Kuriozitete

Rachael Farrokh është një aktore amerikane 37 vjeçe që për vite me radhë ka vuajtur prej anoreksisë nervore, e cila e ka çuar thuajse në prag të vdekjes, përcjell gazetametro.net.

Madje, jo shumë kohë më parë, ajo publikoi një video për ndihmë në YouTube. Në atë kohë ajo ishte rreth 170 cm e gjatë dhe peshonte vetëm 20 kg.

Gjendja e saj e trupit po ndikonte edhe në trurin e Rachael, dhe kjo ishte akoma më shqetësuese për të, mirëpo burri i saj Rod, bëri diçka madhështore, la punën dhe të gjitha angazhimet e tij, për të kujdesur për gruan.

Qëndroi ditë e natë pranë saj, duke ia dëshmuar kështu me kujdesin që po i bënte edhe dashurinë e madhe që ndiente për të. Dhe, pikërisht gjesti i burrit të saj bëri që ajo të mos e humbte edhe mendjen falë kësaj sëmundje që kishte, dhe ndodhi mrekullia, ajo filloi të rimëkëmbej, falë këmbguljes së burrit të saj.Pas rreth 6 muajsh kurimi, ajo ishte jashtë rrezikut për jetën dhe u shfaq përpara telekamerave me projekte të reja për jetën, gjithmonë duke mos lënë pas dore kurën për anoreksinë, e cila është në gjendje të sjellë një ndryshim radikal në jetën e çdokujt që vuan prej kësaj sëmundjeje.

Dashi

Kjo ditë do të jetë shumë interesante, por do të shpenzoni shumë energji. Do të angazhoheni maksimalisht për zgjidhjen e problemeve, sidomos të personave të tjerë.

Të lindurve të kësaj shenje, ju pëlqen që të jenë protagonistë, edhe në jetën e të tjerëve, kështu që matuni para se ta teproni. Kjo ditë ju fton të mendoni më shumë për veten tuaj.

Demi

Gjatë kësaj dite fundjave, prania e hënës në shenjë do ju bëjë disi anksioz, sa i takon çështjeve të punës, të cilat nuk kanë shkuar mirë. Do të jeni shumë energjik, por do t’iu duhet të reflektoni sa i takon marrjes së vendimeve që kanë të bëjnë me dashurinë. Bëjini sytë katër, për të kapur fluturimthi një mundësi shumë të mirë në dashuri ose në familje.

Binjakët

Ndikimi pozitiv i Hënës, do ju ndihmojë në zgjidhjen e problemeve të mëdha. Humori do të jetë i luhatur, për shkak të pranisë së disa tensioneve në punë, familje dhe dashuri. Do të ndiheni në siklet, për shkak se nuk po merrni një përgjigje lidhur me një projekt që e prisni prej kohësh. Bëni kujdes me fërkimet që mund të keni me të lindurit e shenjës së Gaforres.

Gaforrja

Do të keni debulesë fizike gjatë gjithë kësaj dite. Nëse dikush do t’iu pengojë në rrugën tuaj, shmangeni. Nëse në të kundërt, problemet vijnë nga një punë shumë e rëndë, atëherë duhet të mendoheni mirë, ose në të kundërt braktiseni.

Luani

Do të kaloni një fundjavë të qetë, por interesante. Do të bini në sy ndaj të tjerëve, duke tërhequr vëmendjen për mirë. Dita do të jetë intriguese sa i takon ndjenjave. Duhet të bëni një analizë të thelluar, për të kuptuar nëse ia vlen ta rikuperoni raporton apo jo.

Virgjëresha

Nëse java ka qenë me tensione në fushën e ndjenjave, kjo e diel është mjaft e favorshme për të rikuperuar. Raportet e të lindurve të kësaj shenje me ata të shigjetarit dhe akrepit mund të jenë konfliktuale. Kujdes ndaj personave të tretë që mund të fusin hundën, pasi mund të shkaktojnë probleme.

Peshorja

Kjo e diel do ju gjejë të menduar, ku disa prej jush duhet të bëjnë zgjedhje të rëndësishme në dashuri dhe në punë. Vetëm historitë e vërteta të dashurisë do të qëndrojnë në këmbë. Bëni mirë që ti mbani sytë hapur, pasi është dikush që do t’iu vendosë shkopinj nën rrota.

Akrepi

Në këtë periudhë do të ndjeni një tërheqje të fortë për ata persona që janë të fortë dhe tërheqës mendërisht. Keni nevojë për ngushëllim, sidomos në dashuri për të mbyllur plagët e hapura. Këshillohet që gjatë kësaj fundjave të pushoni dhe të riorganizoni idetë.

