Kuriozitete

Një masë padyshim drastike kjo për të lënë duhanin! Duhanpirësit e vërtetë kur të vendosin të ndërpresin pirjen e duhani ballafaqohen me shumë probleme.

Madje ata përdorin metoda të ndryshme, dëgjojnë të gjithë këshillimin e rrethit, përdorin pilula të ndryshme kundër pirjes së duhanit, por kur asgjë nuk ndihmon, ata i qasen metodave radikale.

Ky turk, i cili ka vendosur që në mënyrë radilake të heq dorë nga duhani është bërë hit i vërtetë në rrjetë sociale.

Burri ka vendosur kafaz në kokë, ndërsa çelësin e saj e ka vetëm gruaja e tij. Ajo ia hap vetëm kur është koha e ngrënies. Si ju duket?

Se Faik Konica ishte intelektual i papërsëritshëm shqiptar, dëshmi janë edhe thëniet e mëposhtme, që u mblodhën, u përkthyen dhe u përgatitën për botim nga Fotaq Andrea.

1. Njeriu fillimisht i sheh gjërat ashtu siç janë, dhe më pas u jep pamjen e asaj çka ai do dëshironte të ishin (Albania 4, 1906).

2. Të verbrit do të mbeten të verbër in sœcula sœculorum (gjer në fund të botës); edhe sikur t’u shtini perona në sy, ata prapë nuk do shohin kurrgjë. (Albania 1, 1897).

3. Grekët kanë një armë të frikshme: pabesinë (Albania 2, 1897).

4. E vërteta nuk ka nevojë për stil gjarpërues e të yndyrshëm të shkrimeve akademike. (Albania 2, 1897).

5. Ka qenie tek të cilat ndjenja e humorit nuk e ka forcën e duhur (Albania 2, 1897).

6. Fisnikëria dhe thjeshtësia mund të jenë cilësi kudo gjetkë, kurse në poezi janë antipasta të dëmshme. Çka i kërkohet poetit, poetit të vërtetë, është të shkaktojë një dridhmë të re, të flasë një gjuhë që të tjerë nuk e kanë folur, të ngacmojë ndijime që të tjerë nuk i kanë. (Albania 2, 1897).

7. Bijtë e shqipes nuk merren vesh me bijtë e gjarprit (Albania 2, 1897).

8. Gazetarët janë njerëz spiritualë dhe të dashur (Albania 5, 1897).

1. Xhelat je se të pëlqen të jesh (Albania 8, 1897).

2. Një i mbushur me mllef e mëri, në mendjen e tij anemike, rrokullis mendime të tmerrshme (Albania 9, 1898).

3. Nga lartësia e piedestalit ku zuzarët kapardisen me poza gjysmë-perëndish, ne do t’i asgjësojmë me një të goditur. A bon entendeur, salut! (Kush të dojë, le ta kuptojë) (Albania 9, 1898).

4. Drejtësia i takon fushës së ëndrrave; vetëm forca mbisundon (Albania 11, 1898).

5. Politika e vërtetë qëndron në kapjen e drejtimit të një evolucioni të caktuar dhe në përpjekjen për të ndihmuar në përshpejtimin e fundit të tij (Albania 11, 1898).

6. Një shkrimtar duhet gjykuar më shumë nga cilësia se sa nga sasia (Albania 11, 1898).

7. Popujt që ushqehen me perime e produkte qumështi kanë përgjithësisht zakone shumë të buta. (Albania 11, 1898).

8. Një popull që është i paaftë të afirmojë vitalitetin e vet, është në rrugë të pashmangshme tatëpjete (Albania 16, 15-30 korrik 1898).

9. Ka mënyra të ndryshme për t’i shërbyer një vendi dhe gjithkush i shërben në mënyrën që i përshtatet më mirë karakterit të tij. (Albania 16, 15-30 korrik 1898).

10. Të përpiqemi me të gjitha forcat tona të shërojmë shqiptarët nga dashuria për individët. Ata duhet të mësojnë të duan Shqipërinë – jo për t’i bërë qejfin këtij apo atij shqiptari (Albania 16, 15-30 korrik 1898).

11. Sharjet e kundërshtarit të nderojnë (Albania 16,15-31 korrik 1889).

12. Ka njerëz që shiten tek një qeveri për të pështyrë gënjeshtra. (Albania 16,15-31 korrik 1898).

13. Ai që i bën vërejtje dikujt si i edukuar keq, tregon nga ana e tij një edukim të paktën po aq të keq. (Albania 16,15-31 korrik 1898).

