Leonard Farruku u gjet pa ndjenja në bordin e anijes së akomodimit të azilkërkuesve
Detaje të reja janë zbardhur në lidhje me vdekjen e shqiptarit Leonard Farruku, në kampin e emigrantëve në Britaninë e Madhe.
Mediat vendase raportojnë se hetimet kanë zbuluar se shkak i vdekjes së të riut shqiptar ka qenë ushtrimit i një force shtypëse në fyt, që mendohet se ka ardhur nga një litar i lidhur në bordin e anijes.
Parparaksisht, autoritetet e kanë cilësuar si vetëvrasje, duke rëzuar pistën se ai mund të jetë vrarë nga persona të tjerë që ndodheshin në bordin e anijës, së shndërruar në strehë për emigrantët e paligjshëm.
Leonard Farruku u gjet pa ndjenja në bordin e anijes së akomodimit të azilkërkuesve, në Portland Port në Dorset më 12 dhjetor. Trupi i tij u identifikua zyrtarisht nga kushëriri i tij, Maranglen Farruku në morgun e Holly Tree Lodge në Bournemouth.
Unioni Turistik Shqiptar nga Ministria e Turizmit jep çmimet për vitin 2023
Në mbrëmjen gala organizuar nga Unioni Turistik Shqiptar dhe Ministria e Turizmit, Wizz Air u vlerësua me çmimin si “Linja Ajrore më e mirë me kosto të ulët në Shqipëri” gjatë vitit 2023.
Ky çmim u akordua për profesionalizmin, ofrimin e shërbimeve me kosto të ulët dhe kontributin në rritjen e numrit të turistëve që vizituan Shqipërinë gjatë këtij viti.
Wizz Air është kompania ajrore që udhëheq tregun shqiptar dhe linja më e qëndrueshme mjedisore në nivel botëror. Kompania ndihet mirënjohëse dhe krenare që ka qenë një kontribues kyç në bumin e papritur të turizmit në Shqipëri gjatë viteve të fundit. Angazhimi i Wizz Air për të ofruar një gamë të gjerë destinacionesh që lidhin Shqipërinë me vende të tjera të botës, si dhe shërbimi i cilësisë më të mirë në fluturime me çmime të përballueshme, kanë luajtur një rol kyç në tërheqjen e numrit të madh të turistëve drejt Shqipërisë.
Shërbimet me kosto të ulët të Wizz Air, jo vetëm që kanë mundësuar të gjithë qytetarët të kenë mundësinë të fluturojnë, por gjithashtu kanë ndikuar në nxitjen e ekonomisë së shtetit shqiptar. Kontributi i kompanisë nuk përfshin vetëm vendet direkte të punës, pasi aktualisht Wizz Air punëson rreth 500 anëtarë të ekuipazhit në Tiranë, duke krijuar kështu rreth 7000 vende pune indirekte në industrinë shqiptare të aviacionit dhe hotelerisë. Ndikimi pozitiv i Wizz Air në ekonominë shqiptare do të jetë akoma edhe më i lartë pas njoftimit të kompanisë për zgjerimin e saj në vend. Gjatë verës së vitit 2024, Wizz Air do të shtojë avionin e 13-të, në bazën e Aeroportit Ndërkombëtar të Tiranës, pjesë e strategjisë që tregon një rritje të vazhdueshme dhe angazhim në rajon.
“Jemi jashtëzakonisht shumë të lumtur dhe krenarë që jemi vlerësuar me çmimin si Linja Ajrore me kosto të ulët më e Mirë në Shqipëri nga Albanian Tourism Awards. Që kur nisëm të operojmë në Shqipëri në vitin 2017 dhe vendosëm një bazë këtu në 2020, ne kemi hapur mundësitë që lidhin Shqipërinë drejtpërdrejt me shumë qytete në Europë si dhe në Lindjen e Mesme, duke sjellë turistët për të eksploruar bukuritë e paprekura të natyrës shqiptare, por në të njëjtën kohë edhe duke ofuar mundësi fluturimi për komunitetin e madh shqiptar që jeton jashtë vendit.