Shigjetari

Kjo fundjavë do të jetë disi e çuditshme, ku do të jeni disi të tensionuar. Puna do ju tensionojë pa masë. Mos i afroni, personat që duan të ndërhyjmë më jetën tuaj. Mundohuni ti gjeni zgjidhjet vetë.

Bricjapi

Do të jeni disi të tensionuar gjatë kësaj të diele. Ndoshta në punë, ju mundon diçka. Nuk i pëlqeni ata që duan të fusin hundët në jetën tuaj dhe as ata që kanë gjithmonë diçka për t’iu thënë. Kjo tregon se jeni një shenjë e fortë dhe dini t’ia dilni më së miri vetë. Gjithsesi mundohuni të gjeni një rrugë të mesme.

Ujori

Kjo e diel do të jetë mjaft e qetë dhe nuk do të ketë zhvillime të mëdha. Duhet të tregoni kujdes të posaçëm ndaj debulesës fizike. Gjatë së dielës mund të ketë diskutime, kështu që bëni mirë ti përballoni me qetësi.

Peshqit

Lejojani vetes një ditë pushimi, pasi keni nevojë që të eliminoni tensionin dhe stresin e akumuluar në dashuri. Do të jeni gjatë gjithë kohës në gatishmëri të partnerit/es dhe kjo është një gjë e mirë. Kjo e diel do të sjell lajme të mira, sidomos për ata që janë vetëm.

Disa nga efektet negative të fjetjes së tepërt mund t’i lexoni në listën e mëposhtmeVdekje

Studimet epidemiologjike kanë treguar një lidhje të fortë midis fjetjes së tepërt dhe vdekjes së parakohshme. Edhe pse shkaku kryesor është i panjohur, kërkuesit flasin për rritjen e niveleve të inflamacionit, së bashku me shtimin e riskut për sëmundje të zemrës, diabetit dhe obezitetit si faktorë risku.

Shtim në peshë

Fjetja e tepërt ka një ndikim të fuqishëm në mënyrën se si trupi i grumbullon dhe i humbet yndyrnat. Në një studim të zgjatur në kohë, u arrit në përfundimin se në një peridhë 6 vjeçare, ata që flinin mbi 10 orë gjatë natës kishin 21% më shumë mundësi të bëheshin obezë, se ata që flinin normalisht 7-8 orë çdo natë. Gjithashtu, dieta apo ushtrimet fizike nuk kishin asnjë ndikim në lidhjen që u vërtetua midis mbipeshës dhe gjumit të tepërt.

Dhimbje koke

Fjetja e zgjatur mund të japë dhimbje koke dhe migrenë. Ky fenomen i njohur si “dhimbja e kokës në fundjavë” besohet se shkaktohet nga çregullimi i sekretimit të disa neurotransmetuesve në tru, sic është dhe serotonina. Gjithashtu, përgjumjet gjatë ditës që sigurojnë vështirësi në fjetjen gjatë natës, shoqërohen me dhimbje koke.

Dhimbje shpine

Nëse vuani nga dhimbja e shpinës, fjetja e zgjatur mund t’jua rëndojë dhimbjen që keni. Fjetja për orë e orë të tëra siguron ngurtësi muskulare dhe shton dhimbjen. Mjekët rekomandojnë që pacientët me dhimbje shpine të flenë aq sa duhet dhe të jenë sa më aktivë përgjatë ditës.

Plakje të parakohshme

Fjetja e zgjatur shkakton plakje të shpejtë të trurit. Sidomos tek të rriturit, të shpenzuarit e më shumë orëve në gjumë ka treguar se e plak trurin minimalisht 2 vjet më shpejt. Kjo gjë shfaqet me ulje të përqendrimit, të kujtesës dhe ulje të aftësive për të realizuar aktivitetet e përditshme, si dhe me rritje të riskut për zhvillimin e sëmundjeve mendore degjenerative.

Sëmundje të zemrës dhe diabet

Studimet tregojnë se të flesh 9-11 orë çdo natë, ke një risk 28% më të lartë për zhvillimin e sëmundjeve të zemrës dhe një risk prej 34% më të lartë për vdekje nga komplikacionet e këtyre sëmundjeve. Nga ana tjetër, orët e shumta të gjumit shtojnë edhe nivelet e sheqerit në gjak. Së bashku me jetën sedentare dhe shtimin në peshë, shtohet edhe rreziku për zhvillimin e diabetit melit tip 2.