14. Mund të jesh njeri vulgar e të thuash do gjëra të arsyeshme (Albania 16,15-31 korrik 1898).

15. Më mirë të jesh një i egër i ndershëm, se sa një i qytetëruar i poshtër (Albania 16,15-31 korrik 1898).

16. Të gjitha vendet kanë tradhtarët e tyre të ndyrë (Albania 24, 15-28 shkurt 1898).

17. Lëvdata shpesh e ka brenda prapamendimin. (Albania 26, suplement 4, 5-30 prill 1899).

18. Pakorrigjueshmëria e një alkooliku është simptoma më e njohur e një çrregullimi mendor (Albania, 15-30 qershor 1899).

19. Ka shpesh personazhe vlera e të cilëve, zmadhuar nga larg, shfaqet më e vogël tek shihet nga afër. (Albania, 10 shtator 1900).

20. Nuk mund të gjykohet për tokën para se të mbjellësh ( domethënë: toka e mirë njihet kur hedh farën (Albania, 31 maj 1901).

21. Shumë broçkulla edhe u falen politikanëve, por pa kaluar kufijtë (Albania 20 qershor 1901).

22. Sa më shumë të mbahen fjalime parlamentare aq më i paktë është zotimi (Albania 20 qershor 1901).

23. Historia nuk është veçse një rifillim i përjetshëm (Albania, 10 korrik 1901).

24. Historia na mëson se gjithë ndryshimet politike kanë pasur përherë këta dy faktorë: emigrantët dhe një elitë të vogël, e lindur apo intelektuale, brenda vendit (Albania, 15 shtator 1901).

25. E sa ia vlen të vazhdosh një diskutim të rëndomtë përpara një qëndrimi kokëfortë? (Albania, 15 tetor 1901).

26. Është krim të trazosh lumturinë e budallait (Albania, 9janar 1902 f. 24 G).

27. Kush jeton me fjalë dhe përkundet me ninulla fjalësh, s’ka pse ankohet e të na lëshojë britmat e veta të zakonta prej palloi (Albania, prill-maj 1902, G, f. 113).

28. Popujt e Ballkanit janë të gjithë me mentalitet të kufizuar (Albania, shkurt 1903).

29. Urrejtja partiake shpesh merr përparësi ndaj instinktit kombëtar (Albania 2, 1904).

30. Për të gjykuar mirë një njeri që ka pjesë në histori, duhet t’a gjykojmë jo mbas mendimeve të kohës së sotme, po mbas kohës ku ay vetë u rrit, u suall e roiti (Albania, nr.2, 1902).

31. Koha kur rrojmë është koha e reklamës, dhe nuk duhet të çuditemi kur shohim mediokritetet e vëndit t’onë të hidhen përpara, dhe përpara, dhe përpara, duke mos bërë vënt përveç për shokë në shkallë (të caktuar) mëndore të tyre. (Albania 1, 1909).

32. Njerëzit e paditur, në shumicë, rrojnë më tepër se të diturit, se këtyre u punon nat’ e ditë mëndja, e ashtu u prishet më shpejt organizmi (Albania 5, 1899).

33. Ka njerëz që shitën nër guverna për të pështyr gënjeshtra. Ka të tjerë që marrin ndihmë nga një guvernë për të thënë të vërteta që ndryshe nuk mund t’i thonë (Albania 2, 1899).

34. Kur e nget një njeri, s’ke të drejtë t’i thuash pse më nget (Albania 2, 1899).

35. Frika të bën të thuash broçkulla (Albania 4, 25 qershor 1897).

36. Instinkti kombëtar është konkluzioni që një popull nxjerr nga shumë shekuj përvojë. Ky instinkt nuk të gabon asnjëherë (Albania 3, 1904).

37. Kur nuk ka vepra konkrete, ka retorikë (Albania, 4 prill 1904).

38. Atje ku nuk ka as forcë të brendshme në lëvizje, as interesa të jashtme në lojë, thashethemet e disa gazetarëve të huaj nuk mund ta çojnë përpara as edhe një jota zgjidhjen e një problemi politik (Albania 5, 1905).

39. Frikacaku i ka tërë karakteristikat, dhe kryesisht këtë: hakmerret ndaj përbuzjes së tjetrit nëpërmjet sharjes. I pafuqishëm, veç flet keq e shan poshtërsisht të tjerët (Albania 5, 1905).

