Ismet Haxhia, vëllai i Izet Haxhisë, i cili kreu 15 vjet burg i akuzuar në vrasjen e Azem Hajdarit, akuzon ish-kreun e SHISH, Fatos Klosi se i ka ofruar 100 mijë dollarë që Izet Haxhia të dëshmonte se ishte Sali Berisha urdhëruesi për vrasjen e Azem Hajdarit.
Në një replikë me Fatos Klosin, dhënë gazetës “Panorama”, Ismet Haxhia shprehet se ka qenë fatos Klosi që ka dashur ta përfshinte në një skenar për vrasjen e Sali Berishës gjatë një mitingu në Vlorë, por që e ka refuzuar. Sipas tij, dënimi i vëlezërve Haxhia ka qenë një inskenim i Fatos Klosit.
PJESE NGA INTERVISTA
Ju në këtë mënyrë i keni shpëtuar dhe jetën Sali Berishës, jua njeh këtë nder?
Ai është njeriu më i pabesë që mund të ketë! Njeri më mosmirënjohës nuk ka. Im vëlla ia ka shpëtuar kokën në 13- 14 mars 1997, kur donte t’ia mbathte nga Presidenca.
Kur jeni takuar herë tjetër me Fatos Klosin?
Jemi takuar përsëri më 17 janar 2001, por ai nuk e përmend këtë takim se është burracak. Ka qenë dy ditë pas arrestimit të vëllait tim, Isamedinit, i cili doli i pafajshëm. Në atë takim, i kam kërkuar Fatos Klosit që të heqë dorë nga skenarët kundër familjes tonë. Kam bërë çerek ore debat të ashpër me të, në lokalin Red Bull përballë Ministrisë së Drejtësisë që është sot.
Kryeministri Edi Rama, duket se ka ‘braktisur’ televzionet e mëdha.
Pikërisht në kulmin e zhvillimeve në vend, siç është marrëveshja detare me Greqinë, situata e rënduar kryesisht në zonat malore si pasojë e motit të keq apo sasia rekord e kokainës kapur dy ditë më parë në Portin e Durrësit, Rama ka vendosur mos dalë në asnjë prej televizioneve të mëdha.
Kështu ai ka pranuar ftesën e gazetarit Roland Qafoku në televizionin Channel One në emisionin “Debati”, sonte në orën 21:00.
S’dimë çfarë ka bërë Qafoku për “t’i mbushur mendjen” Ramës a drejtorit të tij, Endri Fugës por përballja pritet të jetë shumë interesante edhe për faktin se moderatori njihet për pyetjet e tij të drejtpërdrejta e afër përfaqësimit të qytetarëve.
Ja çfarë shkruan vetë Roland Qafoku për emisionin e sotëm:
Sot, në orën 21.00. në emisionin “Debati në Channel One” të gazetarit ROLAND QAFOKU, i ftuar EDI RAMA, kryeministri i 33-të i shtetit shqiptar: 20 VJET NË POLITIKË DHE 4 VJET E GJYSMË KRYEMINISTËR
2 vjet e gjysmë ministër i Kulturës
11 vjet kryetar i bashkisë së Tiranës
2 vjet në opozitë.
4 vjet e gjysmë kryeministër
Një analizë e qeverisjes
Nga ekonomia, investimet e huaja te Siguria Kombëtare dhe trafiku i drogës.
-Përse nuk ka një hop ekonomik?
-Përse vendi po braktiset?
-Përse ka konflikt politik?
5 RAPORTET NDËRKOMBËTARE QË KRYQËZOJNË QEVERINË.
8 PREMTIME TË PAMBAJTURA si dhe inserti me
50 DEKLARATAT MË TË BUJSHME TË EDI RAMËS NË DETYRËN E KRYEMINISTRIT
EDI RAMA NË NJË INTERVISTË NDRYSHE
Na ndiqni sot në 21.00.
“DEBATI NË CHANNE ONE”,
Një Hard Talk që nuk duhet të humbisni.
