Lajmi i fundit

Marku ”rrëzon” Gashin, Gjykata: Shkarkimi i ligjshëm

Sot në 8 mars, në ditën e gruas, Gjykata Administrative vendosi rrëzimin e padisë së Rovena Gashit ndaj Kryeprokurores së përkohshme Arta Marku.

Gjykata ka vlerësuar se urdhri i Arta Markut për lirimin nga detyra të Rovena Gashit nga drejtore e Marrëdhënieve me Jashtë është i ligjshëm dhe në përputhje me kompetencat e saj.

Avokati i prokurores Gashi, në një prononcim për mediat, u shpreh se gjyqtarët po i shërbejnë në mënyrë të turpshme pushtetit me besimin se do ti shpëtojnë Vettingut.

“Këta gjyqtarë që i shërbejnë pushtetit në këtë formë të turpshme kujtojnë se do të shpëtojnë por askush nuk do ti shpëtojë vettingut. Gjyqtarët kanë nxjerrë tezgat dhe shesin dinjitetin e tyre. Kujtojnë se do të shpëtojnë nga vettingu me këto vendime”,-tha Çlirim Gjata.

Në rreshtat e padisë Rovena Gashi zbulon se lirimi i saj nga detyra është bërë pasi kërkoi ndërprerjen e mandatit për Aqif Rakipin dhe Gledion Rehovicën.

Marku ”rrëzon” Gashin, Gjykata: Shkarkimi i ligjshëm Read More »

8 Marsi. Si uruan Meta, Rama, Basha, Berisha, Kryemadhi dhe Veliaj

Festa 8 Marsit, e cila quhet si Festa e Grave; vajzave, nënave, motrave po festohet sot në Shqipëri. Të gjitha institucionet shtetrore kanë organizuar sot festa në respekt të tyre. Por përveç festave dhe luleve ishin Presidenti i Republikës, Ilir Meta, Kryeministrit Rama, ish-kryeministri Berisha, Lulzim Basha, kryetar i PD-së, Monika Kryemadhi kryetare e LSI dhe kryebashkiaku Erion Veliaj, të cilët kanë uruar në mënyra të ndryshme dhe simbolike festën e 8 MARSIT.

Presidenti Ilir Meta shkruan:“Gëzuar 8 Marsin të gjitha grave, vajzave, nënave dhe motrave, të cilat me shpirtin, dashurinë, sakrificat e përkushtimin e tyre, lartësojnë vlerat më të mira të shoqërisë dhe familjes shqiptare. Sot është dita për të reflektuar se ka ende shumë për të bërë që gratë e vajzat të gëzojnë plotësisht liritë e të drejtat e tyre, të mos diskriminohen e të mos vuajnë dhunën në familje e shoqëri. Fuqizimi i tyre social, ekonomik dhe politik është forcim i familjes shqiptare dhe garancia më e sigurtë për një Shqipëri europiane dhe të begatë”. Ilir Meta poston dhe këtë tufë lulesh në profilin e tij në Facebook.

Ndërsa Kryeministri Edi Rama ka postuar vetëm foto

Lulzim Basha ka mbajtur foton e urimit të djeshëm për mësuesen e tij e cila vlen edhe për sot si 8 Mars. Ai shkruan: Bashkë me nënën time që shërbeu 30 vjet si arsimtare i uroj të gjithë mësueset dhe mësuesit anekënd Shqipërisë

Kurse ish-kryeministri Sali Berisha postoi foton me bashkëshorten e tij, Liri Berisha shoqëruar me këtë urim:

Gezuar festen e 8 Marsit!

Nenava, grave, motrave, vajzave shqiptare me respektin me te madh, mirenjohjen me te thelle ju urojme nga zemra gezuar 8 Marsin! 

Gëzuar 8 marsin nëna, gra, motra dhe vajza të dashura! Qofshi të lumtura e të gëzuara çdo dite të vitit, sepse e meritoni. 

Festoni sot si të doni e mundni, askush nuk mund t’ju gjykojë nëse keni vendosur të shkoni për drekë a darkë, të këndoni a vallëzoni, apo dhe të protestoni. 

Sepse është e drejta juaj të zgjidhni , jo vetëm në 8 mars, por për çdo ditë të vitit çfarë është më e mira për ju dhe familjet tuaja.

