliardë dollarë prej Bankës Botërore në një vlerësim të fundit për pasuritë e kombeve, sipas të dhënave që i përkasin vitit 2014.

Vlerën më të madhe e ka kapitali human (njerëzit) me rreth 66 miliardë lekë, duke zënë kështu 42 për qind të totalit të vlerës së pasurisë së Shqipërisë.

Më pas për nga vlera vjen prodhimi kombëtar i vendit me rreth 54 miliardë lekë 34 për qind e totali. Ndërsa pasuritë natyrore të vendit tonë ku janë përfshirë pyjet, tokat bujqësore dhe zonat e mbrojtura janë vlerësuar nga Banka Botërore me 38 miliardë dollarë, duke zënë 24 % të totalit të vlerës së Shqipërisë.

Banka Botërore vlerëson se pasuria e kombeve u rrit ndjeshëm midis 1995 dhe 2014 dhe vendet me të ardhura të mesme po arrijnë në vendet me të ardhura të larta në aspektin e pasurisë që zotërojnë .

Vendet më të ardhura të ulta gjatë kësaj periudhe kanë shkuar drejt nivelit të mesëm. Megjithatë, llogaritë e pasurisë globale tregojnë gjithashtu zhvillime shqetësuese. Disa vende me të ardhura të ulëta, veçanërisht në Afrikën Sub-Sahariane, panë një rënie në pasurinë për frymë për shkak se rritja e shpejtë i ka tejkaluar investimet.

Banka Botërore ka gjetur gjithashtu se në 12 vende përqindja e njerëzve që jetojnë në varfëri të skajshme është rritur gjatë dekadës së fundit.

Duke parë këtë prirje shqetësuese përmes treguesve të kontabilitetit të pasurisë, shihet se popullsia në rritje mund të përfitohet nëse ka një sistem arsimor të mirë. Në vendet me të ardhura të larta, llogaritet kapitali njerëzor përbën 70 për qind e pasurisë, ndërsa për vendet me të ardhura të ulëta, kapitali natyror është akoma aseti më i madh.

Nga 24 vendet që kanë mbetur me të ardhura të ulëta që nga viti 1995, 13 janë klasifikuar si shtete të brishta dhe konfliktuale dhe nga këto shumica janë të pasura me burime natyrore. Kjo na ndihmon shih më mirë lidhjet midis varfërisë, brishtësisë dhe qeverisjes.

 

Nga njerëzit te pasuritë kombëtare, Shqipërisë i del çmimi. Ja sa kushton vendi ynë Read More »

Rama jep lajmin e mirë nga Greqia: emigrantët shqiptarë më në fund do kursejnë para për…

Kryeministri Edi Rama ka zgjedhur si urim mengjesi per ndjekesit e tij ne Facebook, nje video informuese per heqjen e vules apostike me Greqine, e cila u kursen shqiptareve miliona.

“MIRËMËNGJES 😃 dhe me këtë video që shpjegon se si heqja e vulës apostile me Greqinë u kursen qytetarëve shqiptarë 6.7 milionë euro në vit nga xhepat e tyre duke i çliruar dhe prej barrës së rëndë të nxjerrjes së 210 mijë letrave çdo vit, ju uroj një ditë të mbarë 👍”- shkruan Rama.

 

Rama jep lajmin e mirë nga Greqia: emigrantët shqiptarë më në fund do kursejnë para për… Read More »

Ja parashikimi i motit : Vendi pushtohet nga…

Prej disa ditësh moti i keq ka përfshirë të gjithë vendin duke shkatuar probleme në disa qarqe. Ndërsa edhe sot dita ka nisur me reshje me intensitet të ulët.

Por, shirat parashikohen të shoqërojnë vendin deri të enjten, teksa temperaturat vijojnë të mbeten në të njëjtat ritme.

Sipas Meteoalb, pritet fuqizim gradual i vranësirave deri pasdite kur shirat fuqizohen në të gjithë vendin; më të dendur shirat do të jenë gjatë mbrëmjes në zonat jugore. Edhe e marta, mbetet kryesisht me vranësira e shira mesatarë deri intensivë, në pjesën më të madhe të vendit.

