Kulinari

Paçavurja është një ëmbëlsirë fantastike që të mahnit me shijen e saj. Është një specialitet karakteristik i amvisave të Korçës.

Sot, kjo ëmbëlsirë është shndërruar në më të preferuarat e turistëve të huaj që mbeten të magjepsur prej shijes së saj, teksa e provojnë në tavernat e ndryshme korçare.

Quhet Paçavure për shkak të mënyrës së përgatitjes së saj, kjo pasi petat vendosen rrëmujshëm gjatë përgatitjes.

Është pikërisht mënyra e përgatitjes gjithë sekreti i kësaj ëmbëlsire fantastike, e cila nuk kërkon shumë kohë dhe as mund për t’u realizuar.

AgroWeb.org ju sugjeron më poshtë përgatitjen e Paçavures sipas recetës së amvisave korçare.

Përgatitja e Ëmbëlsirës Paçavure në Shtëpi

Përbërësit

1 pako me peta ëmbësirash të gatshëm (i gjeni në supermarkete)

6 kokrra vezë

1 filxhan çaji me arra të thërrmuara

1 filxhan çaji me vaj ulliri

Pak gjalpë i freskët

1 filxhan çaji me kos

1 filxhan çaji me sheqer

1 lugë kafeje me sodë buke

2 pako krem karamel (i gjeni në supermarket)

 Për sherbetin

800-1 kg sheqer

1 l ujë

Përgatitja  

Petat e ëmbëlsirës i mbledhim rrëmujshëm dhe të rrudhosura i vendosim në një tepsi të lyer me pak gjalpë dhe i vendosim të piqen në furrë.

I lëmë në furrë për pak minuta derisa fillojnë të thahen.

Ndërkohë, AgroWeb.org ju udhëzon që në një tas të hidhni vezët, sheqerin, vajin e ullirit, kosin, sodën e bukës dhe krem karamelin.

Përziejini mirë të gjitha bashkë dhe më pas të gjithë masën hidheni mbi petët e thara në furrë. Sipër spërkatini me arrat e thërrmuara dhe futeni të piqet përreth 20-25 minuta.

Ndërkohë, përgatisni sherbetin duke zierë sheqerin me ujin derisa të jetë gati në formën e shurupit pak të trashë.

Pasi ta hiqni ëmbëlsirën nga furra lëreni të ftohet dhe sherbetin hidhjani sipër të nxehtë.

Priteni në forma katrore apo rombi dhe Paçavurja është gati për t’u servirur./AgroWeb.org

Reçeli me pjepër është një mrekulli e shijes së mirë, gjithmonë e përgatitur në shtëpi. AgroWeb.org ju sjell përgatitjen hap pas hapi të këtij reçeli të përsosur dhe që kërkon një sasi më të vogël ëmbëlsuesish se sa frutat e tjera.

Ky reçel i bërë vete ka një shije të këndshme dhe delikate dhe mund të përdoret për mbushjen e ëmbëlsirave, tortave dhe biskotave. Por është gjithashtu i përkryer për ta përhapur në një fetë bukë e për ta konsumuar në mëngjes.

Procedura që duhet ndjekur për këtë recetë është shumë e thjeshtë, por ne ju nxisim që të përdorni fruta të vendit dhe të kujdeseni që t’i zjeni dhe sterilizoni mirë kavanozat ku do të hidhni reçelin. Ruajtja e mirë e reçelit është e domosdoshme, në mënyrë që t’i zgjsni jetëgjatësinë produktit të përgatitur. 

Përbërësit e reçelit të pjeprit

1 kilogram pjepër të pastruar nga lëkura, 300 gram sheqer të errët ose të bardhë, 3 kavanoza qelqi, Koha e Përgatitjes: 10 minuta Koha e Gatimit: 180 minuta Vështirësia: E ulët

Mënyra e përgatitjes së reçelit të pjeprit

Lani dhe pastroni pjeprin duke prerë skajet dhe duke hequr farat e brendshme. Pastaj prijeni në copa të vogla dhe vendosini në një tenxhere të të trashë së bashku me sheqerin.

Vendoseni tenxheren në vatër gatimi në nxehtësi shumë të ulët. Kjo bëhet që të shkrihet sheqeri, ndaj duhet ta përzjeni herë pas here. Kur përzierja fillon të vlojë, ajo do të formojë shkumë në sipërfaqen e vet.

