Intervista

Arratisja e vëllait të tij, që edhe sot jeton në SHBA, u bë edhe “Shpata e Demokleut” mbi kryet e aktorit të madh, Ilia Shyti. Karriera e tij vazhdoi sepse ai, siç tregojnë vajzat e tij dhe kolegët, punoi me trefish devotshmëri, por me pasigurinë dhe panikun se një ditë çdo gjë do të shkatërrohej. Ja si na e rrëfen atë kohë Antoneta Shyti, vajza e madhe e aktorit të mirënjohur, Ilia Shyti, e cila në ato vite ishte adoleshente dhe i ka përjetuar ato ngjarje me shumë dhimbje:

Ju vjen në mendje ndonjë ngjarje lidhur me vështirësitë që haste babai?

Kujtoj p.sh një turne të Teatrit Kombëtar me dramën “Cuca e Maleve” në Kosovë. U bënë të gjitha përgatitjet për të shkuar dhe vetëm një ditë përpara lexuan emrat e atyre që do të shkonin dhe që nuk do të shkonin. Babai im ishte hequr nga lista. Besoj se e imagjinoni trishtimin dhe dhimbjen e tij që e ndau me nënën time, me lot në sytë e të dyve, në dhomën e tyre, me zë të ulët që ne fëmijët të mos shqetësoheshim. Unë e dëgjova të tërë bisedën dhe nuk fjeta tërë natën. Me atë guximin prej vajze të re vendosa të bëja diçka dhe vajta në ministri, kërkova tek porta ministrin ose zëvendësministrin. Ky i fundit, e kujtoj shumë mirë, ka qenë Mantho Bala. Më drejton roja nga porta e pasme ku kuadrot hynin. Më tregoi se do të vinte me një makinë “Volvo” ngjyrë veje. Kur erdhi makina, i kam dalë përpara dhe shoferi mezi frenoi. Kur ata dolën vërtik nga makina me frikën se më kishin shtypur, mua më vërshuan lotët dhe e pyesja se çfarë gabimi paskësh bërë babai im, një ish-partizan, që nuk do të lejohej në Kosovë. Më ngjiti lart në zyrë, më garantoi që babai im do të shkonte në Kosovë dhe më tha që babai të nisej me një makinë e të shkonte në kufi që të arrinte trupën aty. Kështu u bë, brenda ditës babait ju bë pasaporta dhe u nis. Nuk e harroj lumturinë që babai arriti të bashkohet me kolegët, sepse e vuajti shumë këtë ngjarje. Shpeshherë, mendoni, babai bisedonte me mamanë dhe i thoshte që të mos na ushqente dëshirën për t’u martuar me oficerë ose njerëz të partisë, sepse do të vuanim. Atëherë nuk e kuptoja por më pas e kuptova arsyen e tij në këtë pikë./Intervistoi për Albanian Free Press, Juela Meçani/

Gazetari Artan Hoxha ka qënë i ftuar në emisionin “45 minuta” ku edhe ka folur mbi intervistën ekskluzive të Zylfie Haklajt për Shqiptarja.com dhe Report Tv. Sipas tij, ngjarjet në Tropojë janë me të vërtetë të dhimbshme pasi janë vrarë djemtë më të mirë të Tropojës dhe Berisha ka patur mundësinë që t’i shuajë këto konflikt, por nuk e ka bërë. Më tej, Hoxha është shprehur se të gjitha këto ngjarje kanë pas një mendje djallëzore dhe se është i mendimit që ngjarjet e ndodhura në qytetin verior nuk do të zbardhen kurrë.

Cila ka qënë zanafilla e konfliktit?

Artan Hoxha: Unë e quaj sagë. I kam ndjekur për 10 vjet me radhë ngjarjet në Tropojë. Më vjen keq që them të njëjtën gjë që kam thënë para 15, 10 dhe 5 vitesh që kjo çështje nuk do të zgjidhet kurrë.

Seriali i ngjarjeve në Tropojë e ka zanafillën shumë të vjetër. Pas luftës së Kosovës Haklajt nuk iu duheshin më. Kur ndodhën ndryshimet politike, Haklajt ishin në mbështëtje të PD-së, pastaj ata ndërruan krah. Duhet të kemi parasysh që në Tropojë ishte vendlindja e Sali Berishës, kështu që dashur pa dashur u krijua një diferencim. E gjitha nisi me një konflikt të vëllezërve Hoxha me Haklajt, ngjarje banale për të cilën u përdorën armët.

