Lajmi i fundit

Policia malazeze ka identifikuar tre prej autorëve të dyshuar si dhunuesit e tre qytetarëve shqiptarë të shtunën në Malin e Zi. Ngjarja ndodhi në Herceg Novi, në fshatin e quajtur Zelenika. Njoftimin e jep Policia e Shtetit pas komunikimeve me homologët malazezë.

Autoritetet fqinje kanë kontrolluar videot e kamerave të vëzhgimit nga ndërtesat pranë ngjarjes dhe në këtë mënyrë kanë identifikuar autorët.

“Në lidhje me veprimet procedurale dhe identifikimin e autorëve, sipas informacionit të dërguar nga kolegët në Malit e Zi, rezulton se: Policia ka ndërmarrë veprime me qëllim zbardhjen e të gjitha rrethanave në të cilat kanë mbetur të plagosur shtetasit shqiptarë. Janë kontrolluar videot e kamerave të vëzhgimit nga ndërtesat pranë ngjarjes. Përmes punës operative në terren, efektivët e policisë kanë identifikuar tre persona nga Herceg Novi, si autorë të sulmit fizik, identiteti i të cilëve më pas është përcaktuar dhe do merren masa për kapjen dhe arrestimin e tyre. Ngjarja është dërguar për kompetencë te Prokurori i cili do të deklarojë kualifikimin ligjor të rastit”, njoftoi policia.

Shqiptarët e dhunuar janë Klodjan Meaj, Azem Dervishi dhe Doris Kopaçi. Ata kanë mbërritur ditën e sotme në atdhe. Fillimisht të rinjtë kanë dhënë deklarimet e tyre në prani të një avokati dhe përfaqësuesve të ambasadës shqiptare në Malin e Zi. Më pas me dëshirën e tyre janë nisur drejt kufirit.

“Policia malazeze ka kryer të gjitha veprimet e para procedurale dhe tre shtetasit shqiptarë kanë dhënë deklarime në prani të një avokati (njohës i gjuhës shqipe) dhe të përfaqësuesve të ambasadës shqiptare në Malin e Zi. Në përfundim të veprimeve të para, tre shtetasit shqiptarë, me dëshirën e tyre, janë nisur për në Shqipëri. Drejtuesit e Policisë së Shtetit iu kanë kërkuar homologëve të Malit të Zi, që për çështje sigurie, të tre shtetasit shqiptarë t’i shoqërojnë me punonjës policie, deri në kufi. Tre shtetasit shqiptarë kanë mbërritur në PKK Muriqan, rreth ores 05:30 dhe janë pritur nga drejtuesit e pikës së kalimit kufitar Muriqan dhe të Drejtorisë Vendore për Kufirin dhe Migracionin Shkodër, të cilët i kanë shoqëruar deri në Spitalin Rajonal Shkodër ku shtetasit shqiptarë kanë kryer të gjitha kontrollet mjekësore, nga të cilat kanë rezultuar pa probleme”, njoftoi policia.

Tre shqiptarët sapo kishin zbritur nga trageti dhe po lëviznin me një automjet me targa gjermane. Fillimisht autorët goditën makinën e tyre dhe pas daljes nga automjeti dy prej të rinjve janë goditur duke pësuar dëmtime në trup.

Për këtë ngjarje të denoncuar fillimisht nga familjarët e të dhunuarve ka reaguar menjëherë ministri i Brendshëm, Taulant Balla, i cili ka pasur dhe një telefonatë me homologun malazez Danilo Sharanoviç.

Për këtë ngjarje të rëndë reagoi dhe kryeministri i Malit të Zi, Milojko Spajiç, i cili bëri të ditur se është identifikuar njëri prej autorëve dhe po punohet për kapjen e tij.

“Më vjen shumë keq për ngjarjet që ndodhën të mysafirët tanë të dashur nga Shqipëria. Theksoj se Mali i Zi duhet dhe do të jetë një oaz paqeje dhe sigurie për të gjithë. Një autor është identifikuar dhe po punohet për kapjen e tij. Së shpejti të gjitha informacionet do të bëhen të ditura”, tha ai.