Shkumën mund ta hiqni me një lugë. Ju këshillojme ta shtypni masën me lugë druri ose me aparat derisa të formohet një masë sa më e njëtrajtshme. Vazhdoni ta lini në vatër me nxehtësi të ulët, duke e trazuar vazhdimisht, derisa reçeli të bëhet i trashë.

Pasi masa të jetë gati, kalojeni atë tek kavanozat e pastruar dhe tharë mirë. Mbyllni kapakun dhe vendosini kokëposhtë në një vend të errët larg nga rrezet e diellit për 2-3 ditë.  Sapo të hapet reçeli, ai duhet të mbahet dhe ruhet në frigorifer dhe të konsumohet brenda pak ditësh.

Një pjatë e shijshme, fantastike e pasur me vlera ushqyese dhe ideale për të shoqëruar një vakt të shëndetshëm dreke apo edhe darke.

E përgatitur me perimet më të mira të stinës, të cilat sigurisht mund t’i përzgjidhni sipas dëshirës.

Karrota, patate, speca, kungulleshka, hudhra, patëllxhanë, gjithçfarë perimesh që keni në kuzhinën tuaj mund t’i bëni pjesë të kësaj recete.

Kjo është ndër ndër sallatat tipike shqiptare, e përgatitur prej dekadash nga nënat e gjyshet.

E lehtë, plot shije dhe fantastike për të shoqëruar gatime të ndryshme tradicionale ose jo.

Plotësimi i përbërësve kryesorë të kësaj sallate me kos, vaj ulliri, piper e majdanoz e shndërron atë në një pjatë të preferuar për shijen.

Kjo sallatë është fantastike në shoqërimin e gjellëve të ndryshme, mishrave por edhe të tjera gatimeve të kuzhinës shqiptare.

Jo vetëm shija por mbi të gjitha vlerat ushqyese të saj janë fantastike për organizmin.

AgroWeb.org u sugjeron më poshtë një mënyrë krejt të lehtë të përgatitjes së sallatës së perimeve të furrës në shtëpi, të shoqëruara me kos dhe erëza.

Një mënyrë fantastike për ta shërbyer gjatë vakteve të drekës dhe darkës për gjithë familjen.

Sallata e perimeve të Furrës Krejt Lehtë në Shtëpi
Përbërësit
(Perimet dhe sasia e tyre për këtë sallatë përzgjidhen sipas preferencës, përbërësit më poshtë janë për 4-5 persona)

Dy karrota

Dy patate mesatare

Dy kungulleshka

Dy patëllxhanë mesatarë

Dy speca të kuq

Dy speca të gjelbër

Kripë

Vaj ulliri

Piper i zi pluhur

Piper i kuq pluhur

Majdanoz

Përgatitja
Të gjitha perimet pastrojini mirë me ujë të bollshëm.

Futini të gjitha në zgarën e furrës së parangrohur në 200 gradë dhe lërini të piqen përreth 30-40 minuta.

Pasi të jenë zbutur hiqini nga furra, qërojini me kujdes dhe pritini në copa të vogla sipas dëshirës, vendosini në një pjatancë dhe hidhuni pak kripë.

Për përgatitjen e kosit, ju duhen një gotë kos, hollojeni me disa lugë ujë, hidhini 2-3 thelpinj hudhra të shtypura dhe kripë.

Kosin e përgatitur hidheni sipër perimeve të pjekura që keni në pjatancë, sipuer spërkateni me majdanoz të grirë hollë, vaj ulliri dhe piper tue kuq pluhur./AgroWeb.org

Ne kete stine, ato qe quhen patatet e reja i gjen në çdo treg të Shqipërisë dhe duhen perdorur pasi nuk mund t’u rezistosh per shijen që kanë.

Zona e Shishtavecit në Kukës dhe Stëbleva, Librazhdi, Korça dhe Pogradeci janë më bujaret në ofrimin e varieteteve të ndryshme të patateve të një cilësie superiore.

Patatet e reja janë të njoma dhe kanë një shije të ëmbël në fillim me një nuancë hidhësie në fund. Më poshtë do të lexoni disa prej këshillave të AgroWeb.org mbi përzgjedhjen dhe ruajtjen e patateve të reja.