Mos u bëni fasadë e politikanëve në një ditë si kjo, por revoltohuni përballë tyre sepse të gjithë duhet të bëjnë më shumë për ju.

Mos u trishtoni nëse bashkëshortët kanë harruar t’ju urojnë sepse janë ata që kanë më shumë nevojë për ju dhe qortimet ndoshta do ti bëjnë të kujtojnë se jeni shtylla e familjes.

Gëzojini urimet e fëmijëve, sepse ata do të bëhen më të mirë falë kujdesit tuaj! Qoftë dita e sotme festë dhe protestë për një jetë më të qetë, të sigurt dhe të lumtur për ju!

Gëzuar dhe ti mami im sot, sado të mundem nuk të falenderoj dot për kujdesin dhe mirësinë që më ke falur, për sakrificat që ende vazhdon të bësh për ne, fëmijët e tu.

8 marsi më kujton që këtë falenderim duhet ta bëj çdo ditë për ty!

Erion Veliaj, kryebashkiaku tiranas shkruan: Pas një qyteti të mirë, qëndrojnë gra të zonja. Njihuni me 365 zonjat e bashkisë të cilat i shërbejnë qytetit 365 ditët e vitit. Ju jam përulësisht mirënjohës!  (dhe ka postuar në profilin e tij në fb të gjitha fotot e tyre)

8 Marsi. Si uruan Meta, Rama, Basha, Berisha, Kryemadhi dhe Veliaj Read More »

Tronditet politika dhe gjyqësori/ 50 ekspertë amerikanë zbarkojnë në Tiranë, priten arrestimet “VIP”

Prej një viti e gjysëm Reforma në Drejtësi po zvarritet nga të gjitha partitë politike. Ndërkohë që rezultatet duhej të shiheshin që në vjeshtën e vitit 2016, ende nuk ka asnjë të dhënë nga vetingu, KLGJ e KLP janë bllokuar dhe bashkë me to dhe SPAK dhe Byroja e Hetimit.

Megjithatë, politikanët, gjyqtarët dhe prokurorët e korruptuar shumë shpejt do të kenë një përballje shumë të fortë me ndërkombëtarët.

Gazeta Sot shkruan se në Tiranë kanë mbërritur rreth 50 ekspertë nga SHBA, të cilët do të japin asistencë në luftën ndaj krimit dhe korrupsionit. Bëhet e ditur se ekspertë që kanë ardhur janë ndarë në disa grupe dhe po japin asistencë për disa prej institucioneve shqiptare.

Mësohet se një ekip me ekspertë është stacionuar pranë grupit “Forca e Ligjit”, i cili do të godasë bandat dhe politikanët e lidhur me to. Ekspertët po u japin asistencë agjentëve tanë për hetimet dhe lëvizjet konkrete gjatë operacioneve. Po ashtu një grup tjetër mësohet se pak ditë më parë ka mbërritur pranë Drejtorisë së Pastrimit të Parave, ku po asistojnë në zbulimin parave të korrupsionit të transferua jashtë vendit dhe të investuar në Shqipëri. Mësohet se një grup tjetër ka nisu trajnimet për Byronë Kombëtare të Hetimit dhe Strukturën e Posaçme Antikorrupsion. Ata qëndrojnë pranë Akademisë së Sigurisë dhe po trajnojnë ekspertë kryesisht në fushat ekonomike, të cilët do të jenë të aftë për të identifikuar emrat e korruptuar. Po ashtu është dhe një grup tjetër që po ndihmon në procesin e vetingut dhe po asiston ONM.

Agjentët janë ekspertë në fusha nga më të ndryshmet, që nga pastrimi i parave, te hetimi, përgjimi, zbulimi i korrupsionit, etj. Mbërritja e tyre në Tiranë tregon se SHBA nuk do të presë më politikën dhe ata do të vihen vetë në lëvizje për të ndëshkuar të korruptuarit. Plani është që brenda vitit të ngrihet Byroja e Hetimit dhe SPAK. SHBA do të sjellë në Tiranë pajisjet më të fundit, të cilat do të përdoren për të shfarosur korrupsionin.

