Kulinari

Receta e kësaj ëmbëlsire të shijshme është trashëguar me kujdes e dashuri brez pas brezi për dekdada me radhë.
Kremoze, shije plotë dhe magjepsëse me finesën dhe butësinë e ëmbël të saj. Hallva me Mjaltë e Arra është ndër recetat më të vjetra shqiptare. E trashëguar me kujdes e dashuri brez pas brezi për dekdada me radhë.

Krejt lehtë për t’u përgatitur dhe fantastike për t’u shijuar-kjo është tekstura e ëmbël që zgjon ndijesinë e dashurisë në stomak dhe të përfshin me delikatesën e saj.
Sipas gojëdhënave, Hallva me Arra e Mjaltë ishte ëmbëlsira e preferuar e Ali Pashë Tepelenës. Kuzhinerët e oborrit ishin të urdhëruar t’a gatuanin përditë ëmbëlsirën e famshme, aq shumë të dëshiruar nga Pashai.

Kujtojmë këtu se asaj kohe, tradita e gatimeve shqiptare ishte jashtëzakonisht e influencuar nga kuzhina turke, prej së cilës ishte huazuar edhe receta e përgatitjes së hallvës.

Sot kjo recetë është një vlerë e shtuar që i është bashkuar traditës së kuzhinës shqiptare. E shumë preferuar dhe e dëshiruar nga krejt të gjithë shqiptarët.

Ndiqni më poshtë recetën nga AgroWeb.org për të shijuar këtë ëmbëlsirë fantastike dhe të lehtë për t’u përgatitur.

Si ta përgatisni krejt lehtë në shtëpi
Përbërësit

120 gr miell gruri

70 gr gjalpë

150 gr sheqer

250 ml ujë

arra të thërrmuara

kanellë

Dy lugë mjaltë

Përgatitja

Në një enë hedhim ujin të cilin e kemi vakur më parë bashkë me sheqerin.

E përzjejmë masën derisa sheqeri të shkrijë plotësisht.

Në një tenxhere, shkrijmë gjalpin me zjarr të ulët.

Pasi gjalpi të ketë shkrirë hedhim miellin, të cilin e përzjejmë pa u ndalur dhe shpejt në mënyrë të që shmangim formimin e kokërrizave.

Kur masa merr një ngjyrë në kafe të çelur shtojmë dy lugë mjaltë dhe më pas në mënyrë të ngadaltë shtojmë shurupin dhe arrat e thërrmuara.

Përgjatë gjithë kësaj kohe vijojmë përzjerjen derisa masa të përthithë të gjithë ujin.

Pasi ka përthithur ujin, hallva është gati.

E heqim nga zjarri dhe e lëmë me kapak të mbyllur për 15 minuta.

Më pas, mund të përdorim dy lugë në dhënien e formës karakteristike të hallvës, por edhe forma të tjera. Në sipërfaqe e spërkasim me kanellë dhe vendosim nga një thelpi arre sipër.

Kjo ëmbëlsirë fantastike mund të shërbehet në temperaturë ambjenti ose e ftohtë. Për një shije më të veçantë, uji mund të zëvendësohet me qumësht.

I gjithë procesi i përgatitjes së kësaj ëmbëlsire kërkon durim dhe përkushtim. /AgroWeb.org

Revania është një ndër ëmbëlsira më të vjetra shqiptare.

Vështirë se mund t’i rezistosh shijes së saj të butë, të shkrifët, të ëmbëlsuar me sherbet.
Në çdo shtëpi shqiptare ëmbëlsira e revanisë është më e dashura e të gjitha recetave.

Nënat dhe gjyshet e përgatisin këtë recetë përherë në raste të gëzueshme familjare por edhe gjatë fundjavave kur të gjithë kanë mundësi të bashkohen në familje.

Nga kuzhina tradicionale tek ajo moderne e ditëve të sotme, kjo ëmbëlsirë vijon ta ruajë identitetin e saj.

Amvisat në shumë raste kombinojnë këtë ëmbëlsirë duke shtuar të tjerë përbërës që i shtojnë asaj edhe më shumë shije dhe aromë.

AgroWeb.org sjell një recetë të shijshme të revanisë me shurup portokalli, krejt lehtë për t’u përgatitur në shtëpi si një alternativë fantastike për të shoqëruar dhe ëmbëlsuar drekat apo darkat në familje.