Si t’i zgjidhni patatet e reja

Mënyra më e mirë për të dalluar nëse patatja është e re është ta fërkoni lëkurën e saj me gishtin e madh. Lëkura duhet të jetë mjaft delikate dhe të hiqet menjëherë me një prekje.

Si t’i gatuani për shëndet të mirë

Akrilamidi formohet në mënyrë natyrale gjatë pjekjes dhe skuqjes së produkteve që përmbajnë sheqer, niseshte dhe aminoacidin asparaginë.

Akrilamidi arrin të formohet edhe gjatë pjekjes ose skuqjes së patateve, në një temperaturë më të lartë se 120 gradë.

AgroWeb.org ju këshillon të shmangni ruajtjen e patateve në frigorifer. Në temperatura të ulëta, patatet lëshojnë një sasi më të madhe të sheqerit dhe pastaj kur piqen do të prodhojnë më shumë akrilamid.

Zgjidhni varietetet e patateve të vendit pasi këto përmbajnë më pak asparaginë dhe sheqerna natyralë.

Çfarë duhet të keni kujdes
Mos harroni se patatet janë vjelur në korrik, gusht dhe shtator. AgroWeb.org ju tregon se duhet të zgjidhni patatet e reja dhe jo ato që janë vjelur kohë më parë.

Mundohuni të shmangni patatet që janë ruajtur për periudha të gjata, sepse ato përmbajnë më shumë sheqer.

Para gatimit, lërini patatet e prera nën ujë të rrjedhshëm për 15-20 minuta për të eliminuar glukozën dhe sheqerin e e tepërt.

Para çdo gatimi, vendosini patatet të ziejnë në ujë për rreth 6 minuta. AgroWeb.org ju këshillon të shtoni 1 lugë e gjysmë uthull në ujë për çdo litër.

Pehashi acid do të ngadalësojë dhe ndalojë formimin e akrilamidit. Në skuqje apo pjekje, kontrolloni ngjyrën e patateve. Duhet të ruani ngjyrën e artë, por jo t’i lejoni të nxihen./AgroWeb.org

Kjo recetë nuk kërkon shumë mundim por shija e saj do t’ju magjepsë tërësisht e sigurisht do mbledhë gjithë familjen rreth tryezës. Këtu keni receten e përgatitjes së pulës me qepë, domate dhe speca. Ajo nuk kërkon shumë mundim por shija e saj do t’ju magjepsë tërësisht e sigurisht do mbledhë gjithë familjen rreth tryezës.

Përgatitja e Pulës me Domate, Qepë dhe Hudhra

Përbërësit

(Përbërësit më poshtë janë për 4-5 persona)

1 pulë e freskët 1 kg

Vaj ulliri

2 speca

2 kokrra qepë

2-3 thelpinj hudhër

3-4 kokrra domate mesatare

Rozmarinë

Dafinë

Kripë

Piper i zi

Përgatitja

Si fillim, AgroWeb.org ju udhëzon të pastroni thelat e mishit të pulës me ujë të rrjedhshëm dhe më pas ta skuqni me vaj ulliri në një tenxhere.

Pasi thelat e pulës të jenë skuqur nga të gjitha anët shtoni dy gota me ujë, lërini të zjejnë për pak dhe më pas thelat e pulës bashkë me lëngun lërini veçmas për t’i përdorur më vonë.

Në vijim, vendosni një tenxhere në zjarr dhe shtoni qepën e grirë hollë, bashkë me thelpinjtë e hudhrave dhe specat e prera në kubikë gjithashtu.

Kaurdisini me vaj ulliri derisa volumi i tyre të bjerë dhe më pas shtoni domatet e grira.

Kaurdisini sërish dhe lërini të gatuhen në zjarr përreth 10 minuta derisa të bëhen në formën e salcës.

Më pas, AgroWeb.org ju udhëzon të shtoni thelat e pulës dhe lëngun e saj.

Rregullojeni me kripë, piper të zi dafinë e rozmarinë (erëzat zgjidhini sipas preferencës)dhe lëreni të zjejë derisa salca të mpikset ose të trashet pak.

Ky gatim special special shoqërohet në mënyrë të shkëlqyer me sallata të freskëta të stinës, byrekë shtëpie, bukë të thekur etj.

Ky gatim shoqërohet në mënyrë të përkryer gjithashtu edhe me pilaf. / AgroWeb.org