Kulinari

Kjo është një recetë e thjeshtë, e shpejtë dhe e shëndetshme, supë pule me perime.

Sasinë e perimeve mund ta ndryshoni sipas dëshirës
Ndjehuni të lirë të shtoni erëza të ndryshme sipas dëshirës dhe mund të fusni në supë dhe lulelakër bashkë me dy perimet e tjera.
Proçedura :

Prini gjoksin e pulës në kubikë mesatarë

Grini në rende për së gjati karrotat dhe kungullin

Në tenxheren ku do gatuani supën shtoni mishin e pulës, kripën dhe vajin e ullirit

I kaurdisni për pak minuta

Më pas shtoni karrotat dhe kungullin e grirë bashkë me 1.5 litra ujë

I lini të ziejnë deri sa përbërësit të jenë zier

Shtoni panën duke e përzier në të njëjtën kohë

Lëreni të marrë një valë

Fikni zjarrin

Shtoni majdanoz dhe limon sipas dëshirës
Ju bëftè mirë!

Për të përgatitur këtë recetë për 4 persona na duhen:

1 kg mish qengji i freskët

1 kg kos shtëpie

2 lugë miell

3 kokrra vezë

pak gjalpë

2 lugë oriz

kripë

Përgatitja: Në një tavë vendosim mishin, e kriposim, shtojmë pak gjalpë, dy lugë oriz, 1 gotë ujë. Tavën e mbulojmë me letër alumini dhe e kalojmë në furrë në 220 gradë. Pasi të ketë kaluar gjysma e kohës së pjekjes, heqim letrën e aluminit.

Ndërkohë në një tas miksojmë tre kokrra vezë, shtojmë pak kripë dhe 2 lugë miell, e miksojmë mirë që mielli të mos bëhet kokërr dhe shtojmë rreth 1 kg kos.

Përbërësit i kalojmë në një tenxhere, pasi i shtojmë pak lëng mishi e kalojmë në zjarr derisa të marrë valë, përziejmë me lugë gjatë gjithë kohës.

Përbërjen me kos e shtojmë në tavën me mish, i lëmë të gjithë përbërësit të piqen me njëri tjetrin derisa të marrim një ngjyrë të artë, rreth 45-50 minuta.
Ju bëftë mirë!

Kjo është periudha ideale për të përgatitur receta të ndryshme, të shijshme e të shëndetshme me brokoli.

Një perime me vlera fantastike që jo vetëm u jep shije gatimeve të ndryshme por edhe shëndet trupit gjithashtu.
Janë të shumta mënyrat e përgatitjes së supës me brokoli.

AgroWeb.org ju sjell më poshtë përgatitjen e supës me brokoli dhe patate.

Përgatitja e Supës me Brokoli dhe Patate
Përbërësit
(Përbërësit më poshtë janë për 4 persona)

400 gr brokoli

2-3 patate mesatare

1-2 karrota (sipas dëshirës)

1 kokërr qepë

Një lugë çaji me gjalpë të freskët

2-3 lugë gjelle vaj ulliri

700-800 ml lëng pule ose ujë

1 gotë qumësht ( 200 ml)

1 lugë gjelle miell

Kripë

Piper

Mjadanoz

Përgatitja
Si fillim, pastrojmë të gjitha perimet me ujë të rrjedhshëm.

Patatet dhe karrotat i qërojmë dhe i presim në kubikë të vegjël ndërsa ndajmë brokolin në degëza të vogla.

Në një tenxhere hedhim vaj ulliri, e vendosim në zjarr dhe më pas shtojmë qepën e grirë hollë, e kaurdisim për 2-3 minuta derisa volumi të ulet pak.

Më pas shtojmë karrotat dhe patatet e prerë në kubikë, vijojmë t’i kaurdisim për pak.

Shtojmë lëngun e pulës ose ujë dhe i lëmë të ziejnë bashkë përreth 30 minuta.

Për të përfituar maksimalisht nga vlerat e brokolit, AgroWeb.org ju sugjeron që t’i shtoni degëzat e brokolit 6 minutat e fundit që të ziejnë bashkë me përbërësit e tjerë të supës.

Në fund, vendosni një tigan në zjarr, kaurdisni miellin me pak gjalpë. Sapo mielli nis të zverdhet shtoni qumështin dhe përziejeni mirë dhe pa ndërprerje në mënyrë që të mos krijohen kokërriza.

Masën e krijuar me qumësht hidhjani supës dhe lërini në zjarr të marrin një valë për pak minuta duke i përzjerë vazhdimisht.

Hiqeni nga zjarri dhe sipas preferencës mund ta fusni në mikser derisa të jetë përftuar një masë kremoze e supës.

Supën e rregullojmë me kripë dhe piper.

E hedhim në tasat e servirjes së supës, i spërkasim me pak vaj ulliri dhe majdanoz të grirë hollë dhe e shërbejmë të ngrohtë dhe me bukë të thekur shoqëruar.