Një emision nga gazetari ROLAND QAFOKU
Mund të dërgoni pyetje dhe komente për të ftuarit me sms në numrin e celularit 0696007090 dhe në facebook në faqen “ROLAND QAFOKU” dhe “DEBATI NE CHANNEL ONE”
Emisioni mund ta ndiqni LIVE edhe ne live stream në adresën
http://www.channel-one.al/channel-one-live/
Gazetari dhe moderatori i njohur i ekranit, Rezar Xhaxhiu na u shfaq sot si rrallehere me bashkëshorten e tij, Laura, me te cilen kane treguar disa sekrete te jetes se tyre ne 30 vjet martese.
Ai ishin sot pasdite te ftuar në Top Channel.
Xhaxhiu theksoi se përgjatë këtyre viteven e martesen e tij me shumë ka mbizotëruar dashuria, pavarësisht zënkave që karakterizojnë çdo marrëdhënie.
“Ka pasur një periudhë të vështirë në martesën tonë gjatë periudhës 1993-1994. Kjo vinte për shkak të vonesave të mia në punë dhe ne shiheshim shumë rralë. Në këtë mënyrë komuniki ynë nisi të bëhej vetëm me letra. Pra u krijua një situatë e vështirë. Prezenca është e rëndësishme, pavarëssht se secili nga partnerët kanë nevojë për hapësirat e tyre”.
Ndërsa bashkëshortja e Rezarit, Laura, rrëfeu se si janë njohur ata dhe cili është sekreti i një martese 30 vjeçare:
“ Kemi 30 vite martesë por ende nuk kemi hequr dorë nga ngrënia e drekës së bashku çdo ditë. Njohja jona ka ardhur nëpërmjet miqve të përbashkët. Pasi qendruam rreth tre vite si të fejuar më pas vendosëm të martoheshim. Isha studente në vit të parë në fakultuet kur u fejova dhe martova njëkohësisht. Kisha dilema por mosha që kisha më bënte që çdo gjë tme dukej e bukur. Mendoja se nëse pendohesha, lehtësisht mund të kthehesha pas”.
Gjatë intervistës Rezar Xhaxhiu ka rrëfyer edhe disa momente nga koha kur ai ishte gazetar terreni:
“Kur bëja gazetarin e terrenit kisha shumë ngarkesa, dhe shpesh detyrohesha të merrja edhe vajzën me vete në punë. Isha i detyruar që në intervista të ndryshme edhe vajzën time, Lorin, ta merrja me vete”.
Moderatori i njohur shprehu edhe krenarinë që ka në krah një grua të suksesshme si Laura.
“Sot kam mundur të vizitoj një ekselencë, të këtij kursi të ri, që i jep shumë rëndësi luftës kundër krimit të organizuar”. Keshtu u shpreh për mediat Prokurori Kombëtar i Antimafias në Itali, Federico Cafiero De Raho pas vizitës në ambjentet e Task Forcës Speciale.
Ndër te tjera, ai tha se krimi i organizuar shqiptar ka filluar të menaxhojë edhe trafikun e kokainës.
“Ndërsa ky sektor më parë ishte monopol total i Ndrangheta-s, sot krimi i organizuar fillon të merret edhe me këtë lloj lënde narkotike. Mesa duket aq sa më është thënë, fakti që ka pasur një luftë territoresh edhe nëpërmjet asgjësimit të plantacioneve të kanabisit, kjo mesa duket e ka detyruar kriminalitetin e organizuar që të merret edhe me lëndë të ndryshme, të tjera”.
INTERVISTA
Pyetje: Si e vlerësoni procesin e Vetting-ut i cili pritet që të nisë në radhët e Policisë Shqiptare?
Prokurori De Raho: Në mënyrë të veçantë një Task Forcë, e cila po krijohet me qëllimin për të arritur objektivin e luftës dhe asgjësimit të krimit të organizuar, besoj se është zgjidhja e një impenjimi serioz dhe të rëndësishëm, i cili shkon në drejtimin e bashkëpunimit gjyqësor dhe bashkëpunimit të Policisë. Pikërisht për qëllimin e arritjes së objektivit sikurse thashë më parë të asgjësimit të mafies, të gjithë llojeve të mafieve.