40. Rinia është e çiltër dhe çiltërsia është armiku i natyrshëm i sharlatanëve (Albania 5, 1905).

41. Padurimi shoqërohet gjithnjë nga dështimi (Albania 5, 1905).

42. Më mirë shtrëngo rripin denjësisht, se sa të pëllasësh nga uria (Albania 5, 1905).

43. Kur tinzarinë e përdor si diplomaci, poshtërsinë si shkathtësi, harbutërinë si forcë, domosdo të duket vetja i papërballueshëm. Por betohem për kamxhikun e Skënderbeut se në rastin më të parë do të bëj të ndërrosh mendim! (Albania 5, 1905).

44. Rrallë mund të jesh profet i keq po qe se parathua vetëm gjëra me shumë gjasa (Albania 6, 1905).

45. Gjërat tepër qesharake zbavitin edhe më budallain (Albania 6, 1905).

46. Ka pasur në çdo kohë, dhe përherë do ketë individë të gatshëm për të folur e shkruar lidhur me çështje për të cilat nuk ia kanë haberin të shprehin as fjalën e parë. Por për mendjet e matura, të etura për të studiuar seriozisht një vend e një popull, nuk ka dhe nuk do të ketë veçse dy metoda në përdorim, jashtë së cilave gjithçka tjetër nuk është veçse mashtrim: metoda e parë ka të bëjë me ndërmarrjen e udhëtimeve për të bërë anketime të hollësishme e sistematike drejtpërdrejt në vend; e dyta, me leximin sa më shumë që të jetë e mundur të broshurave e librave të lidhura me çështjen konkrete, me qëllim që të arrihet nëpërmjet induksionit – përmes një morie dokumentesh, faktesh dhe pohimesh kontradiktore – të veçohet e vërteta dhe të koordinohet një tërësi pikëpamjesh të qarta e objektive (Albania 6, 1905).

47. Cilësitë që zakonisht shoqërojnë pafajësinë janë natyrshmëria, mosinteresimi dhe butësia (Albana 4, 1906).

48. Besimi është aritmetika e idealistëve, që i bën të besojnë se gjashtë egoizma të forta janë baras me një bujari të plotë (Albana 4, 1906).

49. Çlirim i një populli nuk do të thotë liri e tij duke skllavëruar një tjetër (Albania 11,1907).

50. Nuk mund të lexohet nëpër rreshta ajo çka nuk ekziston (Albania 11, 1907).

51. Pa dyshim, çdo parti ka të drejtën, madje dhe detyrën të shtojë radhët e veta në dëm të atyre që i kundërvihen (Albania 5, 1907).

60.Nuk mund të pretendosh të përfitosh nga tërë dobitë e lirisë, duke ruajtur njëkohësisht tërë privilegjet e tiranisë. Për të pasur institucione të lira, duhen luftuar mendimet nëpërmjet mendimeve (Albania 5, 1907).

1. Dallimi në kulturë shpjegon dallimin në mendime (Albania 5, 1907).

2. Koncepti i turqve për qytetërimin kufizohet thjesht në përdorim pomadash dhe në spërdredhje çupëlinash (Albania 12, 1909).

3. Urrejtja nuk çarmatoset nëpërmjet heshtjes e asnjanësisë (Albania 12, 1909).

4. Fjala e urtë e njohur : “gjithkush sipas shijes së vet”, mbetet përjetësisht e vërtetë (Albania 7, 1905).

5. “Patriotët” e aty-këtushëm janë duke e bërë qesharak patriotizmin me lloj-lloj maskarallëqesh e lloj-lloj teprimesh të shpëlara (Albania 1, 1905).

6. Botëkuptimi i një patrioti të vërtetë : të ngjallësh tek kombit tënd – me shijen e mendimit intelektual dhe me ndjenjë të fuqishme dinjiteti kombëtar – dëshirën e zjarrtë për përparimin e shoqërisë në kuptimin e plotë të fjalës. Ksenofobia, as që ishte pjesë e natyrës së patriotit. Ashpërsia dhe poshtërsia s’kanë si të jenë detyra patriotike. E megjithatë, gjithkush është i lirë të dojë a të urrejë, ose thjesht të jetë moskokëçarës (Albania 1, 1905).

7. Rinia është në sytë e injorantëve kërcënim për të ardhmen; por është edhe është rrezik për të tashmen, sepse rinia është e çiltër, ndërkohë që dhe çiltërsia është armiku i natyrshëm i sharlatanëve (Albania 5, 1905).

