Adnan Januzaj, futbollisti me origjinë shqiptare, i cili është luan për kombëtaren e Belgjikës, para pak kohësh, kishte thënë se ka lindur në Belgjikë dhe ndihet belg.
Deklarata e tij ka bërë një bujë të madhe tek tifozët shqiptarë. Ndërkohë, është babai i tij Abedin Januzaj, ka dhënë një intervistë për Lajm TV dhe ka sqaruar se çfarë ka dashur të thotë Adnani dhe se cili ka qenë qëllimi i tij.
Ai zbulon se djali i tij nuk kishte marrë asnjëherë ftesë nga Shqipëria, dhe se nuk ndihet tradhtar, por krenarë me sukseset e djalit të tij.
Abedin Januzaj, tregon edhe për golin spektakolar të Januzajt kundër Anglisë, për shanset e Belgjikës kundër Brazilit dhe rikthimin e mundshëm të Adnan Januzajt tek Manchester Unitedi.
Një intervistë për t’u mos u humbur me Dritan Priftin pasi nxori videon e pazarit të Ilir Metës në 2011, pazaret e Ilir Metës dhe lidhjet e tij me kriminelë, si i blen deputetët dhe si fiton nga 1 milionë USD në dit me afera
I ndjeri Dritan Prifti, i cili ndërroi jetë në mënyrë misterioze kohë më parë, ka qenë një ndër bashkëpunëtorët më të ngushtë të Ilir Metës, por më pas u kthyer një nga njerëzit më të urryer mbi tokë nga Ilir Meta. Ky i fundit, gjatë qeverisjes më Sali Berishën, e emëroi Priftin ministër të Ekonomisë. Këtë ministri Meta dhe Monika e shihnin si mundësi të artë për të vjedhur sa më shumë. Prifti nisi t’i bënte rezistencë Metës, duke mos pranuar të gjitha pazaret e tij. Për t’i hequr maskën Ilir Metës para shqiptarëve, Prifti e regjistroi Metën në zyrën e tij, me bllokun e pazareve në dorë. Meta më pas i shpëtoi burgut, pas ndërhyrjes së Berishës, i cili kontrollonte Gjykatën e Lartë me disa ushtarë të tij. Pas publikimit të videos, Dritan Prifti ka dhënë një intervistë epike, ku përmend detaje tronditëse rreth figurës dhe veprimtarisë së Ilir Metës. Ashtu siç e përshkruajnë raportet ndërkombëtare, Prifti e përshkruan Metën si një mafioz të rrezikshëm, zyrën e të cilit e vizitonin çdo ditë kriminelë që kishin bërë qindra vite burg, pasi kanë vrarë njerëz. Prifti thotë se në vitin 2000, Ilir Meta ka bërë 10 milionë USD për 10 ditë me aferat në KESH.
-Ju keni qenë për shumë orë në prokurori dhe jeni përgjigjur pyetjeve?
Mora njoftim nga Prokuroria e Tiranës që ditën e djeshme ku mu kërkua të paraqitesha si dëshmitar për videon që u shfaq në Fiks Fare dhe shpreha gatishmërinë që të shkoja dhe të tregoja çdo gjë që di në lidhje me të. Kam depozituar sot kasetën, videon, të shkarkuar nga origjinali, dhe pastaj për 3-4 orë kam dhënë përgjigje, pyetjeve të prokurorisë për pjesë të ndryshme të kësaj video dhe marrëdhënieve të mia me metën apo personat e tjerë të përmendur në këtë video.
-Përfshirë dhe Berishën?
Për të gjithë, pa tjetër.
-Deklarata e Ilir Metës? Me z. Tom Doshi ç`lidhje keni?
Ky është një nga karakteristikat kryesore të një njeriu mafioz që mbrohet duke goditur, përmend zotin Doshi që gjatë jetës sime kam ndenjur 3 herë me të. Ma ka prezantuar Meta. Me zotin Doshi kam marrëdhënie sipërfaqësore shoqërore, asnjë marrëdhënie politike dhe Doshi nuk ka asnjë kontroll mbi mua, vetëm se kemi një marrëdhënie të muajve të fundit me njëri-tjetrin. Ilir Meta më akuzoi se kam shkuar tek prehri i Tan Leprit. Unë atë nuk e njoh. Ai ka qenë shoferi i gruas së Ilir Metës. Kjo është strategji e një njeriu të rrezikshëm, mafioz i cili i shmanget të vërtetës dhe sulmon për të larguar vëmendjen nga ajo që ka bërë ai. Nga e vërteta tronditëse e tij. Kam marrë një mesazh nga një diplomat i huaj në Tiranë, më thoshte: Gjëra rrëqethëse. Ai kujton se duke sulmuar ditë tjetër, opinioni publik do të çojë mendjen tek personat që përmend ky zotëria për të mbuluar qelbsillëqet e veta. Toma ka hyrë me votat e veta në parlament. Ai ka marrë një pjesë të madhe në Shkodër se e duan shkodranët, atij Tomës ky i ka privatizuar në 2001 antibiotikë, Profarmën dhe ka bërë paratë që ka. Tom Doshi, Ilir Metës i është gjetur pranë shumë herë në kohë të vështira.
-Ju i keni bërë presion Metës siç ai ju akuzon?
Nuk e kam çuar ndërmend t’i bëj presion Ilir Metës. Ka qenë detyra ime të dokumentoj presionet mafioze, kërkesat për shkelje ligji, për favore të pandershme që më ka bërë Meta gjatë një viti rresht. Që muajin e parë të detyrës, ai më ka ardhur me kërkesa këtë koncesion të tij, presion i jashtëzakonshëm dhe unë e kam pasur për detyrë para opinionit publik, fëmijëve të mi, të dokumentoj se me çfarë mafiozi kam punuar dhe të pranoj në prokurori ato që kanë ndodhur.
-Ju e keni regjistruar videon?
Videon e kam regjistruar me ndërgjegje të plotë për të dokumentuar se kush është ky lloj burri. Ai burrë është sot mbase nga njerëzi më të rrezikshëm në Shqipëri, më i korruptuar në Shqipëri. Ka 10-12 vjet që vjedh, abuzon, kërcënon, abuzon, mashtron dhe deri tani ia ka hedhur.
-Pse i keni qëndruar pranë Metës për kaq kohë?
Nuk është se nuk kam pasur episode të Metës që në vitin 2000. Isha drejtor KESH. 10 ditë u largova në Amerikë. Meta bëri 10 milionë dollarë energji për 10 ditë që unë u largova. U ktheva nga Amerika dhe e kundërshtova dhe kam pasur luftë të ashpër me të. Më ka thirrur në zyrë duke pritur për të shkuar në parlament, më ka thirrur në zyrë dhe më ka thënë: Na duhet të blejmë anëtarë të KPD të PS. Më tha, më duhen 500 mijë marka. I tash se nuk kisha ku t’i gjeja. Merri borxh më tha. Kam menduar se kanë qenë episode të veçuara që mbase ndodhin nga një papjekuri rinore. Çfarë kam parë këto vite dhe çfarë dëgjoj tani, nuk mundet ta mbaja në arkivin tim këtë video. Nuk mund ta mbaja më.
-Pse nuk e denoncove videon ato ditë kur ndodhi kjo. Pse e mbajtët kaq gjatë videon?
Kam tentuar disa herë për ta bërë publike dhe gjatë kohës që isha ministër, tentova të bindja kryeministrin të vepronte, pasi kjo ndodhi, kam njoftuar kryeministrin. Me kryeministrin kam pasur marrëdhënie që çdo javë raportoja për çka ndodhte. Ai është në dijeni të çdo kërcënimi që më ka bërë Meta mua. Më vjen mirë që ai e ka pranuar se unë i kam dhënë një kopje të videos, por ai nuk pranoi ta shihte.
-Keni koment për kryeministrin Berisha?