Përbërësit
1 gotë me miell gruri

½ gotë me sheqer

1 gotë me miell misri për ëmbëlsira

4 vezë

1 gotë vaj

1 pako pluhur pjekës (e gjeni në markete)

200 gr kos

2 vanilje

2 lugë mjaltë

lekurë portokalli

Përgatitja e sherbetit
2 gota ujë

2 gota sheqer

1 gotë uji me lëng portokalli

(I ziejmë të gjitha bashkë për 10 min dhe i heqim mënjanë që të ftohet)

Përgatitja Krejt Lehtë në Shtëpi:
Në një tas të madh të bollshëm rrahim vezët.

Më pas shtojmë sheqerin dhe mjaltin dhe vijojmë rrahjen edhe për 5 minuta.

Në vijim, shtojmë vajin, kosin, si dhe lëkurën e portokallit.

Në një tas tjetër, hedhim miellin e misrit për ëmbëlsira dhe atë të grurit, hedhim gjithashtu edhe pluhurin pjekës dhe vaniljen.

I përzjejmë të gjitha bashkë dhe i shtojmë tek masa e vezëve.

I rrahim për 2-3 minuta të gjitha bashkë dhe e hedhim të gjithë masën në tepsi.

Ëmbëlsirën e fusim në pjekje në furrë, në temperaturën 170 gradë.

E lëmë të piqet për 35 minuta derisa merr në sipërfaqe ngjyrë të kuqërremtë.

Sapo e nxjerrim nga furra, i hedhim sherbetin e vakët.

Në mënyrë që të përthithë të gjithë masën e sherbetit sa më mirë e shërbejmë tre orë pasi i kemi hedhur sherbetin.

Për Përgatitjen e Sherbetin

Shtoni, ujin, lëngun e portokallit dhe sheqerin, përjzeheni dhe lëreni të marrë valë derisa masa të trashet pak në formën e shurupit. /AgroWeb.org

Përbërësit

250 gr gjalpë

1 gotë kokos

3,5 gota sheqer pluhur

1 gotë çaji vaj vegjetal

3,5 gota miell

Përmbi

1 gotë çaji sheqer pluhur

1 gotë çaji kokos

Hapat

Gjalpin, vajin vegjetal, kokosin dhe sheqer pluhurin e derdhim në një enë dhe e përziejmë.

Pastaj ia shtojmë miellin dhe e përziejmë me dorë e gjithë glazurën, do ta përfitojmë një brumë të butë i cili nuk do të ngjitet në duar.

Merrni nga brumi dhe formoni gurabija, ato i rëndisim në tepsi për pjekje në temperaturë 200 gradë celsius derisa të pjekën.

Pas pjekjës gurabijave përmbi ia derdhni sheqer pluhurin dhe kokosin.

Ju bëftë mirë!

Kanë ikur kohët kur buka që blihej ishte e një cilësie aq të mirë sa gjysma e saj konsumohej pa shkuar akoma në shtëpi.
Nuk ka të krahasuar buka e shtëpisë! Ajo të tundon që në momentet kur nis të piqet në furrë kur mbush gjithë shtëpinë me aromën fantastike të saj.

E më pas, e sapo dalë nga furra, e ngrohtë, me pak gjalpë e djathë apo vaj ulliri, kripë e rigon, shija e saj të përfshin tërësisht. Është diçka krejt e natyrshme dhe dashje pa dashje i dorëzohesh pa kushte që në kafshatën e parë.
Megjithatë, në larminë e ofertave që gjejmë sot në treg, njëzëri mund të biem dakord që buka e bërë në shtëpi është më e shëndetshmja dhe më shpërblyesja në kënaqësi dhe vlera.

Të bësh bukë vetë në shtëpi jo vetëm që është më e shëndetshme për stomakun por edhe për portofolin. Kostoja e pjekjes së bukës është më e ulët se një bukë e blerë në furrën e lagjes.

Pse buka e shtëpisë është më e shëndetshme
Sot, buka e blerë përmban shtesa produktesh nga më të ndryshmet, të dukshme dhe të padukshme, duke justifikuar shqetësimin e çdo konsumatori që tashmë nuk e di se çfarë po ha.

Ndonëse qeveritë e ndryshme në botë ushtrojnë kontrolle të imtësishme në përbërësit e industrisë ushqimore, numri i substancave shtesë në ushqime rritet gjithnjë e më shumë.

Syri nuk i sheh këto substanca, por shëndeti ynë vuan pasojat. Industria ushqimore e bën bukën me gjëra shtesë që ajo të rrojë më gjatë. Substanca të tjera përdoren që korja e saj të jetë më krokante apo fermentimi i majasë të përshpejtohet.

Këto shembuj janë të pakët në krahasim me ‘ushtrinë’ e adititivëve që përdoren në gatimin e bukës apo ushqimeve të tjera.