8. Përsosuria absolute nuk ekziston në një gjuhë që vetëm flitet; u takon shkrimtarëve për ta përpunuar (Albania 5, 1905).

9. Guximi i tepruar shkon gjer në krim (Albania 6, 1905).

10. Shumica e atyre që kanë marrë mbi vete misionin modest “të ndriçojnë opinionin publik” as që kanë ndjesinë më elementare ta nisin fillimisht nga vetvetja për t’u mirinformuar. Venë e vënë në përdorim mënyra hulumtimi të cilat, sikur të zbatoheshin në çdo shkencë, do bënin për të qeshur edhe një nxënës shkolle (Albania 6, 1905).

11. Ka pasur në çdo kohë, dhe përherë do ketë individë të gatshëm për të folur e shkruar lidhur me çështje për të cilat nuk ia kanë haberin të shprehin as fjalën e parë (Albania 6, 1905).

12. Nëse shfaqem se mbaj ndonjë rezervë, do thosha se të mbash rezerva në disa raste, do të thotë gjithashtu edhe të lëvdosh. Ndaj një shkrimtari me nivel intelektual dhe talent, paanshmëria është një formë epërsie e nderimit (Albania 4, 1906).

13. Për mungese kulture, besimet, ashtu si dhe idetë, vdesin(Albania 4, 1906).

14. Respekti ndaj pronës private është një virtyt i vështirë, zbatimi i të cilit gjithmonë ka kërkuar ndërhyrjen dhe ndihmën e mirëmbajtësit të rregullit (Albania 4, 1906).

15. Turqit janë një popull oriental e teokratik, nomadë dhe pushtues. Brenda këtij karakteri të katërfishtë ndodhet çelësi i krejt historisë së tyre (Albania 4, 1906).

16. Nuk ka despotizëm më të keq se sa njëfarë idealizmi dogmatik, që përbuz si përvojën, si faktet dhe gjithçka tjetër që prish simetrinë e thjeshtë të koncepteve a priori (Albania 4, 1906).

17. Cilësitë që zakonisht shoqërojnë pafajësinë janë natyrshmëria, shpërfillja dhe butësia (Albania 4, 1906).

18. Të lehtësosh mjerimin e kundërshtarëve tanë është një veprim i meritueshëm. Të mbështetësh pretendimet e tyre politike është të bëhesh bashkëfajtor i një pabarazie. Të nxitësh lëvizjen tonë është të ndihmosh për një vepër nga më fisniket: çlirim i një populli nuk do të thotë liri e tij duke skllavëruar një tjetër (Albania, vëll XI, 1907).

19. Dëshira për hakmarrje është susta më e fuqishme e shpirtit shqiptar (Albania 4, 1907).

20. Zgjidhja ideale do të ishte për shqiptarët të zhduknin njëherë e mirë ndikimet orientale, duke shkëputur çdo lidhje, fetare, morale apo letrare qoftë me bizantinët, qoftë me turqit. Mirëpo, gjë e bukur të ndodhte kjo në çast. Zgjidhja do ishte e realizueshme po qe se stërgjyshërit tanë do ta kishin përgatitur me kohë për ne; atëherë neve do të na duhet ta përgatisim këtë zgjidhje për nipat tanë të ardhshëm (Albania 2, 1907).

21. Çdo aleancë duhet të bëhet mbi bazën e parimit do ut des (më jep, të të jap) (Albania 2, 1907).

22. Urrejtja nuk çarmatoset nëpërmjet heshtjes e asnjanësisë (Albania 12, 1909).

23. Shkenca e edukimit është shkenca e së ardhmes, e para nga të gjitha, duke qenë se është motori i krejt të tjerave (Ese për edukimin hyrje ).

24. Individë të dënuar me sëmundje të pashërueshme, të çfarëdo natyre qofshin, nuk ka si ta shohin veten të zhveshur nga një epsh që ndez instinkti (Ese për edukimin).

25. Fëmija qan dhe bërtet për dy arsye: herë ngaqë ka gjumë a vuan, dhe vihet re kollaj duke përdorur këtë apo atë ilaç që i përshtatet, herë ngaqë nuk bën gjë tjetër – falë një instinkti të mrekullueshëm – veçse ushtron zërin e tij. Dhe në këtë rast të fundit duhet lënë të vazhdojë në punë të vet.

26. Një nga detyrat më të vështira të edukimit ka të bëjë me atë që unë do ta quaja pa frikë kundër-trashëgimia. Ashtu sikurse ka kundërhelme, ka në fakt edhe një trajtim psikik për të zbutur apo zhdukur – sipas shkallës së qëndresës që shfaqin– të metat, pasionet apo veset e trashëguara. (Ese për edukimin).