Temperaturat e ajrit këtë të hënë luhaten nga 2°C mëngjesi në zonat e thella malore deri në 21°C maksimumi gjatë mesditës në jugperëndim të vendit. Dita e martë, sjell rritje të lehtë në mëngjes por rënie me 1 – 2°C, sjell mesdita.

Ja parashikimi i motit : Vendi pushtohet nga… Read More »

Tronditëse ajo që ndodh me të vdekurit, një punonjës funerali sillet si “drejtor nate” në Institutin e Mjekësisë Ligjore

Emisioni investigativ Fiks Fare tregoi sonte sesi një punonjës funerali sillet si “drejtor nate” në Institutin e Mjekësisë Ligjore në Tiranë.

Ai është i punësuar pranë një agjencie funerale, por gjithashtu, autoritetet e Institutit të Mjekësisë Ligjore i kanë lënë çelësat e morgut për të administruar punën nga ora 20:00 e mbrëmjes deri në orën 8 të mëngjesit, kur rikthehet në detyrë personeli.

IML pretendon se ka një kontratë shërbimi me agjencinë funerale, ku është i punësuar ky person, por në asnjë pikë të saj, nuk deklarohet se ai ka të drejtë të marrë viktimat nga ambulancat shtetërore, t’i fusë në morg, apo t’i nxjerrë prej tij, siç konstatohet nga Fiks Fare.

Investigimi i këtij rasti nisi pas një sërë ankesash nga qytetarët e Tiranës, që dërguan fotot e makinave të një agjencie funerale brenda ambienteve të morgut të Tiranës dhe foton e një personi, për të cilin pretendohet se është punonjës i agjencisë funerale, por punon edhe natën në morg.

Pas denoncimit, gazetarët e Fiks Fare shkuan në morgun e Tiranës për të verifikuar rastin, ku u konstatua se punonjësi i denoncuar është Besmir Isufi. Emisioni investigativ konstatoi se ai punon në agjencinë funerale Univers dhe gjatë natës hap dyert e morgut për viktimat që vijnë, qoftë nga agjenci private, por qoftë edhe nga ambulancat shtetërore. Madje, ai është i vetmi person që gjatë natës drejton punët në morgun e Tiranës.

Për këtë arsye, Fiks Fare pyeti edhe Institutin e Mjekësisë ligjore, lidhur me punësimin e tij. IML-ja vuri në dispozicion për Fiksin një kontratë shërbimi me agjencinë funerale “Univers”, ku kjo agjenci ngarkohet të transportojë mbetje kockore dhe kufoma të paidentifikuara nga vendngjarja për në morg sipas kërkesave të prokurorive në rrethe. Por, në asnjë pikë të kontratës nuk deklarohet se punonjësi i kësaj agjencie mund të mbajë çelësat e Mjekësisë Ligjore, të drejtojë punët gjatë natës në morg, duke pritur ambulancat shtetërore me viktima, duke u sjellë si “drejtor nate” pranë Institutit të Mjekësisë Ligjore.

Still0305_00014

Still0305_00013

Still0305_00011

 

Still0305_00009

Still0305_00012

Tronditëse ajo që ndodh me të vdekurit, një punonjës funerali sillet si “drejtor nate” në Institutin e Mjekësisë Ligjore Read More »

Shoferi 180 mln euro-sh! Në shtëpinë e Armandos, rrëqeth babai: Djali më tha ‘më vrit po pata gisht’ unë’

Armando Pezaku është një nga dy të arrestuarit e vetëm për 613 kilogramët kokainë të kapur në Maminas. 25-vjeçarit i ishte dhënë detyra e shoferit të kamionit, ku ndodhej droga me vlerë 180 milionë euro.

Armando kishte disa muaj që punonte si shofer në kompanine “Pelikani” dhe sipas të afërmve të tij paguhej me 25 mijë lekë në muaj.

Shtëpia e 25-vjeçarit në katundin e ri në Durrës, nuk tregon se familja e tij ishte e pasur. Shtëpia njëkatëshe është ndërtuar vitet e fundit. Në shtëpinë e Armandos takojmë babain e tij. Agroni sapo ishte kthyer nga takimi me të birin që ndodhet në burg.

“Sot e takova djalin edhe me tha – “Bab’ nuk kam lidhje me kët’ punë. Më vrit po pata gisht’ un’. Shteti t’më kthejë djalin në shtëpi”, thotë ai mes lotësh.

