E rrallë në Vlorë. Një dash ka jo dy por katër brirë. Nuk është se nuk ka ndodhur edhe parë, por gjithsesi mbetet një nga gjërat me të veçanta që mund të ndodhë.
Ngjarja është rregjistruar në Karaburun, ku dashi ka një pamje shumë ndryshe nga të tjerët. Ai është i pajisur me katër brirë.Brirët i japin autoritet të padiskutueshëm prijësit të kopesë.
Madje rivalët e tufave të tjera e kanë frikë vetëm për këtë fakt. Sepse ai nuk është një krijesë dosido, por një dash me katër brirë. Dashi bën një jetë krejt normale mes tufës.
Në Vals, në një fshat të vogël në kantonin Graubunden (Zvicër), Bjarne Mastenbroek dhe Christian Muller, arkitektë e miq me njëri tjetrin kanë projektuar një shtëpi në mal.
Sfida ishte për të treguar se mund të ndërtohet një ndërtesë 160 metra katrorë pranë një lugine, pa sakrifikuar peizazhin.
Shtëpia është magjike, veçanërisht kur pjesa e jashtme mbulohet nga dëbora. Në shtëpi hyhet nëpërmjet një tuneli nëntokësor lidhur me hambar të vjetër.
Puna ka përfunduar brenda katër vjetëve. Shtëpia tashmi jepet me qira nga pronarët.
Keni provuar të kërkoni ndonjëherë në Google Maps për Lazaratin?
Nëse provoni të bëni një kërkim në internet do të shikoni se do të dalin disa destinacione si “Shesim barin më të mirë”, “Kafe dhe hashash”, “Shesim bar” apo edhe “Hashashi dhe Jeta”.
Nëse kërkon të depërtosh edhe më në thellësi të hartës, mund të hasësh në pika të tjera kyçe, ku ndër të tjera mund të identifikosh edhe “Shkollën e Kultivimit të Hashashit”.
Një teori e çuditshme shpjegon se një piramidë gjigante kristali, gjendet 2000 metra poshtë Trekëndëshit të Bermudës. Teoria thotë se shkencëtarët e zbuluan strukturën misterioze në vitin 2012, duke përdorur teknologji të panjohur për shkencën moderne.
Shkencëtarët besojnë se piramida e kristaltë është shkaktarja për zhdukjen e shumë avionëve dhe anijeve në zonën e Trekëndëshit të Bermudës.
Ekziston një liqen çudibërës në Shqipëri. Një liqen i kristaltë me veti të mrekullueshme për organizmin. Njihet me emrin “Liqeni i Zi. Ndodhet 4 km në jug-lindje të fshatit Lenie (Shënepremte) në lartësinë 1684 m mbi nivelin e detit. Është liqen me origjinë akullnajore. Ka ujë shumë të ftohtë, të pastër dhe të kthjelltë, me ngjyrë blu të thellë. Ka klimë të pastër malore dhe bukuri të rrallë natyrore. 300 m larg tij ndodhet burimi i Liqenit të Zi që përmban ujë me veti kurative në saj të përmbajtjes së tij me mineralizim të lartë, dhe PH 7.5 – 8.39.
Po afron periudha e pikut të shfrytëzimit të këtij uji. 15 gushti deri 15 shtator qindra, në mos mijëra vetë, vijnë në këtë liqen për të ushtruar terapinë me ujë të ftohtë për shërimin e sëmundjeve. Dhe rezultatet duket se kanë qenë vërtet impresionuese. Aq sa tashmë në këtë liqen po vijnë dhjetëra turistë. Turistët shprehen se, burime të tilla që zotërojnë cilësi të veçanta për shëndetin, kanë hasur në Lurisia, Merano, Montekatini, (Itali) Baden- Baden (Gjermani), Lukon (Francë). Por, rasti i Gramshit tejkalon çdo parashikim sipas tyre. Sepse, uji i liqenit të Zi, në Lenie të Gramshit, jo vetëm që përdoret për banjë, por edhe është ujë i shkëlqyer për tu pirë.
Uji i Ftohtë kurativ është unikal në vendin tonë.