Një 64-vjeçar shqiptar i dënuar për trafik ndërkombëtar të drogës është arrestuar në Itali pas 12 vitesh në arrati.
Fasili Qibini arriti t’i shmangej autoriteteve për 12 vite duke u treguar i vëmendshëm në lëvizjet e tij, por ditën e djeshme, më 5 Janar, është vendosur në prangat e policisë.

Ai i u arrestua teksa po ecte në një rrugë në Secondigliano, Napoli, gati për të ndezur një cigare që sapo e kishte blerë në dyqan.

Hetuesit e kanë pikasur pasi kanë vënë re blerje të pazakonta në shpenzimet e familjes së Qibinit. Sidomos për blerjen e vazhdueshme të cigareve, kur askush në shtëpi nuk ishte duhanpirës, me përjashtim të 64-vjeçarit.

Ata kanë mbajtur nën vëzhgim banesën e tij, derisa të premten shqiptari u “tradhtua” nga dëshira për të blerë cigare, raportojnë mediat italiane.

Fasili Qibini, i cili furnizonte me drogë klanin Di Lauro dhe grupin kriminal Nardiello, doli nga banesa për të shkuar në dyqan të merrte cigare, pasi nuk kishte njeri në banesë që t’ia blinte. Në momentin që doli nga dyqani, ai u arrestua nga autoritetet italiane.

Quibini, i cili tani duhet të vuajë 22 vjet burg për trafik ndërkombëtar droge, ishte në arrati që nga prilli i vitit 2011, kur pavarësisht se ishte në arrest shtëpie ai u zhduk pa lënë gjurmë.

Aktori amerikan me origjinë gjermane Christian Oliver, i cili interpretoi në filma së bashku me Tom Cruise dhe George Clooney gjatë një karriere 30-vjeçare, vdiq së bashku me dy vajzat e tij të enjten në një përplasje avioni në brigjet e një ishulli në Karaibe.

Oliver, i cili lindi Christian Klepser, dhe vajzat e tij ishin pasagjerë në bordin e një aeroplani me një motor të vetëm që u ngrit rreth orës 12.10 me kohën lokale nga një aeroport në Bequia, një ishull i vogël, sipas autoriteteve, shkruan The Guardian.

Policia e Tiranes ofroi 5 mije euro shperblim per qytetaret qe ndihmojne identifikimin e ketyre personave.

Ditën e sotme, më datë 06.01.2024, jemi njoftuar për një vjedhje, të mbetur në tentativë, gjatë orëve të para të mëngjesit, në zonën e shërbimit 24/7 të klientëve, në një institucion financiar në kryeqytet.

Nga veprimet e para hetimore të kryera në vendngjarje, janë sekuestruar pamjet filmike me fotot e autorëve të dyshuar.

DVP Tiranë fton qytetarët që të japin informacion për autorët e kësaj ngjarjeje dhe vendos shpërblim 5000 euro, për çdo informacion të vlefshëm që do të çojë në kapjen e autorëve.

Drejtoria Vendore e Policisë Tiranë vendos në dispozicion të qytetarëve, numrat e telefonit +355 69 41 55 554, dhe +355 69 41 12 208 duke garantuar anonimatin e plotë të çdo telefonuesi.

Katër të burgosur kanë tentuar të arratisen nga burgu i Fierit duke prerë hekurat e dritares së dhomës ku vuanin dënimin.

Sipas informacioneve, organizatori i arratisjes mësohet të ketë qenë Dan Hutra, vrasësi serial i dënuar së fundmi për ekzekutimin e tre grave në Tiranë.

Dan Hutra, në bashkëpunim me tre të burgosur të tjerë kishin përgatitur planin e arratisjes që është zbuluar në çastet e fundit.

Nga kontrolli në qelinë e tij, autoritetet kanë zbuluar mjete të përshtatura për prerjen e hekurave të dritares si dhe një çarçaf që ishte përshtatur si litar për të zbritur nga dritarja.

NJOFTIMI I PLOTË:

Sot, më datë 04.01.2024, rreth orës 11:25, në IEVP Fier, si rezultat i ndjekjes, mbikqyrjes, kontrollit dhe përdorimit të mjeteve teknike disa javore nga stafi i burgjeve, u kap në flagrancë duke tentuar për t’u arratisur i burgosuri me rrezikshmëri dhe histori kriminale, Dan Riza Hutra (autor i disa vrasjeve).

