Kuriozitete

Shqiptarët dhe bestytnitë kanë patur gjithnjë një lidhje të veçantë. Aq shumë sa para çdo veprimi apo hapi do të pyesim ‘mos është keq’ dhe në fakt me të drejtë. Sepse, përveç tersit të pasqyrës së thyer apo maces së zezë që të pret rrugën, (të cilat janë të njohura botërisht) janë kaq shumë gjëra të cilat na kanë konfuzuar sa herë i dëgjonim vërdallë nëpër shtëpi. Po cilat janë disa prej bestytnive të cilat vazhdojmë t’i besojmë ndonëse në fund të ditës brenda nesh e dimë që janë një kotësi e madhe. Ose thjesht, kanë lindur nga nevoja për të vënë  rregull.

Mos hidhni plehra

Sa e sa herë e kemi dëgjuar që natën nuk hidhen plehrat? Dhe kur pyesje të shtëpisë përse, gjithçka merrje si përgjigje ishte “është keq”,“ikën bereqeti i shtëpisë”. Po mirë, e respektuam. Ndonjë ndryshim në bereqet nuk është se vumë re, por të paktën u bëmë komshinj të denjë. Epo si të na e mësonin ndryshe që plehrat hidhen ditën menjëherë pas punëve të shtëpisë?

Mos bëni gafë të prisni thonjtë!

Nëse mami të shihte në duar me një prerëse thonjsh, e dije shumë mirë ç’të priste. Sepse të presësh thonjtë natën qenka ters. Pse-në nuk e mësuam kurrë, por arsyeja e vërtetë me siguri është komplet tjetër gjë. E keni parasysh, natën nuk para shihet mirë dhe thonjtë mund t’i gjesh nëpër tapet, apo sipër komedinës. A ka ters më të madh për mamin?

Flokët nuk priten natën dhe as kur Hëna është duke u ngrënë

Kur Hëna është e plotë, thuhet se flokët do të duken super të shëndetshëm dhe e kundërta nëse ajo është duke u ngrënë. Hmm, po mirë nuk humbasim asgjë nëse e provojmë. Tingëllon si diçka që bën sens.

Mos u shih në pasqyrë natën

Të shihesh në pasqyrë është kënaqësi më vete dhe kjo mund të bëhet në çdo orë të ditës, por jo. Nëse ti po dashuron flokët, apo fytyrën tënde, ke acaruar gjithë familjen. E ke dëgjuar mbi 15894 herë që nuk është mirë të shihesh natën. Arsyen e vërtetë se mësuam kurrë, por legjendat thonë se ‘pasqyra ka energji dhe merr nga vitet e tua’. Gjepura!

Gërshërët dhe dollapet e shtëpisë s’duhet të rrinë kurrë hapur!

Sepse nëse e bëni, më pas ju pret një sherr i madh. Por në fakt, kjo lloj bestytënie ka dalë me siguri nga nevoja.  Duhej gjendur patjetër një mënyrë që gjërat të liheshin në vendin e duhur dhe në mënyrën e duhur. Po, mund të zgjoheni!

Zëri i kukumjaçkës

Të gjithë e kanë dëgjuar të paktën njëherë në jetë që ‘kur një kukumjaçkë këndon pranë shtëpisë, do të dëgjoni një lajm të keq’. Kjo bestytni e ka origjinën kaq të largët, por ajo çfarë është më e frikshme është se njerëzit ende panikosen kur dëgjojnë zërin e saj. Ashtu si të gjithë shpendët e tjerë edhe kukumjaçës nëna natyrë i ka dhënë një zë dhe kaq. Nëse njerëzve nuk u pëlqen, ky është problemi i tyre. Kukumjaçka mund të këndojë e qetë mbi cilëndo çati që do t’i bjerë rasti.

Sa herë na duhet pak fat, mami a gjyshja është gjithnjë aty duhe na hedhur ujë dhe sheqer.

Thuhej se kështu rruga do të ecte mbarë dhe gjithçka tjetër do të shkonte po aq ëmbël sa sheqeri. /Anabel/

37 – Senati romak emëron Kaligulën Perandor. Emri i tij i vërtetë ishte Gaius Julius Caesar Augustus Germanicus, por kur ishte fëmijë, dy ose tre vjeç, Gaius, ndërsa shoqëronte atin e tij, Germanicus, në fushata, vishej me uniformë, përfshi këpucë ushtarake, prej këtyre iu dha emri “Caligula – “Këpuca”. Kur disa mbretër erdhën në Romë për t’i bërë nderime dhe për të argumentuar mbi fisnikërinë e prejardhjes së tyre, Kaligula u tha “Le të ketë vetëm një Zot, dhe ky të jetë Mbreti”, duke aluduar për veten e tij. Thuajse të gjitha burimet e mbijetuara e karakterizojnë Kaligulën si të çmendur. Seneka thotë se Kaligula u bë arrogant dhe fyes që kur u shpall perandor. Sipas Josephus, fuqia a pushteti e bënë Kaligulën të mendonte se ishte Perëndi. Suetoni shkruan se Kaligula vuante nga epilepsia. Disa historianë modernë mendojnë se Caligula vuante nga hiperteroidismi.