Si gjithmonë, zgjedhja është e konsumatorit. Nëse vendosni të bëni bukën vetë, atëherë është në dorën tuaj se çfarë përbërësish do të ketë ajo.

Në shtëpi, ju mund të gatuani bukë të ndryshme jo vetëm për nga madhësia por edhe përmbajtja. Siç e përmendëm më lart, arsyet për të gatuar bukën vetë në shtëpi janë të shumta. Megjithatë, arsyeja kryesore mbetet shëndeti dhe shija.

AgroWeb.org ju sugjeron më poshtë një recetë të thjeshtë, të shijshme të bukës së përgatitur në kushtet e shtëpisë.

Si t’a përgatisim në shtëpi
Përbërësit
1 kg miell

300 ml ujë të vakët

200 ml qumësht të vakët

2 lugë maja birre

4 lugë vaj ulliri

2 lugë të vogla kripë

Përgatitja
Në një tas të vogël hedhim majanë dhe e tresim me pak qumësht të vakët dhe e lëmë aty për 15 minuta, në mënyrë që të fermetohet.

Më pas, në një tjetër enë hedhim qumështin e vakët, majanë e fermentuar, vajin e ullirit, ujin e vakët dhe kripën.

I përzjejmë të gjitha bashkë me një lugë dhe nisim të shtojmë gradualisht miellin duke e përzjerë si fillim me lugë e më pas nisim punimin e brumit me dorë. Gjithë sekreti i një buke të mirë shtëpie qendron tek punimi i brumit me duar. Brumi do të jetë gati në momentin që masa do të jetë e fortë, kompakte dhe nuk ngjitet në duar.

Brumin e mbulojmë me një pecetë të pastër. E vendosim në një vend të mbyllur dhe të ngrohtë përreth një orë, në mënyrë që masa të dyfishohet.

Pasi burmi të ketë ardhur, e ndajmë në 12 toptha dhe i vendosim me rradhë në tepsi me letër pjekjeje. I lëmë ashtu edhe për 30 minuta të tjera në një vend të mbyllur. Më pas i fusim në furrë për t’i pjekur.

Para se t’i fusim në furrën e nxehtë, bukën e lyejmë me pak qumësht të vakët të përzier me një lugë vaj ulliri.

I pjekim në 200 gradë përreth 25 minuta derisa buka të ketë marrë një ngjyrë të kuqërremtë, të praruar./AgroWeb.org

Furra nuk është e domosdoshme për të përgatitur kekun tuaj të preferuar.

Me këtë metodë që AgroWeb.org ju tregon, mund të përgatisni të gjitha llojet e kekëve pa i pjekur në furrë.
Po, e lexuat mirë, një kek që nuk ka nevojë të piqet në furrë, madje ka shijen më të lehtë dhe butësinë më delikate se çdo kek tjetër që keni provuar.

Sekreti qëndron tek përgatitja e tij në tigan. Merrni recetën bazë, e më pas mund të krijoni lloje të pafundme të tij.

Keku në tigan është krejt i lehtë dhe i nevojiten vetëm pak përbërës.

Ideal për çdo rast dhe pa shpenzuar shumë kohë.

Për ta përgatitur ju duhet këto përbërës
3 vezë

150 g sheqer

120 g miell

40 ml qumësht

40 g gjalpë

Përgatitja
Si fillim në një tigan shkrini gjalpin, por AgroWeb.org ju këshillon që të tregoni kujdes të mos e lini të digjet.

Pasi përveç aromës së pakëndshme, krijohen dhe disa kokrriza të zeza të cilat janë jo të shëndetshme.

Kalojeni gjalpin në një tas të vogël dhe lëreni të ftohet pak.

Ndërkohë merrni një tas të madh dhe hidhni aty vezët dhe sheqerin dhe përzjejini me rrahësen elektrike.

Këtë proces mund ta bëni dhe mekanikisht me telin e kuzhinës. Masa duhet të rrihet derisa të marri një ngjyrë të lehtë të verdhë dhe kokrrizat e sheqerit të jenë tretur.

Më pas shtoni miellin duke e kaluar më parë në sitë. Kështu do t’i jepni brumit të kekut më shumë ajër, duke krijuar një brum poroz.

Kur të keni përzjerë të gjithë miellin, shtoni gjalpin e shkrirë dhe në fund qumështin.

Përzjeni përsëri derisa masa të jetë homogjene.

Tiganin ku keni shkrirë gjalpin, hidhini dhe një lugë çaji me gjalpë të shkrirë dhe lyeni mirë sipërfaqen e tij.

