Në emisionin e sotëm të mëngjesit “Chaud Patate” në Energy Radio, u diskutua një temë që e përfshihu shumë publikun.
U diskutua për humorin e vjetër dhe humorin e ditëve të sotme. Kush ju bën më shumë për të qeshur?
Pjesa më e madhe e publikut u pozicionuan nga humori i vjetër, duke rikujtuar dhe shumë batuta të asaj kohe. Por, nuk mungonin as ata që vlersonin humorin e sotëm, duke vlerësuar aktorët e rinj të cilët sjellin shfaqje të reja çdo javë.
Megjithatë, për këtë temë nuk mjaftonte vetëm opinioni i publikut. Për këtë arsye moderatorët e “Chaud Patate” realizuan një lidhje telefonike me aktorin e mirënjohur Sejfulla Myftari, i njohur ndryshe si Cekja i Beratit. I pyetur për temën, Cekja tha se ka nostalgji për humorin e vjetër, por nuk ka humor të vjetër apo të ri, ose humor të mirë ose të keq.
I pyetur nëse ka marrë ftesa nga spektaklet e humorit që transmetohen në ditët e sotme Cekja ju përgjigj kështu: Portokallinë ma kanë ofruar ndërsa te Al Pazari kam qenë disa herë, por te portokallia më ka thënë në atë periudhë Agron Llakaj, regjisori dhe i ndjeri Tani.
Thojini Cekes sa të dëshirojë të vijë të punojë, vetëm të vijë.Unë i thash faleminderit, po unë nuk mund të vij për shumë arsye. E para, duhet të jesh në Tiranë çdo ditë.
E dyta, nuk mund ta përballoj spektakël në çdo javë pasi është shumë e vështirë dhe dua të jem elektron i lire siç kam qenë gjithmonë. Gjithashtu është konsumim i njerëzve kot.”
Deputetja e PD Grida Duma, gjatë një diskutimi në emisionin Top Show ka komentuar ligjëruesit publik të cilët nuk kanë zërin e duhur për të folur para një audience të caktuar.
Së fundmi po bën xhiro në rrjetet sociale fjala e saj ku thotë se nuk mund të imagjinohet që një mashkull i gjatë dhe i mbushur të ketë zërin e hollë.
Ajo thotë se kjo është e tmerrshme. Sipas saj vokali është i rëndësishëm dhe s’mund të bëhesh nëse s’ke zë.
Ndërkohë përballë saj qëndronte mendueshëm deputeti Ervin Salianji i cili e dëgjonte me vëmendje.
Drejtori i një agjencie për rekrutimin e punonjësve ka deklaruar publikisht në emisionin “Opinion” në Tv Klan se është homoseksual.
Në emision po diskutohej për ngacmimet seksuale të aktorëve në Hollivud, por u prek edhe pjesa e ngacmimeve seksuale në kompani të ndryshme.
Elton Ilirjani, i cili rekruton punonjës në agjencinë e tij, tha se ka vajza që shkojnë të zhveshura në intervistat e punës, por nuk e dinë që ai është gay.
“Vajzat ngacmohen që në intervistën e punës, unë i kam parë të dyja anët e medaljes. Të gjitha gocat kanë ardhur në intervistë më mua të zbuluara edhe pse nuk e dinë që unë jam gay”, deklaroi Elton Ilirjani.
Shef Renato Mekollin e njohim per karakterin e tij te ashper dhe strikt ne pune, kur behet fjale te recetat e gatimit dhe e mbajme mend mire se sa u bertiste konkurenteve ne programin ne Top Channel. Ai tani ka restorantin e tij ne Tirane i cili frekuentohet nga shume personazhe VIP.
Por edhe pse ai eshte zhcendoshur ne Tirane, prindërit dhe vëllai i Renatos jetojnë prej vitesh në Athinë. Edhe pse janë larg, në rastin më të parë nuk ngurojnë t’ia shprehin dashurinë njëri-tjetrit, qoftë edhe virtualisht. Renato ka një nip dhe një mbesë të vogël, me të cilët është shumë i lidhur dhe mezi pret t’i ketë afër dhe të luajë me ta.
Sot e ka “thyer” privatësinë dhe ka sjellë një foto të të gjithë familjes. Sapo e sheh nga ekrani, e ka të vështirë t’i mbajë emocionet. Duke prezantuar prindërit, vëllain dhe nipin e mbesën, Renato thotë se marrëdhënia me ta ka qenë dhe mbetet më e shtrenjta nga të gjitha, ndaj edhe dëshiron të jetë hermetik për këtë pjesë. Nipi Rafail dhe mbesa Kloi janë ata që ia shtojnë më shumë gëzimin sa herë familja bëhet bashkë.