Por shoferi 25-vjeçar i kamionit me 180 milionë euro kokainë, edhe pse paguhej me 25 mijë lekë në muaj nga kompania ku ishte punësuar, ka pajtuar një avokat të njohur, tarifat e të cilit janë 10-fishi i pagës së vogël të shoferit.

Familjarët e shoferit e kanë një shpjegim. Ata thonë se për shkak të kushteve të vështira ekonomike të familjes se tyre avokatin Petrit Serjani e ka kontraktuar firma “Pelikani Transport”, ku ai punonte prej disa muajsh.

Lidhur me statusin e tij në rrjetet sociale, ku 25-vjeçari prezantohej si “shofer kamioni që u çon miell partizanëve”, familjarët thonë se ajo është një batutë si çdo i ri.

Armando Pezaku nuk rezulton me precedentë penalë, ndërsa disa kohë më parë ai kishte udhëtuar drej Gjermanisë, ku ka kërkuar azil, por pas refuzimit ishte kthyer në shqipëri me dëshirën e tij.

Për sasinë rekord të kokainës me vlerë 180 mln euro, përveç 2 të arretuarve në kërkim vijon të jetë Arbër Çekaj, pronari i firmës që kishte porositur kontenierin me banane nga Kolumbia.

Shoferi 180 mln euro-sh! Në shtëpinë e Armandos, rrëqeth babai: Djali më tha ‘më vrit po pata gisht’ unë’ Read More »

Kriza e emigrantëve/ Greqia nis dëbimin e shqiptarëve të paligjshëm

E gjendur në mes të krizës së emigrantëve, Athina zyrtare duket se ka vendosur të marrë masa të ashpra kundrejt emigrantëve të paligjshëm, sidomos atyre nga Shqipëria.

Në zonën e Janinës janë arrestuar 11 shtetas shqiptarë, si dhe personat që kishin marrë përsipër t’i kalonin në mënyrë të paligjshme në Greqi.

Por sikur të mos mjaftonte kjo, në afërsi të Delvinakit, pranë kufirit me Shqipërinë, patrullat policore kanë ndaluar pas një përndjekjeje një furgon në karrocerinë e të cilit ndodheshin gjashtë shtetas shqiptarë pa dokumente.

Shoferi i furgonit, një shtetas grek 41 vjeçar, e braktisi furgonin, ndërsa gjashtë shtetasit shqiptarë, të moshës nga 25 deri 51 vjeç, do të dërgohen në prokurori.

Megjithatë, një tjetër operacion u zhvillua 40 km nga pika kufitare e Kakavijës, ku u ndalua një automjet të drejtuar nga një 37 vjeçar shqiptar.

Sipas “Faktor,al”, pesë bashkatdhetarët që kishte për pasagjerë, dy meshkuj dhe tre femra, ishin që të gjithë pa dokumente hyrjeje por shoferi kishte ofruar t’i çonte në destinacion kundrejt pagesës.

Kriza e emigrantëve/ Greqia nis dëbimin e shqiptarëve të paligjshëm Read More »

Skandali/ Zbulohet çfarë e lidh pronarin e “Arbri Garden” me Erion Veliajn

Ish-Kryeministri Sali Berisha ka lëshuar një akuza të fortë gjatë fjalimit të tij në Parlament. Berisha u shpreh se pronari i “Arbri Garden”, të cilit i është sekuestruar një sasi rekord kokaine, ka financuar fushatën e Erion Veliajt për Bashkinë e Tiranës.

Gjithashtu, ai tha se xhaxhai i Arbër Cekajt ishte kryetar i PS-së së zonës së Tropojës.

“Kontenieri erdhi në 19. Në datën 24 brenda një ore u ndërrua drejtori i Portit. U zgjodh i tredhuri që zbaton çdo urdhër. Ai ishte shkarkuar si i korruptuar nga Enti i Kontrollit të Ushqimeve. Ai mori detyrën për të hapur këtë kontenier dhe për të vjedhur drogën. Olsi donte drogën. Por menjëherë ndëhynë ndërkombëtarët dhe kërkuan kontenierin. Këta thanë “po presim se mos vijnë bosët”. Bosi ishte në zyra mor, ishte partizani ai Pandeli. Nuk ka njeri në botë që nuk e di që bosët nuk lëvizin, janë në zyra. Aty shkojnë minjtë, nuk shkojnë bosët”, tha Berisha.