27. Mendimi i lirë nuk i nënshtrohet asnjë sektarizmi; pasioni antifetar, më shumë nga ateizëm, nuk është veçse një devotshmëri zvetënuese. Ateizmi është asnjanësia. (Ese për edukimin).

28. Zotërimi i shumë gjuhëve është për një të njeri të shkretë një armë e mirë dhe municion shumë i mirë… Gjuha njihet vetëm kur mund të mendohet nëpërmjet saj. (Ese mbi edukimin).

29. Edukimi është shkencë, shkenca e parimeve më të përgjithshme për zhvillimin e plotë të mendimit njerëzor. (Ese për edukimin).

30. Qartësia apo paqartësia, saktësia apo pasaktësia e ideve dhe e mendimeve, qëndrimi ndaj veprimeve të jetës varen shpesh nga metoda e mirë apo e keqe e të menduarit, ose thjesht, nga mungesa e çdo lloj metode. Edukimi, me një fjalë, s’është gjë tjetër veçse si t’i mësohet fëmijës të veprojë në jetë vetëm pasi të mendojë, të mendojë vetëm pasi të arsyetojë dhe të arsyetojë vetëm metodikisht dhe nëpërmjet një metode të mirë, domethënë shkencore. (Ese për edukimin).

31. Qeni tund bishtin, kurse njeriu duartroket. Është, si tek njëri dhe tek tjetri, një mënyrë për ta bërë të dukshme kënaqësinë që ndjejnë. (Skice metode për t’u duartrokitur).

32. Moda, sot, është drejt artificiales. (Ese për gjuhët artificiale).

33. Gjuha përfaqëson, me një besnikëri të përkryer, metodën mendore të një populli, mënyrën e tij të zakontë për të përcjellë idetë. (Ese për gjuhët artificiale).

34. Tek harrojnë të djeshmen, tek përbuzin të ardhmen, bohemët jetojnë të përditshmen dhe vetëm e tashmja u intereson. (Ese për gjuhët artificiale).

35. Jeta e njeriut nuk është veçse një vijimësi mendimesh dhe veprimesh, të drejtuara qoftë mendimet, qoftë veprimet në një mënyrë të caktuar. (Ese për gjuhët artificiale).

36. Gjuha është një tregues i sigurt i gjendjes qytetëruese të një populli… sa më shumë përgjithësohen tek një popull mirësjellja, takti dhe ai qëndrim i përmbajtur për të respektuar rregullat e vendosura në një shoqëri të zhvilluar, aq më shumë pasthirrmat priren drejt zhdukjes. Si të tilla, tek formonin fjalorin e njeriut të egër primitiv, teksa i shohim në përdorim aq të dendur midis popullatave të Afrikës moderne, teksa ende çmohen në letërsinë e racave të ngrohta dhe komunikuese të Jugut, pasthirrmat nuk janë më veç një kujtim disi qesharak ndër shkrimtarët gjithë elegancë të shumicës së vendeve të Veriut. (Ese për gjuhët artificiale).

37. Detyra parësore, detyra e vetme e përkthyesit është të ketë një dije dhe një ndjeshmëri të tillë sa të mund të shohë e të ndjejë krejt mprehtësitë dhe ngjyrimet e tekstit origjinal, të shohë e të ndjejë idenë e autorit, as më lart e as më poshtë, si dhe ta japë përkthimin në mënyrë të tillë që të veprojë në trurin dhe nervat e lexuesit në masë të njëtrajtshme. (Ese për gjuhët artificiale).

38. Arti për të depërtuar në ndjeshmërinë e lexuesit është stili. (Ese për gjuhët artificiale).

39. Ironia, kjo bimë me aromë të këndshme e të lehtë. (Ese për gjuhët artificiale).

40. Ritmi ndihmon më shumë se gjithçka për t’i dhënë stilit shfaqjen e lëvizjes dhe të jetës. Është qarkullimi i gjakut dhe rrahja e zemrës. Andaj dhe është karakteristika më vendimtare e shkrimtarit të vërtetë.

Kushtet e përshtatshme klimatiko-tokësore në disa zona të Shqipërisë mundësojnë grumbullimin e disa bimëve mjekësore dhe aromatike, për të cilat ka kërkesë të lartë në treg.