Nuk e kam më. Pas këtij deklarimi sot (dje) të kryeministrit më vjen keq. Shoh që ai duhet të ketë më shumë anë me Ilir Metën se sa kam menduar unë. Duhet të jetë i lidhur në mënyrë të sëmurë me Metën. I lidhur për gjëra jo të mira. Nuk mundte, ai kryeministër që fluturoi për pak minuta Ylli Pangon, që nuk ka peshën e kësaj që ka dalë, se i ndodhi diçka në banesën e vet që i shkoi me dëshirë, ai kryeministër duhet të jetë në hall tepër të madh për këtë deklaratë që ka bërë. Ndjej zhgënjim, nuk e prisja që zoti Berisha të fliste para drejtësisë. Nuk e prisja që ai të merrte anë. Ai me këtë i drejtohet drejtësisë. Ti thua se është e trukuar, se kështu them unë. Është e rrezikshme. Më vjen mirë që e pranoi se i kam çuar kasetën.
-Kur ia keni ofruar Berishës kasetën?
Në kohën e duhur që kishte mundësi për të reaguar në kohën e duhur. Me këtë që ka bërë sot ka rënë miti i atij njeriu si njeri i pastër. Deri dje ka dal me duar të pastra, por unë tashmë e them me shumë keqardhje, po filloj të kujtoj dhe episode të tjerë në marrëdhëniet tona që më bëjnë të dyshoj.
-Cilat janë?
E kam informuar për kontrabandën e naftës Virgjinia, që bëhej në Shqipëri që mbrohej nga doganat, policia, tatimet. Që mbrohej nga policia ai nuk reagoi edhe pse përmenda badigardin e tij, që sot është zv/drejtor i policisë, ai nuk reagoi. Vetëm për interesa elektorale merr në mbrojte Metën që mund t’i japë shans t’i afrohet ndopak Ramës. Kur isha ministër i kam çuar një raport kontrolli të brendshëm të koncesioneve që janë kontrolluar vetëm muajt e verës së vitit 2009. Kur shkova në ministri jam mbytur me ankesa për ish ministrin Genc Ruli. Kontrolli i brendshëm i ministrisë aty ka gjetur gjëra të tmerrshme, ia çova kryeministrit e auditit të brendshëm ia dha departamentit të vet antikorrupsion e deri më sot nuk kam dëgjuar asnjë fjalë për të. Vetëm gjatë dy muajve të verës dha 40 koncesione, gjatë mungesës së parlamentit nga pas zgjedhjeve deri në krijimin e qeverisë së re.
-Disa prej tyre i ka akuzuar opozita?
Mund të jenë dhe disa prej tyre, por janë gjëra të reja që si ka parë asnjëherë. Ia dhashë kryeministrit raportin e auditit, ai ia dha departamentit të antikorrupsionit, ata janë marrë por asnjë përfundim. Jam shumë i zhgënjyer prej Berishës.
-Videoja?
Ia kam thënë Metës dhe atë ditë që më dërgoi me sms i kam thënë po me sms se do të më shkarkosh mua se do të vjedhësh, do të marrësh vendin tim se do të vjedhësh. Ai ka shkuar atje vetëm për të vjedhur.
-Koncesion dhënë një miku, këtë koncesion Meta nuk e ka bërë?
Nëse do të qëndrojmë këtu po e them se ai këtë nuk e ka bërë sepse unë atij disa herë i kam thënë se këtë bisedë ia kam regjistruar për ti dhënë vëllezërve Tolaj këtë koncesion. Por është tepër e qartë si kristali kërkesa që ka bërë ai që këtë koncesionin, sot mbaroje sot se ata janë gati për të dhënë lekët. Shumë e qartë, është tepër e qartë. Më vjen mirë që është me sekonda dhe nuk ka asnjë shkëputje. E kanë fituar unë këtë punë e kam studiuar, kjo punë ka mbaruar. Më vjen keq që ka dal emri i një zonje të nderuar, Shpresa Becit është e vërtetë që vajza e saj ka shkuar në Vjenë dhe është e vërtetë atë që deklaroi Meta se këtë punë e mbyll unë deri në fund. E filloi me një kërkesë, për punësim të Tur Handarit që është oficer policie sot që ka qenë shef i madh në armo, Albpetroli kur ka qenë Meta kryeministër, iku nga puna dhe i ka sot Albetrolit 9 % mijë lek sot është në gjyq si ta merrja unë këtë dhe ta bëjë drejtor të inspektoratit të naftës për Tiranën ose për Durrësin. Ai sot është në policinë e shtetit me atë historik problematik në sektorin e naftës unë nuk mund ta bëja. Ndaj erdhi Meta i inatosur në zyrë për të kërkuar llogari. Episodi tjetër për të anulluar një tender tjetër në Albpetrol. Më thotë anulloje mos e zvarrit. Po të kesh një post politik nuk ka rëndësi as ligji, as morali, as konkurrenca e tregut, unë të jam urdhër jam kryetari yt zbatoje. Nëse do e doja atë më tepër se fëmijët e mi do e zbatoja. Nuk mund të ndërhyja në një tender të Albetrolit ku ishin ftuar më tepër se 15 kompani, unë kisha 2 muaj që nuk i jepja rrogat Alpetrolit se nuk shitej asnjë litër naftë, Albetroli ishte para shkurtimeve. Si të anuloja tenderin. Për këto qejfmbetje erdhi ajo që erdhi nga pas që u prishën marrëdhëniet dhe që unë u largova.
-Qytetarët e Fierit?
Gjysma e Fierit është pa drita. Ishalla nuk ka gisht Meta që ua ka prerë që të mos shohin emisionin sot (dje).
-Në Amerikë regjistrimet në pronën tënde nuk ka nevojë të marrësh leje nga askush. Përgjigjen ligjore do e japë prokuroria. Biseda juaj me Metën, komportimi ndaj presioneve të tij me lisën e kërkesave rezistenca e tij duket e pakët ndjehet bashkëfajtor Prifti?
Qëndrimi im, doja që Meta të fliste nuk mund ta bëja të dyshonte se isha duke regjistruar. E vërteta është se asnjë nga kërkesat e tij për favorizime të jashtëligjshme unë nuk e kam zbatuar. Jo vetëm këto që janë të përmendura në këtë video, por në asnjë rast asnjë nga kërkesat e paligjshme të tij nuk i kam zbatuar. Kam bindjen e plotë se në atë detyrë jam shërbëtor dhe jo për të shkelur ligjin. Më vjen mirë që meta nuk më kuptoi se po e regjistroja dhe e zbrazi barkun.
-Shifra 700? Meta e përmendi shifrën 700 si dëm shkaktuar këtij biznesmeni për shkak të zvarritjes?
Mund të sajojë çdo justifikim për 700 mijë euro që ofroi për të dhënë këtë koncesion. 7% dhe 700 mijë euro zotëri mi ofronte mua, sesa ishte pjesa e tij në para nuk e di, ai kishte 20% dhe i kishte vënë në emrin e Fatmir Merkaj, ose në emër të firmës së tij. Është person i mirë, më duket se ka qenë ish shofer i metës, shumë pallate në tiranë, Dhërmi më thonë se janë të Metës por nuk e di. 20% që ka tek kompania e vëllezërve Tolaj është i tij dhe i Ilirit, Ilir Meta e kishte pjesën e tij veç.
-Prokuroria bëri deklarim për hetimet, deklaroi se hetimet do të vazhdojnë për koncesionet. Mendoni se ky koncesion i padhënë do të përfshihet në hetimet?
Ilir Meta ia ka dhënë një bashkimi tjetër kompanie, Kurum dhe kompanisë Doko nga Elbasani, ai ia ka dhënë tenderin të tjerëve.
-Akuza ndaj këtyre që e kanë marrë?
Nuk kam informacion si e kanë marrë, ka vendosur komisioni apo jo, është bërë pasi kam ikur nga ministria, akuza ime është se meta më ka bërë presion dhe ofertë të paligjshme për t`ia dhënë vëllezërve Tola.
-Meta tha se nuk ka të drejtë zv/kryeminsiri të ndjekë problemet e miqve të tij?
Ka të drejtë të plotë, por nuk ka të drejtë të kërkojë gjëra të paligjshme,e ka të drejtë dhe e ka bërë këtë rëndom por nuk ka të drejtë të bëjë gjëra të jashtëligjshme.