Sëmundjet që mjekohen në pusin e Ujit të Ftohtë
Në gjuhën e popullit flitet se në Ujin e Ftohtë kanë ardhur në kuaj e kanë bërë banjë njerëz të sëmurë e të bllokuar nga reumatizmi dhe janë kthyer me këmbët e tyre. E studiuar më gjerë, indikacionet janë për shumë sëmundje. Në Ujin e Ftohtë shërohen: – Sëmundjet reumatizmale, gonartroza dhe koksartrosi, dy sëmundje bllokuese të gjunjëve dhe çapokut, të përhapura shumë sot në botë, me invaliditet të lartë e kosto të madhe; – artriti rheumatoid, që kap edhe moshën e re (që prek indin lidhor, kryesisht kolagjenin); – sëmundja e podagres, si sëmundje reumatike dhe metabolike; – sëmundje të kolonës vertebrale, palcës së kurrizit, të kyçeve të supit, bërylit, këmbëve, muskujve, tendineve, të nervave, neuromuskulare, të organeve genitale e sterilitetit.
Mbi banjot në pusin e Ujit të Ftohtë
Në malin e Shënepremtes, në skajin lindor të fushës të Liqenit të Zi, ndodhet pusi i Ujit të Ftohtë, ku bëjnë banjo të sëmurët. Në vijën Liqeni i Zi – Pusi – Qafë Mushkë, dalin: kroi i liqenit, pusi me burime në basifondin (fundin) e tij, kroi i Sharlorthit dhe kroi i Pishës pranë Qafë – Mushkës. Pusi ka dhe një emër të dytë, “Pusi i Grave”, ndoshta për efektin e veçantë në problemet e sterilitetit femëror apo sëmundjeve gjinekologjike, ndonëse më shumë i nënshtrohen banjës të sëmurë me sëmundje reumatizmale. Banjot bëhen në periudhën 1 gusht – 15 shtator. Për 3 ditë, bëhen 3 banja. Pusi i Ujit Ftohtë ruhet në gjendje natyrale, i rrethuar me gurë, ku uji qarkullon vazhdueshëm, me formë katrore, i gjatë 2 m dhe mbulon trupin e zhytur.
Tipat e banjos janë: – Banjot e ftohta për krahët (përdoren për dhimbjet e krahëve, çrregullimet e zemrës, pagjumësinë, etj.); – banjot e këmbëve (rekomandohet për dhimbjet e këmbëve, në epistaksis, çrregullime të vesikës urinare); – banjo ndenjur (ndikon në sëmundjet e barkut e të zorrës së trashë); – banjo me gjysmën e trupit (ndikon në sëmundjet e barkut, sëmundjet gjinekologjike, vesikës); – banjo i gjithë trupi. (I sëmuri ulet në një nga gurët e bordurës, fut këmbët, lag krahët, regionin para zemrës dhe shpinën për ambientin, pas kësaj fillon rrëshqitjen e ngadalshme në ujin e banjos, deri sa uji të arrijë pjesën e sipërme të qafës. Gjatë banjës nuk lëvizet.) Dy momente janë më të vështirat.
Në 3 minutat e para të banjës, i sëmuri, krahas të ftohtit të madh, ndjen dhe dhimbje në anësi. Por bindja se do të shërohet, si të tjerë të sëmurë para tij dhe siguria e kujdestarëve që qëndrojnë tek koka, e bëjnë që ta përballojë këtë gjë. Në vazhdim, banja vepron në organizëm, i sëmuri anestezohet (mpihet), por vëzhgimi është i rreptë, mbahet me muhabet për të parë koshiencën dhe, rreth minutës së 15-të ngrihet ose e detyrojnë të ngrihet, sepse fillon periudha e dytë e rrezikshme, ndoshta rrezikohet për veprim goditje në zemër dhe në tru. Rregullat që duhen zbatuar, janë të njëjta si te personat që drejtonin banjon në pusin Uji Ftohtë dhe në doktrinën e Kneip.
I sëmuri hyn në banjo me veshje të brendshme të pambukta, kur del nga banja nuk i fshin pikat e ujit, nuk ngrohet pranë zjarrit, por bën pak vrap nëpër shesh dhe shtrihet i shtruar dhe mbuluar me një rrobe të leshtë, tip velenxe, thekore. Zakonisht e zë gjumi dhe ngrihet i lehtësuar. Gjatë kohës së banjove, rekomandohet diete laktovegjetariane (jo mish). Sipas temperaturës e ujit të banjove, këto klasifikohen: 0-5 gradë, banjo e ngrirë; 5-10 gradë, banjo shumë e ftohtë; 10-15 gradë banjo e ftohtë, 15-22 gradë, banjo e freskët.