Gjatë këtyre viteve ne kemi transportuar mbi 9 milionë pasagjerë nga dhe drejt Shqipërisë. Tani ne jemi të fokusuar tek rritja e vazhdueshme në vend, duke vazhduar investimet ne eknonominë lokale, krijimin e vendeve të reja të punës, si dhe duke u ofruar pasagjerëve gjithnjë e më shumë mundësi të reja fluturimi me çmime shumë të ulta, duke filluar nga vetëm 14.99 euro”, – tha Yvonne Moynihan, Zyrtare e Korporatës dhe oficere e ESG në Wizz Air.
Suksesi i Wizz Air vjen si pasojë e rrjetit të gjerë që ka ndërtuar në Shqipëri në vetëm tre vjet, duke fluturuar drejt më shumë se 50 destinacioneve në 16 shtete të ndryshme, ndër të cilat 30 prej tyre janë linja unike nga Tirana. Angazhimi i kompanisë ndaj profesionalizmit është i dukshëm në shërbimet e saj, duke vendosur një standard ekselence në këtë industri. Në nëntor 2023, Wizz Air ka arritur rezultatet më të larta krahasuar me të gjithë linjat e tjera ajrore në Europë për sa i përket realizimit të fluturimeve të planifikuar. Kompania gjithashtu ka fituar medaljen e argjendtë për operimin e këtyre fluturimeve në kohën e nisjes.
Wizz Air është vlerësuar kohët e fundit edhe nga CAPA (Qendra e Aviacionit) për angazhimin e palëkundur, përsa i përket ndërgjegjshmërisë mjedisore. Me një nga flotat më të reja të avionëve në botë, Wizz Air gjithashtu prodhon intensitetin më të ulët të karbonit, krahasuar me konkuretët e tjerë. Duke pasur gjithmonë një fokus të madh tek qëndrueshmëria mjedisore, linja ajrore ka investuar në teknologjinë më të fundit të aviacionit, siç është Airbus A321neo, që ndihmon me një reduktim prej 20% të emetimeve të CO2 si dhe një ulje prej 50% të emetimeve të oksidit të azotit dhe zhurmës së krijuar nga avioni.
Rreth Wizz Air:
Wizz Air, linja ajrore ultra-ekonomike me zgjerimin më të shpejtë në Europë, operon një flotë prej 194 avionësh Airbus A320 dhe A321. Një skuadër e përbërë nga profesionistë të aviacionit ofron shërbim cilësor me çmime shumë të ulëta, duke e bërë Wizz Air zgjedhjen e preferuar të 59.5 milionë pasagjerëve gjatë periudhës dhjetor 2022 – nëntor 2023. Wizz Air është e listuar në Bursën e Londrës nën simbolin Wizz.
Linja ajrore u emërua së fundmi si një nga dhjetë linjat më të sigurta në botë nga airlineratings.com, agjencia e vetme në botë për vlerësimin e sigurisë dhe produktit ajror. Wizz Air gjithashtu u shpall Linja Ajrore e Vitit nga “Air Transport Aëards” në vitin 2019 dhe në vitin 2023. Ajo u njoh gjithashtu si “Linja më e Qëndrueshme Ultra-Ekonomike Ajrore në ndarjen e çmimeve nga ëorld Finance Sustainability në vitet 2021-2023. Wizz Air ka marrë çmime të tjera, duke përfshirë “Grupi i Linjave Ajrore të Vitit për Qëndrueshmërinë Globale Mjedisore” nga CAPA-Centre for Aviation Aëards for Excellence 2022 dhe “Linja Ajrore me kosto më të ulët në Europë 2023, nga ëorld Travel Aëards.
Dhëmbët e qumështit luajnë një rol simbolik në rritjen e fëmijës. Një herë e një kohë ato hidheshin mbi çatitë e shtëpive përdhese dhe fëmijëve u thuhej se i merrnin dallëndyshet.
Ndërsa sot, në kohët moderne, i merr zana. Disa prej prindërve zgjedhin t’i ruajnë këto dhëmbë si një kujtim i bukur i fëmijërisë së të vegjëlve të tyre.
Por tjetër gjë thotë mjekësia. Një studim 15-vjeçar i këshillon prindërit që t’i ruajnë dhëmbët e qumështit të fëmijëve të tyre, sepse ato përmbajnë qelizat burimore. Ruajtja e tyre mund të mbështesë në të ardhmen, në rast të ndonjë sëmundjeje të rëndë.