Më pas ka patur një tentativë të Forcave Speciale që të arrestonin vëllezrit Haklaj. Por një polic i komisariatit që as që ishte në rreshtin e parë u plagos në shpatull. Konflikti me Sali Berishën nisi në fushatën elektorate të 1997, ku Berisha do të prezantonte dy kandidatët për deputet. Përballë Azem Hajdarit ka qënë një doktor koleg i Berishës, që nuk kishte lidhje me politikën. Por para së të vinte aty Azemit i ishte vënë pritë tek Ura e Milotit gjë që justifikoi mungesën e tij. Ndërkohë që në Tropojë ishte qëlluar impianti i zërit dhe për të folur Berisha përdori një megafon.

Gjatë gjithë mitingut Berisha përdori një gjuhë shumë të ashpër ndaj kolegut të vet ku thoshte se vota për të ishte votë për serbët, votë për bandat. Në një cep ka qënë Shkëlqim Haklhaj, i cili kthente përgjithe sa herë që Berisha shante.

Këtë e dua të gjallë a të vdekur me vete. Kështu shprehej Berisha sa herë që Shkëlqimi e kundërshtonte. Por Berisha e dinte që kjo nuk ishte e mundur. I gjithë debati në miting ishte regjistruar në një kasetë që ra në duart e Haklajve. Episodi tjetër është vrasja e 5 janarit të 98-tës ku vdiq Shkëlqimi dhe kunati i tij Artur Demiri. Makina kthehej nga Fushë-Kruja ku Shkëlqimi kishte shkuar të merrte detyrën. Prita ishte vendosur që një ditë para.

Gjatë përleshjeve njëri nga personat në makinë ka shpëtuar. Ai ka patur kohë që të zbresë në fshatin Vlad. Lajmi për atë pritë është dhënë në Tiranë shpejt, gjë që ka shtuar dyshimet që urdhri ishte nga kryeqyteti. Viktimat i ka gjetur autobusi i linjës.

Pasi u morr vesh lajmi, Fatmiri ka shkuar në spital, nuk i ka folur askujt, vetëm kur ka parë trupin e të vëllait me predha ka thënë: “Bukur të paskan qëndis vlla” dhe nuk është parë më deri të nesërmen pasdite në varrim. Paradite janë vrarë tre persona. Mendohet që ishin persona që Fatmiri dyshonte se kishin lidhje me vrasjen e të vëllait. Dyshonte se Azemi kishte lidhje.

 Sot Zylfia flet për vrasjen e Azemit. Ju si mendoni Fatmir Haklaj erdhi për të vrarë Azemin apo dikë tjetër?

Ajo nuk është një pritë e mirëfilltë. E kam sqaruar që ishte një ngjarje e pazakontë. Fatmiri nuk organizonte prita të tilla, nuk kishte nevojë për 80 veta. Ismeti është dënuar kot pasi është e vërtetë që ka zbritur nga Tropoja me Fatmirin, por nuk ka gisht në vrasjen e Azemit.

Unë mendoj që në këtë sagë janë vrarë më të mirët e Tropojës, të futur në sherr nga një mendje djallëzore. Ka nevojë për një hetim serioz. Berisha ka pasur mundësi që t’i ulë gjakrat por nuk e ka bërë./korrieri

Flet “Shota e Haklajva”. Motra e Shkëlqim, Halil, Ylli dhe Fatmir Haklajt të vrarë në Tropojë thyen heshtjen pas 16 vitesh në një rrëfim si dëshmitare e rëndësishme e ngjarjeve të viteve 90 në Tropojë, ku mpleksja e politikës dhe interesave për pushtet shënoi 200 viktima.

Pas 16 vitesh heshtje, Zylfije Haklaj në një rrëfim për Shqiptarja.com me gazetarët Muhamed Veliu dhe Elton Qyno, bën fajtor për vrasjen e vëllezërve të saj dhe për gjakun e derdhur në Tropojë, vetëm një person.

Ish-presidentin dhe kryeministrin Sali Berisha, për të cilin thotë se të gjitha vrasjet kishin vetëm një motiv, marrjen dhe mbajtjen e pushtetit me çdo kusht.

E sipas saj veprimet e Berishës jaanë mesjetare të ndodhura në kohë moderne.