-Meta përmend kryeministrin dhe prokurorinë në bisedën tuaj. Biseda është e marsit 2010, flitet për prokurorinë, më duket sikur dëgjoj një herë emrin Belegu një herë mbiemrin Stojku? Është zhdukur dhe Eduart Belegu në mars të 2010?
Kam diskutuar në prokurori vetëm për pjesën e zbardhur nga emisioni Fisk Fare, jam i disponueshëm të shkoj sa herë të jetë e nevojshme. Përmendja e kryeministrit kur bisedonin për të zëvendësuar drejtorin e KESH, u përmend Stojku. Meta më kërkonte të emëroja drejtorin aktual të bëjë këtë ndryshim dhe unë i thashë se është mirë të kemi konfirmim nga kryeminsiri, ai më tha se kryeministri është dakord. Një ok për një emërim, drejtor të përgjithshëm të KESH. Kontekstin e prokurorisë nuk e mbaj mend plotësisht mund të ketë qenë për Belegun. Bëhet fjalë për të tjerë, mund të ketë qenë Belegu, ku Meta më thoshte se ki kujdes se prokuroria mund të veprojë. Meta ma ka përmendur mikun tim disa herë, më ka kërkuar disa herë ta largoja nga detyra, mbase m,und të ketë qenë në kontekst me atë. Pjesën e prokurorisë të jem i sinqertë nuk e mbaj mend mirë.
Në galerinë ‘’Zeta’’ ka kaq shumë luhatje gjendjesh shpirtërore, rënie, ringritje, frikë, përpjekje dhe janë të gjitha të shprehura në portrete që nuk i largohen asnjëherë tërësisht Liljana Hoxhës në ekspozitën e saj të parë. Nusja e Enver Hoxhës, ka hedhur me duar, pa spatula e pa penela, në telajo. Hijet e shëmbëllimet, ende pa e pyetur, të tregojnë që nuk mund të të largojnë shumë nga historia…
Në një intervistë për ”Panorama” ajo thotë se për çdo pikturë puna është personale dhe se jam udhëhequr vetëm nga ndjesitë e mia.
Nëse do kalonim pak në të gjitha pikturat, nga doni t’ia nisim.
Kjo nuk është shumë e rëndësishme në rastin tim. Për çdo pikturë puna është krejt personale, por mendoj që imja është edhe më tepër sepse është shumë shpirtërore dhe unë jam udhëhequr vetëm nga ndjesitë e mia, për të dhënë mesazhe.
Çfarë mesazhesh?
Mesazhet janë sociale, por secili bën interpretimin e tij.
Ndihet prania juaj në çdo pikturë. Duket se portreti juaj është pak gjithandej…
Mendoj që puna e portretit është një gjë që më favorizon sepse nuk është e lehtë të shprehësh një fenomen me portret dhe kjo është pikërisht ajo që unë kam nisur të bëj.
Çfarë ndodhi që nisët të pikturonit?
Historikisht, unë nuk jam marrë ndonjëherë me pikturë dhe as e kam menduar se do të pikturoja ndonjëherë. As e kam kërkuar, kam qenë veç artdashëse, siç ndjek gjithë artet e tjera. Mendoj që ka ardhur befas, por jo se nuk do ketë ndonjë arsye. Edhe unë jam befasuar.
Cila mendoni se mund të ketë qenë arsyeja?
Ashtu si e kuptoj unë, arsyeja është trysnia e fortë që ka qenë brenda meje, për një aktivitet ekstrem që më është dashur për dhjetë vite të kaloj, pengesa të pafundme e të përballoj gjithçka. Ka qenë një sforcim ekstrem. Më në fund, kur unë e mbarova atë përballje, kam ndjerë, me sa duket, nevojën të çlirohem. Mirëpo, mbaroi vetëm përballja ime jo problemi, problemi vazhdon sepse ai i takon shoqërisë dhe këtë të fundit unë e kam parë në pikturë.
Po u referoheni problemeve brenda familjes suaj?
Jam përpjekur ta trajtoj si probleme në tërësi, më gjerë se kaq sepse po të flasim për problemet brenda familjes sonë ka shumë shpërdorime. Ajo është familja jonë me emër, por nuk është familja jonë më, mendoj që nuk ka qenë asnjëherë. Përveç Enver Hoxhës, vetëm ai ka qenë familja ime…
A gjendet ai diku mes figurave të pikturës suaj?
Nuk është nevoja që ta identifikojmë veçanërisht, secili e lexon vetë. Megjithatë, atje ku është ajo e mirë që mund të ketë qenë, ai patjetër është. Mendoj që pas një pune kaq të madhe, kur truri ngelet kaq i trysnuar dhe përpiqet të gjejë se si mund të çlirojë veten, aty në atë çast ndizet një llambë që nuk ka ekzistuar më parë dhe rezulton diçka, për të cilën ti nuk kishe menduar ndonjëherë.
Cila ka qenë piktura juaj e parë?
Kjo është një ekspozitë me punë vetëm të vitit të fundit sepse unë kam tri vite që pikturoj, prandaj edhe këto janë të gjitha thuajse të reja. Unë punoj ashtu siç më vjen, me duar, vetëm në vaj. Nëse çasti vjen, ashtu mistershëm siç është, vazhdoj ta ndjek. Kjo është ekspozita e parë dhe bashkë me këto janë pikturat që janë të publikuar edhe në dy katalogë.
Ngjyrat që shquhen kollaj ishin kështu që në fillim apo rrugës, apo duke mësuar e duke ndryshuar?
Ato erdhën që në fillim, madje, ndonjëherë përpiqem t’i zbus për mos të qenë shumë e ashpër. Mendoj që kjo gjë ishte për të dalë. Unë përpiqem të jap një shpjegim shkencor, por ekziston edhe shpjegimi mistik. Mendoj që kjo është një dhuratë.
A ka në rrethin tuaj të afërm, njerëz që merren me pikturë, prej të cilëve mund të jeni nxitur të nisni të pikturoni?
Më vjen mirë që po flasim për këtë sepse ne as në familje nuk e kishim menduar, por më vonë rezultoi që mbesa ime e madhe, e cila studion për pikturë, të bënte një lidhje me mua… Djali i Shpatit gjithashtu vizaton, kuptohet, si çdo fëmijë 5 vjeç, por ai vizaton me mendim dhe jo figura të mamit apo babait. Kjo më çudit prej tij dhe mendoj që ai do të pikturojë një ditë sepse e dalloj që tani analizën e tij. Megjithatë, nëse nuk do të ishte profesor Ali Oseku, nuk do të kisha pasur guximin kurrë të bëja asgjë.
Kujt ia keni treguar punët e para?
Ali Osekut, ai më ka përlotur që në fjalët e para dhe e dallova gëzimin në portretin e tij dhe ky mund të jetë vetëm reagimi njerëzor i një artisti të vërtetë. Ky është artisti, duhet të entuziazmohet, të gëzohet, përndryshe është një njeri i shkolluar që di të bëjë diçka. Ju zë shumë kohë puna me një pikturë.
Kur vizatoni?
Piktura, për mua, është si fryma edhe ajo ecën shumë shpejt. Për dy orë thuajse e kam mbaruar. Me regjimin tim gjej kohën më të mirë, që është pasditeve, preferoj të mos dal dhe t’i kushtohem pikturës. Nëse e kam nisur diçka, nuk mund të dal kurrsesi deri sa kam mbaruar.
Në këtë pjesë të katërt të intervistës me ish-oficerin e Sigurimit të Shtetit, rezident në Paris, Hasan Luçi përshkruhen aktet terroriste që ballisto-zogistët e arratisur kanë kryer brenda Shqipërisë kur u hodhën si diversantë. Luçi është mjaft i besueshëm në ato që thotë, pasi flet me shifra dhe fakte që nuk i kundërshton dot. Këtu do të flitet edhe për një nga përpjekjet më të guximshme të agjentëve për të vrarë Enver Hoxhën dhe udhëheqës të tjerë komuniste.
