Lajmi i fundit

35-vjeçari nuk ka pritur shërbimet e qarkullimit rrugor, por ka braktisur mjetin

Detaje të reja janë zbardhur në lidhje me aksidentin e ndodhur në aksin rrugor Sarandë-Kardhiq, ku një automjet u gjet i përmbysur.

Policia ka arritur të identifikojë pronarin e makinës, i cili pas aksidentit e kishte braktisur mjetin. Rezulton se ai është një 35-vjeçar rumun, punonjës i shërbimeve të FRONTEX, i cili po udhëtonte me makinën me targa rumune.

Megjithatë, ende nuk dihet se përse pas aksidentit, ai nuk ka pritur shërbimet e qarkullimit rrugor, për kryerjen e veprimeve procedurale, por është larguar.

Njoftimi i policisë:

Ka nisur procedimi në gjendje të lirë, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”, për shtetasin L. D., 35 vjeç, banues në Rumani (punonjës i shërbimeve të FRONTEX, jashtë shërbimit), pasi gjatë orëve të para të mëngjesit të sotëm, në aksin rrugor Gajdar-Shijan, ky shtetas ka humbur kontrollin mbi drejtimin e automjetit dhe si pasojë, automjeti ka dalë nga rruga.

Nga aksidenti janë shkaktuar vetëm dëme materiale. Gjithashtu, 35-vjeçari nuk ka pritur shërbimet e qarkullimit rrugor, për kryerjen e veprimeve procedurale, por është larguar nga vendi i aksidentit.

Materialet procedurale i kaluan prokurorive përkatëse, për veprime të mëtejshme.

Në qendër të Tiranë, pak ditë më parë, një 19-vjeçare u sulmua nga një person i cili tentoi që ta fuste atë në një magazinë pranë biznesit ku punonte për të kryer marrëdhënie seksuale me të. Autori është identifikuar si Marash Gjoklaj, 27-vjeç.

19 vjeçarja ka rrëfyer në “Me Zemër të Hapur”, gjithë çfarë ka ndodhur:Jam studente dhe mbasditeve punoj per te siguruar te ardhurat e mia. Punoj prane nje biznesi ne qender te Tiranes,per te hequr shpenzimet e mia studentore. Familja ime eshte larg dhe une jetoje me motren time. Diten e shtune me date 25 nentor, ate dite isha ne pune si zakonisht, ishte shume ftohte dhe deren e dyqanit e mbaja te mbyllur. Rreth ores 18:00 hyn nje djal, i cili kerkoi ti sherbeja dhe sjellja e tij per nje produkt ne lidhje me te dashuren e tij te cilen e pershkruante per format trupore me fjale jo etike .

Pasi i dhash pergjigjen qe meritonte , pasi sjellja e tij ishte provokuese ai largohet i qete dhe ne ato moment perveç sjelljes nuk e konsiderova si diçka shqetesuese qe duhet te me shqetesonte. Rreth ores 20:10 pasi pa qe pran dyqanit tim largohet roja e biznesit ngjitur, djali hyn perseri ne dyqan dhe ne ato moment une isha prane tavolines se punes, u afrua prane meje duke mu drejtuar me nje fjalor banal, duke kerkuar te kryente mardhenie seksuale me mua. Duke hasur ne kundershtimin tim ai me sulmoi duke me kapur nga floket dhe duke me vene doren te goja. Tentoi te me fuste me force ne magazine e dyqanit, ne keto momente ndodhi perleshja fizike duke tentuar te merrte edhe telefonin qe une te mos kisha mundesi te kerkoja ndihme.

Nuk e di ku gjeta forcen dhe kurajon u terhoqa zvarr dhe dola jashte dyqanit duke bertitur dhe duke kerkuar ndihme, te cilen e gjeta tek nje vajze dhe nje djal qe po kaklonin rastesisht. Agresori ishte brenda dhe kur pa qe po me jepej ndihme u largua me shpejtesi ne nje rrugice shume prane biznesit. Ne oren 20: 18 kam njoftuar sallen operative dhe policia erdhi shume shpejte ne vendngjarje. Aty mbrriti komisariati nr 4 dhe grupi hetimor qe me moren ne pyetje, I cili ne bashkepunim edhe me komisariatin nr 3.

Nga pershkrimi im del qe personi ne fjale dy dite me pare kishte sulmuar nje tjeter shitese ne rrugen e Durresit ne moshen 20 vjeçare dhe e kishte kanosur me thike. Nga kamerat e biznesit tjeter une zbulova qe ishte I njejti person qe me sulmoi edhe mua. Shume shpejt u be e mundur ne bashkepunim edhe me komisariatin e policise se Kamzes, pasi agresori jetonte ne ate zone.