Ishte Dr. Songtao Shi, një studiues në Institutin Kombëtar të Kërkimeve Dentare dhe Craniofacial (NIDCR) në Bethesda, Maryland, i cili kish treguar praninë e të njëjtave në brumin dentar të dhëmbëve të vajzës së tij.
Dhëmbët e qumështit, janë të çmuar
Në vjeshtën e vitit që pasoi, profesori nuk e gjeti veten të papërgatitur dhe mblodhi materialin që i nevojitej për të thelluar kërkimet e tij. Ai zbuloi se nga çdo dhëmb qumështi mund të merret një maksimum prej 12 qelizash burimore, të cilat rriten në një koloni për t’i bërë ato të përhapen.
Qelizat burimore të gjetura në brumin e dhëmbëve të qumështit janë në gjendje të riprodhohen më shumë dhe më shpejt se ato të dhëmbëve të tjerë. Sot është e mundur që ato të ruhen në struktura të veçanta. Ato vendosen në izolim kriogjenik derisa të jenë të nevojshme, për t’iu kundërvënë ndoshta sindromave serioze siç janë: diabeti i tipit 1, Parkinsoni, Alzheimeri, distrofia muskulare, skleroza e shumëfishtë, tumoret, lezionet nervore etj.
Glenn Simmons, është 71-vjeçari që u shpall i pafajshëm nga Gjykata në shtetin amerikan të Oklahomas, pasi kaloi gati gjysmë shekulli pas hekurave, për një krim që nuk e kishte kryer.
Ai është personi që kaloi kohën më të gjatë në burg, përpara se të shfajësohej në historinë e SHBA, sipas Regjistrit Kombëtar të Shfajësimeve.
Ai dhe një burrë tjetër, Don Roberts, u dënuan me vdekje në 1975 për vrasjen e një punonjësi 30-vjeçar gjatë një grabitjeje në Edmond.
Më pas dënimi i tyre u ndryshua në burgim të përjetshëm.
Dënimi i dy burrave u bazua në dëshminë e një klienteje adoleshente, e cila u qëllua me plumb në kokë gjatë grabitjes, por mbijetoi.
Adoleshentja i identifikoi ata mes të dyshuarve të tjerë të paraqitur nga policia, por një hetim i mëpasshëm vuri në dyshim besueshmërinë e identifikimit.
Gjatë gjyqit fillestar, të pandehurit dëshmuan se nuk ishin as në Oklahoma ditën e vrasjes. Simmons u lirua nga burgu në korrik pas 48 vitesh, një muaji e 18 ditësh burg.
Ai u shpall i pafajshëm të martën nga një juri në Oklahoma, e cila e rrëzoi dënimin e tij.
Rreth 10 ditë nga nata e ndërrimit të viteve, gjeli i detit konsiderohet i “paarritshëm” për shumë familje në Elbasan. Aktualisht një kg peshë e gjallë tregtohet 1000-1200 lekë. Përballë çmimeve në rritje kjo është panorama që ofron tregu i shpendëve në Elbasan. Fermerë e blerës janë të paktë në numër.
Edhe fermerët e gjelave ndjehen keq për fuqinë e ulët blerëse në treg, pasi kanë bërë shpenzime të shumta për rritjen e tyre. Ata thonë për gazetaren e Faxnews Entela Duka se qytetarët vijnë pyesin dhe shumicën e rasteve largohen pa blerë asgjë.
Me shumë mundësi këtë fundviti, gjeli i detit do të mungojë në tryezat festive të shumë familjeve elbasanase. Çmimet e larta, kriza ekonomike dhe të ardhurat e pakta e bëjnë të vështirë blerjen e tij.
Çmimi i gjelit të detit është rritur ndjeshëm në krahasim me një vit më parë, kur blihej 700-800 lekë/kg peshë e gjallë. Nuk janë vetëm pensionistët që e kanë të pamundur blerjen e tij.