Është një nga historitë sa të pabesueshme aq edhe e panjohur që kam dëgjuar në jetën time si gazetar. Është historia e Avdyl Banushit, atij ballistit të arratisur që hodhi bomba në ambasadën tonë në Romë. Një nga veprimtarët më aktivë kundër regjimit komunist në Shqipëri. Por edhe një trim i tërbuar dhe i paepur nga Golemi i Gjirokastrës. Kulmi është se kjo histori ka ndodhur gati një dekadë më përpara se të zbarkonte banda e Xhevdet Mustafës.
Ishte Avdyl Banushi që ka qenë shumë më pranë se paraardhësit dhe pasardhësit e tij terroristë për të vrarë Enver Hoxhën. Kjo ka ndodhur në vitin 1974, pikërisht kur Shqipëria kremtonte 30-vjetorin e çlirimit të vendit. Askush nuk mund ta merrte me mend, se pikërisht për të ndenjur para tribunës në atë ditë, ishin nisur që nga Nju Jorku një grup diversiv antikomunist, i kryesuar nga Avdyl Banushi. Ai dhe shokët e tij kishte mbërritur me bomba në xhep te Parku Rinia, madje kishin zënë strehë pikërisht në një apartament në bodrumet e pallateve të Shallvareve.
Intervistoi Xhevdet Shehu
– Zoti Luçi, është folur vazhdimisht se bandat diversioniste që hidheshin nga jashtë, kanë kryer edhe akte terroriste. Mund të na përmendni se ku konsistonin këto akte?
– Po ata për terrorizëm vinin këtu. Në atë kohë ata kryen disa akte terroriste si vënie zjarri në naftë në Kuçovë, djegie kooperativash, vënie zjarri shtëpive të rinisë, djegie banesash të patriotëve kooperativistë etj. Në këtë luftë pati sukses loja e zhvilluar me anën e Frontit të Rezistencës dhe amnistia e vitit 1949, megjithëse në veri kjo nuk dha rezultatet e pritura. Kështu në vitin 1951 veprimtaria e bandave të armatosura arriti kulmin, një pjesë e të cilave ishin të përbëra me diversantë të jashtëm, që së bashku organizuan 135 aksione si vrasje, plaçkitje, djegie, propagadë, spiunazh etj.
Në fakt në 1950 kishte 114 banditë, nga të cilët 30 diversantë të ardhur nga jashtë, kurse në 1951 vetëm UDB- a dërgoi 450 diversantë. CIA dërgoi bandën e Curr Pajës nga Greqia. Kështu më 1951 vepronin mbi 475 banditë, prej të cilëve një pjesë ish diversantë të ardhur nga jashtë dhe pjesa kryesore banditë që vepronin nga brenda. Por si rezultat i masave të marra u kryen operacione spastrimi në të gjithë vendin dhe u asgjësuan 144 banditë. Për të përtërirë bandat e dëmtuara që pësuan në vitin 1951 edhe në 1952 spiunazhet e huaja vazhduan hedhjen e bandave diversioniste.
Në 1952, pasi veproi nën urdhrat e anglezëve deri në 1951, A. Zogu vihet në lidhje me drejtuesit e ClA-s dhe vuri në dispozicion të saj njerëzit e tij më të besuar Zenel Shehun dhe Halil Branicën, të cilët më 1 maj 1952 u futën në Shqipëri, ku u kapën menjëherë dhe pasi u mësua misioni i tyre e planet e anglo – amerikanëve, u bë objekt i lojës “Liqeni i Vajkalit” vazhduar nga Sigurimi i Shtetit për 17 muaj rresht. CIA i dha përparësi bazave në Greqi në atë kohë.
Lojat me spiunazhet e huaja ishin suksese të punës vetëmohuese të shumë punonjësve trima legjendarë të Sigurimit të Shtetit e të mbështetjes së fuqishme nga masa e popullit. Edhe në vitin 1953 nën diktatin e huaj, reaksioni i jashtëm bëri edhe një përpjekje për aktivizimin e bandave duke dërguar kriminelin e njohur Hamit Matjani e grupe të tjera diversioniste. Për të parë se si dëgjohej në Shqipëri radiopërhapja e CIA-s në ishujt Kalasinia (Greqi) në vitet 1952 – 1953, një zbulues anglez kujton se anijet e CIA-s e SIS-it bënin disa udhëtime nga Greqia deri në kufirin jugosllav me diversantë brenda për të dëgjuar transmetimet në gjuhën shqipe dhe për të njoftuar për efektin e tyre.
– Pas viteve ’90 është bërë i njohur se ka pasur një plan për të vrarë Enver Hoxhën në mesin e viteve ’70. Pse dështoi ai plan?
– Nuk ka pasur vetëm një plan, por disa. Enver Hoxha ishte i pari që ishte në krye të listës për t’u vrarë. Po le të shikojmë planin për të cilën më pyetët. Ishte nëntori i vitit 1974. Shqipëria komuniste kishte kohë që priste të festonte me madhështi 30-vjetorin e Çlirimit të vendit nga pushtuesit nazifashistë.
Më së shumti ajo atmosferë ndjehej te banorët e kryeqytetit, të cilët prej ditësh mbushnin gjatësinë e bulevardit “Dëshmorët e Kombit” për të parë provat e përgatitjes së kuadrateve me ushtarakë që do të demonstronin para Enver Hoxhës në ditën e 29-të të muajit, e cilësuar si dita jubilare e çlirimit.
Në vëmendjen kryesore, ku rrinte dhe komisioni i përgatitjes së paradës së madhe, ishte pikërisht tribuna madhështore e ndërtuar prej më se 10 ditësh para hotel “Dajtit’, mbi të cilën në ditën e caktuar do të dilte Enver Hoxha, Mehmet Shehu, Hysni Kapo dhe udhëheqësit e tjerë. Aty ishte menduar të bëhej një masakër e paparë ndonjëherë për të vrarë jo vetëm Enverin, por edhe të tjerët që ndodheshin në tribunë…
– Si e morët vesh planin e atentatit kundër Enver Hoxhës?
– Ua kam thënë dhe nuk është sekret se Sigurimi ynë ka pasur bashkëpunëtorët e vet në çdo organizatë e grup të mërgatës politike të shqiptarëve të arratisur, duke filluar nga ata ekonomikë, kosovarë dhe nga njerëz me të vërtetë atdhetarë që u dhimbsej me të vërtet populli i tyre. Më 30 prill 1974 unë mora informacionin se “Fronti i rezistencës kish marrë vendim që ai vit të ishte viti i aksioneve konkrete në Shqipëri ku të angazhoheshin të gjithë luftëtarët e lirisë.
Pikërisht aty u mor një vendim për të kryer detyrën më speciale që mund të ishte kryer ndonjëherë deri në atë moment. Të eliminohej fizikisht Enver Hoxha. Dhe më e veçanta akoma ishte se për atë detyrë nuk u caktuan njerëz të përgatitur në shkolla të rastit, por u caktuan pesë djem të fuqishëm me në krye siç dhe e kemi përmendur Avdyl Banushin.
– Ky ishte ai që hodhi bombën në ambasadën tonë në Romë?
– Dora vetë. Ai ishte autori i eksplozivit që ishte vënë në ambasadën tonë pak muaj më parë si merrej ai vendim ashtu siç do të bënte mbi ambasadën tonë në Itali apo të përsëriste aktin terrorist mbi ambasadën tonë në Paris. Avdyl Banushi ishte shumë i vendosur dhe i betuar për të realizuar detyrat. Ishte aktiv dhe i rrezikshëm. Kishte dhe një nuhatje natyrale të madhe, pra ishte i zgjuar. Është e çuditshme se si u bë armiku ynë ky njeri.
Gjatë luftës kishte qenë me rininë e Ballit, e arrestuan gjermanët dhe e çuan në kampin e shfarosjes në masa në Dakau. Nuk e di si shpëtoi dhe u kthye në Shqipëri. Pastaj u arratis… Me një fjalë ai së bashku me shokët bëheshin kamikazë të vërtetë. Por kjo gjë ishte shqetësuese pasi siç e shikon kishe të bëje me një njeri që e kishte ndarë mendjen për ta kryer me doemos atë akt. Unë dija që ishte nga Golemi i Gjirokastrës dhe në kohë të luftës kishte qenë me rininë balliste.