Ne ndër të tjera kemi me Policinë shqiptare, me Magjistraturën shqiptare veprimtari hetimore shumë të rëndësishme, kemi krijuar skuadra hetimore të përbashkëta, të cilat vënë në dukje një padepërtueshmëri të subjekteve që kanë marrë pjesë në të dhe një rezervim në konfidencialitet absolut të burimeve, gjë që tregon në vetvete sesa i rëndësishëm është bashkëpunimi dhe sa serioze ka qenë përzgjedhja e subjekteve që kanë marrë pjesë në skuadrat hetimore të përbashkëta.
Pyetje: Në Shqipëri ka nisur një hetim për grupet kriminale ku është krijuar dhe task-force dhe operacioni “Forca e Ligjit”. A do të bashkëpunoni ju dhe me autoritetet shqiptare për rreth 40 grupe kriminale që janë duke vepruar në Shqipëri?
Prokurori De Raho: Ne tashmë punojmë me Policinë dhe me autoritetet gjyqësore shqiptare prej kohësh dhe kemi me këto autoritete policore dhe gjyqësore, eksperienca hetimore shumë të gjera dhe komplekse, të cilat shohin të angazhuara shumë Prokurorinë në territorin kombëtar italian, në bashkëpunim të plotë dhe energjik me organet e Policisë dhe organet gjyqësore shqiptare.
Unë duhet t’ju them që edhe rezultatet që arrihen në territorin tonë janë rezultate të rëndësishme.
Pyetje: Përsa i përket kriminalitetit shqiptar në Itali çfarë niveli është ai dhe a mendoni që “Forca e Ligjit” do të depërtojë dhe atje?
Prokurori De Raho: Në Itali konstatojmë praninë e grupeve kriminale shqiptare, të cilët pushtojnë brigjet tona të Jonit dhe Adriatikut, edhe të veriut të Adriatikut, me zbarkime, të trafikut të lëndëve narkotike, megjithëse janë droga të lehta, por ka hetime të cilat vënë në dukje se krimi i organizuar shqiptar fillon të menaxhojë edhe trafikun e kokainës.
Ndërsa ky sektor më para ishte monopol total i Ndrangheta-s, sot krimi i organizuar fillon të merret edhe me këtë lloj lënde narkotike. Mesa duket aq sa më është thënë, fakti që ka pasur një luftë territoresh edhe nëpërmjet asgjësimit të plantacioneve të kanabisit, kjo mesa duket e ka detyruar kriminalitetin e organizuar që të merret edhe me lëndë të ndryshme, të tjera.
Në redaksinë e emisionit BOOM vjen informacioni se në datën 6 shkurt në një thertore të licensuar në Tiranë janë futur 106 krerë qingja te pamatrikuluar, të cilet janë potencial sëmundjesh nëse do të konsumohen nga blerësit.
Dëshmia tronditëse e fermerit
Blektori: Po e di ca do të thotë hormon apo jo?
Gazetarja: Po për viçin i përdorin apo jo?
Blektori: I përdorin posi jo bëhet viçi naaa, kur ta therrësh është tërë shkumbë brenda. Në një dasmë u shtruan të tërë në spital vetëm nga vici me mish me hormone.
Gazetarja: Ajo gjilpëra që i bën për sa e rrit vicin?
Blektori: Për 2 muaj, i merr 800 mijë lekë
Gazetarja: Ta leverdis?
Blektori: Ta leverdis se 16 mijë lekë është vaksina
Gazetarja: Ku blihet vaksina?
Blektori: Nëpër qendra që shesin mjekime per blektorinë
Gazetarja: Është e lejueshme?
Blektori: Jooo. Në qafë ja bëj unë. Ai sa vjen dhe fryhet. Për dy muaj ai bën 1 kv mish
Gazetarja: Dhe e shet 800 mijë lekë, ia vlen
Blektori: Ia vlen, ia vlen, por po na vdesin nipër e mbesa. Unë bukë e kripë e me qepë ha, këto nuk i ha se ja di vlerën.
Kjo është deklarata e një blegtori në një fshat shqiptar i cili tregon pa e ditur se po filmohej se çfarë mishi shitet në të vërtetë në shumë prej tregjeve të Shqipërisë.
Dhe për ta bërë më të frikshme situatën, mendojnë ata që merren me rritjen dhe shitjen e qingjave. Në redaksinë e emisionit BOOM denoncohet hyrja e 106 qingjave në një therrtore të Tiranës të pamatrikulluar.