Depresioni

Shqetësimet në gjumë dhe depresioni thuhet se shkojnë paralelisht me njëri-tjetrin. Mirëpo thuhet se dhe fjetja e tepërt ka një ndikim negativ në këtë aspekt. Ata që flenë mbi 10 orë çdo natë, janë më të predispozuar për t’u prekur nga depresioni, se ata që flenë në sasinë e duhur. Stabilizimi i orëve të gjumit është i rekomanduar për të reduktuar simptomat e depresionit në këtë rast.

Çrregullimet e ritmit circadian

Çrregullimet e ritmit circadian fillojnë që nga momenti kur “ora e brendshme” nuk koordinohet aq mirë me ciklin ditë-natë. Këto çrregullime rezultojnë në probleme për të fjetur gjumë, vështirësi për të qëndruar zgjuar dhe lodhje të shtuar ditore. Fjetja e tepërt çon në çrregullime të ritmit circadian për shkak të reduktimit të kohës së ekspozimit ndaj dritës, gjë që është faktor kyc në paralajmërimin e trupit për gjendjen e zgjimit.

Lodhja e vazhdueshme

Periudha të gjata të shpenzuara në shtrat janë të lidhura me lodhjen e vazhdueshme dhe me gjumin jo të qetë. Lodhja ditore ka një ndikim negativ në të gjitha aspektet e jetës, pasi ajo përkeqëson humorin tonë, ul aftësitë konjitive, si dhe shton rrezikun për aksidente, sidomos në kushtet e drejtimit të automjetit.

Ulje e fertilitetit

Shumë hormone, në të cilat dhe ato të riprodhimit, i nënshtrohen një ritmi circadian gjumë-zgjim. Femrat që flenë më tepër orë gjumi, ndërkohë që janë në ndjekje të terapive për fertilizim in vitro, kanë 43% më pak shanse për të mbetur shtatzëna, se sa ato që flenë normalisht, shkruan bota.al. Një efekt i tillë është thuajse i barabartë me atë të fermave që flinin më pak se 6 orë gjatë natës.

Ka disa objekte që mund të sjellin fat të keq. Ndaj, ne do të shohim një listë prej pesë objektesh që mund të sjellin fatkeqësi në familjet tona.

Nëse jeni një nga njerëzit që besojnë se fati i mirë dhe i keq ekziston largoni objektet e mëposhtme nga shtëpia juaj, pasi ato nuk sjellin ndonjë gjë të mirë për këdo.

Shikoni listën dhe filloni të hiqni të gjitha këto objekte!

1. Pllaka ose syze të thyera – Çdo send që është thyer mund të krijojë trishtim dhe shumë melankoli. Ne ju rekomandojmë t’i hidhni ato dhe të blini gjëra të reja.

1. Bimë artificiale ose lule të thata – Lule që tashmë janë bimë të thata dhe artificiale nuk janë rekomanduar kurrë, pasi që u mungon jeta, prandaj nuk ofrojnë energji të mirë. Këto objekte do të ofrojnë një energji negative në shtëpinë tuaj.

2. Rrobat shumë të vjetra ose të grisura – Nëse keni rrobat në gjendje të keqe, është mirë ti hedhni larg pasi nuk lejon që energjia të ripërtërihet në shtëpinë tuaj. A e dini se rroba e grisur largon dashurinë?

Djali nga Librazhdi bëhet avokat në Amerikë.

Igers Vangjeli është një djal nga qyteti i Librazhdit i cili pasi ka mbaruar shkollën e mesmë “Ibrahim Muça” dhe studimet Universitare në Strugë të Maqedonisë, si shumë djem të tjerë librazhdas emigron në Amerikë për të përmbushur ëndërrën e tij.

Por falë përkushtimit dhe sakrificës, sot erdhi edhe dita e Igersit. Tashmë ëndërra e tij u realizua duke marrë Çertifikatën e AVOKATIT në Betimi zyrtar Shteteror dhe Federal në Gjykatën Supreme të Shtetit të Missouri-t dhe Kongresit të Shtetit.

Por të gjithë këtë arritje, Igersi ja dedikon mamasë së tij me anë të një mesazhi prekës në llogarinë e tij zyrtare të facebook-ut:

“Mami, sot është dita jonë, dhe kjo është vetëm për ty dhe për sakrificen tënde! Faleminderit Zot! Betimi zyrtar Shtetëror dhe Federal në Gjykatën Supreme të Shtetit të Missouri-t dhe Kongresit të Shtetit”

Dy fqinjë jetonin pranë njëri-tjetrit. Njëri prej tyre ishte mësues në pension dhe tjetri ishte një agjent sigurimi i cili kishte shumë interes në teknologji. Të dy ata kishin mbjellë bimë të ndryshme në kopshtin e tyre.