Ish-mësuesja e fizikës të vitit 2002 mori pseudonimin “Shota e Haklajve” pasi ajo akuzohet se kreu një vrasje në mes te Bajram Currit për tu hakmarrë për vrasjen e vëllezërve të saj.

E për këtë krim ajo vazhdon të jetë në listën e 10 personave më të kërkuar nga Interpoli, por shteti suedez asnjëherë nuk miratoi kërkesën e Shqipërisë për ta ekstraduar madje i garantoi mbrojtje duke i dhënë azil.

Zylfije Haklaj është shprehur se arsyeja që e ka bërë të flasë pas 16 vitesh ka qenë debati i Sali Berishës me gazetarin Artan Hoxha ku Berisha akuzon familjen e saj se e kanë shpërblyer gazetarin në Fjalë.

“Ne nuk kemi nevojë të paguajmë gazetarë të flasin për ne sepse ne mund të flasim vetë pa qenë nevoja të paguajmë njeri. Saliu është larguar herët nga Tropoja sepse ai ka qenë i favorizuari i Enver Hoxhës” shprehet ajo.

Zylfije Haklaj rikujton si filloi konflikti mes dy familjeve Haklaj dhe Berisha.

“Saliu është njeriu që na shau na vrau dhe na nxori edhe nga varret. Ai njeri na përzuri nga trojet tona shekullore dhe vazhdon të lakojë emrin e familjes tonë, në një kohë që pas vrasjes së Azemit ai nuk na lakonte emrin, pavarësisht se dihej që Fatmiri e kishte kryer aktin, kurse tani ai na akuzon publikisht pa patur asnjë bazë apo dëshmi për një gjë të tillë, se shpërblejmë njerëz për t’ju kundërvënë Saliut.

Në vitin 1997 kur Kosova martire po përgatitej për t’ju kundërvënë makinerisë serbe, në tokën mëmë organizohen firmat piramidale dhe hapen depot e armatimit. Në këto rrethana Saliu duke parë se pushteti po i rrezikohej kërkon mbështetjen njerëzore nga veriu i Shqipërisë dhe pikërisht nga Tropoja.

Në këtë kohë kryetari i Komitetit të Shpëtimit në Tropojë ishte vëllai ynë Fatmir Haklaj i cili nuk iu përgjigj thirrjes së Saliut që në atë periudhë ishte edhe president.

Fatmiri shprehej se: ‘Në qoftë se kanoset siguria kombëtare nga pushtuesit e huaj ne do të jemi të gatshëm në çdo kohë”. Dhe këtu mendojmë ne është momenti ku Saliu ka arritur në përfundimin se ne duhet të zhdukemi nga faqja e dheut, ku lufta e tij vazhdon ndaj familjevve tona edhe sot”, thotë Zylfije Haklaj.

Më tej ajo tregon se pas kësaj më datën 22 qershor 1997 pas mesit të natës në dalje të Milotrit është vrarë nga banda e Saliut, Sokol Haklaj jurist i cili punonte ne Skrapar dhe Ibrahim Rustemaj i cili udhëtonte bashkë me Fatmirin në drejtim të Tropojë.

“Fatmiri merr dy djemtë e vdekur dhe niset në drejtim të Tropojës për tek trageti ku udhëtonte edhe Sali Berisha, fatmiri së bashku me të vdekurit në makinë nuk lejohen të udhetojnë me target”, vazhdon rrëfimin e saj Zylfije Haklaj.

Ajo tregon më tej se vrasja Sokol Haklaj dhe Ibrahim Rustemit i revoltoi shumë, prandaj familjarët e irrituar për vrasjet udhëtojnë për tek mitingu që zhvillohej nga Berisha në Tropojë.

“Kur Saliu i quan horra dhe të lidhur me serbin ata që përkrahin kandidatin socialist ka reaguar vëllai jonë Shkëlqimi. Në këto momente Saliu urdhëron uniformat e tij që ta marrin me vete Shkëlqimin.

Në shtator të 1997 plagoset Azem Hajdari në Pralament ku Sali Berisha organizon protesta ne Tropojë dhe pastaj do të pasoheshin në të gjithë Shqipërinë.

Fatmir Haklaj nuk lejon që protestuesit të thyejnë dhe shkatërrojnë në qytet, iu kërkon caktimin e një sheshi për organizimin e protestës.

Drejtuesit e protestës nuk ju bindën kërkesës së Fatmirit, ndër ta ishte edhe Haki Hoxha.