“Zonja Presidente, luajta, humba”! 50-vjeçari nga Vlora, Eridan Munoz Guerrero (ka mbiemrin e gruas së tij kolumbiane) ka rrëfyer të hënën përfshirjen e tij në transportin e kokainës nëpër Evropë në hapjen në Bruksel të një megagjyqi për 124 trafikantë të dyshuar.
Ai pranoi se merrej me transportin e kokainës, por pretendoi se e kishte bërë kryesisht për të shlyer borxhet dhe për të siguruar jetesën. Sipas tij, trafikimi i tij nuk ka arritur në shkallën e pretenduar nga prokurori federal.
“Unë marr përgjegjësinë për atë që kam bërë, konfirmoj të gjitha deklaratat e mia në polici”, tha Eridan Munoz Guerrero para gjykatës penale, i veshur me një xhaketë me kapuç dhe duke tërhequr flokët pas.I arrestuar në tetor 2021 nga policia belge, ai përdori të paktën katër pseudonime për të komunikuar në mesazhet telefonike të koduara “Sky ECC”, sipas hetimit. Ai është një nga dhjetëra burrat e shënjestruar si “udhëheqës” të dyshuar të jetë një organizatë kriminale, të hetuar kryesisht në deshifrimin e shërbimeve të mesazheve “Encrochat” dhe “Sky ECC”.
I pari që u thirr në tribunë, Eridan Munoz Guerrero shpjegoi se kishte marrë me qira makina të mëdha dhe i kishte drejtuar shoferët të transportonin kokainën, të përpunuar në laboratorë në Belgjikë përpara se të dërgohej në Itali, Gjermani ose Suedi.
“Kam marrë urdhra transporti dhe më pas kam kërkuar shoferë për t’i kryer. Më pas shoferi më mbajti të informuar për rrugën që po bënte dhe unë, nga ana tjetër, informova pronarët e drogës. Kur u largua, shoferi nuk mori kurrë adresën e saktë, por vetëm vendin ku duhej të shkonte. Adresa iu komunikua kur mbërriti në vend. Në rrugën e kthimit, ai i solli paratë”.
DYSHIMI PËR RRËMBIM
Në proces, prokuroria njoftoi se i dyshuari do të ishte përfshirë edhe në rrëmbimin e një shoferi që transportonte lëndë narkotike dhe do t’i kishte vjedhur ngarkesën.
“Kjo histori është ndryshe”, argumentoi i pandehuri. “Ky shofer më tha se ai mund të siguronte transportin. Disa ditë më vonë më mori në telefon për të më thënë se makina me drogën që duhej të transportonte ishte vjedhur. Isha në Shqipëri dhe më thirrën të sqarohesha, por edhe më torturuan nga krerët shqiptarë. Kështu që unë premtova se do t’i ktheja paratë, por e bëra të qartë se nuk isha përgjegjës për këtë vjedhje.”
Shoferi në fjalë do të kishte pasur një mundësi tjetër për të siguruar transportin nga Roterdami.
“Atje, ai u afrua menjëherë nga klientët shqiptarë dhe pranoi se ua kishte shitur këtë makinë njerëzve në Paris për 45 mijë euro. Më pas kam vepruar si garant që të mos i ndodhte asgjë serioze dhe ai rimbursoi një pjesë të parave.” “Unë konfirmoj se kam udhëhequr një grup”, tha ai në frëngjishte të qartë.
Por “janë njëqind njerëz këtu që unë as nuk i njoh. Do të shohim nëse të tjerët marrin përgjegjësitë e tyre apo jo” tha ai. Përveç kësaj, sipas prokurorëve federalë, bisedat në “Sky ECC” tregojnë se i pandehuri ishte në kontakt me kriminelët meksikanë që kontrollonin portin kolumbian të Turbo. Ata mund ta furnizonin drejtpërdrejt me sasi të mëdha droge.
“Nuk është e vërtetë, është një blof”, tha Eridan Guerrero. “Të gjitha llojet e gjërave janë thënë për “Sky ECC”, por jo gjithçka që thuhet ka ndodhur në të vërtetë”.
Çështja ka të bëjë me trafikun e gjerë ndërkombëtar të kokainës dhe kanabisit, i cili u çmontua nga policia belge në vitet 2021-2022 në bashkëpunim me autoritetet e Italisë dhe Gjermanisë. Droga përgjithësisht transportohej në kontejnerë nga Amerika e Jugut dhe Maroku, nëpërmjet porteve të Antëerp, Roterdam, Hamburg dhe Le Havre.