Pas çlirimit kishte qenë për shumë vite i dënuar në burgun e Burrelit. Por dija se kishte qenë shumë i papërkulur dhe nuk bënte as një kompromis për të lehtësuar veten. I ofruam të bëhej bashkëpunëtor i yni dhe t’ia lehtësonim dënimin, por ai nuk pranoi. Këta njerëz kur u ngarkon detyra bëhen shumë të rrezikshëm. Avdyl Banushi kishte hyrë shumë herë në Shqipëri dhe ishte kthyer shëndoshë e mirë. Madje pak para se të merrej ai vendim, pra punë muajsh ai kishte hyrë në Shqipëri. Kishte ndaluar në shumë rrethe dhe kishte aktivizuar të gjithë elementët e vet.
Kishte shkuar në Gjirokastër, Vlorë, Dukat, Fier, madje edhe në fermën Çlirim ku kishte qenë dikur i internuar në atë zonë, Durrës, Tiranë, Macukull të Burrelit dhe pastaj kishte dalë sërish jashtë kufirit. Ai kishte baza jashtë shtetit dhe brenda Shqipërisë. Jashtë shtetit kishte te shqiptarët e arratisur. Në Shqipëri kishte baza tek familje të pakënaqura nga regjimi. Në Lushnjë kishte bazën “GODO”. Në Durrës ishte baza “CERLOI”, në Tiranë ishte baza “BINERI”. Madje në bazën “Bineri” që i përkiste familjes së Sami Binerit, u formua dhe dega “Fronti i Rezistencës” për Tiranën, madje aty do të strehoheshin edhe më mbrapa kur donin të vrisnin Enverin.
– Cili ishte aksioni i Sigurimit të Shtetit për të penguar vrasjen e Enverit?
-Ka qenë një punë e jashtëzakonshme. Unë për vete kam kaluar momentet më të rënda të jetës sime. Nuk ishte e thjeshtë. Përfytyro ç’mund të bëjë CIA sot në qoftë se rrezikohet jeta e Presidentit Trump apo ç’mund të bëjë KGB-ja për Presidentin Putin etj. Neve na rrezikohej udhëheqësi më i shtrenjtë të cilit i ishim mirënjohës për gjithë ato vepra që kishte bërë për vendin dhe popullin. Më dilte gjumi natën. Nuk ngopesha me frymë. Mendoja se pavarësisht se do të merrnim masat më ekstreme, por po të mos ia arrinim dot ta mbronim. Po sikur të ndodhte…?! Ky tmerr u shtua më tepër kur u informuam se për këtë mision ishte marrë edhe miratimi i amerikanëve.
– Pse kishin edhe amerikanët dijeni për këtë akt?
– Po. Sekretari i Komitetit “Shqipëria e Lirë”, Mexhit Dibra u takua me majorin Tomas Smith dhe i bëri të qartë planin ku mori edhe miratimin e tij. Unë mësova se majori Smith u kishte thënë se siguria e Enver Hoxhës ishte perfekte, por Mexhiti i ishte përgjigjur se ky aksion ishte marrë përsipër nga Avdyl Banushi të cilin ata e njihnin shumë mirë madje dhe e kishin paralajmëruar të mos hidhte më eksploziv në ambasadat shqiptare në Europë, pasi ishin akte terroriste. Kështu që si mësova edhe këtë miratim të fundit mua s’më ngelej gjë tjetër, por të mbaja në vëzhgim Avdylin në të gjitha lëvizjet e tij. Ndërkohë që informova Tiranën.
– Si mbikëqyrët ju operacionin apo aksionin e Banushit?
– Unë njoftova Tiranën. Kam njoftuar direkt Kadri Hazbiun, ndërkohë që detyrë tjetër kisha të ndiqja objektivin në të gjithë lëvizjen e tij dhe të mbaja në korrent Kadriun me anë kodesh të shifruara. Ka qenë 20 nëntor 1974 kur unë mora sinjalin se ata u nisën nga SHBA-ja. Ndërkohë që mësova mbërritjen në Prevezë të Greqisë. Dy ditë më mbrapa pikërisht në 22 nëntor mora sinjalin se mbërritën në Çamëri. Unë pas çdo informacioni i raportoja Tiranës. Në të vërtetë sipas informacionit që kishim siguruar për planin e lëvizjes së tyre prisnim që ai të futej nga “Kepi i Stillos”.
Për këtë njoftuam dhe ajo zonë siç mësohet u bë “blind”. Madje për parantezë po të them se edhe vetë Avdyli kur ka dhënë në vitin 2002 një intervistë deklaron se kur erdhi në Çamëri dhe u ngjit malit të Stillos kishte vënë re brenda tokës shqiptare lëvizje të shumta ku kishte kuptuar saktësisht se përkëtej kufirit ishte dhënë informacioni për të. Ai ishte bindur se ishte në vëzhgim prandaj bëri të pamundurën për t’i humbur atij që ndiqte lëvizjet. Kështu ndërroi planin e lëvizjes gjë që kush mund të informonte nuk dinte për çfarë.
– Dhe më tej, si hynë dhe nga hynë ata në Shqipëri?
– Ndërsa prisnim të hynte në “Kepin e Stillos”, arritëm të merrnim informacionin se hynë në zonën e minoritetit të Sarandës. Pas kësaj nuk mësuam dot asgjë derisa hyri në Tiranë. Kur ai mbërriti në Tiranë, menjëherë morëm sinjalin “Hyri”. Menjëherë njoftova Kadri Hazbiun.
– Si është e mundur që nuk e ndoqët dot brenda territorit shqiptar?
– Unë sapo thashë se ai ishte shumë i zgjuar dhe si mësoi se ndiqej gjë që e pa sa hyri në Shqipëri ai mundi t’i fshihte mirë gjurmët. Kjo bëri që të shpëtonte dhe pavarësisht se nuk e kreu dot misionin arriti të kthehet shëndoshë e mirë në Paris dhe Nju Jork. Më mbrapa, pas viteve 90, kur kam takuar Avdylin dhe atëherë si u kthyen pas misionit të pakryer kam mësuar se ai si kishte hyrë në kufirin shqiptar kishte mbërritur në fshatin Aliko të Sarandës.
Kanë fjetur në atë fshat te djali i njërit prej anëtarëve të “Frontit të Rezistencës” që ishte dhëndëri i Kryetarit të Kooperativës me profesion shofer. Të nesërmen të ndihmuar nga i zoti i shtëpisë ku kishin bujtur, i çoi deri në Gjirokastër. Prej andej me autobus arritën që në mbrëmje të shkonin në bazën e tyre te Shallvaret që i raportova unë Kadriut. Vetëm kur u kthyen nga Shqipëria, unë mësova se ata kishin qenë në familjen “Bineri”. Udhëtimi i tyre sigurisht kishte qenë i vështirë pasi informacioni ishte dhënë i saktë.
– Pse dështoi atentati?
-Natën e fundit të paradës tribuna e saj u largua nga vendi që ishte montuar prej dy javësh para hotel ‘Dajtit’ dhe u vendos para Kryeministrisë. Si nuk u kap dot Avdyli, ata mësuan se ishin në kërkim madje siç më ka thënë edhe pak kohë para se të vdiste, pothuajse ishte zbuluar se kur u kthye në shtëpi ku kishte bujtur, mësoi se roja që kishin lënë kishte parë njerëz të dyshimtë që ai besonte se ishin të sigurimit që vrojtonin me vëmendje. Kështu që reaguan menjëherë. Nga baza “Bineri” në mesnatë përfunduan në Ndroq pikërisht në familjen “Mancaku”.