Pas kësaj, ka edhe një surprizë për Renaton. Familja, prindërit, i kanë përgatitur një video-mesazh, përmes të cilit i shprehin dashurinë, por edhe krenarinë për atë që ai ka arritur në jetë. E ëma dhe i ati e përgëzuan Renaton për gjithçka ai ka arritur dhe i shprehën atij dashurinë e pakufi.
Ndërsa Renato, siç e shihni, me lot në sy: “Pse ma bëtë këtë?” iu drejtua ai Rudinës si për të justifikuar dobësinë e madhe për familjen.
Aktori i humorit dhe drejtuesi i emisionit Stop, Gentian Zenalaj, ka qenë i ftuar dje në programin “Chaud Patate” në NRG radio, ku preku një temë shumë të nxehtë.
I pyetur nëse ka pasur ngacmime seksuale tek aktorët në Shqipëri Genti u përgjigj pa hezitim’po’.
Një ndër temat më të nxehta të kinematografisë botërore në këto momente është pikërisht ngacmimi seksual, ku rasti i fundit ishte ai i aktores shqiptare Eliza Dushkut, e cila në moshën 12-vjeçare është ngacmuar seksualisht.
Lidhur me këtë temë Genti u shpreh pak skeptik duke mos toleruar këto vajza që u kujtuan pas 10-20 vitesh për të denoncuar këtë fenomen.
“Bota jonë ka shumë ngjarje të tilla. Të gjithë ne e kemi dëgjuar. Ne artistët që jemi brenda botës tonë e dëgjojmë akoma më shumë. E vetmja gjë që unë nuk toleroj është se pse këto kanë folur pas 10 vjetëve! Pra dhe këto raste që shpërthyen në Amerikë nuk mund të pretendojnë që i ka ndodhur në vitin 2001 dhe kujtohen pikërisht në 2018-ën dhe do gjejnë zgjidhje. Kjo do të thotë që ti ke bërë një kompromis me veten tënde, por njerzit nuk duhet të bëjnë kompromise të tilla dhe nuk duhet ta mbyllin gojën.”,- u shpreh Genti.
I pyetur nëse ai njëh ndonjë rast që i ka thënë se e kanë ngacmuar seksualisht, Genti u përgjigj me sigurinë më të madhe: Sigurisht që po, por unë nuk mund ta bëj publik sepse vetë personi ka zgjedhur të mos e bëjë publik rastin. Ndodh që ne të gjithë po luftojmë për korrupsionin apo raste të tilla me emisionet që bëjmë, por duhet të bashkëpunosh dhe ti me mua. Duhet të bashkohen të gjithë shqiptarët!
Kohët e fundit janë shtuar së shumti rastet kur gratë e aktrimit kanë denoncuar ngacmimet seksuale që kanë ndodhur me to.
Jo më larg se disa ditë më parë, të njëjtit shqetësim i është bashkuar dhe aktorja e njohur shqiptare me famë botërore, Eliza Dushku.
Po ç’ndodhte në kinematografinë shqiptare, a kishte edhe këtu ngacmime, ndaj aktoreve?! E madhja Tinka Kurti thotë se jo.
“Absolutisht jo. Nuk guxonte askush. Flas për vete dhe për shoqet e mia. Gjatë gjithë karrierës, teatrale dhe kinematografike nuk kam dëgjuar diçka të tillë.
Ne rrimin bashkë edhe 9 muaj në sheshxhirim, kur bënim filma. Se kishte dubla pafund. Nuk kishte ngacmime. Përkundrazi ne shkonim mirë. Argëtoheshim pafund. Nuk mund t`ia bëj kot diçka të tillë”, është shprehur ajo në një bisedë për ‘’Tirana Post”.
Po edhe artistet e huaja në moshën e saj thonë të njëjtën gjë. Chatherine Deneuve ka thënë se është krim të abuzosh me një vajzë, ama është po aq mëkat edhe ta provokosh një burrë.
Ndërkohë që edhe Brigitte Bardot, një ikonë e kinematografisë, yll e bukur, tha se kurrë nuk ishte ngacmuar.
Ish-studenti shqiptar në Bursa të Turqisë Gerti Pashja, ka rrëfyer në një intervistë nga burgu i Fushë-Krujës të gjithë dinamikën e ngjarjeve që e çuan atë pas hekurave të qelisë.
I konsideruar nga organet e drejtësisë si njeriu i dytë më i rëndësishëm i grupit prej besimtarësh të dënuar për terrorizëm, ai shprehet se nuk ka pasur asnjë lidhje me personat e tjerë duke argumentuar se ndëshkimi i tij ka ardhur veç si pasojë e qëndrimeve anti-sistemit demokratik.
Sipas Pashjas, demokracia dhe islami bien ndesh me njëra-tjetrën ku nënvizon se nuk mund të quhet mysliman një person që bën thirrje për votime pasi kërkon të zgjedhë një “zot” tjetër për pos Allahut.