Në Belgjikë janë zbuluar laboratorë të përpunimit të kokainës dhe plantacione kanabisi. Prokuroria thotë se ka identifikuar grupe të ndryshme kriminale aktive që prej vitit 2017, “të strukturuara, hierarkike” dhe duke paraqitur mes tyre “lidhje tregtare të paligjshme”.
Përveç Eridan Munoz Guerrero, gjykata dëgjoi të hënën edhe tre liderë të tjerë të dyshuar, të cilët tentuan të minimizonin përfshirjen e tyre.
“Turizëm i pastër dhe i thjeshtë”, “Kam marrë me qira dy hangarë për plantacione kanabisi, por nuk kam prekur kurrë kokainë në jetën time”, siguroi Ridouan Ali.
Ky 44-vjeçar belg pretendonte se kishte vepruar nën urdhrat e një “holandezi” të cilën ai nuk e identifikoi. Nga algjeriani Abdelëahab Guerni dhe belgu Bilal Idrissi, kryetarja e trupës gjykuese kërkoi shpjegime për udhëtimet në Brazil në 2020 për të parin, në Bogota në fund të 2019 për tjetrin.
“Ishte turizëm i pastër dhe i thjeshtë për të vizituar vendin”, argumentoi Idrissi për Kolumbinë. Gjithsej 125 persona u gjykuan, duke përfshirë një që nuk u identifikua kurrë. Kësaj i shtohen edhe katër kompani të themeluara në Belgjikë, të dyshuara për fshehje të aktiviteteve të paligjshme. Disa të pandehur si Munoz Guerrero janë në paraburgim parandalues në Belgjikë.
Të tjerët duken të lirë, aktualisht nën mbikëqyrje elektronike ose mbikëqyrje gjyqësore. Disa prej tyre tashmë janë raportuar në mungesë nga avokati i tyre. Njëri prej tyre refuzoi të nxirrej nga qelia të hënën në mëngjes, burgu i tij në Belgjikë po konsiderohej shumë larg gjykatës, shpjegoi avokati i tij.
Pjesëmarrja në një organizatë kriminale, shkelje e legjislacionit për drogën, trafiku i armëve, etj., në shënjestër janë rreth dhjetë vepra. Bëhet fjalë edhe për rrëmbim dhe tentim zhvatjeje në dëm të disa personave. Në prag të gjyqit, ministri belg i Drejtësisë Paul Van Tigchelt përshëndeti faktin që çështjet “Sky ECC” të hapura përpara gjykatave të vendit kishin rezultuar tashmë në “1000 dënime individuale”. Ky gjykim duhet të zgjasë të paktën katër muaj, me tre ose katër seanca gjysmë ditore në javë.
PJESË NGA DOSJA
Kjo është një dosje me degëzime të shumta, pikënisja e të cilit është zbulimi i një laboratori në Rue Grey në Ixelles në gusht 2021. Dosja u ushqye kryesisht nga të dhënat e mbledhura pas çmontimit të rrjeteve të koduara të komunikimit “EncroChat” nga holandezët dhe francezët drejtësia në pranverë 2020 dhe “Sky ECC”, e goditur nga policia gjyqësore federale belge në shkurt 2021.
Pothuajse të gjithë përdoruesit e këtyre telefonave të koduar ishin të lidhur me botën kriminale, kryesisht me trafikun e drogës në shkallë të gjerë me pseudonime “Halëo”, “Mario”, “Harley Heart”, “Zidane 2”, “Mbappé”, etj. Dy “titullarët kryesorë” janë Abdelëahab Guerni dhe Eridan Munoz Guerrero. I pari, një algjerian 56-vjeçar i lindur në Schaerbeek, është përfshirë prej kohësh në trafikun e kokainës në Belgjikë. Gati 20 vjet më parë, ai ishte një nga të parët që negocioi drejtpërdrejt me kartelet kolumbiane të drogës. I gjykuar në vitin 2008 në krye të një rrjeti që kishte trafikuar 4 ton kokainë midis 2002 dhe 2004, Guerni u lirua në vitin 2008 nga Gjykata e Apelit e Brukselit për defekte procedurale: Urdhrat që përshkruanin përgjimin e telefonit nuk ishin mjaftueshëm të motivuar.
