Art-Kulture

Në Lezhë u përkujtua sot 148-vjetori i lindjes së poetit At Gjergj Fishta, me një aktivitet ku morën pjesë autoritete të shumta vendore e qendrore, studiues, historianë, shkrimtarë dhe qytetarë.

Në fjalën e tij në këtë aktivitet, kryetari i bashkisë Lezhë, Pjerin Ndreu tha se “qeveria shqiptare dhe Ministria e Kulturës janë të gatshme të investojnë në shtëpinë e Fishtës”.

“Jemi në hapat e fundit për të zgjidhur këtë mangësi shumëvjeçare për këtë emër të madh për kombin shqiptar“, tha Ndreu.

“Në 148-vjetorin e lindjes së patriarkut të letrave shqipe At.Gjergj Fishta dhe 100-vjetorit të fjalimit në Paris në 1919, bashkia Lezhë i dha sot një dimension tjetër nderimit të kësaj figure. Faleminderit pjesëmarrësve, studiuesve Tonin Çobani dhe Nevila Nika, ministrave Margariti dhe Lleshaj, Lindita Nikolli, Preç Zogaj, Sandër Cipa, të madhit Mirush Kabashi etj.”, tha Ndreu.atsh

Duke iu referuar polemikave lidhur me Peter Handke, nobelistin austriak që është i njohur për lidhjet e tij me Slobodan Milosheviçin, Kadare deklaroi se ai bie dakord me shumë kritikë të tjerë që kundërshtuan marrjen e këtij çmimi nga ana e shkrimtarit austriak.

Është i njohur fakti që Handke ka mbajtur edhe një fjalim gjatë funeralit të Milosheviçit.

“Unë personalisht e njoh Handken dhe kam drekuar të disa herë me të. Unë mendoj se ekziston një kufi që letërsia nuk duhet të kalojë, por që Handke e ka bërë. Vrasjet nuk duhet të pranohen në asnjë rrethanë”, deklaroi Kadare në një konferencë shtypi në Seul.

Kadare ka pohuar se është kundër vendimit të Akademisë mbretërore Suedeze për dhënien e çmimit Nobel në Letërsi Handkes duke theksuar se ”ai është viktimë e censurës dhe represionit nga ana e qeverisë, kështu që kjo mund të ketë bërë që ai të shfaqet më i ndjeshëm ndaj kësaj çështjeje”.

Ismail Kadare u shpall sot fitues i çmimit të njohur koreanojugor të letërsisë, Pak Kyong-ni, si mirënjohje për artin e tij me vlera sociale, që buron nga përvoja historike e popullit shqiptar, sipas agjencisë koreanojugore të lajmeve, Yonhap./atsh

Ansambli i Valleve dhe Këngëve Popullore zhvilloi dje koncertin i cili solli traditën, muzikën dhe veshjet tona popullore në Otranto, Itali.

Përgjatë tre ditëve ky koncert me 28 solistë të Ansamblit Popullor do i përcjellë diasporës atje kërcimin të shoqëruar me muzikën e bukur popullore qytetare nga trevat shqiptare.

Ministrja e Kulturës Elva Maragariti shprehet se, “Ansambli Popullor me mbështetjen e Agjencisë Kombëtare të Diasporës vendosën një tjetër gur themeli në njohjen e traditës dhe kulturës të paraardhësve tanë tek brezi i ri i diasporës”.

“Ansambli i Këngëve dhe Valleve Popullore i rikthehet tureve të koncerteve jashtë Shqipërisë. Pas Ukrainës, dje në Itali, e në vazhdim me Kroacinë e kudo ku jeton diaspora shqiptare. Në mbrëmjen e së shtunës kështjella “Aragonese” në Otranto “u pushtua” nga muzika dhe vallja popullore shqiptare”, tha Margariti. /aatsh

Poetë nga Franca, Gjermania, Anglia, Italia, SHBA, Belgjika, Bullgaria, Maqedonia e Veriut, Izraeli, Tunizia, Greqia, Malajzia, Palestina, Korea e Jugut, Kosova, Kroacia, Shqipëria, Bosnja dhe Hercegovina, Bangladeshi, Kurdistani dhe Meksika u bënë bashkë në Korçë për poezinë.

Mbrëmja e mbylljes së Festivalit Ndërkombëtar të Poezisë “Ditët e Naimit”, përcolli motivet poetike të krijimtarisë frymëzuese të 33 poetëve nga e gjithë bota.

Në këtë edicion të 23-të, festivali poetik u organizua mes Korçës dhe Tetovës, duke sjellë një manifestim artistik të pakrahasueshëm për publikun./atsh

Trashëgimia natyrore dhe kulturore e Shqipërisë vjen për publikun kryeqytetas përmes ekspozitës fotografike “Trashëgimia natyrore dhe kulturore e Shqipërisë” në Muzeun Historik Kombëtar.

Ky projekt nga qendra DMO ALBANIA në bashkëpunim me ministrinë e Kulturës dhe bashkinë e Tiranës synon të promovojë Shqipërinë, dhe të edukojë rininë me artin e bukur të fotografisë.

Fotografitë e pasqyruara në këtë ekspozitë janë rreth 100 foto të përzgjedhura të konkursit fotografik të hapur për 3 muaj rresht gjatë periudhës maj-qershor 2019.

Ky aktivitet përveç faktit që ndihmon në promovimin e vendit tonë, gjithashtu inkurajon dhe motivon të rinjtë që ta duan vendin e tyre dhe mbi të gjitha, ta promovojnë atë. Ndër vite ky ka qenë dhe është edhe qëllimi kryesor i Muzeut Historik Kombëtar të promovojë vlerat historike dhe kulturore të Shqipërisë.

Andi Seferi, nënkryetari i bashkisë së Tiranës, përshëndeti hapjen e këtij festivali fotografik.

“Jam i gëzuar për këtë pjesëmarrje masive dhe për rritjen e cilësisë së fotove gjatë këtyre dy sezoneve. Kjo bën të mundur promovimin e Tiranës dhe Shqipërisë në mënyrë akoma më dinjitoze dhe profesionale”, tha Seferi.

Dr. Dorian Koçi, drejtor i Muzeut Historik Kombëtar, tha se ështe kënaqësi e veçantë që për herë të dytë mbahet ky aktivitet në ambientet e Muzeut Historik Kombëtar. Të fotografosh domethënë të ngrish një moment, një çast në këtë realitet ku ne jetojmë.

Ekspozita fotografike “Trashëgimia natyrore dhe kulturore e Shqipërisë” do qëndroj e hapur për publikun në ambientet e Muzeut Historik Kombëtar deri më 15 tetor./atsh