Nëse preferoni, kur ta servirni, supës mund t’i hidhni pak djathë kaçkavall të grirë./AgroWeb.org

Pilafi me mish pule është një nga gatimet më të shijshme, më të thjeshta dhe më të shpejta që çdo amvisë mund ta përgatisë me mjeshtëri.

Mënyrat e kombinimit të orizit me mishin e pulës janë të larmishme.
Ato janë të ngjashme por edhe ndryshojnë nga tradita në traditë.

Përveç recetës tradicionale të pilafit të zier dhe pulës së pjekur, AgroWeb.org ju rekomandon edhe recetën e ashtuquajtur ‘pilaf i mbuluar.’

Kjo recetë e ka origjinën nga vendet e Lindjes së Mesme dhe e sjell orizin me mishin e pulës në një stil shumë të veçantë.

Mishi i copëtuar i pulës përzihet me orizin dhe më pas mbështillet me një shtresë brumi.

E gjithë masa piqet në tava të vogla deri sa të marrë një ngjyrë të kafenjtë me nuanca të arta.

Kjo pjatë mund të serviret si antipastë ose si pjatë kryesore duke u shoqëruar me sallatë dhe kos.

Përgatitja e Pilafit të Pjekur me Pulë
Përbërësit
Për Mishin E Pulës
500 gr mish pule

2 gjethe të freskëta dafine

1 karrotë e qëruar dhe e prerë në copa të vogla

1 qepë mesatare e prerë në copa

2 kërcenj selino të prerë

3 tufa të holla me majdanoz

6 kokrriza piperi të zi

6 fara karafili

Kripë dhe piper të zi pluhur

Për Pilafin
3 lugë e gjysëm gjelle me gjalpë pa kripë

2 lugë gjelle me vaj ulliri ekstra të virgjër

2 qepë mesatare të grira hollë

Gjysëm luge çaji me nenexhik

1 filxhan çaji me oriz

Çerek filxhani me bajame

3 peta brumi ose të gatshme

1 vezë të rrahur lehtë

2 lugë gjelle me gjalpë të shkrirë dhe pa kripë

Përgatitja
Vendoseni pulën në një tenxhere të madhe.

AgroWeb.org ju udhëzon që të shtoni gjethet e dafinës, karrotën, qepën, selinonë, majdanozin, piperin dhe karafilin.

Mbusheni tenxheren me ujë të ftohtë dhe lëreni të marrë valë në një temperaturë mesatare.

Më pas uleni zjarrin, mbylleni kapakun dhe lëreni të ziejë për një orë e gjysëm.

Hiqeni tenxheren nga zjarri dhe lëreni të ftohet për të paktën 30 minuta.

Merreni pulën dhe hiqeni lëkurën.

Mishin transferojeni në një tas dhe copëtojeni imët me duar.

Lëngun e pulës kullojeni dhe ndani dy gota mënjanë.

Pjesën tjetër futeni në ngrirje për përdorim të mëvonshëm.

Merrni një tenxhere tjetër dhe vendoseni në zjarr.

Shtoni gjalpin dhe vajin e ullirit dhe kur të ngrohen hidhni qepët dhe nenexhikun.

Kavërdisini së bashku për 5 minuta.

Më pas AgroWeb.org ju udhëzon të shtoni orizin dhe bajamet dhe lërini të skuqen për 5 minuta.

Më pas hidhni lëngun e pulës, kripën dhe piperin e zi.

Pasi lëngu të marrë valë, uleni zjarrin, mbylleni kapakun dhe lëreni të ziejë për 15 minuta ose deri sa orizi të jetë zier plotësisht.

Hiqeni tenxheren mënjanë dhe ndizni furrën në një temperaturë prej 200 °C.

Pasi pilafi të jetë ftohur pak, shtoni copat e pulës dhe përziejini me lugë druri.

Merrni një tas qelqi dhe hidhni vezën dhe gjalpin.

Petat e brumit vendosini në një sipërfaqe të sheshtë, prijini në gjysmë dhe mbulojini me një napë të njomë.

Merrni tavat e vogla dhe vendosni nga një petë në secilën prej tyre.

Merrni pilafin e përzier me pulë dhe mbushni tavat e vogla duke i ngjeshur lehtë.

Pasi tavat të jenë mbushur, mbështilleni me pjesët e dala të brumit dhe këtë të fundit lyejeni me vezë dhe gjalpë.

Tavat e vogla futini në furrë dhe lërini të piqen për 20 minuta.

Nue mungesë të tavave të vogla, të gjitha topthat e petave të mbushura me oriz dhe të lyera me masën e vezëve mund t’i vendosni edhe në një tavë të madhe duke bërë kujdes që të ruani formën e tyre.

Për servirje duhet të prisni të paktën 5 minuta deri sa tavat të jenë ftohur disi.

Kjo pjatë serviret e ngrohtë./AgroWeb.org