Kulinari

Përbërësit

1 peshk

1 kokërr qepë e thatë mesatare

thelpinj hudhër sa të dëshironi

1 kg patate

10-12 kokrra domate

2 karota mesatare

7-8 speca

piper

kripe

vaj ulliri

1 kokërr limon për në fund kur ta servirni

Përgatitja:

I presim zarzavatet në copa të vogla. I shtrojmë në tavë dhe i marinojmë me kripë, piper dhe më pas vendosim peshkun sipër. E kriposim, i hedhim vaj edhe i mbushim tavën me zarzavatet. Më pas e mbulojmë me letër alumini dhe e lemë rreth gjysmë ore për t’u marinuar. E fusim në furrë dhe e pjekim në temperaturën 200 gradë Celsius deri sa të bëhet (kjo varet nga furra juaj për kohën që do ta lini).

Mbasi e kemi nxjerrë nga furra e spërkasim me lëngun e limonit dhe e servirim.

Ideale për ta shoqëruar me një copë bukë të thekur ose një pjatë sallatë. Një vakt i lehtë dhe i shëndetshëm, për drekë apo për darkë.

Përbërësit:
1 gotë qepë (të copëtuara)
1 patate
2 gota lëng pule
1 ½ gotë perime (karotë, brokoli, spinaq, bizele)
3 lugë gjelle gjalpë
½ gotë krem pana
Kripë
Piper i zi

Përgatitja:
Shtoni gjalpin në një tenxhere dhe vendoseni në zjarr në temperaturë mesatare. Pasi të shkrijë shtoni në të qepën dhe gatuajeni derisa të zbutet.
Shtoni më pas patatet e prera sëbashku me perimet e tjera dhe gatuajini për rreth 5 minuta. Hidhni 1 gotë lëng pule, pak kripë dhe piper të zi dhe lërini të ziejnë deri sa përimet të zbuten.
Më pas tranferojini në një blender që të përftoni një masë kremoze. Rikthejini në zjarr dhe shtoni lëngun e mbetur sëbashku me kremin pana.
Lërini të ziejnë edhe për rreth 5 minuta dhe largojeni supën nga zjarri.

Përbërësit
500 gr tërshërë, 1 filxhan çaji fruta të thata, 1 mollë jeshile, 2-3 lgj mjaltë, 2 lgj kakao, 1 lç pluhur pjekës, 1 lç kanellë, 3 filxhanë qumësht, 1 kokërr vezë, 1 bustinë vanilje, ½ lç arrë moskat, ½ filxhan arrë kokosi.

Përgatitja
Fillimisht përziejmë në një tas të gjithë përbërësit e ngurtë dhe më pas shtojmë përbërësit e lëngshëm.

I përziejmë mirë të gjithë përbërësit e kekut dhe brumin e përgatitur e vendosim në një tavë të lyer me gjalpë.

E lemë brumin të qetësohet për 5 minuta dhe më pas e vendosim në furrë të piqet në temperaturën 180 gradë Celsius për 25-30 minuta.

4 fileto pule, 4 feta proshutë, 4 feta djathë tosti, 1-2 lgj mustardë, Kripë, piper.

Përgatitja
Fillimisht filetojmë filetot e pulës, i spërkasim me kripë dhe piper dhe nga pjesa e brendshme i lyejmë me mustardë. Vendosim më pas një fetë proshutë dhe një fetë djathë dhe e mbledhim fileton në role.

I vendosim 4 rolet e përgatitura të piqen në një tigan që nuk ngjit ose i vendosim të piqen në furrë në temperaturën 200 gradë Celsius për 15 minuta.

1 pako peta
1 kokërr qepë
500 gr fasule
4-5 lgj vaj ulliri
1 lgj gjalpë
1 lgj qumësht
Kripë, piper

Fillimisht vendosim fasulet të ziejnë bashkë me një kokërr qepë. Sipas dëshirës mund t’i shtojmë dhe një gjethe dafine. Pasi të jenë zier fasulet dhe të jenë bëre gati si për sallatë i rregullojmë me kripë dhe piper. Marrim një tavë e lyejmë me pak yndyrë (gjalpin e tretur dhe vajin e ullirit) dhe shtrojmë 2-3 peta të rrudhosura.

Në enën ku kemi trazuar vajin dhe gjalpin shtojmë 1 gotë qumësht dhe një garuzhde nga lëngu i fasuleve. E trazojmë mirë dhe me këtë masë spërkasim petët. Vendosim më pas një shtresë fasule duke e spërkatur me yndyrën e përgatitur. Vendosim përsëri 2-3 peta të rrudhosura duke i sperkatur mirë me yndyren e përgatitur dhe kështu vazhdojmë duke realizuar një byrek me 2-3 shtresa fasule. E spërkasim mirë dhe petën e fundit të byrekut dhe e vendosim në furrën e parangrohur në temperaturën 180-200 gradë Celsius për 35-40 minuta.

Përbërësit:

1 kg fasule pllaqi
2 qepë të vogla, të grira në kubik të vegjel
2 karrota të grira
3 luge gjelle majdanoz të grirë
3 gjethë selino të fresket të grirë
200 gr salcë domate
1 filxhan kafeje me vaj ulliri
4 thelbinj hudhër të grira
kripë – piper
1 gjethe dafine

Përgatitja: Vendosim fasulet një nate perpara se ti gatuajme që të na zbuten. I kullojme, i shpelajme dhe në një tenxhere ziejme fasulet pllaqi (gjysem të ziera) në ujë me kripe për 30-40 minuta.

Kullojme fasulet e ziera në një site dhe i leme menjë anë. Në një tenxhere me vajin e ullirit skuqim qepën, karrotat,selinon për 3-4 minuta. Shtojmë hudhrën, salcen e domates dhe majdanozin, kripën dhe piperin.

Shtojmë fasulet pllaqi që ziem me përpara dhe i kaverdisim dhe 3-4 minuta akoma. Shtojmë 3 filxhana caji me ujë të ngrohte dhe i leme të marrin një valë për 2-3 minuta.

Vendosim fasulet pllaqi në një tepsi. Fusim tepsinë me pllaqitë në furre të parapregatitur në temperaturen 170 – 180 grade celsius për 30 – 40 minuta. /living.al/