Për mjekim në banjo, mbikëqyrja e mjekut është e domosdoshme, sidomos për persona me sëmundje të zemrës, tensionit. Mjekimi empirik në shumë raste sjell pasoja për shëndetin e të sëmurit. Banja, sipas literaturës, fillohet me temperaturën e ujit 15 ose 18 gradë. Kohëzgjatja e aplikimeve me procedura të ftohta nëpër institucione mjekësore, rekomandohet 6 deri 20 sekonda, ndërsa banjot në pusin e Ujit të Ftohtë zgjasin rreth 15 minuta, ndaj është e domosdoshme që çdo person i cili shkon atje, duhet të vizitohet të paktën nga zemra e tensioni para banjës dhe të jetë nën vëzhgimin e mjekut.
Ujërat radioaktive dhe infrastruktura
Ujërat e liqenit të zi përmbajnë radon, elementë radioaktivë etj. Sipas ing. Bardhyl Zaimit, janë bërë matjet për radioaktivitet direkt tek pusi dhe është gjetur radium, cesium dhe stroncium. Këto lloje ujëra kanë indikacione mbi artritizmin, reumatizmin, nevritet, sëmundjet metabolike (uricemin, obositetin), sëmundjet endrokrine si insuficiencën e vezoreve, të tiroides, gjëndrave suprarenale, në sëmundje gjinekologjike e në veçanti në sterilitetin femëror, sëmundjet nervore, të lëkurës. Të tilla stacione termale ndodhen në Lurisia, Merano, Montekatini, (Itali) Baden- Baden (Gjermani), Lukon (Francë).
Me plotësimin e studimeve, uji i ftohtë i Shënepremtes do të marrë vlera të tjera, sepse është i vetmi në llojin e vet dhe i një rëndësie të veçantë. Problem mbetet infrastruktura rrugore për të mbërritur në Liqenin e mrekullive. Rruga mund të ëprshkohet me fouristrada apo mjete me aks të lartë. Për çdo vit aty ngrihen kampingje dhe nga dita në ditë liqeni kurativ po frekuentohet gjithnjë e më shumë. Bashkia Gramsh ka në projekt asfaltimin e rrugës. Por për finalizimin e këtij projekti nevojitet fonde të mëdha. Aktualisht ky institucion ndodhet në kërkim të donatorëve. Bashkia Gramsh synon ta kthejë liqenin e Zi në një vend të rëndësishëm të turizmit kurativ.
Mekanizmi i veprimit të banjove
Hidroterapia elementare konsiston në banjo me ujë të thjeshtë, banjo të përgjithshme dhe lokale. Procedura më të komplikuara të hidroterapisë kombinohen me veprimin e lëndëve të ndryshme kimike mbi organizmin. Kjo vlen veçanërisht për hidroterapinë në stacione balneare. Në këto stacione, bëhet mjekim me ujë mineral, i cili del prej burimit me përbërje fizike dhe kimike të caktuar. Kjo përbërje mund të rregullohet dhe artificialisht në instalime të veçanta hidroterapeutike. Hidroterapia ka mbi organizëm influencë termike, mekanike dhe kimike. Efekti termik është i përbashkët për të gjitha procedurat hidroterapeutike.
Të ftohta quhen procedurat me temperaturë nën 16 gradë. Proçedurat e ftohta shtojnë veprimtarinë simpatike në organe, ndërsa procedurat e ngrohta shtojnë veprimtarinë vagale. Rëndësi të madhe ka faktori termik, vazat e lëkurës ngushtohen nën influencën e të ftohtit. Midis vazove të lëkurës dhe vazove të organeve të brendshme ekzistojnë raporte të caktuara. Në procedurat e ftohta, veprimtaria e zemrës tonifikohet, presioni i gjakut shtohet. Faktori termik, nuk ka dyshim, luan një rol të rëndësishëm kur përdoren ujëra natyrale që përmbajnë lëndë të ndryshme kimike, radioaktive, alkaline.
