Lajmi i fundit

Arti në zi! Ndërron jetë aktori i njohur Mirush Kabashi. Kabashi ka ndërruar jetë në moshën 75-vjeçare, pasi vuante prej disa kohësh nga një sëmundje. Ndërkohë ai ishte fitues i çmimit Artist i Merituar i Shqipërisë. Ai ka interpretuar mbi 100 personazhe në teatër dhe 20 në filma lëvizës.

Kush ishte Mirush Kabashi

Ai ishte aktor i rreth 100 roleve, në teatër dhe filma. Shpesh ka qenë edhe prezantues i aktiviteteve të shumta artistike. Gjithashtu, Kabashi është cilësuar si një nga interpretuesit më të mëdhenj të poezisë në Shqipëri. Ai ka dhënë një kontribut të madh në filmografinë shqiptare. Një pjesë të jetës së tij Kabashi ia ka kushtuar edhe teatrit me rolet e tij të larmishme, ku ndër to më i veçanti ka mbetur ai i Sokratit tek “Apollogjia e fundit e Sokratit”.

Mirush Kabashi lindi më 17 prill 1948 në Shkodër dhe është rritur në Durrës. Origjina e tij është nga Gjakova. Me 1970 u diplomua për Aktrim në Institutin e Lartë të Arteve në Tirane dhe filloi punë në teatrin “Aleksandër Moisiu” të Durrësit. Aty, vazhdoi deri në vitin 1994, duke pasur edhe rolin e drejtorit, 1991-1993. Më pas punoi në Televizionin Shqiptar, në departamentin e Programeve Artistike si ideator dhe prezantues, kurse nga 2002 e ne vijim në Teatrin Kombëtar. Nga viti 1985, me periudha te ndërprera, është aktivizuar si pedagog i “Mjeshtërisë së Aktorit” pranë Akademisë së Arteve. Ai është aktor i rreth 100 roleve, në teatër dhe filma. Shpesh ka qenë edhe prezantues i aktiviteteve të shumta artistike. Gjithashtu, Kabashi është cilësuar si një nga interpretuesit më të mëdhenj të poezisë në Shqipëri. Ai ka dhënë një kontribut të madh në filmografinë shqiptare.

Çmimet

Ne festivalin Kombëtar të teatrove profesioniste 1989 Kabashi u shpall “Aktori me i mire” me rolin e Sadush Nezirit te komedia Hija e tjetrit e Ruzhdi Pulahes. Po me këtë rol, në Festivalin Teatror Ballkanik të zhvilluar në Korinth të Greqisë, u vlerësua si nder aktorët më të mirë. Ne vitin 2002 fitoi çmimin e “Aktorit më të mirë” si protagonist në Festivalin e Aktrimit “Apollon 2002” me rolin e Nokës në komedinë “Sa mirë bëri që vdiq” e Ilir Bezhanit.

Më 1997 në edicionin e nëntë të Festivalit Eksperimental të teatrit të organizuar në Kajro të Egjiptit, Mirush Kabashi është vlerësuar me “Sfinksin e artë” si interpretuesi më i suksesshëm mes njëmijë aktorëve pjesëmarrës nga dyzetegjashtë vende të botës. Mirush Kabashi, i cili në fund të vitit 2014 u nderua me titullin e lartë “Nderi i Kombit”, më parë kishte titujt “Artist i Merituar” dhe “Mjeshtër i Madh i Punës”.

Një 43-vjeçar shqiptar ka ndërruar jetë në Itali, mbrëmjen e djeshme, pasi nuk ka mundur t’i mbijetojë plagëve të marra nga një aksident automobilistik të ndodhur më 2 dhjetor, në autostradën A20 në zonën e Acquedolcit.

Lajmi është dhënë nga Poliklinika e Mesinës, ku 43-vjeçari iu nënshtrua një operacioni kirurgjikal, ku iu pre këmba, për shkak të plagëve të parikuperueshme që ishte marrë në gjymtyrët e poshtëm.

Punëtori shqiptar, 43 vjeç, ishte pasagjer në një furgon, që po drejtohej nga një sipërmarrës nga zona e Nebroidit, teksa po ktheheshin në shtëpi.

Furgoni është përplasur me një kamionçinë buzë të rrugës.

Kamionçina, që i përket një kompanie nga Agrigento, dyshohet se kishte ndaluar për shkak të një avarie.

Pas aksidentit, 43-vjeçari është transportuar me urgjencë në Poliklinikën e Mesinës me një helikopter, ku i është nënshtruar një operacioni që zgjati gjatë natës e së shtunës dhe orëve të para të së dielës, por nuk mbijetoi plagëve.

Shkaqet e aksidentit janë ende të paqarta, ndërsa drejtuesit e dy mjeteve të përfshira, furgonit dhe kamionçinës, kanë pësuar lëndime të lehta

Agjencia e Mbikëqyrjes Policore (Rajoni Fier – Berat) ka ekzekutuar vendimin e Gjykatës së Shkallës së Parë të Juridiksionit të Përgjithshëm Fier, e cila ka caktuar masën shtrënguese “Ndalim për të dalë jashtë shtetit” dhe masën ndaluese “Pezullim i ushtrimit të një detyre a shërbimi publik” për Nënkomisar Taulant Ismailaj, me detyrë Specialist i Seksionit të Luftës Kundër Narkotikëve në DVP Fier, i dyshuar për veprat penale “Shpërdorim detyre” dhe “Korrupsion pasiv i personave që ushtrojnë funksione publike”.

