Kuriozitete

Studimet e fundit mjekësore tregojnë se personat e rritur me madhësi të madhe të belit janë në rrezik shumë më të madh ndaj problemeve serioze shëndetësore.

Studimet të cilave u referohet AgroWeb.org tregojnë se nivelet e tyre të përballjes me sëmundje të rënda janë tejet më të larta sesa tek personat me madhësi normale të belit.

Në fakt, një studim mjekësor që krahasoi të dhënat nga 650,000 të rritur zbuloi një rënie të madhe të jetëgjatësisë duke krahasuar perimetrin e belit tek femrat dhe meshkujt mbipeshë krahasuar tek ata në peshën e duhur.

Studimi i organizuar nga Organizata Botërore e Shëndetësisë tregoi me saktësi se perimetri i lartë i belit dhe mbipesha u kushtonin tri vite jetë më të shkurtër meshkujve dhe pesë vjet për gratë.

Ky efekt ishte i pavarur nga faktorë të tjerë të rrezikut, të tilla si mosha, indeksi i masës trupore (BMI), aktiviteti fizik, historia e pirjes së duhanit dhe përdorimi i alkoolit.
Sa duhet të jetë perimetri i belit?

Në mënyrë të veçantë këto të dhëna treguan se meshkujt me një perimetër të belit përtej 110 centimetra përballen me një rrezik 50 përqind më të lartë të vdekjes sesa meshkujt me një bel prej 94 centimetra.

Tek gratë, ato me një bel përtej 94 centimetër kishin një rrezik 80 përqind më të lartë të problemeve serioze sesa gratë me një bel prej 70 centimetra në perimetër.

Perimetri i madh i belit është një tregues domethënës për praninë e dhjamit të tepërt të barkut.Kjo e fundit lidhet edhe me problemet e tjera që shoqërohen me mbipeshën ose obezitetin.

Këtu futen probleme serioze si diabeti i tipit 2, kolesteroli i lartë, trigliceridet e larta, presioni i lartë i gjakut dhe sëmundjet e arterieve koronare.
A e dini kufirin e belit tuaj?
Ja se si ta matni atë. AgroWeb.org ju këshillon të gjeni kockën e legenit tuaj në ijen tuaj. Vendoseni aty fillimin e metrit dhe tendoseni rreth trupit tuaj.

Tendosja e metrit duhet të jetë e plotë, por pa e shtrënguar në lëkurë. Lëshoni frymën dhe lexoni matjen.

Nëse nuk ju pëlqen numri që shikoni, mos e humbni kurajon. Shifrat maksimale duhet të jenë 94 centimetra për meshkujt dhe 70 centimetra për femrat.

Por nëse jeni fizikisht aktivë dhe ushqeheni mirë do të keni mundësi të ulni perimetrin e belit dhe do të përmirësoni shëndetin tuaj të përgjithshëm.

Lulerradhiqja, kjo barishte e fuqishme ka qenë dhe mbetet e preferuara ndër breza, jo vetëm për aftësitë shëruese por edhe vlerat ushqyese.

Ekspertët e mjekësisë popullore e konsiderojnë lulerradhiqen si një shëronjëse të fuqishme që pastron gjakun, zgjidh problemet me tretjen dhe parandalon gurët në tëmth.

Barishtja e lulerradhiqes plotëson 535% të sasisë së rekomanduar ditore të vitaminës K.

Kjo e bën lulerradhiqen burimin më të rëndësishëm bimor të kësaj vitamine, që forcon kockat dhe luan një rol të rëndësishëm kundër sëmundjes së Alzheimerit, sepse kufizon dëmet që i shkaktohen neuroneve.

Lulerradhiqja plotëson 112% të kërkesës ditore për vitaminë A, që i bën mirë lëkurës dhe syve.

Lulerradhiqja përmban zeaksanthin e cila mbron retinën nga dëmet që i shkaktohen nga rrezet ultravjollcë.

Substancat e tjera si karoteni, luteina dhe kriptoksanthina e mbrojnë organizmin nga radikalet e lira që dëmtojnë mushkëritë.
Të mirat e lulerradhiqes janë të pafundme
Ajo është e pasur me fibër, një substancë që ndihmon organizmin të largojë mbetjet e akumuluara.

Kjo barishte përmban vitaminat C dhe B6, por edhe thiaminë, riboflavinë, kalcium, hekur, i domosdoshëm për rigjenerimin e qelizave të kuqe të gjakut, kalium që ndihmon në rregullimin e rrahjeve të zemrës dhe tensionit të gjakut dhe mangan.

Lulerradhiqja përmban edhe folat, magnez, fosfor dhe bakër.
Gjethet e njoma dhe të zbehta në ngjyrë të lulerradhiqes janë më të mirat.
Pasi të keni mbledhur barishten kaq të dashur për gjyshet tona, lajeni me kujdes dhe thajeni.

Futeni në qese plastike në një zonë të frigoriferit me pak lagështirë. Në të kundërt, futini në ujë të valuar për 20-30 sekonda për të larguar aciditetin dhe më pas shtojini në sallatë.

Gjethet mund t’i gatuani sipas preferencës, me pak vaj ulliri dhe hudhër.

Gatuajini në temperaturë mesatare për 3-5 minuta në të njëjtën mënyrë si spinaqin.

Mos e teproni, përndryshe lulerradhiqja do të humbasë ushqyesit e saj.

Pasi të jenë zbutur, hidhni kripë cilësore, spërkatini me lëng të freskët limoni dhe shijojini. Ato janë shumë të shijshme për t’u ngrënë veçmas ose për t’u kombinuar me makarona ose në antipastë.

Lindja është shumë e vështirë, një gjë që na frikëson është vdekja pas lindjes

Historia e Matt dhe Liz është unike…

Matt Logelin takoi dashurinë e jetës së tij, Liz Goodman, kur ata ishin në shkollë të mesme.

Pasi shkolla mbaroi, ata ishin në lidhje për nëntë vjet të tjera, dhe në fund vendosën të martoheshin, me 13 gusht të vitit 2005.

Matt shpejt u punësua si menaxher i projektit për Yahoo-n dhe Liz bëri një karrierë në ekzekutiv në Disney.

Çifti po kalonte shumë mirë bashkë, po u ngriteshin edhe karrierat e tyre, gjë që bëri Matt të fillonte të shkruante për jetën e tij, dhe Lizin, si dhe aventurat që kishin bashkë, transmeton lajmi.net

Marrëdhënia e tyre ishte shumë e përsosur, sidomos pasi kuptuan se familja e tyre po zgjerohej.

Liz zbuloi se ishte shtatzënë dhe ky lajm e ndriçoi jetën e dy të dashuruarve, të cilët pas dhjetë vitesh po rritnin familjen e tyre.

Matt kishte dashur gjithmonë të ishte baba, dhe Liz më në fund po bënte realitet ëndrrat e tij.

48 orë pasi Liz lindi vajzën e saj, gjendja filloi t’i përkeqësohet dhe për pak sekonda ndërroi jetë. Kjo ishte e pabesueshme për Matt, i cili ishte bërë gati të fillonte një jetë të re me gruan dhe vajzën e tyre.

Një histori vërtetë prekëse, megjithatë pas vdekjes së dashurisë së tij, ai kishte diçka për t’i thënë botës.

https://youtu.be/3SQVnMuXiWE