Prej andej ai ishte rikthyer të nesërmen në Tiranë nëse mund të kryente misionin e dytë të hidhte eksploziv në Ambasadën Kineze. Siç më ka thënë kohët e fundit si shkoi te Ambasada e Kinës pa se ishte gardh me policë, pasi ishte përballë RTSH-së dhe shumë institucioneve. Kështu që ishte larguar pa kryer asgjë. Ishte lidhur me shefat e tij dhe i dërguan mjet nënujor për ta rimarrë në bazë.
– Po pastaj ku shkoi dhe si veproi?
– Mundi të fshihet mirë. Nuk u mësua asgjë. Unë ngela te momenti që është në Tiranë dhe është te Shallvaret dhe kaq. Vetëm pasi u rikthye në bazë unë munda të mësoja atë çka kishte ndodhur. Vetëm dy muaj më mbrapa si dështoi me misionin e parë për vrasjen e Enver Hoxhës dhe hedhjen e eksplozivit në Ambasadën Kineze, madje si kishte shpërthyer dy ambasadat tona në Paris dhe në Itali, Avdyl Banushi u përgatit të hynte sërish në Shqipëri.
Këtë herë do të hidhte në erë bustin e Leninit dhe të Stalinit. Por këtë herë ishte një kombinacion agjenturor ai që bëri që Avdyli të arrestohet i gjallë. Kjo u arrit nga zbuluesit tanë në Amerikë. Unë e kisha shumë të vështirë ta gjeja se isha në Francë. Atë kombinim e organizoi Rezidenti i Sigurimit në Amerikë, Sokrat Çomo, i cili ishte prezantuar si diplomat pasi ishte në OKB.
– Më thatë se jeni takuar me të pas vitit 1990, madje dhe kini pirë kafe me të. Si ishte komunikimi midis dy armiqve të dikurshëm?
– Jam takuar tre-katër herë pas 90-s me të e kemi pirë kafe te Sheshi Shopen, aty prapa Institutit të Arteve. Mund të them se ishte një takim normal. I hapëm kartërat. Kur i thashë se në radhët e tyre ne kishim agjentët tanë, filanin e filanin e filanin, ku merreshin vendimet më të rëndësishme,ai vuri duart në kokë. Edhe ai që e solli këtu kur e arrestuam ishte agjenti ynë.
Mirëpo vija re se nuk kishte asnjë shenjë pendese. Prapë po të jem në ato kushte, ashtu do të veproja, më tha. I kishte mbetur vetëm një peng i madh: Gjatë viteve kur kishte punuar si agjent i amerikanëve ai paguhej mirë dhe dollarët i kalonin në një bankë atj. Ishin 150 mijë dollarë. Priti t’i merrte kur doli nga burgu pas 90-s, por nuk i mori kurrë. Madje nuk i dhanë as vizë të shkonte as në Amerikë, dhe as në ndonjë vend tjetër. Vdiq në mjerim aty pas disa viteve…
Historiani me gradën doktor të mbrojtur në Firence, Itali për nacionalizmin shqiptar Olsi Jazexhi, ka dhënë një intervistë për një televizion në Maqedoni, të mbushur me deklarata anti-shqiptare dhe teza sllave kundër Shqipërisë dhe Kosovës.
Në emisionin ‘Vo Centar’, Jazexhi ka pohuar se Gjergj Kastriot Skënderbeu nuk ishte shqiptar, por greko-bullgar.
Madje ai ka deklaruar se shqiptarët janë një komb i shpikur nga turqit, ndërsa Kosova ka qenë e banuar nga serbët ortodoksë përpara se të mbërrinte Perandoria Osmane.
Por edhe gazetari maqedonas u hapit nga përfundimet e tij anti-shqiptare, saqë e pyeti në një moment nëse ishte vërtet shqiptar.
Disa nga deklaratat e Olsi Jazexhi në emisionin maqedonas:
Skënderbeu ishte një luftëtar serbo-bullgar dhe familja e tij kishte prona në Shqipërinë e sotme. Austro-Hungaria vendosi ta bëjë hero të shqiptarëve.
-Shqiptarët, si maqedonasit dhe grekët janë kombi i ri. Në kohën kur Skënderbeu zhvilloi luftën nuk ekzistonin shqiptarët.
-‘Albania’ ishte term që i referohej Kroacisë dhe Malit të Zi.
-Përpara ardhjes së Perandorisë Osmane, në Kosovë shumica e njerëzve ishin serb ortodoks, në Maqedoni gjithashtu. Në Shqipëri shumica e tomponimeve janë sllave. Me ardhjen e turqve filloi islamizimi dhe albanizimi.
-Shqiptarët kanë asimiluar sllavët.
-Nënë Tereza nuk është shqiptare, por vllehe.
-Nuk ka tre shtete shqiptare në Ballkan. Kosova është e dominuar nga mafia.
Rasti i radhës në emisionin “Stop” ishte ai i Bajram Shkreta.
Ai tregoi sesi u diagnostikua në mënyrë rastësorë me diabet. Për shkak të agravimit të sëmundjes, ai është detyruar të presë të dyja këmbët.
Ai tha se kur ishte vetëm me një këmbë ishte me statusin e invalidit të punës të grupit të dytë, ndërsa tani është me atë të grupit të parë. Por si të mos i mjaftonte fatkeqësia e tij, prej 6 vjetësh endet nëpër institucione për të marrë statusin e paraplegjikut. Bajrami tregoi se falë ndihmës së miqve të tij, si morale ashtu edhe ekonomike, ka arritur t’ia dalë mbanë
Gazetari i emisionit “Stop” komunikoi me mjekun dhe përfaqësuesin e Shërbimit Social, Besim Muratin. Ai tha se personat që pretendojnë statusin e paratetraplegjikut duhet t’i drejtohen institucioneve shëndetësore për t’u pajisur me fletën e KEMP-it, e cila brenda 5 ditësh i dërgohet Zyrës së Ndihmës Ekonomike në Shërbimin Social Shoqëror dhe pas 30 ditësh i dorëzohet komisionit për ta shqyrtuar.
Gazetari së bashku me denoncuesin shkuan pranë Komisionit Mjekësor të Caktimit të Aftësisë për Punë të Invalidëve dhe më pas në të gjitha zyrat e nevojshme për të zgjidhur problemin e Bajram Shkretës. Prej 6 vjetësh ky i fundit nuk ka mundur dot ta marrë statusin e paraplegjikut, por emisioni “Stop” ia siguroi brenda pak ditësh.“Kjo s’ka fjalë… 6 vjet për ta siguruar dhe me një faleminderit për emisionin ‘Stop’ ëshët shumë pak! Keni bërë aq të mira, prandaj dhe unë iu drejtova këtij emisioni. Hallall ju qoftë!, u shpreh i emocionuar denoncuesi“Me diabet unë kam që në vitin 1998. Unë isha duke ikur me shërbim në Sarandë me Tefta Radin, por pija shumë ujë rrugës. Shkuam për inagurimin e një spitali dhe i tha që ky (Bajrami) pi shumë ujë. Bëmë një analizë dhe doli diabeti. Jam kuruar, por në vitin 2010 e preva një këmbë. Pas dy vitesh filluan shenjat te gishtat e këmbës tjetër dhe kështu e preva dhe këmbën e dytë”, rrëfeu denoncuesi.
Ngjarja e dhimbshme e vrasjës së dyfishtë ka tronditur mbarë vendin dhe çdo ditë që kalon dalin informacione të reja përsa u përket viktimave të kësaj ngjarjeje.
Një nga banoret e zonës që punon pranë vendit të ngjarjes, ka treguar momentin e krimit dhe më pas vetëvrasjen e autorit. Ajo thotë se 31-vjeçari e kishte qëlluar një herë ish-të dashurën, më pas ishte ulur pranë saj duke e qëlluar sërish.
Në këtë moment ajo ka vdekur në vend. Ndërsa më tej, dëshmitarja tregon se ka lajmëruar Policinë. Në kohën që në vendngjarje kanë mbërritur shërbimet e Njësisë “Shqiponja” dhe po i bënin thirrje autorit që të hidhte armën e të dorëzohej, ai kishte kaluar nga ana tjetër e rrugës dhe është vetëvrarë në sy të policëve.