Aktualisht, Shqipëria renditet ndër vendet kryesore të Evropës Mesdhetare për eksportin e bimëve mjekësore dhe aromatike.

Lista e këtyre bimëve përfshin bimë si sherebelë, trumzë, rigon, çaj mali, mollë e egër, trëndafil i egër, aguliçe, dëllenjë e zezë, shtog, hithër, lulëkuqe, salep, kamomil, shpatore, etj.

Një nga bimët më të rrezikuara është Salepi Shqiptar, botanikisht i njohur si Orchis Morio.

Së bashku me çajin e malit, salepi shqiptar është i përfshirë në Librin e Kuq të bimëve të cilat rrezikojnë zhdukjen.

Ndalimi Nga Bashkimi Evropian

Bashkimi Evropian e ka ndaluar me ligj këputjen e orkideve. Nga rrënja e të cilave përftohet salepi, ndërkohë që nuk ka ndaluar importin e këtyre bimëve.

Ky veprim i vendeve të Bashkimit Evropian ka pasuar situatën e krizës tek vendet e përjashtuara nga ky legjislacion. Të cilat kanë filluar eksportin masiv, duke rrezikuar jetën e kësaj bime në gjendje natyrale.

Në dallim nga vendet e mëdha prodhuese të këtij produkti, salepi shqiptar nuk kultivohet. Ai rritet në gjendje të egër në natyrë, prandaj edhe kërkohet me shumë ngulm nga vende si Gjermania dhe Franca.

Në Shqipëri, salepi shitet nga mbledhësi me 20 dollarë tek grumbulluesi i vogël. I cili e rishet tek grumbulluesi i madh me 25 Dollarë.

Ky i fundit e pastron dhe e paketon dhe më pas del ne tregun shqiptar me 40 dollarë dhe në tregun e huaj edhe shumë më tepër se kaq.

Dibra dhe Pogradeci janë zonat me praninë më të madhe të salepit të egër. Por ky i fundit gjendet edhe në zona të tjera të vendit në sasi më të pakta.

Erozioni dhe masat që duhet të merren 

Por përtej dorës shkatërruese të njeriut, salepi dhe bimët e tjera të egra medicinale përballen edhe me shfaqjen e erozionit masiv. Si në Lurë, Dibër, Pukë, Vau i Dejës, Koman, Çermenikë, Poliçan, Berat, Pogradec, Sarandë, Kukës, etj.

Ky erozion është shkaktuar në masë nga shpyllëzimet dhe hapja e tokave të reja.

Gjithashtu, një numër i madh i bimëve është shfrytëzuar pa kriter. Siç është rasti i salepit shqiptar, duke çuar në shfaqjen e erozionit gjenetik të bimëve, ku shumë bimë janë drejt zhdukjes.

Në këtë pikë, masat që duhet të merren lidhen me ndalimin e mbledhjes së disa bimëve që rrezikojnë të zhduken. Si dhe me rritjen e mundësisë së kultivimit të tyre.

Kjo do të çonte dhe në rritjen e mundësisë së punësimit të popullsisë së zonave rurale. Si dhe vënien nën shfrytëzim të tokave të lëna djerrë, duke penguar dhe erozionin e tyre.

Rreziku i zhdukjes

Si rezultat i mbishfrytëzimit dhe përdorimit të teknikave të gabuara të vjeljes, shumë specie të bimëve mjekësore janë të listuara si bimë të rrezikuara. Fatkeqësisht këtu hyjnë çaji i malit, salepi, sanza, xhirokulli, boronica, dëllinja e kuqe, dëllinja e zezë, rigoni, trëndafili i egër, murrizi, etj.

Ndonëse janë nënshkruar nga Shqipëria disa konventa ndërkombëtare në mbrojtje të biodiversitetit, është hartuar legjislacioni përkatës për mbrojtjen e tyre si dhe janë një sërë aktorësh të përfshirë në procesin e menaxhimit të këtyre bimëve, sërish mbrojtja dhe shfrytëzimi në mënyrë racionale dhe të qëndrueshme të tyre, le për të dëshiruar.

Nga burimet e AgroWeb.org rezulton se një pjesë e konsiderueshme e bimëve të egra medicinale janë të dëmtuara.

Ato janë të listuara si bimë në rrezik zhdukje. Aktorët e menaxhimit duhet të ndërhyjnë për rikuperimin e këtyre bimëve.

Gjithmonë e më tepër në vend po vihet re një mungesë e grumbullimit të disa bimëve medicinale.