Tronditet politika dhe gjyqësori/ 50 ekspertë amerikanë zbarkojnë në Tiranë, priten arrestimet “VIP” Read More »

Epidemia e frikshme që mund të zhdukë njerëzimin, 300 milionë viktima në dy vjet

Epidemitë janë vrasësi më i keq i njerëzimit, por kryetari i Këshillit Global të Shëndetit, Dr. Jonathan Quick ka dhënë alarmin për një epidemi vrasëse.
Duke folur për “The Sun”, Dr. Jonathan shpjegoi se fjala është për vrasësin viral më të vështirë për t’u kontrolluar, i cili mund të vrasë 33 milionë njerëz në vetëm 200 ditët e para dhe 300 milionë persona në dy vjet.

Parashikimi i zymtë dhe i frikshëm vjen vetëm dy ditë pasi Dr Jonathan Quick, një nga profesionistët më të mirë mjekësor në botë, paralajmëroi se kushtet ishin të duhura për përhapjen e një gripi që mund të “fshinte” miliona njerëz nga planeti.

Të martën ai shkroi:

Një grip i madh po vjen. Një pandemi virusi global që mund të vrasë 33 milionë njerëz në 200 ditët e para. Furnizimi i çrregullt me ushqime dhe me ilaçe, ekonomia globale do të shembet. Fajtori më i mundshëm do të jetë një mutacion i ri dhe pa precedent vdekjeprurës i virusit të influencës.”
Dr. Jonathan Quick shpjegoi se ky mutacion i gripit fillimisht do krijohet tek kafshët, për t’u përhapur më tej tek njerëzit me fuqi marramendëse vdekjeprurëse.

Epidemia e frikshme që mund të zhdukë njerëzimin, 300 milionë viktima në dy vjet Read More »

Edi Rama shtrohet në spital nga overdoza? Por reagimi i tij në facebook e befasoi Berishën

Ish kryeministri Sali Berisha tronditi rrjetet sociale kur me një tjetër denoncim “dixhital” raportoi se kryeministri Edi Rama është shtruar në spital bazuar në një foto ku thotë se duket eskorta e tij në ambientet e një spitali privat.

Por mesa duket gjendja e Ramës është e mirë. Nëse ka qenë apo jo në spital nuk dihet, por kryeministri duket i lumtur pasi sot në mbrëmje ka fituar ekipi për të cilin bën tifo, Juventus.

“Kur beson deri në fund! Natën”, shkruan Rama teksa poston foton e autorit të golit të dytë që i dha fitoren Juventus, Dybala.

Edi Rama shtrohet në spital nga overdoza? Por reagimi i tij në facebook e befasoi Berishën Read More »

Gjykata e Tiranës “noton” në dosje, punohet deri në mesnatë

Reforma në Drejtësi ka bërë që në Gjykatën e Tiranës, numri i dosjeve vetëm në dy muaj të jetë më shumë sesa gjysma e dosjeve të të gjithë vitit 2017.

Ngarkesa lidhet me krijimin e gjyqtarit paraprak. Gjatë vitit 2017, Gjykata e Tiranës shqyrtoi 2.387 dosje. Ndërsa vetëm në dy muajt e parë të 2018-s janë dorëzuar mbi 1.400 kërkesa vetëm për gjyqtarët paraprakë, pa llogaritur çështjet e themelit.

Por çfarë do të thotë kjo në punën e përditshme të gjykatës? Këtë na e tregon gjyqtari Artan Gjermeni.

“Do të ishim të lumtur të gjykonim 7 çështje në ditë, por shkojmë në kufijtë e gati 10 apo 12 çështjeve në ditë, e minimalisht shpallet jo më pak se 7-8 vendime në seancat paraprake”, thotë Artan Gjermeni, gjyqtar.

Si mund të përballohet një ngarkesë e tillë e përditshme dhe gjithnjë në rritje?

“Puna po shkon në kufijtë e një mbingarkese, përveçse në sasi, edhe në kohë. E thënë më thjeshtë, çdo ditë të javës, nëse unë nuk do të vij pasditeve në orën 18 dhe të punoj deri në orën 23, puna do të ishte e papërballueshme”, deklaron më tej Artan Gjermeni.

Më shqetësuese është fakti që një situatë e tillë nuk pritet të përmirësohet të pakën edhe për një vit, e gjyqtari Gjermeni e ka një argument.