Ai u kap ne banmese ne prani te familjareve te tij dhe nga kontrolli I baneses rezultoi xhupi te cilin e kishte veshur ne te dyja sulmet. Pasi u be perballja ne ambientet e komisariatit nr 4, arrita ta identifikoja, ai u shfaq madje qeshte dhe nderkohe konsumonte uje. Aty mesova se ky person ishte denuar per mardhenie seksuale me te mitura dhe gjykata e kishte liruar me kusht.Une shpresoj qe kete here gjykata edhe institucionet most e bejne te njejten gje, pasi frika ime me e madhe eshte se çfare do te ndodhi me mua apo edhe me shume vajza te tjera te cilat ndihemi te pasigurta ne vendin tone te punes.© SYRI.net

Policia gjermane ka identifikuar trupin e gjetur pak ditë më parë në Kaltenkirchen, i cili rezuton se i përket 27-vjeçarit shqiptar.

Siaps mediave gjermane trupi i 27-vjeçarit u gjet të shtunën në mbrëmje jo shumë larg banjave termale Holstentherme në Kaltenkirchen.

Sipas policisë, ai ka marrë një plagë me armë zjarri, teksa mësohet se nuk kishte vendbanim të përhershëm, por ai ishte i njohur për policinë.

Ndër të tjera, është e paqartë se ku është vrarë saktësisht 27-vjeçari dhe si ka mbërritur trupi në Kaltenkirchen.

Pas informacioneve për një incident në Uetersen (rrethi Pinneberg), policia kriminale e Itzehoe arrestoi të dyshuarin e mitur, një 17-vjeçar shqiptar.

Të dielën, me kërkesë të prokurorit publik, gjykata e qarkut Itzehoe lëshoi ​​një urdhër-arresti ndaj 17-vjeçarit me dyshime të forta për vrasje.

Pak javë më parë, në qendrën e emigrantëve “Brook House”, Britani, një 37-vjeçar shqiptar u vetëvra, i shtyrë edhe nga kushtet e rënduara shëndetësore por edhe dhuna e punonjësve.

Një shqiptar me pseudonimin Agim (nuk do të tregojë emrin e vërtetë) thotë se emigrantët mbahen në të njëjtin vend me kriminelët dhe ambienti ishte si një burg i sigurisë së lartë.

Ai thotë se shpesherë oficerët ushtrojnë dhunë ndaj shqiptarēve duke i trajtuar ata si kriminelë.

“Kam shkuar në atë qendër në orën 23:00, në 9 qershor. Vetëm strukrura e atij vendi është si burg i vërtetë. Duhet të kalosh 4 dyer hekuri. Ka masa të rrepta sigurie sikur ne të ishim kriminelët më të mëdhenj. Nuk mendoj se është normale për një azilantë të trajtohet si kriminel. Dhomën e ndaja me një tjetër. Ushqimi është katastrofë. 13 orë qëndroje në izolim, shpesh përdoret forcë e panevojshme nga oficerët. Kur duhet të depërtohet dikush, vinin 10-15 oficerë, e merrnin me dhunë. Shumica aty ishin shqiptarë. Aty ka pasur edhe kriminelë dhe ne na linin në të njëjtën vend me ta. Jemi trajtuar njësoj si ata”.

Ai tha se gjatë qëndrimit brenda këtij kampi ka parë persona që kanë vrarë veten apo kanë tentuar të vrasin veten. Sipas tij, për shkak të dhunës dhe kushteve të këqija, të gjitha emigrantët përjetojnë depresion, por nuk u ofrohen psikologë.

“Në një vend të atillë ku trajtohesh në mënyrë çnjerëzore, përjeton dhe depresion. Ne u munduam të ndihmonim njëri-tjetrin. Të thoshin se duhet të flasësh me oficerët, ata na i sillnin si psikolog. Por, asnjë nuk kishte trajnim për psikolog. Ka pasur njerëz që mendonin vetëvrasjen, kanë prerë damarët, kanë tentuar të vetëdigjen, kanë tentuar të presin veten në stomak ose gjoks. Aty, sikurse e thashë, kalon në depresion, edhe sikur të jesh njeriu më i lumtur në botë”.

Lajmi për humbjen e jetës së 14-vjeçarit Arjol Dërvishaj pas aksidentit në Bajkaj ka shkatuar dhimbje të madhe për familjen, të afërmit, shokët por edhe për çdo qytetar në Delvinë, Sarandë dhe kudo. Në një publikim në facebook, Maksim Dërvshaj babai i 14-vjeçarit, me dhimbje të madhe i drejtohet Ëngjëllit të tij me këto fjalë:

U prehshe ne paqe
O mbreti babit
O gezimi jone i pare
O dashuri
Babi Mami dhe motra do te te kujtojne per jete o zemer.
Te qofte dheu i lehte o shpirti jone! – shkruan Maksim Dërvishaj.

Vlore, digjet një godinë, e cila në katin e parë shërben si pikë për shitje makinash, ndërsa kati i dytë është banesë. Janë evakuuar banorët, ndërsa zjarrfikësja po punon për shuarjen e flakëve. Sakaq po mundohen edhe për të larguar disa nga automjetet që nuk janë përfshirë ende nga flakët.

Mësohet se në momentin e shpërthimit të flakëve, nuk ka pasur njeri në banesë. Ndërkohë dëmet materiale janë të shumta.