Nga hetimet rezulton se Nënkomisari ka kryer veprimtari kriminale në dëm të interesave të shtetit. Ai dyshohet se ka favorizuar shpërndarës të lëndëve narkotike duke mos i arrestuar, në rastet e flagrancës nga Policia e Shtetit.

AMP mbetet e përkushtuar në misionin për garantimin e zbatimit të ligjit, vetëpastrimin e Policisë, e fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, Gardës së Republikës apo Shërbimit për Mbrojtjen nga Zjarri dhe për Shpëtimin, duke telefonuar falas në numrin 08009090.

Një aksident tragjik ka ndodhur nëItali, ku 31-vjeçare shqiptare është përplasur për vdekje nga një makinë tip fuoristradë .

Ngjarja ka ndodhur mbrëmjes e së shtunës në Rimini, ku e reja identiteti i së cilës nuk bëhet i dihet ende, ka qenë në shoqërinë e një 21-vjecare me origjinë indiane dhe të dyja duke ecur anash në rrugë janë përplasur nga makina.

31-vjeçarja shqiptarja ka ndërruar jetë në vend ndërkohë e reja indiane ndodhet në spital në gjendje të rëndë por jashtë rrezikut për jetën.

Policia italiane ka arrestuar drejtuesin e mjetit i cili gjatë deklaratës së tij ka thënë se nuk i ka parë. Sipas mediave italiane ai është rreth 60 vjeç dhe ishte duke shoqëruar një të afërm në spital.

Një aksident i tmerrshëm ka ndodhur mesditën e 1 Dhjetorit në Podgoricë, Mal të Zi.

Sipas mediave malazeze, Anton Frani Gjelaj 36-vjeç dhe i biri Kristiani 6-vjeç kanë humbur jetën pasi makina “Golf 4” me të cilën po udhëtonin ka rënë nga Ura e Shtrembër në lumin Moraça.

Një ekip zhytjeje u angazhua për të nxjerrë trupat e viktimave nga lumi.

Sipas të dhënave të para nga policia dhe në bazë të dëshmive të dëshmitarëve të tragjedisë, me shumë gjasa bëhet fjalë për vetëvrasje. Sipas deklaratave të dëshmitarëve, shoferi i “Golfit” është ngjitur ngadalë në trotuar me makinën e tij dhe më pas papritur ka përplasur mjetin dhe ka rënë në Moraça.

Policia ndaloi një dëshmitar i cili dyshohet se pa shoferin duke u ngjitur në trotuar me makinën e tij.

Anila është një nënë e cila ka sjellë në “Shihemi në Gjyq” djalin e saj, Andin. Vendimi i vështirë për t’u përballur me të birin në seancën e ndërmjetësimit të programit “E Diela Shqiptare” në Tv Klan vjen prej një vendimi të Andit për t’u martuar me një vajzë që e ka njohur në rrjetet sociale.

Njohja ndodhi në Instagram dhe brenda 10 muajve, ka ndodhur edhe celebrimi. Përveçse nuk është dakord me formën e njohjes, Anila tregon se prezantimi me familjen e vajzës i ka shkaktuar një pakënaqësi të madhe.

Andi: Unë kam njohur një vajzë në rrjetet sociale, në Instagram.

Eni Çobani: Që quhet?

Andi: Që quhet Armela Musta, ndërsa sot ka akoma mbiemrin tim, Gjoka.

Eni Çobani: Je martuar ti me të?

Andi: Po, kemi folur, kemi bërë celebrimet, jemi martuar dhe historia ka nisur, për gati 10 muaj kemi folur…

Anila: Pikërisht për këtë celebrim të nxituar që ti bëre djalë i dashur dhe unë jam sot në këtë gjendje se të kam thënë që në fillim Andi, të lutem”…

Eni Çobani: Si, je martuar ti me këtë, menjëherë?

Andi: Po.

Eni Çobani: Si, u njohe dhe u martove ti, direkt?

Andi: Po. Jo direkt.

Anila: Nuk na dëgjoi zonja Eni, se ne i thamë, nuk na dëgjoi dhe ai arriti këtu ku është sot! Nuk na dëgjoi.

Ardit Gjebrea: Ti u njohe me të në Instagram, u dashurove…

Andi: Po.

Ardit Gjebrea: U dashurua dhe ajo, erdhe…

Andi: Po, i kam marrë prindërit, i kam sjellë në Shqipëri për të ardhur për të vajtur për ta kërkuar këtë vajzën.

Ardit Gjebrea: Zyrtarisht.

Andi: Zyrtarisht, në familjen e saj. Në momentin kur ia kam prezantuar familjes time familjen e vajzës nuk kanë qenë dakord.

Anila: Nuk kanë qenë dakord zoti Ardit se familja e vajzës, i ati kishte hyrë në burg për mbjellje narkotikësh. E ëma shtinte filxhan nëpër shtëpi, unë nuk jam e kësaj kategorie. I ati quhet Astrit dhe hyn brenda në shtëpi për të kërkuar dorën e vajzës dhe ai thotë që unë kam patur një dashnore në Lin, të më falin dhe unë këtu shtangem. Unë tani isha që nuk doja që të bëhej kjo gjë, për hir të dashurisë unë… kur me këtë fjalë unë jam zhgënjyer totalisht dhe djali im nuk më dëgjon.

Andi: Po ç’rëndësi ka çfarë ka bërë i ati?

Anila: Nuk më dëgjove bir i mamit! Vajza rrjedh nga një familje!/tvklan.al