“Unë iu informoj se Shkolla e Magjistraturës nuk do të nxjerrë studentë për vitin akademik 2017, për shkak të mosformimit të Këshillit të Lartë të Gjyqësorit dhe Këshillit të Lartë të Prokurorisë”, shpjegon Artan Gjermeni.

E derisa kjo situatë të vijë në kufijtë e normaliteti, gjyqtarët do të vazhdojnë të punojnë me turne, paradite dhe pasdite, për të përballuar sasinë, sepse për cilësi është luks i tepërt për të folur.

[youtube https://www.youtube.com/watch?v=C6MzN5bdY-I]

 

Gjykata e Tiranës “noton” në dosje, punohet deri në mesnatë Read More »

A e keni menduar ndonjëherë sa kushton Shqipëria?! Banka Botërore zbulon shifrën

Shqipëria duke përfshirë njerëzit, pasuritë natyrore dhe prodhimin kombëtar është çmuar me 153,6 miliardë dollarë prej Bankës Botërore në një vlerësim të fundit për pasuritë e kombeve, sipas të dhënave që i përkasin vitit 2014.

Vlerën më të madhe e ka kapitali human (njerëzit) me rreth 66  miliardë lekë, duke zënë kështu 42 për qind të totalit të vlerës së pasurisë së Shqipërisë.

Më pas për nga vlera vjen prodhimi kombëtar i vendit me rreth 54 miliardë lekë 34 për qind e totali. Ndërsa pasuritë natyrore të vendit tonë ku janë përfshirë pyjet, tokat bujqësore dhe zonat e mbrojtura janë vlerësuar nga Banka Botërore me 38 miliardë dollarë,  duke zënë 24 % të totalit të vlerës së Shqipërisë.

Banka Botërore vlerëson se pasuria e kombeve u rrit ndjeshëm midis 1995 dhe 2014 dhe vendet me të ardhura të mesme po arrijnë në vendet me të ardhura të larta në aspektin e pasurisë që zotërojnë .

Vendet më të ardhura të ulta gjatë kësaj periudhe kanë shkuar drejt nivelit të mesëm. Megjithatë, llogaritë e pasurisë globale tregojnë gjithashtu zhvillime shqetësuese. Disa vende me të ardhura të ulëta, veçanërisht në Afrikën Sub-Sahariane, panë një rënie në pasurinë për frymë për shkak se rritja e shpejtë i ka tejkaluar investimet.

Banka Botërore ka gjetur gjithashtu se në 12 vende përqindja e njerëzve që jetojnë në varfëri të skajshme është rritur gjatë dekadës së fundit.

Duke parë këtë prirje shqetësuese përmes treguesve të kontabilitetit të pasurisë, shihet se popullsia në rritje mund të përfitohet nëse ka një sistem arsimor të mirë.  Në vendet me të ardhura të larta, llogaritet kapitali njerëzor përbën 70 për qind e pasurisë, ndërsa për vendet me të ardhura të ulëta, kapitali natyror është akoma aseti më i madh.

Nga 24 vendet që kanë mbetur me  të ardhura të ulëta që nga viti 1995, 13 janë klasifikuar si shtete të brishta dhe konfliktuale dhe nga këto shumica janë të pasura me burime natyrore. Kjo na ndihmon shih më mirë lidhjet midis varfërisë, brishtësisë dhe qeverisjes./monitor

A e keni menduar ndonjëherë sa kushton Shqipëria?! Banka Botërore zbulon shifrën Read More »

Kokaina rekord/ Pronari i kompanisë në Gjermani, policia i shkon për kontroll në shtëpi, por ja çfarë ndodh

Dy të arrestuarit për ngarkesën e 613 kg kokainë, të kapur më 28 shkurt të këtij viti në Maminas, janë marrë në pyetje nga Prokuroria e Krimeve të Rënda.

“Panorama” zbardh një pjesë të dëshmive të menaxherit të firmës “Arbri Garden”, Donaldo Lushaj, dhe të shoferit të kamionit, Armando Pezaku. Lushaj u ka thënë hetuesve se ai nuk ka lidhje me ngarkesën e drogës.

Ai është shprehur se vetëm menaxhon ngarkesat e bananeve që porositen nga Çekaj dhe merret kryesisht me procedurat doganore në Portin e Durrësit. Ai ka thënë se kontenieri ku u gjet droga, ishte dy javë me vonesë, pasi ishte mbajtur më shumë në Portin e Livornos.