Ndërkohë, sa i përket luftimeve të përgjakshme në Siri, i dënuari gjykon se çdo mysliman do të shkonte atje për të shërbyer duke mos përjashtuar as veten.
Sipas dosjes, gjatë procesit hetimor Prokuroria e Krimeve të Rënda ka gjetur fakte kundër ku Pashja rezulton i përfshirë në rekrutimin e xhihadistëve shqiptarë në konfliktin me militantët e ISIS. Referuar të njëjtit dokument, Pashja u tregonte atyre rrugën se si të shkonin deri në frontin e luftës.
“TemA” hyri në burg për të mësuar të vërtetën e pretenduar prej tij për të cilën tregon se nuk përfillet nga organet përkatëse.
Pashja, me sa vite jeni dënuar? Cilat ishin akuzat kryesore që ju çuan pas hekurave?
Unë jam dënuar me 17 vite burg por ndëshkimi ju siguroj se s’ka lidhje me realitetin. Akuzat e Prokurorisë për thirrje terroriste dhe rekrutim personash nuk u provuan kurrë. Argumentimi kryesor prej tyre ishte se ne jemi kundra Amerikës apo dikush kundër Stalinit. Këto gjenden edhe në dokumente zyrtare.
Atëherë çfarë ju solli këtu?
Ajo që mendoj se ka sjellë dënimin tim është fakti se kam bërë thirrje në rrjetet sociale që myslimanët të mos marrin pjesë në votime. Duhet të dini se sistemi demokratik bie ndesh me islamin. Pjesëmarrja në votime është zgjedhja e një tjetër zoti tjetër përpos Allahut. Kur njeriu zgjedh deputetët për t’i udhëhequr praktikisht sjell tjetër zot. Ndërkohë ligjvënia në konceptin islam i takon vetëm Allahut. Mendoj se njerëzit apo partitë që thërrasin për votime nuk janë myslimanë.
Çfarë bënit në momentin e arrestimit?
Pas shkollimit për degën “punë sociale” në Elbasan, unë shkova në Turqi për të ndjekur universitetin. Forcat turke më ndaluan me urdhër ndërkombëtar të lëshuar nga Tirana dhe kam ardhur deri në aeroport pa pranga. Autoritetet atje nuk kishin asnjë problem me mua edhe pse unë jetoja në vendin e tyre.
Dua të them se para zhvendosjes sime në Turqi, kam jetuar në qytetin e Cërrikut. Pretendimi i organeve të drejtësisë ka lidhje me aktivitetin tim në këtë qytet ku më kanë akuzuar sikur ne kishim një ambient që faleshim jashtë vendeve të përcaktuara. Pretendohet nga ta se unë kam dërguar njerëz nga Cërriku në Siri, por siç ju thashë për këtë nuk ka asnjë fakt.
Cila është lidhja juaj me grupin e dënuar për terrorizëm dhe konkretisht Genci Ballën dhe Bujar Hysën?
Kam jetuar në Turqi gjatë periudhës që nisi konflikti në Siri pasi kryeja studimet për teologji. Nuk kam pasur asnjë kontakt me këta persona pavarësisht se ata njihen si hoxhallarë.
Shqipëria është e vogël dhe njerëzit njihen si fytyra. Nuk i akuzoj dhe as i paragjykoj për ndonjë gjë.
Unë kam qenë në Leshnicë dhe Zargoçan të Pogradecit ku jam njohur gjerësisht me ngjarjet në lidhje me terrorizmin. Ju e njihni personalisht ish-imamin Almir Daci që dërgoi video kërcenuese për shqiptarët?
Unë e njoh pasi ai vinte vazhdimisht në qytetin e Peqinit dhe jam prezantuar në vitin 2008 si besimtar. Për herë të fundit u takuam në vitin 2012 dhe më pas nuk kam pasur asnjë kontakt me të.
Cili është gjykimi juaj mbi shqiptarët që kanë zgjedhur të shkojnë në Siri për t’u bërë pjesë e luftës së përgjakshme?
Ata kanë shkuar atje me vullnetin e tyre të lirë ashtu si edhe forca të tjera ruse apo amerikane bëhen pjesë e luftës pro Bashar Al-Assad apo interesave të Amerikës. Ky grup njerëzish ka shkuar me një mision tjetër dhe mendoj se është një luftë që ka vazhduar dhe do të vazhdojë. Një mysliman e zgjedh këtë rrugë. Personalisht nuk shoh ndonjë problem se ata kanë depërtuar në Siri për të luftuar. Dikush do që të mbajë një sistem islam, dikush do që të mbajë regjimin e diktatorit.
Ju i keni bërë thirrje për të shkuar? Mu përgjigjni me “po” ose “jo”?