Mësuesi i pensionuar u jepte një sasi të vogël uji bimëve të tij dhe nuk u kushtonte shumë vëmendje, ndërsa fqinji tjetër i interesuar në teknologji, u jepte ujë të bollshëm bimëve të tij dhe përkujdesej shumë për to.

Bimët e mësuesit të pensionuar ishin të thjeshta por dukeshin të mira. Bimët e agjentit të sigurimit ishin shumë më të plota dhe më të gjelbërta.

Një dimër, gjatë orëve të natës, ia behu një shi i madh dhe një erë e fortë për shkak të një stuhie që po afrohej. Të nesërmen, të dy fqinjët dolën për të inspektuar dëmtimet në kopshtin e tyre.

Fqinji i cili ishte agjent i sigurimit pa që bimët e tij ishin shkulur nga rrënjët dhe ishin shkatërruar plotësisht. Por, bimët e mësuesit të pensionuar nuk qenë dëmtuar fare dhe qëndruan të patundura.

Fqinji, agjenti i sigurimit, ishte i befasuar kur e pa kopshtin e mësuesit, ai shkoi tek ai dhe pyeti:

“Ne të dy mbollëm të njëjtat bimë së bashku, në të vërtetë unë kujdesesha për bimët e mia më mirë se ti për të tuat dhe madje u dhashë më shumë ujë. Megjithatë, bimët e mia dolën nga rrënjët, ndërsa tuajat nuk lëvizen. Si është e mundur?”

Mësuesi i pensionuar buzëqeshi dhe tha, “Ju i keni dhënë bimëve tuaja më shumë vëmendje dhe ujë, por për shkak të kësaj ata nuk kishin nevojë të kërkonin për të. Ti ua ke bërë rritjen më lehtë se ç’duhet për to.

Ndërsa unë u dhashë atyre vetëm një sasi të mjaftueshme uji dhe kështu rrënjët e tyre kërkonin gjithnjë e më shumë. Dhe, për shkak të kësaj, rrënjët e tyre shkuan më thellë dhe kjo e bëri pozicionin e tyre më të fortë.

Kjo është arsyeja pse mbijetuan bimët e mia”.

Morali: Kjo histori ka të bëjë me prindërimin ku fëmijët janë si bimë. Nëse gjithçka u është dhënë atyre, ata nuk do ta kuptojnë punën e vështirë që duhet për të fituar ato gjëra.

Ata nuk do të mësojnë të punojnë vetë dhe ta respektojnë atë. Ndonjëherë është mirë që t’i udhëzosh në vend që t’u japësh atyre.

Mësojuni atyre se si të ecin, por le ta ndjekin vetë rrugën e tyre

Sokrati lindi në vitin 469, që njihet si një nga themeluesit e filozofisë klasike greke. Sokrati ishte një autodidakt, u aftësua dhe u ngrit në nivelin e një filozofi të famshëm falë punës së tij.

Sokrati nuk shkroi asnjë vepër sepse siç thoshte ai, librat janë të vdekur dhe nuk mund t’iu përgjigjen pyetjeve. Për të mjeti kryesorë i komunikimit ishin bisedat e gjalla, dialogu me gjithkënd dhe kudo, në rrugë, në shesh, në gosti etj. Shumica e atyre, që ne dimë për të, ka qenë ruajtur nga tre bashkëkohësit e tij të shquar, Aristofani, Platoni dhe Ksenofoni.

Nga këto burime del se Sokrati ka qenë një gjeni, i cili përveç një arsyetimi të jashtëzakonshëm dhe rigoroz, zotëronte edhe një ngrohtësi personale dhe një ndjenjë humori. Ai ka pasur një trup të fortë dhe zotëronte një fuqi të madhe fizike. Në komedinë e tij “Retë”, Aristofani e përshkruan Sokratin si një shpezë shtëpiake, që të bën për të qeshur me zakonin e tij të rrotullimit të syve, duke u referuar me çapkënllëk “nxënësve” të tij dhe “dyqanit të mendimit”.