Sipas Lushajt, ka qenë një telefonatë nga agjenti doganor në Portin e Durrësit, ajo që e ka alarmuar për kontenierin, ndaj edhe ai është nisur për atje. Lushaj ka treguar se agjenti i tha se kontenieri kishte probleme, por gjithçka u mbyll aty dhe ngarkesa lëvizi në drejtim të Maminasit, ku edhe u kap nga Policia.

“Ngarkesat nuk porositeshin nga unë. Me to merrej pronari, Arbër Çekaj. Ai porosiste ngarkesat që 30 ditë para në Kolumbi, Ekuador dhe vende të tjera të Amerikës Latine. Unë merresha vetëm me procedurat doganore në Portin e Durrësit. Kam që në vitin 2014 që punoj në atë firmë”, ka thënë Lushaj. I pyetur konkretisht për kontenierin e fundit, ku edhe u gjet droga, Lushaj ka thënë se ai ka marrë një telefonatë nga një agjent doganor.

“Më telefonoi një punonjës i Doganës, A.M., i cili më tha se skaneri kishte dhënë sinjale për kontenierin dhe duhet të paraqitesha në Doganë. Shkova menjëherë atje dhe kryem të gjitha procedurat. Unë e dija se kishim pasur probleme edhe në Livorno, ku u vonua ngarkesa, por më pas ishin kryer veprimet dhe nuk ndodhi gjë. Pasi kaloi kontenieri dhe plotësuam dokumentacionin, vazhduam drejt Maminasit, ku edhe na arrestuan”, ka shtuar ai më tej.

Ndërsa shoferi i kamionit, Armando Pezaku, ka thënë se ai nuk ka pasur dijeni për ngarkesën dhe se punon në një shoqëri transporti që është kontraktuar nga “Arbri Garden”. “Unë nuk di asgjë. Kisha vetëm 4 muaj punë. Më morën në telefon eprorët dhe më thanë të merrja ngarkesën në Port”, ka thënë i riu.

LETËRPOROSIA

Pas marrjes së dëshmive të të dy të rinjve, Prokuroria e Krimeve të Rënda ka dërguar një letërporosi për autoritetet në Livorno në lidhje me kontenierin ku u gjet droga. Sipas hetuesve shqiptarë, skaneri ka treguar ndërhyrje në kontenier, çka ka ngritur dyshime për diçka të paligjshme. Më konkretisht, në skaner kanë dalë disa mbushje silikoni në pjesën fundore të kontenierit.

Për të shuar dyshimet, autoritetet shqiptare kanë bërë dorëzim të kontrolluar të ngarkesës, duke arrestuar më pas edhe dy të rinjtë. Në letërporosinë dërguar autoriteteve italiane, Prokuroria e Krimeve të Rënda kërkon të mësojë se çfarë procedurash janë kryer për kontenierin në Portin e Livornos. Kjo pasi, kontenieri ishte i shoqëruar me vulat dhe dokumentacionin përkatës nga autoritetet doganore italiane, se i ishte nënshtruar skanerit atje.

Gjithashtu, ka dyshime se kontenieri mund të mos jetë kontrolluar në Livorno dhe dokumentet mund të jenë falsifikuar. Për të shuar këto dyshime, Prokuroria kërkon përgjigje nga pala italiane. Ka qenë mbushja me silikon, ajo që ka ngritur dyshimet te pala shqiptare për kontenierin. Nuk dihet nëse ajo është kontrolluar më parë nga italianët, por këta të fundit kanë sinjalizuar palën shqiptare për kontenierin e dyshimtë, pa specifikuar nëse në të kishte drogë ose jo.

Për rastin, është shpallur në kërkim edhe administratori i “Arbri Garden”, Arbër Çekaj. Ky i fundit ndodhet në Gjermani dhe ka thënë më parë se do të vijë të përgjigjet për akuzat. Por deri më tani, ai nuk është kthyer ende. Ndërkohë, Policia ka kryer tri ditë më parë kontroll në banesën e tij, pa gjetur asgjë.

Kokaina rekord/ Pronari i kompanisë në Gjermani, policia i shkon për kontroll në shtëpi, por ja çfarë ndodh Read More »