Gazetarja- Ju nuk mund t’ia ktheni subjektit që jua solli?
Pronari i thertores- Po, atij do ia kthejme.
Punonjësja e thertores- Si rregull ne na takon që t’ia kthejmë atyre mbrapsht.
Veterinerja-Dëgjo, ato janë qingja qumështi,që nuk durojnë dhe nuk janë mësuar akoma që të ushqehen me bar.
Punonjësja e thertores- Afatin kohor dhe vendimin e inspektorit të Ministrise e kemi respektuar.
Pronari i thertores- Brenda 72 orëve.
Gazetarja- Ministria e Bujqësisë duhet të merrte një vendim?
Por si kanë ardhur këta qengja të pakontrolluar? Kush ka firmosur?
Gazetarja- Përshëndetje zoti Marjus !
Veterineri – Përshëndetje!
Gazetarja- Kam në dorë një çertifikatë shëndetësore veterinare të lëvizjes së kafsheve nga subjekti Agim Cako. Ju keni firmosur këte çertifikatë ndërkohë kafshët kanë qënë të pa matrikulluara. Si ka mundësi që këto kafshë të pa matrikulluara me firmën tuaj kanë lëvizur drejt Tiranës?
Veterineri –E kemi diskutuar edhe me Drejtorin e Bujqësis. Ishte një gabim njerëzor, pasi ishte natë dhe kafshët aty mendova se ishin te matrikulluara. Pashë disa kafshë që ishin të matrikulluara dhe më tha që do t’i vendos unë sepse ishte pa mundësi ishte erresirë dhe ia lashë me mirbesim.
Gazetarja-Kujt ia late me mirbesim?
Veterineri –Pronarit të kafshëve, nuk isha i vetdijshëm që ato ishin të pa matrikulluara.
Gazetarja-106 krerë te pa matrikulluar, dhe ju nuk ishit i vetdijshëm?
Veterineri – Unë i pashë me sy ato po ia lashë vendin bosh atij sepse ishte duke u nxituar, dhe më tha që do ia shënoj unë,do i çoj në thertore.
Gazetarja- Ju ia latë në dorë pronarit të kafshëve që t’i matrikullonte?
Veterineri – Nuk na priste puna që t’i shikonim një nga një se ishte dhe natë aty , dhe thjesht nuk i hodha në ate.Më tha do t’i hedh unë të gjitha me mirbesim ndërkohë që ai kishte ikur dhe i kishte sjelle në Tiranë ashtu.
Gazetarja- Këto nuk janë çështje mirbesimi. Ju keni firmosur që janë të matrikulluara.
Veterineri – E kuptoj. E lashë vendin sepse do t’i shënoj unë të gjitha.
Detyra e këtij veterineri vetëm kaq është, ashtu si Inspektorët e Bujqësisë kishin për detyrë vetëm ndjekjen e urdhërit të tyre për asgjësimin deri në fund. Por jo gjithçka ka shkuar kështu. Pronari i qingjave jep një version të tijin.
Gazetarja- Këto qingja pse i kishit të pa matrikulluat?
Blegtori-Po di unë…. Ja i matrikulluam i shitëm.
Gazetarja- Kujt ia keni shitur qingjat?
Blegtori-Alket Dacit.
Gazetarja-Në çfarë date ia keni shitur?
Blegtori-Mi sollën këtu i matrikulluam dhe i shitëm prap.
Gazetarja- I keni shitur prapë te ai?
Blegtori- Po normale.
Gazetarja-Në çfarë date i keni shitur?
Blegtori-Në datën 10.
Por kjo mohoet me forcë nga pronari i therrtores në Tiranë.
Gazetarja- Pasi i keni kthyer qingjat, a jua kanë risjell përsëri?
Pronari i thertores- Jo.
Gazetarja- Kam kontaktuar me fermerin dhe më ka thënë që ato mi kanë kthyer qingjat, unë i kam matrikulluar brenda ditës dhe i kam çuar te e njëjta thertore.
Pronari i thertores- Jo, s’ka shanc. Ai mund të thojë ça të dojë.
Gazetarja- Kemi kontaktuar me personin dhe ka thënë që unë i kam çuar përsëri te thertorja, dhe mi kanë mbajtur ato.