Ndërsa nga Ksenofani na vjen portreti i një ushtari besnik, i cili kishte një pasion për diskutime rreth bazave të moralit dhe, i cili në mënyrë të paevitueshme tërhiqte të rinjtë të kërkonin këshillën e tij. Platoni e konfirmoi portretin e Ksenofanit dhe shtoi se Sokrati ishte një njeri me një ndjenjë të lartë detyre dhe me një pastërti morale absolute. Megjithatë Sokrati u rrit në një periudhë të artë, në vitet e tij të fundit atij iu desh të shihte mundjen e Athinës në luftë dhe të mbyllte jetën e tij në burg në vitin 399 p.e.s, në moshën shtatëdhjetë e një vjeç. Sokrati i shërbeu me nder atdheut të tij në këmbësorinë e rëndë. Por vokacioni i tij nuk ishte ai i ushtarit. Në një Athinë që, nën udhëheqjen e Perikliut po rritej në madhështi dhe shkëlqim, ndërkohë që arkitektë dhe punëtorë po ngrinin kolonat e Partenonit, Sokrati iu dedikua zanatit të filozofit. Madje, më saktësisht, e shpiku. Nuk është një shpikje pa dhimbje. Dialogët që Sokrati mban me athinasit nuk janë aspak bashkëbisedime xhentëlmenësh: përkudnrazi, sic rrëfen biografi Diogjen Laercio, “bashkëbiseduesit e tij shpesh herë e merrnin me grushta ose i shkulnin flokët”.

TË NJIHEMI ME THËNIET MË TË BUKUA NGA SOKRATI
1- Urtësia fillon në mrekulli.

2- Jam më i dituri ndër të gjallët, se e di një gjë, e di se nuk di asgjë.

3- Ka vetëm një të mirë: dituria. Dhe vetëm një të keqe: padituria.

4- Mos u ngut të zësh miq, por, kur t’i zësh, mos i braktis

5- Ai që dëshiron ta ndryshoje botën, fillimisht duhet të ndryshojë veten e tij.

6- Për ta gjetur vetveten, mendoni për vetveten.

7- Nuk jam as athinas, as grek, jam qytetar i botës.
8- Ruaje emrin si thesarin tënd më të shtrenjtë, sepse besueshmëria është si zjarri; po ta kesh ndezur, e ke të lehtë ta ruash, por, po ta shuash, të bie barra e rëndë ta ndezësh prapë.

9- Fitimi i emrit përkthehet në përpjekjet për të qenë çka dëshiron.

10- Gjithë shpirtrat e njerëzve janë të pavdekshëm, por shpirtrat e të drejtëve janë edhe të pavdekshëm, edhe hyjnorë.

11- Lëviz vetë, përpara se të lëvizësh botën.

12- Për sa i përket martesës ose beqarisë, vendos vetë, o njeri, por ta dish mirë se ke për t’u penduar.

13- Martohu, patjetër. Por të ra gruaja e mirë, do të jesh i lumtur; po të ra e keqe, do të bëhesh filozof.

14- Arrita në përfundimin se nuk ishte mençuria ajo që u dha mundësi poetëve të shkruanin poezi, por një lloj instinkti apo frymëzimi, si ai që hasim tek orakujt dhe profetët, të cilët i përcjellin mesazhet e tyre të larta pa e ditur fare kuptimin e tyre.

15- Ruaju nga shterpësia e jetës së ngarkuar me punë.

16 -Kur përfundon rrahja e mendimeve, shpifja bëhet vegël në duart e humbësit.

17- Mos harro se vepra dhe fjala të bëjnë dhe të zhbëjnë njëlloj.

18- Kush lëndohet nuk duhet të hakmerret duke lënduar, sepse kurrë nuk është e drejtë të bësh padrejtësi; dhe nuk është e drejtë të hakmerresh duke lënduar, as t’i bësh keq tjetrit, sado të të ketë munduar.

19- Të këqijtë jetojnë për të ngrënë dhe për të pirë, ndërsa të mirët hanë dhe pinë për të jetuar.

20- Mos i quaj besnikë ata që të lëvdojnë fjalët dhe veprat, por ata që me përzemërsi të qortojnë për gabimet.

21- I ndershmi mbetet gjithmonë fëmijë.

22- Sot fëmijët janë tiranë. Ata kundërshtojnë prindërit, luajnë me bukën e gojës dhe u marrin shpirtin mësuesve të tyre.

23- Lehtë mund të falim një fëmijë që ka frikë nga errësira. Tragjedia e vërtetë e jetës është kur njerëzit kanë frikë nga drita.

24- Shikoni, sekreti i lumturisë nuk mund të gjenden në të kërkuarit shumë e më shumë por në zhvillimin e kapaciteteve për t’u kënaqur më pak. /ideplus