Fatmiri i del turmës përpara dhe i kërkon që të ndalin protestën dhe i kërkon zbatimin e ligjit, por ata përsëri refuzojnë. Këtu Fatmiri humbet kontrrollin dhe qëllon Haki Hoxhën.

Këtu shpërndahet protesta dhe fillon hakmarrja ndaj nesh.

Saliu duke u bindur që Tropoja po dilte jashtë komandës së tij dhe pengëesa kryesore ishin Haklajt planifikon vrasjen e Shkëlqimit për të goditur edhe Fatmirin.

Saliu vazhdoi vrasjet seri duke vrarë Shkëlqimin, sikur të ishte hakmarrje private duhej të vritej edhe Fatmiri por duke e pranuar krimin dhe arsyen e krimit.

Më datë 5 janar vriten në qafën e Luzhës, Artur Demiri dhe Shkëlqim Haklaj të cilët po ktheheshin nga dogana e Qafë-Prushit”, përfundon rrëfimin e saj Shota e Haklajve.

Intervista e plotë në gazetën Shqiptarja.com

Kryeministri Edi Rama, i cili ndodhet në Bruksel për samitin e NATO-s dha një intervistë për agjencinë serbe të lajmeve “Tanjug” ku ka shprehur pikëpamjet e tij në lidhje me ecurinë e negociatave mes Serbisë dhe Kosovës.

“Unë mendoj se çdo gjë është në dorë të dy presidentëve dhe të dy palëve, sigurisht që Shqipëria është shumë e interesuar për të gjetur një zgjidhje dhe natyrisht që Shqipëria nuk flet kurrë në emër të Kosovës, por për Kosovën dhe sërish unë e di që këndvështrimi ynë nuk është se është i kënaqshëm, kur dëgjohet nga Beogradi, por opinioni ynë mbetet opinioni ynë me njohje të plotë dhe një zgjidhje përfundimtare do të ishte më e mira për fëmijët në Serbi, në Kosovë dhe në Ballkan”, thotë Rama.

“Unë shpresoj shumë se do të përfundojë së shpejti, unë i vlerësoj shumë përpjekjet e presidentit serb, Vuçiç, përpjekjet e vështira për të vazhduar në këtë proces dhe për të arritur një zgjidhje dhe ndërkohë që të gjithë janë në dijeni se ne kemi pranuar për mos të rënë dakord për të, sepse sipas këndvështrimit tim njohja e plotë mbetet e vetmja alternativë për të zgjidhur këtë çështje që ka zgjatur për një kohë të gjatë dhe e vetmja mënyrë për të lënë pas vështirësitë e të kaluarës së përgjakshme dhe konfliktuale”, deklaroi kryeministri në këtë intervistë.

“Nga këndvështrimi juaj në Beograd, Prishtina bën një hap para dhe dy hapa mbrapa. Edhe nga këndvështrimi i njerëzve në Prishtinë, Serbia bën një hap para dhe dy hapa mbrapa, gjë që tregon se dialogu nuk është i lehtë sepse është një dialog i vërtetë dhe shumë i vështirë”, theksoi ai.

“Kështu që, unë mendoj se të gjitha këto që po ndodhin janë pjesë e rrugës ku asgjë nuk do të jetë e lehtë, por sërish shpreh besimin se atje ku ka vullnet do të ketë një zgjidhje dhe në të njëjtën kohë përsëris se, unë e di që nuk është e lehtë për mikun tim, presidentin e Serbisë por njëkohësisht unë e respektoj për përpjekjet e tij dhe gjithashtu e respektoj për faktin që ai e ka njohur atë përfundimisht, duke qenë se kjo është një çështje që nuk mund të qëndronte në këto kushte dhe se të vazhdohet në mënyrën e vjetër nuk do të çonte askënd në një horizont të ri”, vazhdoi kryeministri.