1794 – Muzeu i Louvrit hapet për publikun (edhe pse zyrtarisht ishte hapur që nga gushti i vitit 1793).

1845 – Meksika ndërpret marrëdhëniet diplomatike me SHBA-në.Tensionet midis dy vendeve ishin krijuar si rezultat i përpjekjeve amerikane për të populluar territore nën kontroll meksikan, dhe arritën kulmin me aneksimin e Teksasit, një ish- territor meksikan.

1930 – Lindi në Paris Amelia Rosselli, poete, bija e aktivistes angleze Marion Cave dhe Carlo Rossellit, intelektual hebre fiorentin, hero dhe përfundimisht martir i Rezistencës anti-fashiste evropiane. Emelia u rrit si refugjate mes Francës, Anglisë, dhe Shteteve e Bashkuara – më në fund u vendos në Romë. E vetëquajtur “poete hulumtuese” Amelia ishte përkthyese, muzikante, muzikologe, dhe autore e 8 përmbledhjeve me poezi. Ajo përktheu në italisht disa poetë, përfshi Emily Dickinson e Sylvia Plath, dhe është konsideruar gjerësisht një nga poetët më të rëndësishëm italianë të gjysmës së dytë të shekullit XX. Amelia Rosselli vrau veten në shtëpinë e saj në Romë në vitin 1996.

1930 – Kostandinopoja dhe Angora ndryshojnë emrat për Stamboll dhe Ankara.

1939 – Lufta Civile Spanjolle: Mbrojtësit republikanë në Madrid ngrenë flamurin e bardhë mbi qytet, dorëzohen, dhe nacionalistët fitimtarë hynë me triumf; Lufta Civile Spanjolle përfundon. Deri në një milion jetë njerëzish humbën në konfliktin më shkatërruese në historinë spanjolle. /Pamfleti Lifestyle

Veza e bëri pulën apo pula vezën? Përse thinjen flokët? Përse ushqimi i pashëndetshëm shijon më shumë se ai i shëndetshëm?

Këto pyetje dhe shumë te tjera kanë bërë që miliona njerëz të vrasin mendjen për përgjigjet. Mirëpo tashmë ato e kanë një përgjigje. Profesori britanik, Chris Smith, nga Universiteti i Mançesterit iu përgjigj shumë pyetjeve të kësaj natyre si më poshtë.

Veza e bëri pulën apo pula vezën?

Veza ka qenë një metodë riprodhimi përpara se të shfaqej pula. Për shembull dinozaurët riprodhoheshin me veze. Në këtë mënyrë, pula që njohim sot mund të ketë dalë nga një vezë e paraardhëses së saj. Në këtë mënyrë veza e ka bërë pulën dhe jo pula vezën.

Përse thinjen flokët?

Ngjyra e flokëve i dedikohet sekrecioneve të një lloj pigmenti, i cili fillon e shteron me rritjen e moshës. Flokët janë natyralist pa pigment, pra të thinjura.

Përse ushqimet e pashëndetshme shijojnë më shumë se të shëndetshmet?

Ne kemi një preferencë gjenetike për ushqimet e ëmbla dhe të yndyrshme sepse ato përmbajnë shumë energji. Gjithashtu, ne kemi një nevojë gjenetike për kripë.

Përse qielli i kuq natën do të thotë kohë me diell ditën pasardhëse?

Kjo ndodh për shkak se mjegullat e larta, të cilat më pas formojnë retë e shiut, në një moment të natës apo pas perëndimit të diellit, formojnë një kënd të ngushtë me rrezet e tij duke prodhuar kështu qiellin e kuq. Por nëse kjo ndodh sapo ka rënë nata, deri në mëngjes ato re janë larguar apo janë shkarkuar diku larg.

Përse duhet të flemë gjumë?

Asnjë nuk është i sigurt për këtë. Disa thonë se duhet të rikuperohemi pas aktivitetit ditor. Gjithsesi, Gjumi ka një rol të pazëvendësueshëm në zhvillimin e trurit. Mungesa e gjumit sjell çrregullime në tru. /Pamfleti Lifestyle

Fshatari u habit pasi gjeti një vezë që ishte pothuajse aq e madhe sa dora e tij, dhe ndodhi në fermën e tij në Queensland, Australi.