Unë kam qenë në Turqi dhe nuk ka pasur asnjë thirrje nga ana ime. Njerëzit shkojnë në Siri për diçka individuale ku ju kujtoj se islami e pranon xhihadin. Nga njëra anë shumë ushtarë zgjedhin të mbrojtur demokracinë, dhe nga ana tjetër myslimanët e shohin si obligim fetar për të shkuar dhe për të luftuar krah Allahut. Ne besojnë se kur vritesh për Allahun shkojmë në xhenet. Sot është një luftë e hapur mes perëndimit dhe islamit. Besimtarët e kanë ndjerë obligim dhe do shkojnë sot, nesër. Rekrutuesi më i madh i myslimanëve për të shkuar në luftë është Kurani. Aq më tëpr kur vetë ish-kryeministri Sali Berisha bëri thirrje në atë kohë për të shkuar atje. Atëherë çfarë doni më?
Ju kujtoj se Islami zyrtar në botë është distancuar nga lufta e përgjakshme në Siri…
Islami zyrtar nuk është islam. Nuk konsiderohen myslimanë. Janë thjesht institucione që janë vendosur në luftë përballë islamit. Për besimin tonë nuk kanë të drejtë që të flasë institucioni pasi burimet tona janë Kurani, tradita profetike e profetit, dhe konsensusi i gjithë myslimanëve.
Pra ju nuk i njihni?
Natyrisht që nuk i njoh. Një institucion që lufton për të mbajtur demokracinë në këmbë, nuk mund të quhet kurrsesi islam. Demokracia dhe islami janë dy koncepte që nuk mund të qëndrojnë bashkë pasi janë përjashtuese e njëra-tjetrës. Ligjvënia nuk i takon njeriut por i takon Zotit.
Pajtoheni me faktin se në Francë, Belgjikë, Gjermani dhe vende të tjera janë bërë sulme terroriste ndaj njerëzve të pafajshëm? Në këto hapësira publike mund të gjendeshin edhe të afërmit e tu apo të mi…
Të vrarë civilë që ka ekzekutuar ISIS janë 2%, ndërsa të tjerët janë ushtarakë. Nuk shkoi ISIS në Evropë por erdhi Evropa në Siri. S’mund të krahasohen 100.000 veta që janë vrarë në një qytet sirian, me 1000 veta që ka vrarë ISIS në Evropë. Andrea, kemi dy qytete Raka dhe Mosuli që sot janë zero. Kur perëndimorët vrasin civilë legjetimohem, kur myslimanët ekzekutojnë civile quhen akte terroriste. Parimisht myslimanit nuk i lejohet të vrasë civilë, por ka raste të veçante kuedhe profeti Muhamed ka vrarë. Sulmet që ata kanë bërë janë vetëmbrojtëse.
Kur do marrë fund kjo përplasje e përgjakshme sipas jush nëse vijohet me këtë “gjuhë”?
Të jeni të sigurtë se edhe nëse zhduket “Shteti Islamik”, edhe sikur të ngrihet e gjithë bota me bombardime, nuk mbyllet kjo punë. U vra Osama bin Laden dhe s’u mbyll.
Ju vetë, a do të shkonit që të luftonit në Siri krah xhihadistëve?
Çdo mysliman shkon kur shikon se si vriten fëmijë, gra, luftohet islami dhe përdhoset feja. Nuk ka ndonjë problem dhe s’shoh ndonjë gjë të keqe. Është njëlloj si çdo demokrat kur shkon të luftojë për demokraci. Nëse do më kërkohet mua, do të shkoj. S’ka asgjë të keqe këtu.
A keni pasur ëndërr të bëheni imam? Çfarë aspironit për të ardhmën?
Profeti Muhamed i ka këshilluar besimtarët që të mos e kërkojnë postin. Të bëhesh imam nuk është e thjeshtë. Synimi im nuk ka qenë ky.
Ca mendoni të bëni pasi të dilni nga burgu?
Qëllimi i myslimanit është bota e përtejme. Sa më shumë do të predikoj fenë e Zotit dhe ta jetoj veten. Pastaj se si do marrë jeta, këtë e di veç Allahu.
Këngëtarja Orgeza Zaimi njihet per stilin e saj te veshjes dhe mbrëmjen e djeshme në emisionin “Pasditja ime” në RTSH1-HD me Eraldo Rexhon, ajo kishte shkuar bashkë me disa nga veshjet e saj, ndërsa zbuloi edhe detaje të veçanta rreth vetes që ne nuk i dinim me pare.
Mes shumë të tillave ishte edhe fakti se Orgesa kishte zgjedhur që fustanin e fejesës ta blinte tek “Gabi”.
“Këtë e kam blerë në dyqane të dorës së dytë ose, siç i thonë në Shqipëri, tek “Gabi”, por mua më pëlqen shumë dhe më ka qëndruar shumë bukur në trup”, – tha Zaimi, ndërsa tregonte fustanin e kuq.