Pronari i thertores- Jo,jo.
Gazetarja- I kam sjellë në datën 6 deri në datën 8 i kanë mbajtur ato, në datën 9 mi kthyen mua dhe në datën 10 unë i kam rikthyer përsëri.
Pronari i thertores- Jo, jo unë nuk kam asnjë lloj hyrje asnjë lloj dalje në datën 10. Ato janë shit në treg në Fier,edhe procesverbali i Ministrisë është bërë që ka shkuar kontroll Shërbimi Veterinar në orën 11 të natës edhe u ka thënë unë i kam shit në treg.
I kam marrë ,ka deklaratën me firemen e atij që i ka marrë qingjat edhe i ka shit në treg. I ka matrikullu edhe i ka shit, edhe Shërbimi Veterinar i ka nxjerr qingjat pa matrikull dhe delet pa matrikull ia kan gjet në stallë.
Te unë nuk i ka prurë më.
Pyetja është ku shkuan 106 qingja të cilët u vendosën për t’u eliminuar sepse nuk ishin kontrolluar dhe matrikulluar dhe që përbëjnë rrezik për qytetarët.
Këtë të martë, emisioni “Provokacija” i gazetarit Mustafa Nano në ABC News, nisi disi ndryshe. Me këmbë mbi tavolinë, u shfaqën Kryeministri Edi Rama dhe gazetari Mustafa Nano.
Në emision u diskutua fillimisht për klasën politike dhe performancën e Parlamentit shqiptar gjatë gjithë këtyre viteve, duke e krahasuar me Parlamentin britanik.
Edi Rama: “Besoj që ka një përmirësim të ndjeshëm në këtë legjislaturë falë drejtimit të Kuvendit që është shumë i ngjashëm me drejtimin që pamë në video. Nga ana tjetër, më ha mendja se koha duhet të bëjë akoma të vetën”.
Mustafa Nano: “Kam përshtypjen se ju e vazhdoni traditën e Kryeministrave për të bërë atë shoë hidh e pritë, përdorni ndonjëherë edhe batuta. Ju i përdorni sepse Parlamenti është kështu apo ju i përdorni sepse kështu ju dalin, teatri me plëncin nuk janë shumë parlamentare”.
Edi Rama: “Sigurisht që në parlamentin tonë ka momente banaliteti që janë shumë më larg se sa çdo gjë tjetër në raport edhe me një kafene të rëndomtë fshati. Përsa më përket, unë përpiqem që të jem në atë nivel (nivelin e Parlamentit anglez)”.
Ka qenë një nga lajmet më fantastike të javës që lamë pas, fitorja e Ermal Metës në festivalin e Sanremos. Djali nga Shqipëria arriti të marrë trofeun e një festivali, i cili ka qenë gjithnjë super i ndjekur nga shqiptarët, mbase të një brezi jo fort të ri në moshë. Ne kemi gjetur një rrëfim të bërë në verën e shkuar për gazetaren e programit “No Filtër” nga Jona Spahiu, e cila shkoi deri në Milano për ta takuar Ermalin.
Intervista është shumë interesante, pasi aty Ermali tregon detaje të panjohura për jetën e tij. Ishte koha kur ai kishte fituar vendin e tretë te të rinjtë e Sanremos e më pas vendin e tretë te këngëtarët Big.
E, megjithatë, suksesi i tij në Itali ishte i jashtëzakonshëm. Ermali rrëfente se kishte bërë 900 koncerte live në të gjithë Italinë dhe kudo është pritur jashtëzakonisht shumë mirë. I pyetur nga gazetarja për krijimtarinë e tij, këngëtari rrëfen se krijimet e tij i bën kur është shpirtërisht i trazuar.
Ato momente e frymëzojnë më shumë. Gjithashtu, ai tregon me sytë që i shkëlqejnë për të dashurën e tij. Edhe pse diskret për marrëdhënien me Silvian, gazetaren e njohur në Itali, ai i rrëfeu Jonës se Silvia është njeriu së cilës ai i tregon së pari krijimet e tij, madje ka raste që e zgjon edhe në 4 të mëngjesit për t’ia dëgjuar këngët.