“Sërish, unë do të doja të inkurajoja të dyja palët, për të vazhduar më tej dhe se ne e mbështesim dialogun dhe jemi në dijeni që nuk është i lehtë dhe shpresoj shumë që serbët në Kosovë dhe shqiptarët në Kosovë do të kenë një jetë më të mirë më vonë. Si dhe shpresoj shumë të shoh Shqipërinë të respektohet në Serbi ashtu siç serbët respektohen në Kosovë, që nuk është rasti, meqë ra fjala”, përfundoi kryeministri Rama. /atsh

E mbani mend historine e Renit te Elbasanit? Kengetari i muzikes tallava qe u zhduk 4 vite me pare pa asnje gjurme. Sot, nëna e tij Silvana nuk ka më asnjë shpresë se i biri është gjallë. E vetmja shpresë dhe dëshirë që e mban gjallë është vajza e Renit, e cila tashmë është thuajse 4 vjeç. Ajo lindi një muaj pas zhdukjes së të atit. Silvana shprehet e bindur se djalin e saj e ka rrëmbyer dhe ndoshta e ka vrarë ish-e dashura Redona D.

Renato këndonte në lokale nate për të siguruar mbijetesën e familjes dhe dukej sikur gjërat po shkonin mirë për 21- vjeçarin, i cili sapo kishte regjistruar edhe videoklipin e tij të parë. Por, më 29 qershor të vitit 2014, pas një telefonate të bërë nga dikush, ai doli nga shtëpia dhe që atë ditë nuk u kthye më.

Znj. Silvana, kanë kaluar 4 vjet nga zhdukja e Renit. A keni mësuar diçka për fatin e tij gjatë kësaj kohe?

Asgjë, vetëm një telefonatë në muajin prill, ku një djalë i vogël më thoshte se ishte djali i Renit dhe se quhej Renaldo. Ajo telefonatë sërish më turbulloi që të shpresoj se Reni është gjallë, pasi nuk besoj se ka njerëz kaq të këqij që të tallen me fatkeqësinë e një nëne.

A keni vazhduar ta kërkoni nëpërmjet shtetit?

Po, vazhdoj të shkoj thuajse çdo javë në dyert e Policisë. Dikur shkoja çdo ditë, por tashmë shpresat i kam të pakta. Sa herë që shkoja, më përcillnin me fjalët mos u mërzit se ne po punojmë për gjetjen e tij. Rreth tre vjet më parë, pas gjetjes së trupit të një të riu të dekompozuar në Babje të Librazhdit, u drejtova menjëherë në Polici, pasi dyshoja se ai mund të ishte trupi i Renit. Por Policia më tha që nuk është trupi i tij, pasi Reni kishte një dhëmballë të hequr, ndërsa trupi i dekompozuar kishte një dhëmb të vënë porcelan. Dyshoj se diçka po më fshihet.

Përse e keni këtë dyshim?

Dyshoj, se pasi u gjet ky trup i pajetë, mua më erdhi një efektiv i Policisë në shtëpi dhe më bëri analizën e ADN-së, por që përgjigje për këtë analizë asnjëherë nuk mora. Edhe një vit më parë më erdhën nga Tirana me kërkesën që kisha bërë te Krimet e Rënda. Më bënë sërish analizën, por asnjëherë në të dyja rastet nuk kam marrë përgjigje. Dyshoj se mund të jetë ajo kufoma që u gjet në Babje, por kur nuk marr një përgjigje, mendoj se diçka po më fshihet.

Po drejtuesit e Policisë lokale i ke takuar, u ke kërkuar ndihmë?

Po, një vit më parë shkova në një takim me zyrtarë të Policisë asokohe dhe më thanë dyshimin se Renin e ka vrarë Indrit Shaqja (i cili akuzohet për vrasjen e dy kunatave të moshuara në Durrës). Djali e ka njohur Indritin, kur këndonte në një lokal nate në Durrës.

Adnan Januzaj, futbollisti me origjinë shqiptare, i cili është luan për kombëtaren e Belgjikës, para pak kohësh, kishte thënë se ka lindur në Belgjikë dhe ndihet belg.

Deklarata e tij ka bërë një bujë të madhe tek tifozët shqiptarë. Ndërkohë, është babai i tij Abedin Januzaj, ka dhënë një intervistë për Lajm TV dhe ka sqaruar se çfarë ka dashur të thotë Adnani dhe se cili ka qenë qëllimi i tij.

Ai zbulon se djali i tij nuk kishte marrë asnjëherë ftesë nga Shqipëria, dhe se nuk ndihet tradhtar, por krenarë me sukseset e djalit të tij.

Abedin Januzaj, tregon edhe për golin spektakolar të Januzajt kundër Anglisë, për shanset e Belgjikës kundër Brazilit dhe rikthimin e mundshëm të Adnan Januzajt tek Manchester Unitedi.

https://www.facebook.com/lajmtvonline/videos/2013983588646498/?t=0