Në terapinë termale luan rol edhe klima, lartësia, ambienti i banjës, asistenca mjekësore, etj. Ndërmjet faktorëve mekanikë të veprimit të banjos, luan rol forca e gravitetit të organizmit në banjo. Trupi i nënshtrohet humbjes së peshës, që ka konsekuencë të madhe në lëvizje e anësive. Nëse uji mineral ka koncentrim të lartë kripërash, arrin të notojë trupin në ujë. Në indet e trupit që i nënshtrohen me intensitet janë: lëkura, indi konjuktiv, arteriet, venat dhe pareti i barkut. Sasia e gjakut që hidhet nga zemra në aortë shtohet 25 %. Veprimi termik ndodh në 2 mënyra: ndërmjet një stimulimi direkt mbi nervat dhe vazat e gjakut e nëpërmjet termoreceptoreve. Nga veprimi i të ftohtit, lirohen substanca aktive. Ndodhin ndryshime në lëvizjen e fluksit të gjakut.
Ndodh stimulacion i proceseve të metabolizmit, rritje e alkalinitetit dhe rritje e eksitabilitetit neuro-muskular. Këto spostime të vogla të ekuilibrit acido-bazik janë të rëndësishme, sepse stimulojnë të tjera procese, bile gjendrat me sekrecion të brendshëm. Veprimi kimik ka të bëjë me absorbimin e lëndëve aktive nga uji mineral nëpërmjet lëkurës në organizëm e lëndëve aktive nga uji mineral nëpërmjet lëkurës në organizëm në kurat balneare. Në banjot radioaktive njihet veprimi i radiumit (radon).
Rëndësi të veçantë ka shkëmbimi nëpërmjet lëkurës në banjo i joneve (atomeve me ngarkesë elektrike) me ngarkesë të kundërt (jone pozitive ose katone, jone negative ose anione). Ky shkëmbim midis organizimit dhe ujit të banjos paraqet fenomenin më interesant të balneoterapisë. Ky bën të ndryshojë bilanci mineral i organizmit, reaktiviteti i lëkurës dhe i gjithë organeve të brendshme. Shkëmbimet në reaksionet e organizmit, shkaktuar nga trasmineralizimi, spostimi i ekuilibrit acido-bazik, kanë influencë mbi proceset hormonalë dhe neurovegetativë, e në analizë të fundit bëjnë desensibilizim dhe një ekuilibër të ri të funksioneve organike. Fillimi i këtij ekuilibri të ri konstatohet në shumicën e të sëmurëve që bëjnë kurën e hidroterapisë.
Keni menduar se nuk ekziston magjinë e zezë? Lexoni faktet e mëposhtme për ta kuptuar se sa e frikshme është ajo.
Dëmi i paqëllimshëm
Edhe nëse nuk besoni në ndikimin e magjisë së zezë, kjo nuk do të thotë që ajo nuk ekziston. Për mijëra vjet, magjia e zezë ka prekur njerëzit anekënd botës, me praktikuesit e magjisë së zezë, të cilët i kanë mallkuar objektet e ndryshme, për t’i dërguar më pastaj në afërsi të viktimave. Pra, praktikuesit e magjisë së zezë kanë për qëllim armiqtë e tyre, mirëpo objektet, të cilat ata i mallkojnë, me qëllim për t’i lënduar armiqtë, kanë efekt negativ në të gjithë ata që i prekin.
Magjia e zezë nuk mund t’i ngjallë të vdekurit
Shpeshherë mund të keni parë në filma apo mund të keni dëgjuar në rrëfime antike se si magjia e zezë përdoret për t’i ngjallur të vdekurit. Megjithatë, në jetën reale, një gjë e tillë nuk ndodh. Kur njeriu vdes, ai nuk mund të kthehet më në këtë jetë. Pra, ndonëse mund të keni dëgjuar që njerëzit mund të kthehen në këtë botë, mirëpo pastaj kërkojnë të vdesin, pasi që e ndjejnë që nuk i përkasin më kësaj bote, apo gjëra të ngjashme, mos besoni, të vdekurit asnjëherë nuk mund të ringjallen me magji të zezë.
Magjia e zezë kurrë nuk mund të bëjë mirë
Është aq e thjeshtë sa thuhet edhe në titull: Asgjë e mirë nuk mund të vjen nga magjia e zezë. Mund të keni dëgjuar njerëz të cilët pretendojnë që procesi i magjisë së zezë nganjëherë mund të jetë një gjë e mirë për shkak të asaj që nuk mund të kemi dritë pa errësirë. Megjithatë, asnjëherë, askush, nuk mund të bëjë ndonjë mirësi nëpërmjet magjisë së zezë. Në një botë të përkryer nuk do të kishte vend për asnjë formë të magjisë së zezë, megjithatë, për fatin e keq të të gjithëve, ky realitet nuk ekziston.