Në një intervistë për gazetën “Panorama”, dëshmitarja tregon rrethanat e krimit dhe përballjen me autorin, i cili i ka thënë që s’duhej të kishte frikë se nuk do e vriste.
A i njihnit dy të rinjtë?
Jo, as nuk i njoh as nuk i di. Atë djalin si fytyrë e kisha parë këtu, këto tri ditët e fundit. Vinte çdo ditë në mëngjes. Kurse vajzën nuk e kisha parë asnjëherë.
A arritët të shihnit se si ndodhi ngjarja?
Për ta parë nuk e pashë dot, sepse ka ndodhur pas këtyre shkurreve dhe nga aty nuk duket asgjë. Kur dolëm ne e kishte vrarë ai, ç’të shikonim. As për të dëgjuar nuk dëgjuam gjë.
Nuk pati debat para se të qëllonte vajzën?
Mund të kenë debatuar, sepse dëgjoheshin disa zëra, por se për çfarë nuk mund ta them, sepse nuk dëgjohej biseda.
Po krismat i dëgjuat?
Po, fillimisht dëgjova dy krisma, po mendova mos ishin kapsolla. Pastaj e pashë që po trembte njerëzit në rrugë. Më pas kaloi matanë, në krahun tjetër të rrugës dhe vrau veten. Kur erdhi Policia e vrau veten.
Pra, e vrau vetën në prezencën e policisë?
Po, po në sy të policisë u vetëvra. Kur erdhën ata të “Shqiponjave”, ata me motorë dhe i kërkonin të dorëzohej, të hidhte armën, ai e ktheu nga vetja dhe vrau veten.
U përballe në ndonjë moment me djalin?
Po në një moment e pashë, pasi kishte vrarë veten. Dola në rrugë të shihja se çfarë po ndodhte dhe e pashë djalin që ishte me pistoletë në dorë. U frikësova me thënë të drejtën. Sepse e pashë edhe vajzën që ishte shtrirë e gjakosur në trotuar. “Mos ki frikë se nuk të vras”, më tha. Unë desha të shkoja të ndihmoja atë vajzën, por u tremba.
Po pistoletën e mbante gjithë kohës në dorë?
Në dorë, në dorë. E lëshonte në tokë në ndonjë moment. Pastaj e merrte prapë, bënte sikur e mbushte, e ulte me tytë nga trotuari. Por në dorë e mbante derisa erdhi policia. Por me aq sa pashë unë, nga veprimet që bënte pas ngjarjes, ai e kishte të ndarë mendjen që pasi vrau atë do vriste edhe veten.
Vajza kishte vdekur në vend?
Vajza vdiq në vend kur i qëlloi për herë të dytë. E qëlloi një herë, pastaj herën e dytë ishte ulur afër asaj, e gjuajti edhe një herë dhe ajo vdiq në vend. Kur shkova unë ta shihja, ishte e mbuluar në gjak.
Sa zgjati ngjarja? Sa kohë pasi vrau vajzën qëlloi edhe veten?
As 15 minuta nuk ka zgjatur e gjithë ngjarja. Unë ndërkohë kisha lajmëruar Policinë dhe më thanë që po niseshin menjëherë. Si unë mund t’i kenë lajmëruar edhe të tjerë. Ishte ora 08:10 dhe kishte shumë njerëz që kalonin në rrugë e të tjerë që mund të kenë dalë nëpër dritaret e pallateve. Por ai sa erdhi Policia e vrau edhe veten.
Çfarë bënte gjatë këtyre 15 minutave?
Asgjë. Ecte sa para mbrapa me pistoletë në dorë. Një herë u ul aty tek ajo, pastaj sillej vërdallë, derisa kaloi nga krahu tjetër i rrugës, afër një peme dhe vrau veten. Gjatë kohës që rrinte aty afër vajzës në trotuar, nuk i afrohej asnjë kalimtar. Të gjithë kishin frikë dhe kalonin nga krahu tjetër.
Madje, një nga banorët kur po kalonte afër vajzës e ka pyetur se çfarë i kishte ndodhur që ishte e gjakosur. “E vrava unë”, i ka thënë djali. “Po pse?”, e ka pyetur ai. “Se më ndau nga familja”, i është përgjigjur. Kaq, s’di çfarë t’ju them më shumë, sepse nuk dëgjova asgjë se për çfarë mund të jenë zënë. Se nuk pati të bërtitura.
Pra, ju thoni që nuk kanë debatuar?
Nuk di ta them këtë. As nëse po ecnin bashkë apo ky ishte para apo pas vajzës. Unë thjesht në një moment dëgjova një të bërtitur dhe mendova se çfarë ndodhi. Para një jave doli një gjarpër këtu dhe u trembën kalimtarët dhe po bërtisnin.
Mendova mos kishte dalë prapë. Por në asnjë moment nuk më shkoi mendja te ndonjë vrasje. Dola të shihja dhe rastisa përballë djalit që ishte me pistoletë në dorë. Ai tha të mos kisha frikë, por kur pashë pistoletën dhe vajzën e gjakosur, e kuptova se çfarë kishte ndodhur.
Ish-ministri i Mbrojtjes, Sabit Brokaj ka komentuar dje zhvillimet më të fundit politike në vend. Gjatë një interviste për gazetën “SOT”, Brokaj ka dhënë detaje se përse ish-kryeprokurori Adriatik Llalla ka zgjedhur Turqinë për t’u arratisur. Sipas tij, lëvizja e Llallës drejt Turqisë është e paramenduar, pasi ai synon që përmes azilit t’u shpëtojë hetimeve dhe akuzave të ngritura për të.
Sa i takon pretendimeve të Partisë Demokratike se kryeministri Edi Rama përmes Ministrisë së Brendshme po survejon kreun e opozitës Lulzim Basha, ish-ministri i ka quajtur ato si shpifje mjerane. Sipas tij, PD-ja ka nisur këtë fushatë shpifjesh me audio-përgjime, Babale dhe survejime, sepse është një parti pa vizon dhe pa ide. Duke komentuar thirrjet e Berishës për dhunë, Brokaj akuzoi ish-kryeministrin Berisha se dhunën dhe vrasjet i ka bashkudhëtarë në karrierën e tij si politikan. Dhe për këtë, ai vuri në dukje masakrën e “2 Prillit” 1991 dhe “21 Janarin”, dy ngjarje që sipas tij janë shkaktuar nga Berisha.
-Zoti Brokaj, të enjten u mbajt seanca e radhës në Kolegjin e Apelimit ndaj ish-kryeprokurorit Adriatik Llalla, por ky i fundit nuk ishte i pranishëm dhe u njoftua se ndodhet në Stamboll. Në gjykimin tuaj, pse mund të ketë shkuar në shtetin turk?
Në gjykimin tim, ikjen e ish-Prokurorit të Përgjithshëm, Adriatik Llalla drejt Turqisë, e shoh si një mundësi për t’u strehuar dhe larguar nga hetimi dhe gjykimi. Turqia është bërë një vend i zakonshëm për njerëzit e sërës së Sali Berishës për t’u strehuar dhe qëndruar atje. Atje ka qënë dikur dhe ish-kreu i SHISH, Bashkim Gazidede, si dhe Agim Shehu, etj, etj. Kështu që Llalla ka ikur në gjurmët e atyre meqenëse veprimtaria e tij, është thuajse e njëjta si e Gazidedes dhe Shehut, apo edhe të tjerë beniaminëve të Saliut.
-Pra, sipas jush ish-kryeprokurori Llalla po tenton të përfitojë azil politik nga frika e hetimeve që po bëhen në Tiranë?
Adriatik Llalla ka vajtur në Turqi për azil politik. Për mendimin tim ai prandaj ka udhëtuar drejt Turqisë, pavarësisht se është tjetër gjë se sa do të ia arrijë ta realizojë që të përfitojë azil. Pra gjithë synimi i Llallës është që t’i shmanget hetimeve dhe të qëndrojë atje. Fakti që ish-kryeprokurori e largoi me kohë familjen e tij nga Shqipëria, tregon qartë që çdo gjë ai e ka bërë me paramendim. Pra çdo njeri normal duhet të gjykojë që Llalla e largoi familjen qëllimisht, pasi më pas do bënte dhe lëvizjen tjetër duke ikur vetë. Kështu që është në atë linjë të menduar dhe këshilluar prej kohësh, madje veprimi i tij është edhe i diktuar edhe nga bashkëpunëtorët e tij.