Eridan Munoz Guerrero, 50 vjeç, është një nga disa shqiptarë në bankën e të akuzuarve. Mbiemri i tij hispanik shpjegohet me një martesë në Kolumbi, e cila me sa duket i lehtësoi kontaktet e tij atje. Do të ishte ai që do të menaxhonte laboratorët e prerjes dhe ripaketimit të kokainës dhe që do të menaxhonte korrierët për dërgimin e lëndëve narkotike. Në këtë kuadër iu bë thirrje që të grumbullonte shuma të konsiderueshme parash.
Të pandehurit, qofshin logjistikë, ndërmjetës apo të mëdhenj, janë në të gjitha nivelet e këtij biznesi. Në përgjithësi njihnin vetëm disa protagonistë të tjerë, me të cilët kishin të bënin drejtpërdrejt. Jo të gjithë janë bërë jashtëzakonisht të pasur. Në bankën e të akuzuarve është edhe një avokat, i cili dyshohet se ka tentuar të zhvatë 500 mijë euro nga Eridan Munoz Guerrero, i ndaluar më pas në burgun e Namurit.
Munoz Guerrero thuhet se ka deklaruar se, nëpërmjet avokatit, ka marrë kërcënime nga banorët e Antëerpit, të cilët kërkuan kthimin e kokainës dhe paratë e sekuestruara. Në rast të mos rimbursimit, këta banorë të Antëerpit mund të kishin sulmuar familjen e tij dhe veten kur ai doli nga burgu. Ekziston edhe një oficer policie nga rajoni Bruksel-Midi, i cili dyshohet se ka kryer kontrolle në bazat e të dhënave të policisë. Ai duhet të përgjigjet për korrupsion dhe shkelje të sekretit profesional.
Organizata kriminale do të kishte qenë aktive që nga fillimi i vitit 2017. Ajo nuk u çmontua plotësisht pas operacionit gjigant që më 26 tetor 2021 rezultoi me 64 arrestime pas 114 kërkimesh. Sasitë e drogës që kalojnë në këtë rrjet janë mbresëlënëse. Konfiskimet kanë ndodhur edhe jashtë vendit. Kështu, përgjimet mundën të lidhnin disa prej të pandehurve me sekuestrimin, më 14 prill 2021, në Casablanca, të 9220 kg rrëshirë kanabisi, të fshehura në një ngarkesë sapuni të destinuar për në Belgjikë.
Në Belgjikë, kapja më e madhe e kokainës u bë në Liège ku hetuesit morën në dorë 1200 kg pluhur të bardhë. Kokaina, e transportuar nga portet e Amerikës së Jugut, hyri në Evropë në forma të ndryshme nëpërmjet porteve të Antverp, Roterdam, Hamburg dhe Le Havre. Kokaina përfundoi në Bruksel ku ishin ngritur laboratorët./Panorama
Rastet e manjakëve që përfitojnë në urbanët e Tiranës për të prekur të rinjtë janë të shumta.
Së fundmi, një qytetare ka raportuar në median “JOQ”, një rast të ndodhur ditën e sotme në autobusin e linjës së Kombinatit.Ajo thotë se personi që shihni në foto e ka ngacmuar duke i prekur të pasmet gjatë kohës që ishte në autobus. Ajo thotë se kishte veshur një veshje normale dhe nuk e di se pse burri në fjalë e ngacmoi.
Madje ajo thotë se pas këtij gjesti të turpshëm i bëri foto burrit, por ai iu lut që ta fshinte dhe për këtë janë dëshmitarë të gjithë pasagjerët e autobusit.
Është zbardhur dëshmia e Qani Muça, specialistit të regjimit të posaçëm, i cili ushtronte edhe detyrën e shefit të policisë së Burgjeve. Ai ka treguar episode pas momentit të vrasjes së Arben lleshit nga Sokol Mjacaj.
