Kronike e zeze

[sgmb id=”1″]

Konflikti i vjetër mes dy familjeve, për shkak të konkurrencës së një dyqani që shiste byrekë, përfundoi me vrasje në qytetin e Elbasanit dy ditë më parë.

Viktimë mbeti 38-vjeçari Renald Pulaku, baba i dy fëmijëve. Ai u qëllua me thikë mbrëmjen e së premtes nga bashkëmoshatari i tij, Edvin Gjini. Sipas të dhënave të Policisë, ngjarja ndodhi në orët e vona tek “Kryqëzimi i Lazarenëve”, ku 38-vjeçari Edvin Gjini ka goditur tri herë më thikë bashkëmoshatarin e tij dhe më pas është larguar nga vendi i ngjarjes.

Policia bën me dije se Renald Pulaku menjëherë pas ngjarjes është transportuar për në Spitalin e Traumës në Tiranë, por që mëngjesin e së shtunës ai ka gjetur vdekjen, pasi plagët e marra nga thika kanë qenë vdekjeprurëse.

Burime nga grupi i hetimit bënë të ditur për Panorama se autori i krimit rezulton person, i cili konsumon lëndë narkotike. Dyshohet se ai e ka pritur viktimën Renald Pulaku dhe shumë pranë rrugicës ku edhe banonte ai, menjëherë, pa i folur asnjë fjalë, e ka goditur fillimisht dy herë me thikë në mushkëri.

Pasi Pulaku ka rënë në tokë, ai ia ka kaluar thikën në fyt, duke e lënë të shtrirë dhe më pas është larguar. Pas kësaj i plagosuri është parë nga persona të rastit, të cilët menjëherë kanë lajmëruar ambulancën që ka bërë edhe transportimin e tij për në Spitalin e Traumës në Tiranë. Policia konfirmon faktin se shkak i vrasjes së babait të dy fëmijëve është një sherr i vjetër, mes dy familjeve, Gjini dhe Pulaku. Sipas burimeve nga grupi i hetimit, nëna e viktimës ka një dyqan ku tregton byrekë në lagjen e saj.

Ngjitur me të, para disa vitesh ka tentuar që të hapë një dyqan edhe nëna e autorit. Por mes dy familjeve ka nisur një sherr i gjatë, i cili ka përfshirë edhe fëmijët. Familja Pulaku nuk e ka lejuar familjen Gjini që të hapë të njëjtin dyqan ngjitur me ta për shkak të konkurrencës dhe që aso kohe gjithnjë përballja mes dy fëmijëve, autorit dhe viktimës ka qenë me debate dhe me sharje mes njëri- tjetrit.

Mësohet se edhe pak ditë më parë ata kanë debatuar dhe janë sharë me njëri-tjetrin, derisa të premten në mbrëmje Edvin Gjini dyshohet se e ka pritur viktimën, i cili ka dalë nga banesa e tij dhe e ka goditur tri herë me thikë, duke i marrë edhe jetën.

Pasi ka kryer krimin, 38-vjeçari është larguar me vrap në rrugicat e lagjes që njihet në qytet si “Pusi që lahet vetë” dhe ka dalë në zonën që quhet “Kryqëzimi i Lazarenëve”. Prej andej ai ka hyrë në një shkallë pallati dhe ka qëndruar i fshehur atje për më shumë se dy orë, por më pas ai është kapur nga policia. Kjo e fundit bën me dije se ai nuk ka bërë rezistencë dhe pas arrestimit ka pranuar autorësinë e krimit.

[sgmb id=”1″]

 

[sgmb id=”1″]

Për policinë dhe prokurorinë e Vlorës dy autorët e vrasjes së biznesmenit Merven Hysenajt dhe drejtorit të OSHEE-së së qytetit bregdetar Roland Saliu nuk janë treguar të kujdesshëm. Dy autorët të cilët kanë lëvizur me një BMW të vjedhur në Durrës kanë kaluar në rrugët kryesore të qytetit bregdetar dhe janë filmuar nga disa kamera sigurie.
Përveç kësaj, hetuesit thonë se ata kanë zgjedhur ta kryejnë vrasjen në një orar ku ka pasur mjaft lëvizje të qytetarëve të cilët kanë fiksuar lëvizjet e tyre. Disa prej dëshmitarëve okularë kanë dhëne detaje të vlefshme për hetimin.

Një tjetër gabim i autorëve sipas grupit hetimor është braktisja e makinës në dalje të fshatit Panaja. Dy autorët i kanë flakën mjetit me idenë se ajo do të digjej pa ardhur zjarrfikësja. Por ata i kanë lënë xhamat e mjetit të mbyllura gjë e cila nuk ka ndihmuar djegien.

Zjarrfikëset kanë mundur të shuajnë flakën dhe ekspertët kriminalistikë kanë arritur gjejnë aty prova të cilat do të ndihmojnë në identifikimin e autorëve. Aty janë gjetur fije flokësh që mund të çojnë në identifikimin e autorëve të vrasjes së dyfishtë. Me mbetjet biologjike, pritet që të ndërtohen edhe profilet gjenetike të autorëve, për t’i krahasuar më pas me ato të personave të dyshuar. Në Institutin e Policisë po ekzaminohet edhe kallashnikovi i gjetur në mjetin që u tentua të digjej, për të parë nëse është përdorur në ngjarje të tjera kriminale.

[sgmb id=”1″]

Një vrasje e kryer 19 vite më parë në zonën e Kukësit, i ka hapur plagët sërish, ku djali ka marrë hak për babanë e tij, të vrarë në 1997 nga Behram Isa, babai i viktimës Miraim Isa.

Krimi i rëndë ka ndodhur në një fshat të Kukësit. Në atë kohë, djali i mbetur jetim ishte 5 vjeç, i cili rritej bashkë me rrëfimin e familjarëve të tij se si iu vra i ati në oborrin e shtëpisë. Në të vërtetë, vrasësi u kap nga Policia dhe u dënua me 13 vjet heqje lirie. Ai para disa vitesh doli nga burgu dhe më pas vdiq në shtëpi, por duket se kjo nuk e ka zgjidhur situatën e rënduar mes dy familjeve.

Të dy të rinjtë ishin në një dasmë në një fshat në Kukës, dhe teksa po ktheheshin nga dasma ata janë ulur me shoqërinë e tyre në ambientet e një lokali. Por pikërisht në këtë çast, djali i viktimës së mbetur në 1997, shtetasi 24 vjeçar Ismail Alidini, ka sulmuar dhe qëlluar disa herë me thikë shtetasin Miraim Isa, duke e lënë të vdekur në vend. Ngjarja ka ndodhur në korrik 2016.

Megjithëse ai është larguar me shpejtësi policia e Kukësit ka mundur ta lokalizojë dhe arrestojë autorin e krimit të rëndë, duke e akuzuar për akuzat “Vrasje për gjakmarrje”, “Prodhimit mbajtjes, blerjes apo shitjes pa leje te armeve te ftohta”.

Tashmë dosja penale në ngarkim të Ismail Alidinit është dërguar në Gjykatën e Krimeve të Rënda, dhe se pritet që shumë shpejt të fillojë gjykimin.

[sgmb id=”1″]