-A duhet të mbajë përgjegjësi ish-kryeprokurori për dështimin gjatë 5 viteve në krye të organit të akuzës? Kjo pasi premtoi disa herë se do arrestonte pushtetarë të korruptuar dhe sot të gjithë ish-ministrat me dosje janë të lirë.
E kam thënë kaq herë dhe vijoj ta përsëris që kryeministri Edi Rama duhet ta kishte hequr Adriatik Llallën nga kryeprokuror, qysh në fillim të mandatit të tij të parë. Madje, për mendimin tim Rama duhet ta çonte në Kuvend Llallën që të jepte llogari për dështimet e tij dhe më pas ta shkarkonte publikisht Parlamenti. Në 5 vite detyrë, Adriatik Llalla nuk ka bërë asgjë dhe do të mbahet mënd dhe do hyjë në gjenezën e historisë si kryeprokurori më i dështuar që ka pasur Shqipëria, për shumë arsye. Llalla gjatë kohës që ushtronte postin e kryeprokurorit ka qenë vetëm në shërbim të Saliut dhe Partisë Demokratike dhe nuk ka bërë asgjë të mirë për këtë vend. Kështu që është e tepërt të thellosh më tej analizën, sa i takon gjykimit të punës së tij.
-PD të premten hodhi akuza ndaj policisë se është duke survejuar dhe përgjuar kreun e saj, Lulzim Basha. Si i shihni këto pretendime dhe pse do i interesonte policisë të survejonte liderin demokrat?
Lëvizja e fundit e Partisë Demokratike me të ashtuquajturat audio-përgjime, video-përgjime dhe survejimi, siç është pretendimi më i fundit i PD që gjasme policia po survejon Lulzim Bashën, është e vetmja mençuri e kësaj partie në konotacionin negativ, që të bëjë dhe shpikë sa më shumë budallallëqe. Pra të gjitha këto janë jashtë PD-së në njëfarë mënyre, pasi në qoftë se vërtet Partia Demokratike kërkon të vijë në pushtet duhet të organizohet, duhet t’i ofrojë qyetarëve program, duhet tju mbushë mendjen se është një parti demokratike, me vizion dhe me vlera, madje edhe një parti me perspektivë që ofron potencial qeverisës.
Por meqenëse Partia Demokratike nuk ka asgjë nga këto që sipërpërmenda, venë tek zakoni i vjetër i filluar qysh në vitin 1990 dhe 1991, shpif, shpif dhe vetëm shpif. Kështu që kësaj partie i kanë mbetur reflekset negative të krijimit të kësaj force politike. PD di vetëm të shpifë dhe trillojë se nuk ka asnjë mënyrë tjetër. Vetëm se në gjykimin tim këto shpifjet e fundit si gjasme survejimi i Bashës apo rasti i “Babales” janë nga më idiotet.
Për arsye se shteti nuk ka nevojë të survejojë apo të përgjojë kryetarin e opozitës, në një kohë kur lideri i minorancës mbrohet me ligj nga Ministria e Rendit, me njerëz me të gjitha. E çfarë do t’i gjesh Bashës që ta përgjosh. Kanë ndërmend ata të bëjnë ndonjë grusht shteti dhe po përgjohen!!!??? Kështu që pretendimet e demokratëve janë vërtet si përgjimi i Babales. Është mjerane teksa shikon që opozita e një vendi është katandisur në këtë farë derexheje. Prandaj si përfundim unë ndjej keqardhje për opozitën dhe sjelljen e saj. Madje, edhe neveri për mënyrën se si po bën opozitë.
-Ditët e fundit kemi parë dy qëndrime brenda opozitës: Nga njëra anë është kreu demokrat, Lulzim Basha, i cili është kundër dhunës. Dhe nga ana tjetër kemi ish-kryeministrin që nxit revoltë. Pse Berisha është gjithmonë për dhunë?
Protesta e opozitës ishte e koordinuar. Por mos harrojmë që protestuesit mësymën para Ministrisë së Brendshme. Nuk vajtën atje me dëshirën e Lulit, pasi mënyra pse u thirr protesta të forconte bindjen se ata do të shkonin atje. Por realiteti është më i thellë, kështu që nuk ka asnjë dyshim që organizatori dhe regjisori është Berisha. Berisha dominon PD-në sot. Më lejoni tju sjell në vëmendjen tuaj rastet kur Saliu ka qeverisur këtë vend.
Sali Berisha gjithmonë në karrierën e tij politike është udhëhequr nga dy parime: “Dhuna dhe Vrasjet”, binom i cili i ka dhënë luksin që të mbajë pushtetin. Kini parasysh “2 Prillin” e vitit 1991, që është ingaurimi i marrjes së pushtetit me dhunë nga ana e Berishës, në kuptimin që sabotuan zgjedhjet normale dhe realizuan të parakohshmet duke ia faturuar krimin e tyre, i cili u urdhërua nga Berisha në adresë të partisë tjetër që ishte në pushtet.
Më pas Berisha të njëjtën gjë ka bërë gjithmonë, duke ardhur tek viti 1998, kohë kur Saliu bëri grusht shteti për të marrë pushtetin. Kështu që në kodin e Saliut dhuna dhe vrasjet për të marrë apo mbajtur pushtetin janë. Është tjetër gjë pastaj momentet kur arrin t’i realizojë ai. Kini parasysh edhe një tjetër fakt, “21 Janari”.
Dhe ajo vrasje për pushtetin ishte. Asokohe Berisha kishte synim të asgjësonte opozitën, madje ta implikonte si të përfshirë në nxitjen e trazirave, vetëm e vetëm për të mbajtur pushtetin. Kështu që nuk ka asgjë të jashtëzakonshme dhe jashtë strategjisë së Berishës. Berisha sa të jetë në politikë, gjithmonë do të synojë të shkaktojë dhunë në këtë vend.
-Si e shihni faktin që PD-LSI kanë filluar të sulmojnë shumë fortë reformën në drejtësi?
Është absurde të sulmosh reformën në drejtësi. Reforma në drejtësi është një nga reformat më të mëdha të ndërrmara nga ana e qeverisë. Kështu që sa i takon vetingut, kam bindjen se ky proces do të skualifikojë shumë gjyqtarët e prokurorë, madje nuk kam asnjë dyshim për këtë. Çdo gjyqtar dhe prokuror i korruptuar duhet të përjashtohet nga sistemi dhe të ndiqet penalisht nëse ka abuzuar me detyrën. Ka ardhur koha që në Shqipëri të ndërtohet një sistem drejtësie profesional dhe i pavarur.
– Kryeministri Edi Rama dhe ministri Bushati kanë folur për prezencë të ndikimit rus. Sa të rrezikuar jeni ne?
Ne jemi vend anëtar i NATO-s kështu që Rusia e ka të vështirë të penetrojë. Por duke parë që ka elementë të kësaj natyre, ku Rusia ka shtrirë tentakulat në shumë vende, për rrjedhoje frika ekziston, dhe pa diskutim mund të gjesh.
-A mendoi se dhe Shqipëria duhet të ndjekë shembujt e rajonit për të nisur arrestimet në nivele të larta?
-Mendoj që me ngritjen e reja të organeve të drejtësisë duhet të nisin arrestimet e zyrtarëve të lartë që i kanë bërë gjëmën këtij vendi duke e vjedhur dhe plaçkitur. Arrestime e ashtuquajtura “VIP” do të shëndoshin imazhin e Shqipërisë tek sytë e ndërkombëtarëve, duke treguar më në fund që ne jemi të denjë të luftojmë korrupsionin dhe krimin e organizuar deri në embrion. Megjithatë, na duhet të presim që ta shikojmë këtë realitet.