Kjo lidhet me rrallimin e burimit natyror të tyre si sanza dhe salepi. Të cilat kanë statusin e bimëve në rrezik zhdukjeje.

Në këtë jetë ekziston bollëku dhe varfëria! Çështja është se sa më shumë që ne duam ta çojmë jetën tonë në një nivel më të lartë, sepse e dimë që e meritojmë, kjo krizë është e vështirë dhe e bën atë diçka vërtetë të vështirë për t’u arritur.

Por duhet të jemi të ndershëm me veten.

A e dini se ka një metodë që i bën paratë të vershojnë në jetën tuaj? Është shumë efektive sepse rezultatet mund të shihen brenda pak ditësh. E pabesueshme!

Vëmendje:

Reduktoni paratë tuaja çdo natë!

Çfarë? Nuk e kuptova…

Edhe pse mund të duket e palogjikshme, është ashtu siç e lexove; me fjalë të tjera, ju duhet të reduktoni paratë që keni në dispozicion dhe ju duhet t’i premtoni vetes se nuk do t’i prekni ato.

Për shembull, vjen mbrëmja dhe ju gjeni veten me:

– 33 euro në portofol

Vendoseni 3 euro, nën dyshek, në sirtarin e kuzhinës, shkurt, kudo që dëshironi, tani keni:

– 30 euro në kuletë

Këto 3 euro që ju lini mënjanë, imagjinojini se ato nuk ekzistojnë më. I ke humbur ato.

Këshilla është që të përdorni kartat e kreditit sa më pak të jetë e mundur, pasi ato nuk na bëjnë të kuptojmë sa para shpenzojmë momentalisht.

Sa herë që ju paguani, reduktoni paratë tuaja.

Për shembull, jeni paguar 1.100 euro për punën tuaj një mujore, mos shkoni direkt në kinema ose të hani darkë jashtë, prisni! Hiq 100 euro nga paga juaj, tani ke:

-1000 euro

Këto 100 euro që i keni marrë për ju nuk duhet të ekzistojnë më.

Në fund të muajit në vijim përpiquni të numëroni paratë që i keni lënë mënjanë dhe unë ju siguroj se shuma do t’ju lërë pa fjalë. E paparë!

Ky është një truk i shkëlqyer i shpikur nga japonezët për të kursyer shumë para në një kohë të shkurtër, kështu që duhet të filloni ta bëni atë që sonte.

Ai mund të jetë një fqinj, një shok shkolle ose një koleg. Një mik, një i njohur apo një anëtar i familjes.

Sipas një raporti të “Save the Children”, rreth 4 milion vajza martohen çdo vit në mbarë botën. Kjo do të thotë që çdo shtatë sekonda një vajzë që është më e re se 15 vjeçe martohet.

Vlerësimet e Unicef, duke iu referuar vitit 2012, thonë se më shumë se 40% e grave në mbarë botën, rreth 400 milionë midis 20 dhe 49 vjeç, janë martuar para se të mbushin 18 vjeç. Gjithashtu në nivel global (duke përjashtuar Kinën) rreth 23 milionë vajza u martuan para moshës 15-vjeçare.

Këta njerëz janë të privuar nga fëmijëria e tyre, u mohohet arsimimi i tyre dhe humbasin aftësinë për të vendosur mbi jetën e tyre.

Mund të duket si diçka shumë larg prej nesh, diçka që nuk mund të ndodhë kurrë në një vend të zhvilluar dhe, prandaj, nuk mendojmë për këtë. Por si do të reagonin njerëzit nëse e gjithë kjo ndodh në mes të ditës dhe në sytë e të gjithëve në një qytet si Nju Jorku?

Kjo ndodh vazhdimisht, në të gjithë botën. Për të bërë sa më shumë njerëz të vetëdijshëm se është një problem që ekziston aktualisht, Coby Persin, një përdorues i Youtube-it, ka vendosur të bëjë një eksperiment social.

Ajo që shihni në video nuk është e vërtetë. Por është një film shumë interesant që meriton të shihet.

Coby organizoi një martesë të rreme midis një vajze 12-vjeçare dhe një 65-vjeçari. I riu donte të shihte se si do të reagonin njerëzit për një gjë të tillë.

Video është xhiruar në Time Square në qytetin e Nju Jorkut.

Në eksperiment, Coby luan fotografin, i cili merr fotografitë e martesës midis një burri 65-vjeçar dhe gruas së tij të re, vetëm 12 vjeçe.