Megjithatë, befasia nuk mbaroi ende. Ajo që ishte edhe më e çuditshme ishte se ai gjeti një vezë tjetër pasi kishte goditur vezën gjigante!

Fermeri me fat, Scott Stockman, kurrë nuk pritej të gjente vezë të tilla në fermën e tij dhe mendoi se zbulimi i tij i çmendur ishte i vlefshëm për t’iu thënë botës

Veza e gjigantit u mblodh nga koleksionist i vezëve të fermës, “Zippy”

Veza e madhe peshonte rreth 176 gram dhe ishte tri herë më e madhe se një vezë mesatare e pulës

Kur ferma zbuloi vezën e veçantë, Stockman mblodhi të gjithë anëtarët e tij të stafit për të dëshmuar se çfarë përmbante kjo vezë brenda guaskës jashtëzakonisht të madhe.

Ai pranoi se kishte shpresuar të shihte katër të verdha brenda vezës, por në vend të tyre, veza në të vërtetë kishte një tjetër vezë brenda saj!

Pas plasaritjes së vezës, Stockman nuk mund t’i besonte sytë, pasi mendonte se ishte një fenomen shumë i rrallë për të parë një vezë brenda një tjetre,” tha ai.

Për fat të keq, ai nuk mund të gjurmonte se cila pulë kishte bërë vezën gjigante pasi ferma kishte 3,000 pula.

Incidenti gjithashtu habiti kolektorin e tij të vezëve, Zippy i cili kishte punuar për të vite, por ai kurrë nuk kishte hasur në një vezë të madhe si kjo.

Megjithatë, ky incident nuk ishte hera e parë që ndodhte. Ky fenomen quhet kontraktim kundërperistalez, ku një vezë e formuar tashmë ka hyrë në vezët e zogjve dhe ka hyrë në një vezë formimi.

Procesi i formimit të vezëve sesa të përsëritet me format e reja të vezëve gjatë një të mëparshmi. Edhe pse ky fenomen është i rrallë dhe tronditës, vezët mbeten normale dhe janë të sigurt për t’u ngrënë.

Sidoqoftë, Stockman shmangi duke ngrënien e vezës dhe vendosi të fustnte vetëm fotot e vezës

Gjarpërinjtë fishkëllejnë dhe Ibu Rika përkulet mbi një kafaz deri tek beli me kobra, zhurma e motoçikletave të Jalan Mangga Besar, një rrugë në verilindje të Xhakartës, ngacmon krijesat. Ka një gjarpër në dorë duke mbajtur me forcë pjesën tjetër të gjarprit, ndërkohë që e shtyp kokën me pinca druri. Gjarpëri fishkëllen kur shtypen akoma më shumë pincat dhe e tërheq kokën me një lëvizje të pastër.

“Bashkëshorti im shet në një tezgë dhe nuk ka guxim të më ndihmojë me kobrat”. E kam vizituar disa herë barin e Rikës dhe ajo shkon në punë aty nga ora 5:30 mbasdite, ku u ofron klientëve të saj salcë kikirikësh me satay kobre (shishqebap me mishin e kobrës) dhe shots-sa me gjakun e gjarprit. Gjarpri hahet përgjatë juglindjes aziatike, ku besohet se gjaku dhe mishi kanë cilësi kurative.

Rika më shfaq përpara një listë të gjatë me sëmundjet që kobra ndihmon për të kuruar. Mund të dezintoksikojë mushkëritë dhe gjakun, të kurojë reumatizmën, diabetin, fluksin vaginal jo normal, presionin e lartë arterial dhe të ulët, të gjitha problemet e e lëkurës si aknet, alergjitë, ekzemat dhe erupsionet. Me pak fjalë, kobrat janë një super medikament ose kështu thotë të paktën lista.

Por ka një arsye tjetër se pse Rika punon gjatë natës. Besohet se kobrat përmirësojnë potencën seksuale. Në Azi meshkujt besojnë se konsumimi i gjakut dhe organeve të kobrës përmirëson rendimentin seksual. Rika më thotë se shumë meshkuj kalojnë nga bari i saj me shpresën se një shots gjaku do t’u sjellë sukses në krevat.

“Unë mendoj se gjithçka është në mendje,” – thotë ajo. – “Mund të ndihmoj disa, ndërsa të tjerë jo. Meqë kobrat përmirësojnë rezistencën, meshkujt mund të zgjasin më shumë kohë në krevat, por jua garantoj se bëjnë shumë mirë për lëkurën. Pyesni klientet e mia,”- duke treguar me kokë nga ndonjë kliente.