Plani kriminal për arratisjen nga burgu ishte i koordinuar dhe në bashkëpunim me tre të paraburgosur të tjerë.
Në dhomën ku ishin të akomoduar, të paraburgosurit kishin nisur prerjen e zgarës së dritares me mjete te improvizuara.
Gjatë kontrollit nga punonjësit e sigurisë, u konstatua se edhe në dhomën nr. 15, ku ishte i akomoduar i burgosuri me potencial të lartë rrezikshmërie, Dan Riza Hutra, ishin fshehur mjete për arratisje, konkretisht: një çarçaf i përshtatur si litar dhe mjete prerëse të improvizuara.

Të dhënat paraprake tregojnë për bashkëpunim ndërmjet të katër të burgosurve, për thyerje të sigurisë dhe tentativë arratisje.
Prokuroria është duke kryer hetime për ngjarjen.

Të përfshirë në këtë ngjarje janë:

1. Shtetasi Dan Hutra, i biri Riza dhe Mislime, i datëlindjes 01.08.1982, lindur në Kukës dhe banues ne Kodër Kamëz, Tiranë, me shtetësi dhe kombësi shqiptare, me histori të përsëritur kriminale, me Vendimin Nr.466 Regj.Them, datë.04.03.2023, të Gjykatës së Rrethit Gjyqësor Tiranë, i është caktuar masa e sigurimit personal “arrest në burg”, i dyshuar për kryerjen e veprave penale, “Vrasje për shkak të mardhënieve familjare”, parashikuar nga neni 79/c, “Vrasje për shkak të marrëdhënieve familjare”, mbetur në tentativë, parashikuar nga neni 79/c-22, si autor i dyshuar për vrasjen e katër personave.

Dan Hutra

2. Shtetasi Martin Kapllani, i biri i Adhurim dhe Rezarta, i datëlindjes 24.12.2003, lindur dhe banues në Vlorë, me Vendimin Nr.62-2023-4189, datë 04.11.2023, të Gjykatës së Shkallës së Parë të Juridiksionit të Përgjithshëm Fier, i është caktuar masa e sigurimit personal “arrest në burg”, i dyshuar për kryerjen e veprave penale “Vjedhja”, e parashikuar nga neni 134/2 K.Penal.

Martin Kapllani

3. Shtetasi Geraldo Veizaj, i biri i Barjam dhe Luiza, i datëlindjes 04.07.2004, lindur dhe banues në Vlorë, me Vendimin Nr.62-2023-4189, datë 04.11.2023, të Gjykatës së Shkallës së Parë të Juridiksionit të Përgjithshëm Fier, i është caktuar masa e sigurimit personal “arrest në burg”, i dyshuar për kryerjen e veprave penale “Vjedhja”, e parashikuar nga neni 134/2 K.Penal.

Geraldo Veizi

4. Shtetasi Feti Kovaçi, i biri Arben dhe Dëshira, i datëlindjes 20.02.1996, lindur dhe banues ne Vlorë, Lgj. “24-Maji”, me shtetësi dhe kombësi shqiptare, i ardhur më datë 21.10.2023, nga Komisariati i Policisë Vlorë, pasi ndaj tij Gjykata e Shkallës së Parë të Juridiksionit të Përgjithshëm Vlorë me (Shkurtim-Vendimi) Nr.476, datë 21.10.2023, ka caktuar masën e sigurimit personal “Arrest në burg”, i dyshuar për kryerjen e veprës penale “Vjedhja”, e parashikuar nga neni 134/2 K.Penal.

Feti Kovaçi

Stafi i sigurisë ka kryer kontrolle të hollësishme të elementëve të sigurisë, në të gjithë burgun.
Drejtoria e Përgjithshme e Burgjeve, përgëzon stafin e Instituconit të Ekzekutimeve të Vendimeve Penale Fier, që falë profesionalizmit dhe devotshmërisë kanë ndaluar arratisjen e një të burgosuri me rrezikshmëri të lartë për publikun dhe sigurinë në përgjithësi.

Gjithashtu, Drejtoria e Përgjithshme e Burgjeve, garanton se stafi i shërbimit të burgjeve është në krye të detyrës, më i motivuar se kurrrë për të parandaluar çdo ngjarje dhe rrezik për rendin, sigurinë dhe komunitetin.