Muça ka treguar se ka dëgjuar përmes radios se kishte diçka që nuk shkonte në godinën B dhe është nisur për atje, kur ka parë që punonjësit e burgut mbanin në dorë një të dënuar të plagosur, por që fillimisht nuk e ka njohur se për kë bëhej fjalë.
“Afërsisht në këtë kohë, kam dëgjuar në radio që kishte një problem në pjesën e ajrimit të Godinës B. Në këtë moment, të gjithë ne që ishim në pjesën hyrëse të Regjimit, domethënë, Unë, Ndriçim Hasa dhe Specialisti i Informacionit Arben Dulelllari dhe Specialisti i Regjimit të Jashtëm Rrapush Lepuri, jemi nisur për të shkuar në vendin ku kishte probleme.
Pa arritur të futeshim në regjim, punonjësit e grupit të sigurisë, po nxirrnin jashtë një të dënuar, që dukej se ishte i plagosur. Nuk arrita të kuptoj se çfarë kishte ndodhur apo çfarë problemi kishte i burgosuri, por pashë që ai mbahej në dorë nga punonjësit e sigurisë. Në këtë kohë, sipas urdhrit të Drejtorit të Institucionit është futur Ambulanca, ku në të është vendosur i dëmtuari dhe njëkohësisht edhe një i dënuar tjetër i cili pretendonte se ishte i plagosur. Në këtë moment nuk arrita të identifikoj asnjërin prej tyre. Pas futjes së personave të dëmtuar në Ambulancë, nga ana e Specialistit të Informacionit u organizua shoqërimi i tyre për në Spitalin Civil Peqin, duke marrë të gjitha masat për ruajtjen sipas rregullave të caktuara. Unë, Ndriçim Hasa dhe Drejtori i Institucionit dhe pjesa e punonjësve të sigurisë që ishin aty, u futëm menjëherë në regjim, me qëllim për të shkuar në vendin e ngjarjes dhe për të sqaruar çfarë kishte ndodhur dhe për të marrë masat e nevojshme”, ka dëshmuar ai.
Më pas punonjës të tjerë e kanë lajmëruar Muçën se personi që ka qëlluar dy të dënuarit përjetë, Arben Lleshin dhe Ilir Shaqja, ndodhej në godinën e takimeve. Sipas dëshmisë, Muça ka shkuar ka hapur derën e dhomës së takimeve dhe i ka kërkuar Sokol Mjacës që të ulte armën që i kishte drejtuar.
Muça ka dëshuar se autori i krimit, teksa i kishte drejtuar armën i ka thënë që të mos i afrohej dhe të mos hynte në gjak me të. Më pas, ka mbërritur Drejtori i Institucionit që ka urdhëruar Muçën që të mbyllte derën dhe më pas drejtori ka nisur negociatat me Mjacajn.
“Nga punonjësit e policisë, brenda regjimit, nuk më kujtohet ekzaktësisht se kush, na u tha se personi që kishte plagosur dy të dënuarit (të dëmtuar), gjendej aktualisht në ambientet e takimeve të Godinës B. Shkuam me shpejtësi dhe unë u afrova i pari te dera hyrëse, me qëllim për të hapur derën. Nga ana tjetër e derës qëndronte një i dënuar, që më vonë mora vesh se ishte Sokol Mjacaj dhe pikërisht në kohën kur unë tentova të hap derën, i dënuar më drejtoi një armë zjarri, të llojit pistoletë dhe më tha “Shef mos u afro! Mos hy në gjak me mua, se nuk kam gjë me ty”. I kërkova ta ulte armën dhe të flisnin për të sqaruar rrethanat, pasi aktualisht nuk e dija se çfarë kishte ndodhur. Në këtë kohë, u afrua Drejtori i Institucionit, i cili më urdhëroi ta mbyllja derën dhe vazhdoi të komunikonte me të dënuarin, duke i bërë thirrje vazhdimisht që të qetësohej dhe të ulte armën. Pas kësaj, Drejtori i Institucionit ka qëndruar pas derës duke vazhduar komunikimin për të burgosurin që qëndronte pas derës, kurse unë dhe një pjesë e punonjësve të grupit të sigurisë shkuan në vendin ku kishte ndodhur ngjarja”, ka dëshmuar Muça.