Mishi është shumë i mirë për lekurën, gjaku dhe lëkurët shërbejnë për energjinë. Rika lindi në Xhakartë dhe u rrit në atë që sot është qyteti më i madh i jugut të Azisë. Kobrat ekzistojnë në Indonezi, por janë më të zakonshme në pyje dhe në zona rurale. Kur Rika u martua me bashkëshortin, ai i sugjeroi të hapnin një vend për kobrat. Kishte shumë japonezë dhe tajvanezë që punonin dhe që kalonin nga Mangga Besar dhe i shoqi mendoi se biznesi i kobrave do të ishte një sukses. “Më thanë që këtyre personave u pëlqenin gjarpërinitë,” – kujton Rika. Mësoi të gatuante nëpërmjet recetave, shërben gjarpërinjtë si satay, e vendos mishin në salcë kikirikësh, në salcë qepe, specash.

Gjithashtu gatuan të brendshmet e gjarprit dhe e shërben gjakun në tasa porcelani të bardhë. I them: A mund të më marrësh një prej tyre? – Sigurisht, -më thotë dhe e fut krahun në kafaz, kap një prej gjarpërinjve me duar të zhveshura. Kobrat duhet të ruajnë dhëmbët dhe helmin për të maksimalizuar benefitet e shëndetit. Besohet se kobrat që ruajnë dhëmbët kanë përbërës të nevojshëm për të përmirësuar energjinë dhe vitalitetin.

“Sa më helmues gjarpri, aq më të fuqishme efektet e tij,”- shpjegon Rika. “Sa më agresiv të jetë gjarpri aq më mirë,” – shton ajo. “Kobrat mbretërore janë më të mirat, sepse janë më të mëdha dhe më agresive, por këto i porosis kur kam ndonjë porosi të veçantë, sepse kushtojnë më shumë se normalët.” E kanë pickuar në vitin 2009, ka cikatrice në krahun e majtë dhe u shtrua në kujdesin intensiv për disa muaj. Helmi i kobrës është shumë i rrezikshëm, Rika shpëtoi, por ka 11 000 persona që nuk i kanë shpëtuar sipas të dhënave të toksikologjisë. “Është punë e vështirë, – thotë Rika, – sepse shet shumë gjëra të një gjarpri. Lëkura dhe kockat shërbejnë për të përgatitur lloje të ndryshmesh vajrash, pomadash, medikamente që gjenerojnë para.” Tërheq kokën e kobrës dhe derdh gjakun në një enë.

Gjaku i errët mbush enën deri përgjysëm. Më pas koka e kobrës vendoset mbi tavolinën e prerjes. Rika dhe ndihmësi i saj marrin gjarprin pa kokë dhe e rrjepin, më pas i heqin organet, megjithatë trupi lëviz ende.

“A i do zemrën dhe mëlçinë? Mund t’i përgatis me satay-in.” I fut organet krudo në salcë. Më pas shton pak verë orizi dhe mjaltë tek gjaku. “Ju bëftë mirë!” – më thotë duke më ofruar tasin. I mbylla sytë dhe e piva, gjaku kishte shije alkooli dhe mjalti. Shishqebapi kishte shije fibrash, salca ishte e shijshme, një përzierje erëzash dhe butësia e shijes së kikirikëve. I gjithë ushqimi më kushtoi 100 000 rp (7.50 dollarë). Fitimet e Rikës janë të mjaftueshme sa për të mbajtur dy fëmijët në universitet.

“Askush në familjen time nuk do që të merret me këtë biznes,” – tha. –“Jam më e guximshmja nga të gjithë.” / bota.al

https://youtu.be/ehe2iArY9UE

Një përbërës që rrjedh nga kanabisi mund të ndihmojë personat që janë të varur nga alkooli dhe kokaina që të përballojnë më lehtë nevojën për t’i konsumuar këta substanca.

Sipas një studimi të ri nga Instituti i Kërkimeve të Scripps në La Jolla, Kaliforni, kjo mendohet se mund të ndodhë për shkak se kanabis redukton stresin dhe ankthin, si edhe sjelljet impulsive.

Studiuesit shpresojnë se zbulimet do të ndihmojnë në zhvillimin e trajtimeve për të parandaluar, varësinë e njerëzve ndaj drogës.

Pretendohet nga shkencëtarët se kanabisi përmban një përbërës ushqyese dhe mendohet të ketë një sërë përfitimesh medicinale të cilat ndihmojnë njerëzit që vuajnë nga migrena, sëmundje të lëkurës, aknet dhe depresioni.