Proçes që krijon varësi
Magjia e zezë është një proces që mund të fillohet nga kureshtja apo nga dëshira për t’i bërë keq dikujt, mirëpo, një gjë është e sigurt, kushdo që merret me magji të zezë për një kohë të gjatë krijon varësi ndaj këtij procesi, për shkak të asaj që të praktikuarit e magjisë së zezë është një proces që ka tendencë të krijojë varësi të madhe dhe të rrallë janë ata praktikues të cilët mund të tërhiqen, pasi që të jenë zhytur në botën e errët të magjisë së zezë.
Paramendoni nëse zotëroni një shtëpi luksoze prej 2.400 metra katror, e cila mund të fluturojë bashkë me ju dhe 39 miqtë tuaj më të afërt, kudo që dëshironi, në më pak se 17 orë.
Muajin tjetër, Grupi HNA i Kinës do të marrë dorëzimin e një avioni të ri Boeing 787-8, privat. Siç është konfiguruar, 787 Boeing Business Jet, mund të përshkojë një distancë prej gati 9,800 miljesh, edhe kur është e mbushur me 40 pasagjerë, bagazhe dhe karburant.
“Me një kohë fluturimi prej rreth 17 orësh, aeroplani mund të arrijë pothuajse çdo destinacion në tokë”, tha CEO i Menaxhimit të Aviacionit të Kestrel Stephen Vella.
Inovacioni Boeing 787 BBJ, gjithsesi nuk është edhe aq i lirë. Çmimi bazë i tij është 224.6 milionë dollarë, ndërsa modifikimet shtojnë deri në 100 milionë dollarë të tjera në çmim.
Mes të shtunës dhe të dielës të gjithë do t’i kthejmë sërish akrepat e orës një orë përpara dhe për fat të keq do flemë një orë më pak. Por a e dini se cili ka qenë i pari që mendoi për të propozuar këtë ndryshim?
Idea për herë të parë u shpalos në Paris nga Benjamin Franklin, një ndër “baballarët” themelues amerikanë. Politikani Franklin ishte i apasionuar pas shkencës përgjatë gjithë jetës së tij. Në esenë e tij “Një projekt ekonomik për të reduktuar kostot e ndriçimit” të publikuar në Journal de Paris në vitin 1784 bëri publik një propozim shumë origjinal për kohën.
Në atë kohë orët nuk ishin shumë të përhapura sikurse në ditët e sotme. Madje nuk kishte as transport hekurudhor ndaj dhe nevoja për të sinkronizuar minutat nuk ndihej si domosdoshmëri sikurse do të ndodhte në vitet ‘800, edhe pse sa kishte filluar të ndihej.
Pikërisht në fabrikat që po përhapeshi gjithnjë e më shumë, pasi përkonte me revolucionin e parë industrial në Angli rreth vitit 1770, impononte ritme të tjera krahasimisht me ato të një shoqërie bujqësore. Ndërkohë që në mëngjes, kur mund të shfrytëzohej drita e diellit, njerëzit flinin. Sakaq kur errej atyre u duhej të përdornin llampat me vaj apo qirinjtë për t’u ndriçuar. Ndaj dhe Benjamin propozoi të detyrohej popullsia të ngrihej më shpejt në mëngjes për të shfrytëzuar dritën e diellit. Si e kishte parashikuar Franklin ta bënte këtë?
Duke reduktuar numrin e qirinjve në qarkullim, duke ndaluar lëvizjen në orët e vona të natës si dhe duke instaluar nëpër rrugët e qytet zile të zhurmshme që gjuanin me top për çdo minutë. Sigurisht që ky sugjerim për kohën që u bë nuk u mor si i mirëqenë dhe i realizueshëm. Por në vitin 1907 ishte anglezi Ëilliam Ëillet që e rimori në konsideratë duke e propozuar në Dhomën Britanike të Komunëve hyrjen e tij në fuqi. Duke qenë se ndjeshmëria për kursim energjie ishte më e lartë në kohë luftë, propozimi u miratuaa në vitin 1916 jo vetëm në Mbretërinë e Bashkuar por edhe në të gjithë vendet e tjera të Europës.