Nusja dhe dhëndri pozojnë për fotot dhe kapin duart e njëri-tjetrit. Ai buzëqesh, ndërsa ajo ka një pamje të trishtuar në fytyrë.

Së pari njerëzit që kalojnë ndalen dhe duken të habitur.

Megjithatë, sa më shumë eksperimenti vazhdon, aq më shumë njerëzit zemërohen dhe shprehin mendimet e tyre.

Disa njerëz përballen drejtpërdrejt me burrin.

Një grua pyet se ku është nëna e fëmijës, të tjerë theksojnë se është shumë e vogël dhe të tjerët ende pyesin se si mund të bëjë diçka të tillë.

Njerëzit shprehin qartë zhgënjimin e tyre duke thënë fraza si: “Është e paligjshme”, “Ti ta shpif”, “Ti je i sëmurë”, “Je një k**”.

Një grua u përpoq gjithashtu ta largonte vajzën nga burri.

Në disa raste tensioni është i dukshëm dhe tonet bëhen të rënda.

Është e qartë se banorët e Nju Jorkut nuk pranojnë në asnjë mënyrë faktin se një fëmijë mund të martohet me një të moshuar.

Në videon e mëposhtme mund të shihni eksperimentin social, është në anglisht, por është e lehtë për të interpretuar reagimet e njerëzve. Kjo është diçka për të cilën duhet të mendojmë të gjithë.

Çdo 7 sekonda një fëmijë detyrohet të martohet. Kjo duhet të marrë fund sa më shpejt që të jetë e mundur.

Ndani me miqtë tuaj për të krijuar më shumë ndërgjegjësim për këtë problem.

Të gjitha vajzat kanë të drejtë të vendosin për jetën e tyre, a nuk mendoni kështu? /ShkodraNews

[youtube https://www.youtube.com/watch?v=KldFGgUTqKA]

31 vjeçarja është e varur nga foshnjet, dhe gjithçka që ka të bëjë me to. E gjitha çfarë ajo do është që të ketë fëmijë  si motra e saj Chloe, 29 vjeç.

“Sa herë që kisha një fëmija unë isha e lutur të kisha edhe më shumë. Është padyshim një varësi. Është si një ilaç, sa më shpejtë që ndalojë dhënia e gjirit për njërin, doja të kisha një tjetër përsëri. Do të kisha edhe më tepër nëse do të më lejonin financiar. Unë dua të kem bebe-më pëlqen të jem shtatzënë dhe absolutisht e dua lindjes, është pjesa më e mirë nga ujërat që thyejnë kur del foshnja, ishte përvoja më  e veçantë nga të gjitha”, ka thënë Amy, transmeton Indeksonline.

Dëshira e Amy për të pasur fëmijë ishte aq e fortë sa edhe pasi u nda me babanë e të parëve të saj, Gjoni, tani 41 vjeç, iu lut që të jetë përsëri me të që të vazhdonte të lindte.

Të dyja familjet jetojnë pesë minuta larg në një fshat të vogël në Geynedd të Uells-it.

Në vitin 2006, Chloe lindi Leon, tani 11 vjeç dhe 10 javë më vonë Amy kishte një vajzë të vogël, Bryony, tani 11 vjeç-pas një pune që zgjati vetëm 20 minuta.

Amy ndërkohë u takua me ish-partnerin e saj John, kur ishte 17 vjeç dhe e kishte fëmijën e parë, Mikey, tani 12 vjeç ku më pas vazhdoj me të tjerët.

Dy vjet më parë, Chloe humbi tragjikisht bashkëshortin e saj.

Ky qen i zgjuar me shkathtësi drejton traktorin e të zotit të tij, për ta lëvruar arën.

Ky qen ka tërhequr një numër të madh të vizitorëve në shtëpinë e tij, kur ai kishte hipur në një traktor të kuq, në Irlandën Veriore.

Qeni i zellshëm e ka ndihmuar pronarin e tij për të mbjellat dhe të korrat e arave.

Qeni katër vjeçar, gjithashtu është babai i katër qenve tjerë, transmeton Indeksonline.

Pronari i Rambos, Albert Reid, tha: “Askush nuk mund ta besonte atë, kur e pantë. Të gjithë e fotografonin dhe gjironin atë”.

Kemi shumë njerëz që vijnë në oborrin tonë, të cilët thjesht vijnë për të shuar kureshtjen, për ta parë nga afër qenin.

“Ai është thjeshtë shumë miqësor dhe mikpritës me të gjithë njerëzit që vijnë”, është shprehur pronari i tij.