Është botuar në Fletoren Zyrtare vendimi i qeverisë që ka miratuar dhënie shtesë të pensionit të posaçëm për 15 personalitete në fusha të ndryshme.

Në vendim listohen një sërë emrash mjaft të njohur në fushën e artit skenik si Muharrem Hoxha, Eva Alikaj, Ardian Cerga por edhe në atë të muzikës e sportit si Federik Ndoci, Suzana Frashëri, Roland Xhoxhi, Leonard Tase etj., në pikturë me Nazmi Hoxhën, pasuar te studiues Aurel Plasarin etj të cilët përfitojnë nga ky vendim.

Qeveria miratoi “dhënien shtese të pensionit të posaçëm shtetëror në masën e dhjetëfishit të pensionit social por shuma e pensionit të caktuar sipas ligjit nr. 7703, datë 11.5.1993, dhe përfitimeve të caktuara sipas ligjeve për skemat suplementare dhe trajtimet e veçanta, plus këtë shtesë, të mos kalojë dymbëdhjetëfishin e pensionit social”.

Lista me personalitetet

Për dhënie shtese pensioni të posaçëm shtetëror znj. Eva Alikaj- aktore

Për dhënie shtese pensioni të posaçëm shtetëror z. Muharrem Hoxha- aktor

Për dhënie shtese pensioni të posaçëm shtetëror z. Federik Ndoci- këngëtar

Për dhënie shtese pensioni të posaçëm shtetëror z. Roland Xhoxhi- violinist

Për dhënie shtese pensioni të posaçëm shtetëror z. Leonard Tase- volejbollist dhe trajner

Për dhënie shtese pensioni të posaçëm shtetëror znj. Suzana Frashëri- soprano

Për dhënie shtese pensioni të posaçëm shtetëror z. Aurel Plasari- studiues

Për dhënie shtese pensioni të posaçëm shtetëror znj. Mimoza Ibrahimi- volejbollistja

Përdhënie shtese pensioni të posaçëm shtetëror z. Nazmi Hoxha- piktor

Për dhënie shtese pensioni të posaçëm shtetëror znj. Zhuljana Jorganxhi- poete dhe autore këngësh

Për dhënie shtese pensioni të posaçëm shtetëror z. Xhelal Kalaja- trajner basketbolli

Për dhënie shtese pensioni të posaçëm shtetëror Pavllo Mihali- atlet

Për dhënie shtese pensioni të posaçëm shtetëror znj. Diana Mata- qitëse

Për dhënie shtese pensioni të posaçëm shtetëror z. Ardian Cerga- aktor

Për dhënie pensioni të posaçëm shtetëror znj. Lulëzime Duka- volejbolliste.

Pasi iu dëmtua shtëpia nga tërmeti në lagjen “5 Maji” në kryeqytet, Lulëzim Cami u zhvendos rreth 2 vjet më parë në rrugën “Xhon Belushi” në zonën e Freskut, po në Tiranë.

Mëngjesin e sotëm vëllai i tij Vehap Cami që mbante me vete një armë tip pistoletë pasi e shkrepi kundër Lulëzimit, vrau më pas edhe veten.

Ngjarja me dy viktima ndodhi rreth orës 7:40. Vehap Cami 63 vjeç me banim në Lundër të Tiranës kishte ardhur i vetëm tek vëllai i tij. Të dy vëllezërit humb137n jetën menjëherë, dhe trupat e tyre u dërguan më autoambulancë për në morgun e Tiranës.

Policia u njoftuar nga persona të tjerë, se në banesën e Lulëzim Camit, baba i 3 djemve dhe një vajze, ishin dëgjuar të shtëna me armë zjarri. Pasi uniformat blu shkuan në vendin e ngjarjes, kanë konstatuar trupat e dy viktimave. Grupi hetimor në vendngjarje po punon për sqarimin e plotë të rrethanave të kësaj ngjarjeje.

Shkak për këtë krim makabër në ditët e parë të Vitit të Ri, thuhet se është bërë një pronë e dy vëllezërve në vendlindjen e tyre. Por fëmijët e tyre janë shprehur se nuk ishin në dijeni të mosmarrëveshjeve të prindërve të tyre. Referuar dokumenteve të bëra publike nga policia, autori i ngjarjes, Vehap Cami një ditë më parë festoi edhe ditëlindjen e tij të 63-të.