I pyetur për Shqipërinë, Ermali rrëfen se ruan kujtimet më të bukura nga fëmijëria. Madje, ai suprizon kur tregon se ka kompozuar disa këngë të cilat kanë tekste në shqip dhe se ka dëshirë të vijë të japë koncert në Shqipëri.
Ermali të mahnit në intervistë me modestinë dhe njëkohësisht me madhështinë e dimensionit të një artisti gjeni, i cili nuk ka nxituar të jetë menjëherë pjesë e skenës dhe të kërkojë suksesin vetë ai si person.
“Hera e parë që jam ngjitur në skenë ka qenë si teknik skene për një koncert të një grupi të famshëm – rrëfen Ermali. Më pas kam bërë tekste dhe muzikë për shumë këngëtarë të famshëm. Pasi kam kënduar për shumë vite me një band, vendosa të kërkoj suksesin si solist”.
Një nga detajet më interesante të tij është edhe marrëdhënia që ka me instrumentet. “Unë kam luajtur gjithmonë në piano. Nuk mund të rri pa luajtur në piano, e ndjej të nevojshme. Një herë kur theva këmbën dhe nuk luaja dot, i kërkova një shokut tim të më mësonte kitarën. Dhe tani luaj në piano dhe në kitarë” – tregon ai.
Gjithçka në atë rrëfim të sinqertë, fliste për një sukses që do të njihte vetëm rritje siç edhe ndodhi në të vërtetë. Pak muaj më vonë, Ermal Meta fitoi çmimin më të rëndësishëm për muzikën italiane, atë të Sanremos. Tani në faqen e tij në “Facebook” dhe “Instgram”, ai tregon për turneun e tij ku po lançon edhe albumin e ri. Praktikisht, ai është çdo ditë në koncert në vende të ndryshme. Dhe ne i urojmë suksese këtij djali shqiptar të talentuar, që, më në fund, po korr frutet e një pune të gjatë dhe këmbëngulëse.
Shpërthimi ndaj zyrtarëve dhe qeveritarëve të korruptuar i aktorit Bujar Asqeriu bëri bujë në rrjetet sociale. Ndërkohë debati lidhur me teatrin duket se është ende i nxehtë.
Përmes deklaratës së tij, Asqeriu denoncoi kushtet e mjerueshme ku ndodhen artistët, tentativën për të zhvendosur teatrin dhe ndryshimet për ligjin e artit dhe kulturës.
Ai tha se qeveritarët vjedhin vendin, pasurohen vetë dhe kjo është arsyeja përse nuk ka më para për artin dhe kulturën.
Ndërkohë sot, i ftuar në emisionin “Zonë e Lirë”, Asqeriu tha se deklarata e tij erdhi pas akumulimeve për një kohë të gjatë.
“Unë nuk bëra kalkulime mendimesh dhe fjalish, nuk vajta në shtëpi mora lapsin të shkruaj këtë apo atë. Ato ishin fjalë që mua më ishin akumuluar sepse ne nuk jemi njerëz që hamë bukë dhe flemë gjumë. Bujar Aqeriu nuk u ngrit për teatrin e nënës dhe babait të tij, teatri është i të gjithëve. Unë kam folur me kohë nëpër gazeta. Nëse kryeministri mua më thotë do bashkëqeverisim, unë i falem atij dhe i them plaga ime është kjo…, do ta bësh apo jo? Ku ishte kjo ministre 5 vjet, flinte gjumë kjo?”, tha Asqeriu.
Aktori shtoi më tej se këtë nismë e mori pas deklaratës së aktorit Robert Ndrenika dhe shokëve të tij, të cilët kanë humbur jetën ende pa dalë në pension.
“Unë e mora nismën, sepse kur më tronditet Robert Ndrenika, unë nuk pyes për njeri. Unë kam parë shokët e mi të vdesin pa dalë në pension, unë nuk pyes për njeri, kjo është tragjedia dhe kësaj ata duhet t’i përgjigjen. Ne s’kemi kërkuar vilë, por të bëhet e jetueshme, ne s’mund të rrimë edhe në kasolle edhe me çadër. Miqtë e mi, teatri është juaji, i shqiptarëve”, shtoi aktori.
.jpg)