Kaloni brumin që përgatitët dhe me ndihmën e një luge përhapeni në të gjithë sipërfaqen e tij.

Ndizni vatrën e sobës me korent dhe vendoseni tiganin duke e mbuluar me një kapak.

AgroWeb.org ju këshillon që të mos përdorni për këtë recetë vatër gazi pasi intensiteti i flakës duhet shumë i ulët.

Pasi të kenë kaluar rreth 30 minuta, hapeni kapakun dhe me nje thikë shponi kekun.

Nëse sipërfaqja e saj del e pastër, atëherë keku është gati.

Keku duhet të hiqet nga tigani në mënyrë që të mos lëshohet dhe nga nxehtësia e tiganit të ngjitet.

Kështu vendosini sipër një pjatë dhe kthejeni atë. Sipërfaqen e kekut mund ta spërkasni me sheqer pluhur, mjaltë apo kakao sipas dëshirës.

Me të njëjtën metodë mund të përgatisni dhe kekun me copëza çokollate, me kakao apo dhe fruta të thata.

Ju ngelet vetëm që ta prisni e ta servirni për familjarët e të dashurit tuaj./AgroWeb.org

Do kënaqeni me këtë gatim që është për të vegjël e për të mëdhenj.
Receta perfekte për ta përgatitur në raste festash ose dhe për ta shijuar çdo herë që nepsi godet.
Mund të jetë keku më i mirë që do të përgatisni dhe do të mrekulloheni me shijen e tij delikate.

AgroWeb.org ju tregon recetën shumë të thjeshtë për përgatitjen e kekut super të butë, kështu do të surprizoni familjen apo të dashurit tuaj.

Përbërësit
35 gr gjalpë, pak kripë, 3 lugë gjelle me qumësht, 20 gr sheqer, 6 lugë e gjysmë gjelle me miell për ëmbëlsira, 2 vezë që do t’i ndani veç të verdhat dhe të bardhat e tyre, Gjysmë luge çaji me lëng limoni
40 g sheqer, 2 të bardha vezësh

Përgatitja
Ngrohni furrën duke e vendosur në 170 gradë Celsius. Në një tigan shkrini gjalpin me zjarr të ngadaltë.
Shtoni aty pak kripë, qumështin dhe 20 gramë sheqer, përzjejini derisa të shkrihen plotësisht. Hiqeni tiganin nga zjarri dhe hidhni miellin, përsëri duke e përzjerë në mënyrë që të mos krijohen kokrriza.

Më pas kur të jetë ftohur pak masa, shtoni të verdhat e vezëve dhe përzjejeni me kujdes sa të bashkohen të gjithë përbërësit deri sa të bëhen brumë.

Në një tas hidhni të bardhat e vezëve dhe rrihini derisa të formohet shkuma e bardhë.
AgroWeb.org ju këshillon që të shtoni aty ngadalë lëngun e limonit dhe 40 gramë sheqer, gjithmonë duke përzjerë me rrahësen elektirke.

Me pas duhet të shtoni këtë masë me të bardhat e vezëve tek brumi që formuat. Duke përdorur një lugë, merrni pak e nga pak nga vëzët e bardha të rrahura dhe përzjejini ngadalë me masën e brumit.
Vazhdoni këtë proces derisa e gjithë masa të jetë homogjene.

Në një tavë hidhni pak gjalpë dhe lyejeni sipërfaqen e saj, më pas spërkateni me pak miell, kështu keku nuk do të ngjitet. Masën e formuar kalojeni në tavë, dhe me lugë përhapeni në mënyrë që trashësia të jetë e barabartë.

Tavën me brumin e kekut vendoseni brenda në një tavë më të madhe tek e cila shtoni ujë derisa të mbulohet përrreth 3 cm e saj. Proces që njihet si banjo-mari.

Piqeni kekun në temperaturë 150 gradë Celsius përreth 50 minuta. Për të kuptuar nëse keku është gati, mjafton që me një kunjë dhëmbësh apo thikë të shponi brumin.

Nëse sipërfaqja e thikës është e pastër, atëherë keku është gati. Pasi ta keni nxjerrë nga furra AgroWeb.org ju këshillon që ta kaloni në një pjatë që të ftohet pa nxehtësinë e tavës.

Mund t’i shtoni sipër pak sheqer pluhur për ta zbukuruar, dhe mjafton ta ndani dhe ta servirini për familjarët dhe të afërmit tuaj.

Nëse ruhet i mbuluar në frigorifer, mund të qëndrojë i freskët për dy ditë. /AgroWeb.org