Sipas tij “Pronari i Arbri Garden ishte në Shqipëri dhe është larguar një ditë përpara kontrollit të kontenierit. Xhaxhai i tij ka qenë kryetar i PS-së për Tropojën, por ju i shisni. Shkoni pak te Erion Veliaj dhe shihni pak borderotë e fushatës dhe të atij dhe shihni sa para keni marrë prej tij. Taulant Jaupi (i drejtohet Ballës) mbylle gojën. Pasi e panë që u zbuluan, kaluan të parin dhe natyrisht punonjësi i ndërgjegjshëm i doganës bëri detyrën e tij. Ai dihej, nga Livorno kishte ardhur njoftimi. Guardia di Financia e ndjek me trajektore, nga Livorno në Maltë dhe nga Malta në Durrës. Pse e mbajtët të fshehur 9 ditë? Donit ti merrnit drogën?”.

Sasia rekord e kokainës, Berisha nxjerr emrat e pritësve: Ja kush është partizani

Ish-kryeministri Sali Berisha është ndaluar sërish sot në kapjen e sasisë rekord të kokainës në Durrës, nisur që nga Kolumbia.

Ai akuzoi direkt kryeministrin Edi Rama dhe vëllanë e tij, Olsi Ramën, si personat për të cilët ishte adresuar droga.

“U kapën mbi 300 milionë euro drogë së fundi, rreth 200 milionë, 613 kg drogë të ardhur nga Kolumbia për partizanët e partizanit dhe 5 tonë drogë të nisura nga Durrësi dhe të kapura në Itali plus 2 ngarkesa të tjera të mëdha e kapur me Greqinë. Droga e ardhur nga Kolumbia, ishte drogë e adresuar direkt për Olsi Ramën partizanin, e adresuar direkt për klanin e vëllezëve Rama, drogë e cila u shënjua që në nisje nga autoritetet kolumbiane, arriti në portet e Italisë ku u zbërthye dhe erdhi në drejtim të Olsi Ramës me datën 19 shkurt. Pse tregoj me gisht Edin dhe vëllanë e tij Olsi? Nuk e bëj për politikë, por sepse më 28 shkurt në Durrës u përsërit identik Xibraka, në të cilën Olsi dhe Edi ishin njerëzit më kryesorë”- tha Berisha.

Skandali/ Zbulohet çfarë e lidh pronarin e “Arbri Garden” me Erion Veliajn Read More »

Gjëndje alarmante nga hapja e portave të hidrocentralit, nën Shkodra zhytet nën ujë

Situatë alarmante paraqitet në Shkodër, ku si pasojë e hapjes të portave të hidrocentralit në Fierzë janë shkaktuar përmbytje.

Siç shihet nga pamjet që sjell newsbomb.al, sipërfaqet të tëra janë mbuluar nga uji. Më problematike paraqitet situata në zonën e Anës së Malit ku prurjet e shumta të ujit kanë bllokuar rrugën.

Ndërkohë pak minuta më parë në një deklaratë zyrtarë Korporata Energjitike e Shqipërisë sqaroi se situata në Shkodër nuk është krijuar si pasojë e shkarkimeve në Fierzë por për shkak të reshjve të shiut të rëna ditët e fundit.

“Referuar disa pretendimeve të ngritura në media nga funksionarë politik për pëmbytje të disa parcelave në Njësinë Administrative Ana e Malit (fshatrat Oblike, Gorice dhe Obot), KESH sqaron opinionin publik se në këto zona ka patur përmbytje të disa parcelave por ato kanë ndodhur për shkak të reshjeve të dendura të shiut të datës 2 Mars 2018 dhe nuk kanë lidhje me programin e shkarkimeve të kontrolluara nga Korporata. Këto parcela ndodhen në kuota shumë të ulta (thuajse në nivelin e shtratit të lumit Buna) dhe çdoherë që ndodhin reshje të dendura shiu kanalet kulluese bëjnë funksionin e kundërt, marrin ujë nga Buna dhe e shpërndajnë në zonat më të ulta të atyre fushave”, citohetj në njoftimin e KESH

Gjëndje alarmante nga hapja e portave të hidrocentralit, nën Shkodra zhytet nën ujë Read More »